فصليه_لأُناس_لايرحمون
للكاتبه # نور الدليمي
3
گعدت الصبح وكالعاده امير طالع من الفجر
ظليت بفراشي واني افكر بالبارحه
تذكرت شلون چان يشرحلي مشاعره ... وتذكرت شصار بيه من حسيت بأنفاسه قريبه مني وباسني بخدي
صفنت وحچيت ويا روحي ... ها سما شبيچ .. قررتي شتسوين ..
حايره واسأل روحي شسوي .. زين ليش ما اعترفلي معقول يحبني بس ميگدر يحچي لان يخاف من اهله والعشيره والناس التاكل وجهه لو عرفت .. صح يمكن يخاف لان اني فصليه ما المفروض تتحرك مشاعره اتجاهي اكبر غلط عدهم هالشي
18
گمت من الفراش ورحت نزلت جوه شفت الكل چانو گاعدين وبس اني متأخره لان البارحه ماگدرت انام بسرعه بسبب الصار لذالك تأخرت بالگعده اليوم
كالعاده تريگنه وراها بده الشغل .. عاينت الغدير شفتها ضايجه ومو عوايدها ساكته ما تحچي شي
شبيچ غدير صاير شي
لا خيه مصاير
ليش ضايجه
سكتت ما جاوبت ..
تعالي نصعد فوگ نسولف شويه ونرجع للشغل شنو رأيچ
اي والله خيه محتاجه اسولف
اخذتهه ورحت صعدت فوگ .. طبينه بالغرفه وسدينه الباب
احچيلي غدير شبيچ
خيه تعبانه كلش
ليش حبي شنو المتعبچ
حب ضرغام متعبني ..
6
طبعا بهاي الفتره يوميه من نصعد للغرفه اني وياها تسولف على ضرغام واسمه ميوگع من لسانها كلمة حب قليله على المشاعر التحملها اله .. ممكن نگول عشق هيام بس مو حب
1
حبيبتي شبيدي عليچ والله حاسه بيچ بس انتي تعرفين بضرغام مستحيل يصير بيوم الچ وگلبه معلگ بغيرچ
ادري خيه ادري بس شسوي مو بيدي احبه ومگاعد اگدر اتحمل اضم هالحب بگلبي
دنحچي وطبت سجى ... هابنات وينكم ادور عليكم
27
هلا حبي سجى شوكت اجيتي
هله بيچ سماوي هستوني اجيت انه وامي ومرت خالي
15
يلا لعد فشله خل ننزل للخطار عيب منهم
دننزل جوه جرت ايدي سجى
سما تعالي اريد احاچيچ بسالفه
ضروري سجى لان عندي شغل
اي ضروري لتخافين ما اعطلچ بس خمس دقايق
يلا احچي اسمعچ
تعالي بغرفتچ مو گدام غدير
9
شفت غدير نزلت ما انتبهت علينه من وگفنه نحچي
اوك حبي تعالي للغرفه
+
طبينه للغرفه وسديت الباب
شنو الموضوع احچي خوفتيني
انه اعرف بغدير تحب ضرغام
21
تفاجأت من گالت هيچ وخفت بس لا تحچي لحد .. حچيت باستغراب
من شوكت تعرفين
من زمان حبيبه من چانت تبچي مره وطبيت للغرفه
تذكرت صح مره من چانت غدير تبچي على ضرغام لان عرفت حيخطب ونهارت وگعدت اواسيهه طبت علينه سجى
اسمعي سجى هذا الموضوع حساس مينحچي بي ديري بالچ ... دا احچي قاطعتني
وسفه عليچ خيه اني من شوكت اعرف السالفه لو اريد احچي چان حچيت من زمان ما انتظر لهليوم ... بعدچ تشكين بيه وبحبي الچ ولغدير
61
لا حبي مو هذا قصدي والله .. هسه عموما شردتي تحچين
اگلچ سما هو اكو احد هنا يعرف بالموضوع
اي بس امير يعرف
6
وشگال
گال الولد ميحبها ومرايدها شسوي اجبره لو اشمر اختي علي عيب بحقي وبحق اختي متصير عدنه هالسالفه
ليش هو ضرغام يدري بغدير تحبه حتى ميريدهه
2
لا ميدري
چا شعرفه ميريدهه
يحب غيرها
مني هاي البت
وحده ويا بالكليه منعرفها
5
لعد ليش ما تزوجهه
ما رايدته البنيه
42
هاي غير سالفه تضحك .. اسمعيني سما لازم نساعد غدير خطيه والله
شلون نساعدها يعني
لازم نخلي ضرغام يعرف غدير تحبه
17
وشلون يصير هالشي
سهله خيه باچر عمي سعد ذابح ذبيحه بمناسبة رجوعه من الحج وعازم كل الاقارب واكيد الولد يودوكم لهناك .. حاولي تنفردين بضرغام واحچيله كل السالفه
82
لا عيني لا اكيد امير ميقبل وشيخصلني منه
هاي شبيچ يمعوده ميگول شي امير ... بالنسبه اله صعبه يروح يگول لضرغام اختي تحبك لو رايدتك لان رجال وعيب بحقه بس انتي مره ومراح يكون عليچ عيبه اذا حچيتيله
38
صفنت وفكرت وبمجرد التفكير خفت
لا سجى لا .. اخاف من امير اذا عرف ميرحمني
وچ والله ميسويلچ شي شبيچ داداه ... وخوبا اذا ضرغام خطب غدير .. امير يشكرچ الف مره لان فرحتي اخته وبنفس الوقت ما حرجتي هاي عوداً اذا عرف
2
لا عيني سجى عوفي هالسالفه .. صدگ ليش ما انتي تحچين
هاي شبيچ اني بت عمته لضرغام وما يستحي مني ويردني لو حاجيته .. بس انتي مرت امير يستحي يردچ لان غريبه
11
ظليت صافنه وما اعرف شحچي ساعه اگول اي وساعه اگول لا .. قاطعتني سجى
2
شبيچ سما بيدچ تساعدين غدير وممكن تسعديهه مو بس تساعديهه .. تستاهل غدير منچ هالشي لان من اجيتي لهنا ولحد هالساعه هي واگفه وياچ .. ولتخافين اني الهي امير عنچ من تحچين ويا ضرغام اذا سأل عنچ اگله تشتغل
21
اي صح .. يلا ماشي يصير خير لباچر
19
نزلنه اني وسجى نشتغل وصار وقت الغده .. صبينه وحچه ابو امير
باچر اخوي سعد ذابح ذبيحة سلامته تحضرو من الصبح ناخذكم
خليت ايدي على گلبي وخفت .. بس اني حتلو حچيت ويا ضرغام ورفض وتحجج بالبنيه اليحبها .. امير مستحيل يعرف قابل ضرغام يروح يگوله عرفت من مرتك اختك تحبني
7
خلصنه الغده وراحوا الخطار ورجعنه للمطبخ وهوسته
وهيچ خلص اليوم بين الشغل والتفكر ... صار الليل واني نسيت حتى سالفة امير وكل فكري بباچر شلون ابدي احچي ويا ضرغام وشوكت
3
صعدت الغرفتي وتمددت وگمت اتدرب ويا روحي حتى اتشجع من احچي ويا ضرغام
20
فجأه واني صافنه طب امير
......
گعدت الفجر عاينتلهه نايمه .. توضيت وصليت ... بعدين بدلت وطلعت قبل لا تحس عليه
خلص يومي بين طلايب الديوان والشغل ويا العمال .. رجعت بلليل واني ميت تعب
طبيت البيت هدوء والكل نايمين صعدت فوگ شفت سما متمدده وصافنه
استغليت الفرصه حتى احچي وياهه
السلام عليكم
وعليكم السلام
شلونچ
زينه
ابوي گاللكم باچر بيت عمي مسوين ذبيحه ولازم ترحون تساعدوهم من الفجر
اي گال ..
حچت هيچ ولفت راسهه ونامت عرفت بيهه متريد تحچي ويايه شسويلهه بعد خليهه براحتهه
10
...
+
عفت امير ولفيت راسي ونمت لان تعبت من التفكير خلي يجي باچر وتخلص هاي السالفه وارتاح واخلص
9
صار الصبح وحسيت على امير بالحمام يغسل
گمت والضوه چان طالع ... نزلت جوه شفت الكل كاعدين من وقت وديتحضرون حتى يرحون لبيت عمهم غسلت وتوضيت وصعدت صليت قضه
طلع امير من الحمام شافني اصلي وگف ينشف شعره
ها سما خلصتي
اي خلصت
يله بدلي حتى اوديكم لبيت عمي
طلعت من الغرفه بلا ما اجاوبه ... رحت الغدير اخذت جبه منهه لان جبتي تعبانه وصارلي هواي ممشتريه غيرهه واخذت عبايه منها اعرفه ميقبل اطلع بالجبه ... اثناء هاي ال ٦ اشهر المرت صارت مناسبات هوايه عند اقاربهم ورحنه الهم وكلما نطلع يصيح الجبه العبايه شعرچ صدرچ ومن هالسوالف .. گلت خليني البس هالمره مثل ميريد وبدون ميحچي ... بدلت يمها ونزلت وياها جوه
4
.....
گعدت الصبح صليت وغسلت وطلعت شفت سما گاعده تصلي .. گلتلهه حتى تحضر روحهه اوديهه لبيت عمي ويا اهلي
راحت لغرفة غدير تبدل واني نزلت قبلهه
شويه ونزلت لابسه عبايه وجبه جوه العبايه .. ابتسمت داخلي لان گامت تعرف المطلوب منهه بلايه ما اتعب لساني وياهه
21
اخذتهم وذبيتهم بيت عمي يم النسوان وطلعنه بالبستان نشتغل ونطبخ الذبيحه والبيت شويه وبده يعج بالناس ما شفنه دربنه بعد
.....
وصلنه لبيت عمهم وسجى چانت جايه قبلنه تلگتني وبوستني وبوست البنات
13
نزعنه العبي ورحنه للمطبخ نشتغل والبيت متروس نسوان وجهال وصايره هوسه .. وكل شويه جاي ضرغام لو اخو ويصيحون چاي چاي للعالم ونسوي چاي ونرجع ليوره
ظلينه نشتغل وما نلحگ .. شويه واجتني سجى
ها سما اليوم تسوين الگتلچ علي
صفنت واني خايفه .. بعدين عاينت الغدير تشتغل ومبينه عليها ملامح الحزن لان ضرغام ساكن المطبخ باعتبار هو واخو شايلين هذا اليوم وكل شويه يجي يريد شي وهي من تشوفه تتأذه
11
درت وجهي على سجى .. اي ان شاء الله
7
عفيه بالسباعيه الله يفرح گلبچ مثل ما راح تفرحين گلب هالمسيچينه
107
مر الوقت والمطبخ صار عباره عن نسوان كل البنات متحزمات ويشتغلن ونعاين على الولد من الشباك مخبوصين وواحد يصيح على الثاني ... طبعا ماكو غريب كلهم اقارب .. والغربه بره بالبستان گعدتهم بالچوادر
صار الغده وتغدو الزلم ... وراها اجه امير وضرغام ووسام ومثنى بيدهم گدوره جايبن غده النسوان
صبينه الغده للنسوان واكلو وبلشنه بهوسة المواعين .. واني اشتغل ومن التعب ما احس بظهري بعد مناسبات العرب تكسر الظهر
8
طب ضرغام وحاچته سجى
ضرغام التانكيات فرغن اصعد ترسهن عفيه الماعين للضالين
17
صار هسه اصعدلهن
شفت سجى اجت يمي
2
سما سما
ها حبي احچي
2
ضرغام صعد فوگ السطح يترس التانكيات ماي لان خلص من كثر الماعين ... واني گتله اله بالتحديد يترسهن حتى تصيرلچ فرصه تحچين ويا ... صعدي ورى بسرعه گبل لا ينزل تراچ متحصلين هيچ فرصه بعد وبنفس الوكت فوگ محد يشوفكم ولا يسمعكم واذا طب امير وفگدچ اگله تشتغل يم النسوان
47
سمعت كلامها وصعدت ورى واني گلبي يصعد وينزل ويا كل خطوه اخطيها
16
وصلت فوگ شفته داير ضهره على التانكيات ويترس بيهن
حچيت بتردد :
ضرغام ...
7
دار وجه وهو متفاجأ وبعدين حچه بتعجب
1
ها سما خيرچ شعندچ هنا صار شي جوه !!!
13
لا بس اريد احچي وياك بموضوع ضروري .....
يتبع💗 نزلت بعد ثلاث بارتات
