حبال من حرير

الحلقة الثالثة والعشرين

صلوا على خير البشر
اللهم صل على محمد وآل محمد

#نسرين_الأسدي
#حبال_من_حرير

____________

مهره:- سبب ألم روان هو العريس هذا لفرحان، لهذا كل انثى تتأذا فهو السبب الذكر، ان كان حبيب او زوج او اب او اخ.

تنهدت:-لهلدرجه مبين عليها؟

مهره:- جؤ بس الشخص لمثلي ليلاحظ اصغر التفاصيل ينتبه، خل تدير بالها على نفسها محد يفيدها اذا راحت صحتها بسبب ذكر عديم المشاعر.

ريحانه:- اي ان شاء الله.

كامت وشدت لحزام مالت البشت:- وانتِ شوكت زواجج من ذاك لصعلوك

عكدت حواجبي:- صعلوك شنو؟

مهره:- خطيبج العود حسن

ريحانه:- مو هسه بس ليش تكليله صعلوك؟

مهره:- لقب لايق عليه لو بارق مختارله هل أسم بدال حسن هواي احسن.

عافتني وطلعت ضليت صافنه ماعرفت افسر كلامها.. وللآن انا ماعرف شنو سبب عداوة مهره وحسن.

___________

نور:-

بعد ما طلعت عمه بالسلامة وجابوها للبيت صح جانت بعدها تعبانه وصاير عدها شلل نصفي
بس جانت فرحتنه كلش جبيرة هي رجعت وماراح يخلى البيت منها بالنهاية هي الخير والبركة

ضلوا يجونه بيت الحجي ويتحمدون لعمتي ع السلامة وجايبين هدايه حته آدم جاب زوجته واجه.. كلش حبابه لبنيه بس وجها اصفر ومالها خلك ممبينه عبالك عروس!!

وبالصدفة جان جاي صفوان بالباب لاگه ادم وصدمنه ادم من تجاهله وكأنه مايعرفه اخذ زوجته وراحو.. وقتها صفوان حجالي وكلي ادم مايحبه والسبب ومن صدك اول مره اشوفه ضايج ومختنك هيج..

وراها بسبوع رجعنه طبيعي وقطوف رجعت لشغلها وأمير سكت عن موضوع قرايبنه بس بالنهار ما يضل بالبيت يطلع يدور شغل
ومره
اجانه الحجي بس الصدمة ماجان وحده
جان وياه صفوان.. اول مره يجون سوه.. معقولة جاي يخطبني؟!

كعدوا وبعد السلام والضيافة
وكفنه احنه ورا الباب وهمه ضلوا ويه عمتي

بدا الحجي يحجي عن صفوان:-
قبل كم شهر كتلكم احنه مانعرف هذا الرجال وهو مو من قرايبنه
بس جنت غلطان احنه قرايب و جان اكو سوء تفاهم والحمدلله حليناه واليوم اجينه نطلب منكم طلب

الحجيه:- آمروا حجي

:- ما يآمر عليكم عدو حجيه ام راكان اني جاي اخطب بنيتج نور.. لصديقي صفوان

وضل الحجي يسولف لعمتي عن صفوان وشنو القرابة الي بيناتهم
وشعنده وشوراه وعن شغله وبيته وعمره

خليت ايدي على خدي خجلانه وحسيت گلبي نبض بسرعة
خلت مهره ايدها على كتفي وردفت مبتسمة:-
مبروك نويره