فصليه_لأُناس_لايرحمون
1
للكاتبه # نور الدليمي
1
اخذت ضرغام ورحت للاستقبال
تفضل ابن عمي اگعد
زاد فضلك شيخنا
خير شصاير وياك
واگع بمشكله ابن عمي ومحد يطلعني منهه غيرك
9
استر يارب ... احچي وغوشتني
1
امي امير امي
9
شبيهه امك
2
اندگت الباب وجابت سما الچاي اخذته منهه وراحت ...
2
اي شبيهه امك احچي
دخلتني بمشكله واحراجات ويا العالم وما اعرف شلون اطلع منهه
3
دحچي يمعود فتيت افادي
قبل فتره گالتلي يمه اريد ازوجك بت عمك سعيد ... رفضت الموضوع نهائيا وگلتلهه لا تحچين بهاي السالفه بعد
7
رحت اليوم البيت عمي ويا مثنى لان چلب بيه تعال اشرب چاي وتعال اشرب چاي واني چنت بالشغل وتعبان گلت اروح اشرب چاي يمهم وارتاح وارجع اطلع للشغل وياريتني ما رحت روحت الگشره ...
5
ليش ؟؟؟
رحت لهناك وصدگ انصدم مرت عمي تگلي بالمبارك عمه لو گايلي من زمان اريد تبارك چان گبعتهه وانطيتهه الك بس تحچي
13
ظليت لا اخذ ولا انطي .. ترخصت بسرعه وطلعت .. رحت لأمي عاتبتهه تگلي والله يمه متحصل مثلهه وانه ارد افرح بيك واشوف جهالك كبرت انت بعد .. يمه انه البارحه رحت حچيت بأمرهه الك ونهاية هذا الاسبوع اخذ خالاتك ونسوان عمومتك ونخطبهه الك رسمي
6
ولك امير اول مره اطلع من طوري گدام امي .. لو تشوفني ساعتهه متعرفني غلط غلطت ... سب سبيت ... البيت وفلشته على راسهم
7
حيلك حيلك اخوي شنو صار لكل هذا
امير شگاعد تحچي لخاطر ربك .. اني ما هاوي البت والله ما هاويهه
5
ليش عندك وحده معينه من عشيرتنه هاويهه وتريدهه
3
لا امير لا .... بنات عشيرتنه كلهن مو بالي ولا افكر بوحده منهن
38
لعد اذا ماعندك وحده ليش هيج تعصبت
ما اريد اتزوج يا اخي ما اريد
5
ماكو هيچ حچي اول وتالي تتزوج والما يتزوج لازم عنده سبب
1
اي عندي سبب
4
شنو گلي بي بلكت اساعدك
لا متگدر تساعدني بي
ميخالف يخوي دحچي همك بلكت ترتاح
اني احب وحده
23
مني هاي
+
متعرفهه
3
يعني من بره عشيرتنه
هم گال عشيرتنه ليش تخليني اغلط يمعود
اي لعد مني سولفلي
وحده من ايام الجامعه حبيتهه
65
ولك شو مامسولفلي بيهه
ما سولفتلك لان هي ما تحبني
شلون عرفت ما تحبك
دزيت احد الهه وگالت وصلوله كلام لا يجي ولا يتقدم الي حتى لا يتخجل وهو اخير واحد ممكن افكر ارتبط بي
29
يطبهه مرض يخوي الف وحده تتمناك
5
لا تحچي عليهه فدوه ... ما اريد الف وحده اريدهه هي تتمناني
12
وهسه شلون تالي ... دتزوج حتى تنساهه
لا امير لا ... لو هي لو ما اتزوج ابد حالف اني وماخذ عهد على روحي ما اتزوج غيرهه ... ما اگدر اعاين البت غيرها احبهه امير احبهه
43
تحبهه وانت حتى ما حاچي وياهه مجرد داز ناس عليهه
اي تگدر تگول حب اثول اغبر اي شي ... هسه مو هذا موضوعنه ساعدني امير فدواتك ساعدني
بيش اساعدك يخوي
طلعني من هاي المشكله مرت عمي حچت گدام عمي وابنه مثنى يعني تگدر تگول تورطت .. اترجاك طلعني من هاي السالفه
شتحچي انت شتريد اروح اگل لعمي والله عمي تعذرنه ضرغام المسودن يحب وحده ما نعرف اصلهه منين وما حاچي وياهه حتى وفوگ كل هذا متحبه ولا معبرته وميريد بتك ... السموحه عمي استعجلنه من حچينه وياكم بهذا الموضوع
18
هم حچه على البت لا تحچي عليهه امير لا تحچي لخاطر ربك ... وبعدين لا ما گتلك هيچ احچي لعمي بس انت مو شيخ وتحل طلايب العالم .. اني اليوم لجأتلك كشيخ مو كأبن عم ورايدك تحل طلابتي
3
شلون احلهه فهمني ..
ما اعرف دبرني امير بداعت كل غالي عندك .. واذا ما تدبرني اهج من الديره وما تلگولي مچان بعد
7
مخبل وتسويهه والله
هسه شگلت امير
يخوي خليني افكر الليله وباچر الصبح تعالي للديوان بلكت تلگاني محصلك حل لهاي السالفه العويصه
2
ماشي من الغبشه تلگاني بالديوان
اي تعال غبشه وظل نش ذبان بين ما اجيك
32
انش خويه انش ذبان وكلشي بس خلصني ابوس ايدك
25
يصير خير ابن عمي يصير خير
طلع ضرغام واني نضربت على راسي من السمعته .. تعالي غدير وسمعي ابن عمچ التبچين علي شلون يحب وغارگ بالحب وما يگدر يشوف غيرهه
34
صعدت فوگ طبيت بالغرفه ماكو احد بدلت وتمددت على السرير واني افكر شلون راح احل هاي الطلابه
شويه وطبت سما
1
.....
وديتلهم الچاي وكملنه هوست المطبخ وصعدت اني وغدير لغرفتهه
گعدت اسولف وياهه وتفرجنه مسلسله على اليوتيوب شفتهه گامت تتثاوب
2
يلا حبي نعست اروح انام
اي خيه اني هم نعست
تصبحين على خير لعد
وانتي بالف خير
طبيت للغرفه لگيت امير صافن على السگف
3
هاا امير شنو البنه ما لابخ السگف عدل
48
هيهي متضحك لان السگف ثانوي
53
هههه چا شبيك صافن علي
11
هههه حلوه الچا بحلگج تعلمتي بسرعه
4
ههه لا صدگ شعجب رحت ويا ضرغام وحدكم للاستقبال
تعالي گعدي اسولفلچ
گعدت بطرف الجربايه واني عندي فضول اسمع شيريد يحچي
اي احچي يلا
بلش يسولف الي عن المشكله واني صافنه ... يارب شلون سالفه اذا غدير عرفت اكو وحده بگلب ضرغام وهالگد يحبهه شحتگول ...
5
وهسه شحتسوي امير
ما ادري سما حاير وهذا خطيه من غبشه يريد يجي للديوان على امل انطي حل واطلعه من السالفه
وشنو مناوي تطلعه من هاي السالفه انت
صعبه حيل فكري بيهه انتي وشوفي تگدرين تحليهه
اني ما اگدر بس انت شيخ وتحل مشاكل العالم متعصه عليك هيچ مشكله
3
شفته صفن
ها امير
ها شنو ها
شحتسوي
شوف هاي ادري عندي عصه سحريه وترديني انطيچ حل فوري
19
ههه حتلو مو فوري بس حله السالفه نكسر گلبي علي
ان شاء الله اشوف شلون
+
....
شرحت لسما السالفه وظلت تنق الگه حل ما الگه حل وگتلهه اخير شي ان شاء الله احلهه واني متأكد صعب حيل احلهه
5
رجعت اتذكر منظر ودموع غدير بهذاك اليوم لعد شگد تحبه خطيه وفجأه تذكرت من اجيت ولگيت سما تبچي وشبگتهه چانت بنفس المنظر ونفس الحزن البعيون غدير چان بعيونهه ... يعني سما تحب !!! لالا ممعقوله .. وليش ممعقوله شتعرف عنهه انت .. ياربي بس لا صدگ تحب لا فدوه ربي لتصعبهه علي اكثر .. قررت احچي وياهه ...
37
بعد ما توسلت بي حتى يحل سالفة ضرغام خطيه احسه حباب ميستاهل يوگع بهيچ موقف ... شفت امير ظل صافن قرابة العشر دقايق ... فجأه حچه
سما ممكن اسألج سؤال
تفضل
بس جاوبيني بصراحه
اذا اگدر اجاوبك ليش لا
تگدرين تگدرين ... ليش هذاك اليوم من چنتي بالغرفه وقافله الباب عليچ واجيت لگيتچ تبچين
5
مو گتلك تذكرت بابا الله يرحمه وشتاقيتله وشتاقيت الاهلي فبچيت
لا سما مو هذا الجواب
من گال مو هذا الجواب خترعت .. معقوله عرف لان حضنته اليوم ونمت اني عندي مشاعر اتجاهه
1
لعد شنو الجواب
شفتهه صفنت يلا حچت تأكدت اكو شي .. خليت ايدي على گلبي وخفت خوف بس الله يعلم بي معقوله تحب ياربي لا دخيلك كلشي ولا هالسالفه
13
انتي جاوبيني
شبيك صفنت .. وشجاوبك احچي بشنو شاك شنو سبب دموعي
1
چنتي تحبين قبل لا تجين فصليه هنا مووو ؟
9
من گال هيچ صدگ ضجت ... شوف الحظ بدل ما يحس بمشاعري عسى ولعل تتحرك مشاعره هو هم اتجاهي ولو هاي مستحيله ... يجي يشك بيه چنت عندي علاقات وسوالف تعبانه
2
لا امير ما جنت احب ارتاح الفصليه فصليه تروح تجي تبقى فصليه .. نزلت من الجربايه ودرت وجهي ونمت
5
من گالت هيچ تأكدت چانت تحب وگاعده توصلي فكره .. شنو الفايده اذا احب وانت اخذتني فصليه وحرمتني منه ... اذا تحب صدگ فمالهه مكان بگلبي بعد اليوم
124
شفتهه بسرعه نامت ... حاولت انام گوه گدرت .. گعدت للصلاة هي هم حست گمت توضيت وصليت واجت صلت ورايه ونزلت قبلي
بدلت ونزلت ردت بس اطلع من البيت اختنگت كلش لگيتهه بالمطبخ تسوي ريوگ .. گلتلهه بنتره ما اريد لتسوين ما اشتهي وخليت وطلعت
15
ركبت سيارتي ورحت للديوان انتظر ضرغام يجي .. طبيت للديوان لگيت ضرغام موجود
3
ضرغاااام !!
لا خياله
15
ولك شني بايت بالديوان
3
ما اجاني نوم .. واجيت صليت هنا .. ها بشرني شيخ ان شاء الله راح تنقذني
ابشر خويي لگيتلك حل .....
يتبع✨
