فصليه_لأُناس_لايرحمون
للكاتبه # نور الدليمي
2
رجعت بلليل للبيت واني التعب بيه حتى ما شتهيت اتعشه ...
6
صعدت فوگ غيرت ملابسي وتمددت على السرير وطلعت اخبار ونصيت صوته
1
بالي مو يم الاخبار .. افكر بالي صار واكل بروحي ... شسويت بنفسي ... ليش امير قبلت تسلم مشاعرك الوحده رخيصه مثل هاي .. نساوين هواي بالجامعه ومن العشيره توددولك سنين وانت ما حركت ساكن شجاك هسه وسلمت روحك لوحده فصليه حتى مو من ثوبك ... لا هي بت بيئتك ولا تگدر تفهمك والاهم من كل هذا اخوها چتال اخوك وعمرهه متفكر تعاينلك ولا تتحرك مشاعرهه لجلك يغبر
9
رجعت تذكرت شلون تحچي ويا حبيبهه بالتلفون وتگله احبك .. شطت وصعدت النار براسي ووجرت .. اني ما قهرني غير شي واحد .. ما حترمت اسمي .. شما چان هي حامله اسمي حتلو فصليه شلون عدهه هيچ صلافه وتخابره وتگله احبك وهي على ذمتي وبنص بيتي ... والله يا سما لا ما ارحمچ لو مو گلبي يحبچ لو روحي بيچ هم ما ارحمچ ... حسيت روحي اختنگت والدنيه ضاگت بيه وريتي ما تستقبل الهوه بعد
13
نزلت اطلع بره اتمشه واشم هوه بلكت ارتاح شويه ... اريد اطلع بره انتبهت باب الغرفه الموجوده بيهه سما مفتوح ... حچيت بعصبيه ويا روحي ياهو هذا التجرأ وخالف كلمتي وراح الهه
1
رحت واني متحلف بلي فاتح الباب ومساعدهه .. فتحت الباب وشفت غدير يمهه وسما عاينتلي اول ما طبيت
غديررررر ....
2
امير !!!
1
اني شگتلچ الصبح تتذكرين كلامي لولا
اي خويه اتذكر بس
بس شنوووو ... شنووووو بس فهميني
مو شسمه ... خطيه عفيه من البارحه بلليل ولليوم بلا اكل ولا شرب والحر ميرحم
1
گومي لچ گومي واني اعلمچ اجيت عتيتهه من ايدهه وگفت گبالي سما
5
...
طب امير وگام يصيح على غدير واني ادري بي من يصير عصبي ميشوف گدامه اي بشر ... خفت تتأذه البنيه بسببي وشفته شلون جرهه من ايدهه صرت گباله
1
امير كافي اصحى الله يخليك .. مشكلتك ويايه عوف غدير لتأذيهه .. مو رايدني اموت اني قابله اموت اخذ اختك واطلع وسد الباب وخليني اموت هنا
1
حچت هيچ فورت دمي بالزايد لزمتهه من شعرهه .. شوفي لچ ساقطه .. مو جايه هنا تفرضين عليه اوامر ... اطلع اطب بكيفي ،، اموتچ واحيچ هم بكيفي ... مو انتي التعلميني شسوي .. دا احچي جرت غدير ايدي وباستهه
15
خويه ابوس ايدك ابوس رجلك ارحمهه خطيه شنو ذنبهه مو كافي الصار بيهه
2
غديرررر ... لتخليني احبسچ هنا وياهه سمعتي ... شتعرفين عنهه وتدافعيلهه هاي حيه تلدغ وتغطي راسهه بلا مستحه ولا خوف لتشوفيهه مسويه روحهه فقيره گدامچ
1
هو يحچي واني صافنه ليش ؟؟.... شسويت اني لكل هذا ... هذا الحچي كله لان عرف بيه اخابر اهلي سواني صاقطه وحيه وما استحي
14
خويه الله يخليك بس خلي انطيهه اكل راح تموت البنيه
دتحچي غدير واني اباوع السما بحقد ... انتبهت على ملابسهه مبلله انصدمت من الشفته ... ضجت من نفسي ومن سما ومن اليوم الصرت بي شيخ واجت على راسي هالبلوه
76
طلعت بره افتر بالصاله وبعدين صحت بصوت غديررر ...
.....
چان يعاين عليه بعصبيه وعيونه مليانه حقد وغدير تتوسل بي حتى يرضى ينطيني اكل
فجأه شفته طلع وعافنه
غدير اطلعي
لا سما ما اعوفچ .. اني ادري باخويه طيب هسه يقتنع ويخليني اجيبلچ اكل ...
نقهرت داخلي شلون وصلت لهل مرحله .. يتوسلون بالمقابل حتى ينطوني لگمه لا اموت من الجوع
3
فجأه سمعنه امير صاح بصوت غديرر
1
خيه صاحني بلكت حن گلبه عليچ اروح اشوفه وارجع انتظريني
...
شويه واجتني غدير
ها خويه
غدير روحي وديلهه ملابس وطببيهه للحمام ومن تطلع انطيهه اكل وماي واطلعي وقفلي الباب وحسابچ وياي بعدين على كسرة چلمتي هاي
15
متنعاد خويه والتريده سوي بامرك اني .. حچت هيچ وراحت تركض صعدت فوگ
1
...
شويه ورجعتلي غدير بيدهه ملابس وخاولي وگالتلي
گومي خيه خلي اسبحچ گومي
رحت واني كوه امشي وغدير ساندتني جسمي كله يرجف ما اعرف من الخوف ما اعرف من الضرب القوي الاكلته ما اعرف من الجوع
3
طبيت للحمام حچت غدير
سما راح ادير وجهي وانتي نزعي ثوبج ولفي على جسمچ حتى اغسلچ
ماكو داعي غدير روحي اني اغسل
لا خيه وين بيچ حيل ماعوفچ على الاقل اغسلچ راسچ وانتي غسلي جسمچ
دارت وجهه ونزعت ولفيت الثوب على جسمي
ها كملتي خيه
اي
دارت وجهه تغسلي شفتهه تعاين على جسمي وعيونها مغرغره بالدمع
ها عجبچ المنظر الرسمه اخوچ المتخلف على جسمي
14
حبيبه والله تصير سوالف .. اخوي طيب بس ما اعرف شجا ركبه الشيطان فجأه .. شسويتي سما سولفيلي ليش هيچ سوه بيچ
11
سولفتلهه الصار .. واشوف على وجهه علامات الصدمه
هذا كله الضرب والغلط والفشار لان سمعچ تحچين ويا اخوچ
7
اي تصوري
هو حقه يضوج سما لان منبهچ على هالشي وانتي تعرفين بالي صار بس مچان المفروض يوصل الموضوع لهاي الدرجه
2
اسفه غدير خابرت من موبايلچ بدون علمچ اكيد هسه يفتح امير وياچ الموضوع ذبيهه براسي واطلعي منهه ما اريدچ تتأذين بسببي
