فصليه_لأُناس_لايرحمون
+
للكاتبه # نور الدليمي
2
وصلنه للبيت وانه النار شابه بي وراسي خدران من الألم .. تحلفت لسما بس نوصل وفعلا اول ما وصلنه ردت اتولاهه كتل بس كالعاده ضرغام چتفني وشل حركتي
24
گمت اصيح اريده بس يهدني ماكو ... فجأه حسيت روحي نتهيت من الالم كعدت على الكرسي وگمت اصيح ... ااااخ راسي
2
سمعتهم يحچون ونخبصو وانه من الألم مو يمهم ولا حتى اعرف شگاعد يصير
نطاني ضرغام حبايه اخذتهه وظليت گاعد بمكاني .. شويه وگال ضرغام اريد احاچيك بلاستقبال ضروري
گمت گوه حتى حيل ما ظل بيه وفتت من يم سما ورفعت راسي وعيوني تجدح نار عليهه
طبيت للاستقبال وتمددت بالگاع وگعد ضرغام يم راسي وگام يفركلي بي
عدت نص ساعه .. حسيت الألم بده يخف
شلون صرت امير
احسن
لعد صار الوكت لازم تسمعني
شسمع يخوي لتسولف تراه الموضوع چبير وفشله يتسولف بي
لا امير لازم تسمعني انه گلبي مثل النار وصار الوكت الي لازم تسمعني بي مچنت اگدر احچيلك لان ماعندي جرأه لكن هسه اختلف الوضع ...
4
امير اسمعني وانت صاحبي واخوي وعشرة عمري موش تسمعني وانت اخو غدير
صفنت وهو يحچي وياي .. شسمع وشأحچي والله الصار فشله بحقي وحق اختي .. اخ يسما شگولن عليچ على هاي سوايتچ الي لا تنحچه ولا تنگال
6
امير وياي انت
وياك ضرغام وياك
يخوي انه احبن غدير من زمان
من گال احبن غدير .. شلت راسي وخزرته
55
اهووو امير لتقيدني يخوي خليني احچي براحتي كافي كل هالسنين وانه كابت بداخلي گتلك انسى انت اخوهه .. گاعد احچي الصاحبي وابن عمي وبس
دنگت وحچيت
كمل اسمعك
امير من الطفوله وانه احبنهه كبرت گدامي وكبر حبهه بداخلي .. بس يشهد الله علي عمري ماتخطيت حدودي لو خنت الزاد والملح البيناتنه وعاينتلهه بنظرة حرام لو تنفست بحرف وياهه بدون علمك
لا يخوي اعرف ما حاجه تحلفلي .. اذا هيچ تحبهه ليش ما خطبتهه ومو گلت احبن وحده بالجامعه وهي ما تهواني
4
قصدت عليهه يبن عمي بس ما گدرت اگلك اختك فگلت بت من الجامعه .. وخطبتهه يخوي خطبتهه .. بس چانت الطريقه غير مباشره دزيتلهه سجى تجس نبضهه گلت هيچ احسن حتى لا اتخله بموقف بمحرج وياك اذا البت ما رايدتني
اسمعله ومتفاجأ ... اي وشصار
گعد ضرغام يحچيلي .. وانه تسودنت .. شنو هذا الحچي وشگاعد يصير .. شوكت .. شلون
ضرغام متأكد من الصار
متأكد يخوي لعد اتقشمر وياك .. يمكن غدير غيرت رأيهه هسه وشافتني الشخص المناسب الهه بعد ماكبرت ووعت
ضرغام راح احچي وياك صاحب لصاحبه وبس ...
ياريت يخوي هذا الانه اريده .. اريد اعرف شديصير حتى ارتاح من عذابي
غدير وعت على الدنيا وهي راغبتلك ضرغام ... من چانت تلعب بالسلف وياك وهذا الحچي هي گايلته لسما وحتى من خطبت بت عمي سعيد تأزمت حالتهه وما صحت إلا من عرفتك بطلت تخطبهه
8
شگاعد تحچي امير الله عليك گول غيرهه .. والحچي الگالته سجى شنو هذا لعد
هنا مربط الفرس ..... سجى
13
شلون يعني شتقصد
سولفلي ضرغام انت ليش وثقت بسجى من دون گرابتنه
امير سجى گريبه مني بالحيل ودائما على تواصل وياي من گبل لا انوي اخطب غدير وانه حاچيلهه عن حبي لغدير وعن كلشي .. لذالك ما لگيت غيرهه ممكن يساعدني بهالموضوع بس بعدين ...
2
گال بعدين ونزل راسه ...
كمل ضرغام كمل شنو بعدين
بعدين وگبل شهر تقريبآ اعترفتلي بحبهه
من گال هيچ ضربني على راسي بهاي الكلمه ...
شگاعد تحچي ضرغام .. سجى ما غيرهه
اي يخوي سجى ليش ستغربت
يخوي سوت وياي نفس الشي گبل چم شهر بعد ما چبت سما فصليه لبيتي
53
شلون يعني هم اعترفتلك تحبك
1
اي يخوي بالضبط
ههههه شگاعد تسولف امير ... شني السالفه
مثل ما سمعت ضرغام هذا الصار
امير السالفه بيهه لعبه چبيره ولازم تنكشف اليوم گبل باچر .. بس شلون
سما ضرغام ... سما هي الحل حتى نكشف هاي اللعبه
4
شتقصد يعني ..
احچي وياهه ومن افتهم الاريد افتهمه ساعتهن نگعد ونسولف
ماشي يخوي بس حلفتك بروح جدك العزيز على گلبك لا تجيسهه تراهه مسيچينه وسوت هيچ وهي جاهله بطباعنه
1
الله كريم ضرغام خلي احل هاي السالفه ونتفاهم بعدين
طلع ضرغام .. رحت للمطبخ ماكو احد خليت وصعدت فوگ .. فتحت غرفتي ماهي سما .. رحت لغرفة غدير لگيتهه هناك
4
....
بعد ما ضرغام راح ويا امير للاستقبال حتى يحچي ويا
صعدنه اني وغدير للغرفه .. ظلينه بحالة صمت رهيب ونفتر بالغرفه مثل المخبلات وحده تروح ووحده تجي
مر على الوقت ساعه واحنه على نفس الوضع ... حسينه الباب نفتحت وطب امير وشكله عصبي وضايج
+
سما فوتي گدامي عالغرفه
خويه حلفتك بكل غالي عندك لا تأذيهه ما تقصدت تأذيك هي
لتتدخلين غدير ... وصاح حيييل
سماااااااا ... امشي للغرفه بسرعه
16
طلعت واني ما ادري شناوي وشحيسوي وليش ضرغام راح وعافه وهو يدري بأمير ميتافهم بهيچ مواضيع
طبيت وشفته دخل ورايه وسد الباب وظل صافن بوجهي
حچيت بتلعثم .. اا ااسفه والله اسفه مو قصدي بس ...
صاح بصوت عالي مثل الرعد ...
بس شنووووووو حاچيني بس شنووو ... اني اريد اعرف هاي البس شنهي
1
غدير كسرت خاطري والله ..
صاح بصوت عالي وهو يأشر بيده
صارلچ ٦ اشهر ... ٦ اشهر تعرفين بالسالفه هسه يله تذكرتي وكسرت خاطرچ غدير
7
مووو شسمه ... شفته تقرب مني
خليت ايدي على وجهي وغمضت واني اتوسل بي
امير الله يخليك بس اسمع .. اسمعني وبعدين تصرف
1
حسيت بي ما ضربني .. شصار ..
فتحت عيني شفته گاعد على الچربايه .. تفاجأت هذا شبي شديصير اريد افتهم .. قاطع تفكيري وحچه :
سولفي اسمعچ
5
رحت گعدت يمه وگتله ..
امير سجى عرفت بالموضوع من زمان من راد ضرغام يخطب تبارك سمعت غدير تبچي بيومهه
بس مابينت هالشي لحد البارحه .. هم چانت غدير ويايه بالغرفه وتسولفلي على ضرغام وهي طبت وچانت تسمعنه شنحچي
بعدين حچت ويايه وقنعتني احچي ويا ضرغام حتى نساعد غدير .. رفضت وظلت تلح عليه .. بعدين گلتلهه خو انتي احچي جاوبتني اني بنت عمته ويردني بس انتي غريبه ميردچ .. گتلها اخاف امير يعرف گالت ميعرف لتخافين واني الهي عنچ وباجر بيت عمي ذابحين ذبيحه وكلنه نلتم هناك وتگدرين تحاچي .. بعدين خلت ضرغام يصعد للسطح وگالتلي صعدي ورى هاي فرصتچ واذا سأل عنچ امير اگوله راحت يم النسوان جوه
19
تحچي واني مصدوم ... عرفت لعبة سجى والامور بدت تتضحلي شويه شويه ..
وانتي من شوكت تثقين بسجى وتاخذين كلامهه مو چانت تعاركچ دوم وتسمعچ حچي اشكال الوان اول ماجيتي لهنا
من زمان صارت صديقتي امير واعتذرت مني بعد اخير مره ضربتني بيها انت
گمت اصفگ واني اگلهه .. عفيه عليچ عفيه سما عفيه ... تدرين يثوله سجى ضحكت عليچ واجت گالتلي البغداديه صعدت وره ابن عمك متزوجتك وتلعب ويا ..
29
من حچه هيچ نصدمت ونهاريت وحسيت نفسي غبيه ونضحك عليه .. گمت ابچي واصيح اسفه والله اسفه ... اسفه
2
حسابچ بعدين سما ... هسه عندي شغل اهم من اني احاسبچ
طلعت واني مشتعل نار هاي الزعطوطه تضحك على الزلم عيب على الشوارب والله ... خابرت ضرغام ...
16
ضرغام وينك رجعت للبيت
لا رحت للديوان تعبان ومابيه احمل الهوسه هناك
زين لعد خليك بمكانك خمس دقايق وجايك انه
ماشي ابن عمي
1
وصلت ولگيت ضرغام هناك ينتظرني
ها ابن عمي بروح جدك خو ما ضربتهه
1
لا ضرغام ما ضربتهه عندي شي اهم هسه
1
شنو احچي
اگعد يخوي اگعد
گعدنه واني دايخ من كل الي صار ...
سولف امير وغوشتني
5
كل الصار ورى سجى ضحكت عليه وعليك وعلى سما وعالكل
شلون يعني شتقصد
اول شي جذبت عليك من وصلتلك كلام غدير ما حاچيته .. ثاني شي حرضت سما حتى تفتح الموضوع وياك .. وثالث شي خلتني اصعد وراكم وگالت كلام ما ينلبس علي ثوب على سما حتى توگعهه واخير شي لعبة عليك وعليه وما حترمت الشوارب العلى وجهنه
12
اااخ سجى كل هذا يطلع منچ وسفه والله وسفه ... وتالي شنو شتوصلت شناوي امير
8
سوايت سجى ما ينكست عليهه ضرغام چبيره بحق عگلنه كلش
شتقصد ؟؟ تروح لابوهه تحاچي
لا مو مال احاچي ابوهه ميسوي شي يصيح عليهه لو يضربهه .. ما يصرفلي هالشي ما يبرد نار گلبي بيهه
1
وشلون قابل تروح انت تضربهه حتى طفي نارك بيهه
لا يخوي دبارهه عندي اذلهه وداعتك گدام خلگ الله بس اصبرلي ....
يتبع
