فصليه-لأُناس لا يرحمون
للكاتبه #لبنى-الموسوي
............... بغداد الحبيبه .............
سما سما ماما گومي للمدرسه يلا راح يجيج للخط
ماما فد شويه بعد خليني انام مشبعانه نوم
ماما گومي عفيه ورايه اروح اگعد اختج تعبتوني
يلا ماما گمت گمت كلشي ولا تعبچ
گمت غسلت وبدلت ونزلت من الدرج اتمصر هاي بلهجتنه هههه قسم يگولون اتمطه
صباح الخير بابا حبيبي امووواه
صباح النور اميرتي يسعدلي صباحج الحلو
كعدت اكل نزلت اختي ازل صباحو حبايب
بنيتي كولي صباح الخير شنو صباحو
يووو بابا شتفرق لتصير معقد
ولج هاي عليمن معقد والله جيل اخر وقت
اسفه بابا مو قصدي... وبست خده
ضحكنه كلنه وبهاي الاثناء دك الهورن ابو الخط
كمزت يلا رايحه اجو عليه
تعالي كملي ريوگج يا ماما مو زين هيچ
ماما ما اگدر اتأخر وهذا يگوم يدردم باي
الله وياج
صعدت بالخط سلمت وبوست صديقتي
اعرفكم على صديقتي رفل اكثر من اخت بالنسبه الي صديقتي من الاول ابتدائيه ويايه بنفس الرحله وهسه احنه بالخامس علمي وهم ويايه بنفس الرحله وجيراني بنفس الوقت لزگه مو شلون مجان ههههه
ها ولچ سماوي شو وجهج مورم
اسكتي البارحه سهرت على الامتحان وما شفت إلا الساعه بلاربعه الفجر گوه شلعتني ماما من الفراش
يمعوده خفي على نفسچ محد مات واخذ شهادته ويا
دسكتي انتي هو هذا الفالحه بي
وصلنه للمدرسه ومشه يومنه طبيعي ورجعنه
وصلت لفرعنه واشوف بابنه مفتوح وناس ملتمه
ولج سما شنو هذا شصاير
شمدريني رفل سترك ربي
نزلت اركض وقبل لا اطب للبيت سمعت عياط قوي
وكفت ورجلي بعد متشيلني اخاف ادخل من الباب لزمتني رفل لان ردت اوگع
حبي شبيج خلي نطب نشوف شصاير جوه
لا رفل اخاف والله دسمعي العياط ولج امي لالا مستحيل امي مابيها شي
ابويه هم لا بيه ولا بي قابل شيصيرله الصبح جان مثل الورد
محمد لا اوووووي هاي شبيه هذا عار كلشي ميصيرله اسم الله علي
سما كافي شخطتي تعالي نطب ونشوف شنو السالفه راح نظل ب الباب
