فصليه_لأُناس_لايرحمون
+
للكاتبه #نور الدليمي
4
سمعت غدير گالت راح يجي الشيخ يعقدلكم نصدمت وكأنو واحد ضربني على راسي وصحت شنوووو
1
شبيچ حبيبه اخترعتي
1
منو يعقد المنو
1
الشيخ الشيخ تعرفين شنو الشيخ عنده لحيه وشوارب عاليات ويلبس عمامه بيضه بلون وجهج راح يجي على الجمل مخصوص حتى يعقدلكم
117
غدير لتجفصين ببطني مو وقت شقاج يعقد المن
1
خيه انتي من بغداد لو من امريكا شو دوري خلي افحصج زين جنچ ماتفهمين بالعربي
24
غدير حبابه جاوبي بلا استهزاء
2
خيه غير الشيخ يعقد عليچ
منو الشيخ بس لا ابو صماخ اخوچ
71
عزه العزاج تصخمتي وتلطمتي سدي حلگج لا واحد يتسمع علينه ويوصله حچي ومحد يرحمج ساعتها
3
على اساس شلون راحميني هم هسه
3
بعدچ مشايفه شي ههههه
3
غدير لتتمضحكين وساعديني ما اريد اخوچ يعقد عليه حبابه
1
حبيبه المن جايه هنا انتي تلعبين طنب غير فصليه
51
شبيج انتي اليوم ذابتها ع التحشيش شاربه شي من الصبح
5
اي شاربه حليب جاموس
18
اولي من يمج قبل لا انجلط
طبيت لغرفتي هههه تضحك غرفتي مو
15
المهم طبيت للغرفه وحسبه توديني وحسبه تجيبني هذا بعده معاقد عليه وحار شراواني من ضيم وقهر لو يعقد عليه شيسوي بيه بعد
27
ظليت افكر وگلت ما منها مهرب كلام غدير صح اني اجيت هنا فصليه وراح اظل فصليه چني حلمت زايد من شفتهم يومين ساكتين
1
طلعت الملابس من العلاگه حتى اشوف شلبس وشفته مشتريلي گلابيات ٤ وجوه ملابس داخليه شهگت
54
يا ادب سزز يا ما تستحي على هالعمله
144
صفنت دلبسي ونجبي هسه انتي محصله ملابس حتى تتبطرين مو زين فكر بيج وشترالج
43
گمت دا البس قريت السايز هذا سايزي
9
يااااا هذا شلون عرف قياسي صفنت شويه وتذكرت ....
62
عززه لالا مستحيل عرف من هذيج اللحضه
29
يووو دلبسي وسكتي
لبست وطلعت لگيت ضحى واختها البومه سجى واگفه يمها وسعيدان بنت المعدان واگفه على الطباخ وغدير تمسح بالثلاجه
109
طبيت سلمت
ردت غدير
يا جمالوا والله اخويه طلع عنده ذوق ويعرف يشتري
5
لا حبيبتي مو اخوچ العنده ذوق اني الحلوه ويلوگلي كلشي يعني مثل ميگولون القالب غالب
37
ضحكنه ثنينه ... سمعنه سجى حجت
1
بنت الشوارع فرحانه بالگلابيه تلگيج جنتي بالجرود ببيت اهلچ
13
يا حبي هاي انتي هنا اسفه ما شفتچ بس ياريتني گدرت اجيب ملابسي من بغداد جان نطيتچ تلبسين بدل هالخلگات الابستهن
79
جان تضحك ضحى
2
ولج قز القرط تضحكين على اختچ عاب هالثول
7
لا حبيبتي مو هي ثوله انتي الثوله لمن تحشرين خشمج بشي ميعنيچ وتخجلين روحچ
23
نطت سعيدان
7
ولج هييي فوتي اشتغلي بدل ما گاعدين تتهاوشين وياهن
2
اني مو هييي عندي اسم سماا سماا
ولا يهمج خرا تعالي اشتغلي
58
حاضر سعيدان بنت المعدان
106
جان تطفر عليه وتكفشني من شعري عليمن بنت المعدان ولج
19
عليج حبي اذا اني خرا انتي بنت المعدان
28
اجت غدير وكالت يمعودات نريد نصب غده كافي مشاكل عدنه شغل وراها
1
گالت سجى ليش شكو
3
يجي الشيخ يعقد على سما
شتحجين صدك
12
شنو السالفه ياهو اليسمع كلمة عقد ينصدم وياخذله صفنة ابو صابر ... چا هو المن جايبها غير يتزوجها
27
طلعت سجى للصاله تبچي
8
گتلها لغدير
ولچ هاي شبيها ركضت تبجي
23
أگولج رحمه لمواتاچ اخويه شمسوي بدنيا حتى الله يذب علي هيچ فصليه ثوله معدله
47
اوگفي صدگ ذكرتيني اني دائما اندب حظي على اخوچ واگول شسويت ربي وتذبني هيچ ذبه بس هسه اكتشفت اخوج اكيد زين والله نطا وحده مثلي حتلو فصليه المهم مثلي
22
دنجبي خايبه وخلينه نصب الغده ليجون الزلم
5
صبينه الغده ودننقل للهول المواعين بهاي الاثناء طب المتخلف وسلم والكل رد علي
2
عمته حچت
ها عمه هاا يالشيخ اشوفك عزمت تتزوج بنت الشوارع وتعوف بنت الشيوخ
21
شنو هالحچي عمه هاي راح تصير مرتي ما اقبل تگولين عليها بنت الشوارع بعدين اني ما مواعد احد بشي حتى اعوفه
102
اعاين علي شلون يحجي بثقه وكأنوا حافظ شراح يگولون وشراح يجاوبهم بلا تردد
11
اول مره انتبهله هيج هيبه خصوصا بالدشداشه البيضه والشماغ حيل لايگ علي الزي العربي ... صحيت على روحي صافنه علي بعدين عاينت لسجى وجهه مينشاف من الدموع نقهرت عليها خطيه يمكن تحبه
45
شفت الحجيه اخذت عمته وراحت للغرفه واحنه كملنه نگل وگعدوا
3
حسيت بالغربه صدگ ساعتها كلمن گاعد يم جماعته ويضحكون ويسمون وبس اني بيهم منبوذه
4
تنهدت ودرت وجهي دا اروح لگبري على گولت امير سمعت صوته
1
وين رايحه
6
للغرفه
شنو متتغدين
6
وسعت عيوني هذا شديحچي من شوكت اني اكل وياهم
6
اشرتله بحواچبي شتقصد ... ما گدرت اگعد خاف مافاهمه قصده ويخجلني
2
اشرلي ع الگاع تعالي گعدي بصفي
85
نصدمت بس ما بيت اجيت گعدت بصفه
2
سجى تاكل وتعاين النه حسيتها تريد تاكلني
6
الاكل اشكال والوان اعاين ما اعرف شاكل وما كدامي غير مرگة الطرشانه وما احبها
33
انتبهتلها تعاين للسفره منا ومنا ومتاكل حچيت
4
شبيچ ليش متاكلين
1
ها مو ما احب الطرشانه
4
اي السفره متروسه اكلي اليعجبج
2
ابتسمت وجاوبت استحي
5
ابتسم وگال ضمي شعراياتچ اول
124
عدلت الشال مالتي
شتحبين من الاكل ال بالسفره
5
دجاج شوي
شال دجاجه كامله خلاها گدامي
118
اكلت وخلصت وگمنه للمواعين وغدير سوت جاي وودت الهم
1
دنشتغل وشويه واجه امير للمطبخ
سما لبسي حجابج عدل ولفي روحچ زين
13
غدير جيبي سما وتعالي گعديها يم باب الاستقبال على الكرسي وانتي هم لفي روحچ راح تظل الباب مفتوحه حتى الشيخ يسمع موافقتها
5
رجلي گامت ترجف ونفسي ضاق وصارت عندي خوفه مو طبيعيه خلص مصيري هذا اسمي متزوجه واحد ماخذني فصليه يعني خدامه وفديه
15
گمت لفيت نفسي وغدير راحت لبست واجت
يلا امشي حبيبه
غدير الله عليچ ما اريد
امشي حياتي مو بكيفچ هذا امر واقع
5
صفنت كلامها صح رحت وياها وگعدت على الكرسي مثل ما گال واسمع الشيخ يحچي
1
وصل لعبارة گولي نعم وانت وكيلي
1
گلت نعم
بس چنت اتمناها لا والف لا ... چنت اتمنى عندي ولو ١٪ حريه اختيار فلا چان گلت نعم
24
كمل الشيخ وگمت من مكاني وكأني جنت بعزه ورجعت من الوادي
1
رحت للمطبخ كملت شغلي بس هالمره مو وياهم يحچون فلا اجاوبهم
1
اجت يمي الكرمده سجى
10
اسمعي لچ لا كيفتي حسبالچ تزوجتي وملكتي هذا هو لا حياتي لا فتحي عقلج هذا الصغير وتأشر بأصبعها على عقلي وتگول امير حب حياتي فتحت عيني علي من الطفوله واني ارسم احلامي ويا تجين على الحاضر تردين تاخذي ... تحلمين ... تعرفين شنو تحلمين ... وشوفي اذا ما اقل الشهر اجي واصير ضرتج او لا انتظري ضرتج شنو اصير سيدة هذا البيت وانتي خدامتي
86
سكتت كلشي مجاوبتها اني بيا حال وهاي حسبالها فرحانه بالعقد اني.. متدري لو بيدي اقدملها امير وعشيرته على طبق من ذهب واخذ حريتي وارجع لحضن امي
14
ظليت اشتغل بدون ما اتوقف حتى بس انسى
1
سما حبيبه كافي تعبتي
لا غدير ماتعبت عوفيني دا اشتغل
جان تغمزلي
اكيد دتسوين هيچ حتى ميبين عليچ التوتر
يا توتر شدتحچين انتي وعفتها ورحت للغرفه
گعدت بالگاع ابچي بحرگه
بابا وينك بابا تعال خلصني قبل لا اموت
7
ظليت ابجي لحد ماغفيت على روحي من التعب
2
حسيت على روحي واني منگعه من العرگ
گمت طلعت كلابيه من العلاگه وطلعت اروح للحمام
طلعت البيت هدوء عرفتهم ناموا
طبيت غسلت واني جوه الماي ابچي بحرگه واختلطت دموعي ويا الماي
2
طلعت من الحمام وطبيت للغرفه تذكرت اكو مشط على المرايه اليم الحمام رحت جبته ودخلت امشط نفتحت الباب
16
....
التهيت طول اليوم بين طلايب الديوان وبين العقد والخطار وتأخرت بالرجعه لل١٠ بلليل
1
دخلت للبيت الضويات مطفيه وماكو حركه
اجه ببالي اروح اتناقش ويا البنيه بلكت الله تعرف شي وتگلي
طبيت للغرفه لگيتها تمشط شعرها ومبين هستوها طالعه من الحمام
1
شلونچ
زينه
دا اخطي بتجاها حتى احجي شفتها ترجع ليوره ومبين عليها الخوف من ضربتها ونتلتها ما شفت الخوف الدا اشوفه هسه بعيونها
5
شبيج خايفه
لا وليش اخاف
صفنت تذكرت هاي خايفه حسبالها راح اتقربلها لان عقدت عليها
7
تعالي گعدي
صفنت وين اگعد
2
وين يعني على الجودليه
1
گلت داخلي هذا شبي
گعدت وشفته گعد بصفي وتربع وگال
1
اسمعي يبنت الناس
3
ابتسمت اول مره يگولي بنت الناس مو بنت الحرام لو بنت الشوارع
34
رجعت اسمعله
مو حسبالچ عقدت عليچ يعني راح اتقرب الج او اطخچ لا تفكرين هالشي لان مالي نفس بيج ابد وبعدين انتي فصليه يعني ماكو شي يجبرني المسچ لذالك اني حر
17
واني مراح اطخچ حد ما تموتين
58
صفنت واحجي بداخلي شنو راح اظل هنا حد ما اموت .. طبعا ثوله تظلين حد ما تموتين خاف عندج امل ترجعين لاهلج اصحي سما اصحي فزيت على صوته
3
وين صفنتي
لا هيج .. وبالمناسبه شكرا الك على هذا الشي
لا العفو
هسه سولفيلي شتعرفين عن الصار
هو شنو الصار حسبالي يقصد على سجى
اخويه واخوج يعني شنو قابل
هاا لا ما اعرف شي مو كتلك
لعد شنو تكولين مظلوم لتخبليني
راح اكولك بس ياريت تاخذ الحجي على محمل الجد
شنو قابل طفل گدامچ احجي اسمعچ
7
يوم النتلتني وفقدت الوعي بهاي الاثناء شفت بابا بالطيف وحسبالي متت
سمعتها هيچ حچت ابتسمت لا اراديا
وبابا گالي محمد صح غلط بس الغلط مو غلطه وحده محمد مظلوم گولي لهذا الرجال هالشي دائما حتى يدور على الحقيقه
7
صفنت من سمعت حچيها .. مشكلتي عندي ايمان قوي بالنسبه للمنام مالت الميت
54
گمت من يمها وگتلها
صعدي نضفيلي غرفتي صارلها ٤ ايام ممتنضفه ومنا وجاي غرفتي انتي تنضفيها مسؤوليتج
7
بتعجب ليش !!!
شنو ليش اني ما احب احد يطب الغرفتي وينضفها غير غدير وبما انو انتي هسه صرتي مرتي فعيب من الناس من اختي تصعد تنضف غرفتي ومرتي گاعده
9
گتله اوك
صعد وصعدت ورى
طبيت للغرفه وجان تكفخ بوجهي بروده مو طبيعيه انتعشت بيها
3
الله من زمان ما حاسه بهيچ بروده اختنگت بعبرتي وتذكرت غرفتي والنعيم الچنت عايشه بيه
7
صحيت على نفسي وظليت اعاين للغرفه تجنن فخمه وديكورها راقي حسبالك مالت ملوك اول مره اشوفها
6
اني راح اطب اغسل بين ما تنضفيها
شفته راح للكنتور فتحه متروس ملابس بس العجيب شفت اكو قمصان وبناطير ما تصورته يلبس بنطرون لان ما شفته غير بالدشداشه
4
اخذ ملابسه وراح للحمام الداخلي الي بغرفته
ظليت انضف بالغرفه واحجي ويا نفسي
شنضف بيها منيلها وصاخه اصلا نضيفه تخبل .. شكد احب هيج ولد مرتب غرفته تلمع حسبالك مال عرايس
37
كنستها ودا امسح بلاخشاب طلع والخاولي مشمور على راسه .. صفنت علي اول مره اشوفه بزي غير الدشداشه لابس تراك بيجي وجسمه معضل طالع فد شي علي
34
فزيت اااي شبيج سما من شوكت تعاينين على ولد انتي اول تالي
4
رفعت راسي ديسشور شعره رجعت نصدمت من جديد لان كله لابس عگال ما شفت شعره كثيف وبي طابع طول نوعا ما واسود لليل
22
دنگت كملت مسح وگتله
رايد شي حتى اروح انام
ظلي هنااا
فكيت حلگي شنووو
شبيچ سمعچ بي شي اوديچ للدكتور
لا سمعت بس شتقصد
اريد اگضي وياچ ليله حمره
75
عزززه ردت اطلع صاحني
تعالي خبله اتشاقه يعني وين نازله جوه سلگ موت حر لا بنكه لاشي واني ضميري بده يأنبني عليچ لان البارحه انطفت الكهرباء ٣ ساعات احتريت وحسيت بيچ گلت هاي شصاير بيها هسه
49
والله همزبن وحسيت
37
انتي ليش لسانج طويل ترى زايد مني هيج اعاملج لان صار عندي احساس داخلي انو انتي مظلومه حسنت اسلوبي وياج ليش تخليني ارجع وياچ امير القديم
10
ماحچيت شي ردت اطلع تذكرت الحر
1
جان ارجع
اوك انام بس وين
على الجربايه يعني وين
وانت وين تنام
على الجربايه غير
لا عيني لا ... دا اطلع جان يضحك ويصيحني
18
تعالي والله اتشاقه انتي على الجربايه واني اروح على القنفه هناك انام واشر على القنفه
18
لا اني انام بالگاع وانت على الجربايه
2
ليش
تعودت على نومت الگاع .. لو هيچ لو انزل
4
تمام مثل متردين
نزلتلها مندر من على الكنتور وفرشته الها وطلعتها فرشات من الكنتور وبطانيه وگتلها يلا نامي
5
انت نام بلاول
لتخافين مراح اكلج
2
صعد على الجربايه ودار ضهره عليه ونام
اني هم تمددت وتغطيت من البرد وضحكت داخلي البارحه وين بالحر واليوم وين اتغطى من البرد
1
نمت ما حسيت على روحي
.....
گعدت اصلي الصبح كالعاده وادور وجهي نسيت هي هنا واشوفلك هذاك المنظر نايمه ومتكشفه والكلابيه مرفوعه وظهر الحق وزهق الباطل
307
درت وجهي استغفر الله ربي. . صفنت شنو استغفر الله غير هي مرتك شنو هالثول
103
رحت غطيتها وطبيت توضيت وطلعت اصلي
3
كملت ورجعت تمددت واني افكر بكلامها وبالمنام مالت ابوها گلت مابيها مجال الصبح ادز على ضرغام واستفسر على شجم شغله بلكت اوصل لشي
58
حاولت ارجع انام ما گدرت التفكير اكلني گمت طلعت ملابسي ورحت للحمام بدلت وطلعت لگيتها گاعده
1
صباح الخير
هلا بويه صباح النور گومي سويلي ريوگ مدام گعدتي
60
الساعه بالسته ليش هيچ تطلع من وقت
يابه العالم منتظرتنه هسه بالديوان يابعد وكت
27
ردت اطلع تذكرت لازم البس الجبه والشال
ضحكت من شفتها رادت تطلع وبعدين رجعت تلبس بالجبه ... زين بديتي تتعلمين
اي اصلا اني جنت اريد اتحجب بس اوصل للسادس
انتي يا صف وتركتي
ماتركت بطلت بسبب الصار
اي يا صف
نجحت للسادس
ها زين يلا نزلي سويلي ريوگ
نزلت سويتله حليب نزل گعد بالمطبخ ع الميز خليت الحليب گدامه وشربه
رحت سويتله البيض والجاي وخليته گدامه
4
تعالي تريگي
لا ما اشتهي شكرا ... تريد شي
وين رايحه ؟
اصعد الملم هوسة الغرفه وارجع للشغل
لا روحي ما عندي شي اتريگ وطالع
كملت ريوگي وطلعت
صعدت السياره وخابرت ضرغام
12
هلا ابن عمي شلونك
هلا بالشيخ
تعالي للمضيف رايدك بسرعه
ادلل شيخ اقل الساعه واني يمك
وصلت للمضيف واني انتظر ضرغام وشفته طب
4
هلا بضرغام
هلا بشيخنه
تفضل تفضل استريح
1
گعد ضرغام وگعدت بصفه وسألته
ضرغام خويه انت تعرف شي عن محمد
اي خويه اعرفه جنت اگعد ويا وويا غيث الله يرحمه بالگهوه
3
اي شتعرف عنه
والله يخوي خوش ولد ورزن وما شفنه منه العيبه بس مدري شصار بهذاك اليوم الاغبر
5
ضرغام يعني ابد ما سمعت شي ما شفت شي
1
لا والله يخوي مثل مگتلك گاعدين على حب الله ومحمد اخذ غيث يحچي ويا وما سمعنه ألا اصواتهم تعلى وصار الي صار
8
زين خويه شنو طبيعة العلاقه بين محمد وغيث
والله خويه اخوك غيث ميحجي گدامي شي يخاف مني اوصلك يدري علاقتنه قويه بس حسب ما چنت اشوف من اگعد يمهم جانوا اصدقاء حيل ... بس انت شجابه ببالك ليش تسأل
5
ليش خويه اني فد مره راح من بالي حتى يجي ببالي صورته مطبوعه براسي وما ارتاح إلاما اعثر علي واعرف القصه وابرد گلبي
2
گاعدين نحجي طب الولد الواگف على الديوان وگال
شيخ اكو زلمه برى يريد يشوفك
3
منو هذا
ماقبل يگول اسمه
19
خلي يتفضل
جنت مدنگ اسبح واحچي ويا ضرغام وچان ارفع راسي وهنا الصدمه .....
يتبع... ✨
