فصليه_لأناس_لايرحمون
4
للكاتبه # نور الدليمي
2
جنت مدنگ اسبح واحچي ويا ضرغام وچان ارفع راسي وهنا الصدمه
1
محمد چتال اخوي اجاني وبرجلي .. گمزت من مكاني وشمرت العگال بالگاع ورحتله ركض لزمته من ياخته
26
واخيرا صرت بين ايدي من بعد معاناة طويله اجيت والله جابك يمحمد
2
صحت على ضرغام
1
گول للولد البره ليدخلي اي شخص داخل الديوان واليسأل علي يگله الشيخ مموجود اليوم وميجي للديوان طلع ضرغام وسوه مثل ما گتله ورجعلي
3
ابن عمي شنسوي نبلغ ابوك وعمامي
1
لا ضرغام هذا حصتي اني اچتله هنا بمكانه وابشرهم بدمه ... نطق محمد
4
شيخ اني قابل بكلشي تسوي واني اجيتك برجلي واعرف مصيري بس اطلب منك طلب تسمع شأريد اگول اول شي
3
هديت ياخته واني النار شابه بصدري صدگ چتال اخوي گبالي وبين اديه صدگ راح اخذ حقه وابرد گلبي ... گتله تفضل استريح
17
گعد وگعدت اني وضرغام ويا
يلا احچي بسرعه اسمعك
شلونها اختي
4
مالك اخت يمي احجي ولتلف وتدور
3
شيخ اني صديق غيث من سنين .. اني واخوك عشرت عمر
2
وانت منين تعرفه لاخويه احچي ولك
1
اخوك مو چان يدرس ببغداد وطول فترة دراسته گعد بلاقسام الداخليه
1
اي صح
اني چنت ادرس ويا بنفس الكليه ونفس القسم .. وچنه اكثر من اخوان شيخ ياما وياما ماكل من زادنه وللأسف ما غزر بي
8
شلون يعني ماكل من زادكم
جنت اطلب من والدتي تطبخ علموده اگولها صديقي خطيه اقسام داخليه وماعنده احد يسويله اكل واجيبله للقسم حتى ياكل
2
اي وليش چتلته
جايك بالحجي شيخ
بعد وفاة والدي ضاگت بعيني الدنيا وحسيت نفسي نهاريت راح ابويه وعاف ٣ نسوان براسي ... بعد ما خلصت الفاتحه وطبعا اخوك اجاني للفاتحه ٣ ايام وما قصر ظليت بحيره وتعب اريد شي يخفف عني ماكو ظليت ٦ اشهر على هذا الوضع وصارتلي مشاكل شخصيه ازمت حالتي ... فاول شي فكرت بي هو اخوك صديق عمري گلت ماكو غيره يخفف عني
7
خابرته وشرحتله الوضع وگال تعال يمي عين غطه وعين فراش الك
6
اجيته وگعدنه بنفس الگهوه القتلته بيها
4
هو يحچي واني صافن علي يا ترى شراح يگول شنو السر التعبني طول هاي الفتره وما گدرت اعرفه وشنو تفسير الحلم مالت ابو .. صحيت على نفسي ورجعت اسمعله
3
سولفت الاخوك عن مشاكلي وچانت وحده من المشاكل لمحد عرف بيها غير اخوك حبيبتي الحبيتها بالكليه ٤ سنوات وجنت ناوي افاتح اهلي بالموضوع حتى يخطبوها الي قبل لا يتوفه والدي ما انتظرت
4
من توفه والدي طلبت منها نأجل الموضوع حد ما تطلع السنه مالت
1
جان جوابها ما انتظرك لو هسه لو بكيفك
3
گتلها اعذريني ابويه ترابه بعده مبلل وترديني افرح واتزوج
2
وبعد ٦ اشهر من وفاة والدي سمعت بيها نخطبت ونهاريت وفكرت بغيث صديق عمري بلكت يخفف عني
9
ظليت اسولفله وظل هو يخفف عني ... لحد ما قدملي نرگيله على حسابه
1
طبعا اني ما اشرب ولا ادخن .. بس قنعني انو هاي راح
تبرد راسي وتنسيني مشاكلي
5
وفعلا شربت النرگيله واخذني وداني لشقه عنده گعدني بيها وگال اخذ راحتك محد يضايقك هنا
1
من گال شقه عنده عاينت لضرغام بتعجب شقه !!!
4
والله ابن عمي ماعندي خبر بيها
1
المهم كمل محمد اسمعك
ظليت اسبوع بالعماره ويوميه اخوك يجي ياخذني ونروح نگعد بالگهوه ونشرب نرگيله .. خلص الاسبوع ورجعت لبغداد
2
بس من رجعت صرت مو طبيعي اخلاقي صارت زفت گمت اغلط على اهلي واضرب خواتي مرات حتى اهلي تعجبوا شبيه وشنو غيرني وحتى اني متعجب من روحي مجنت اعرف شبيه وليش هيچ صرت
9
ليش هيچ صرت عرفت بعدين
1
عرفت شيخ عرفت
وشنو العرفته
اخوك طول الفتره الاتردد بيها للعماره جان يخليلي مخدرات بالنرگيله واني مچنت اعرف لان مضايگها قبل حسبالي هي هيج طعمها
27
من گال مخدرات وسعت عيوني ونصدمت صدمت عمري هذا شديحجي
1
شدتگول انت تريد تتبله على اخويه
1
لا والله شيخ ما اتبله وعندي شهود هواي واثبتلك اخوك اكبر متعاطي مخدرات بس للأسف اني عرفت هالشي متأخر بعد ما ضيعني
3
كمل كمل
ظليت اتردد للعماره فتره كل اسبوع الى اسبوعين تقريبا وهو كالعاده يسوي عملته ويشربني مخدرات عن طريق النرگيله
1
فد مره رجعنه للشقه اني ويا ودخت ما اعرف شلون غفيت على نفسي بمكاني
1
شويه ووعيت لگيت اخوك لازم جهازي بيده
1
گتله شدتسوي گال ها هذا جهازك اعذرني دايخ حسبالي جهازي وراحت السالفه
4
بعد فتره بديت اعرف شغلات عن اخوك من خلال اصدقائه المقربين التعرفت عليهم وصاروا اصدقائي .. عرفت اخوك يتعاطى المخدرات وعرفت سبب تغيير اخلاقي وهو جان يشربني المخدرات بدون ما احس وعرفت هاي الشقه اليگعدني بيها كلما اجي للعماره مخليها لبنات الليل وللأفعال الحرام
16
هو يحچي هيچ واني دايخ ومصدوم من الأسمعه معقول ديحچي على اخويه .. صح غيث جان طايش ومتهور وميشبهنه بس متوصل بي الحاله يسوي كل هالعمايل ياربي معقول هذا ديتبله على اخويه حتى يخلص روحه. .. لالا ممعقول ديگول عندي شهود .. صحيت على روحي وشفت محمد وضرغام يعاينون عليه واني بغير عالم ... حچيت
3
وشصار بعد ما عرفت كل هالشي
فد يوم قررت اجي لاخوك بنص الليل للعماره واواجهه بكل العرفته
1
خابرته استقبلني ووداني للشقه گتله تعال اريد احجي وياك چان يجاوبني تعبان اجل الحجي الباچر وطلع وعافني .. اني هم چنت تعبان فنمت بسرعه
1
ثاني يوم العصر خابرني وگال
محمد يلا تطلع للگهوه
1
اي غيث اطلع
اجه عليه بسيارته ورحنه للگهوه
گعدنه مصارلي مجال احجي ويا
ضرغام واصدقائنه كلهم گاعدين فصحته گتله عندي كم كلمه وياك بره
طلعنه وواجهته بكلشي اعرفه وهو بده ينكر
1
اخير شي گتله عيب عليك انت ابن شيوخ اذا عرفت عشيرتك شراح يكون موقفهم منك
3
بده يلف ويدور بالكلام اخير شي لزمني من قميصي وگلي اذبحك واشمرك بالزبل بدون محد يدري اذا تنفست بحرف
1
گتله شعليه بيك اني راجع لبغداد وبعد متشوف خلقتي طول عمرك
گلي لا حبيبي متوهم طول عمرك راح تظل خلقتك بخلقتي
3
درت وجهي علي شتقصد
گلي اني معجب بأختك واريد اتزوجها
16
رجعت علي ركض ولزمته من وجهه يا اختي ومنين تعرفها
1
جاوبني ما اعرفها بس شايف صورها وعجبتني
3
گتله ياصور هاي ولك ناقص هذاك اليوم من شفتك لازم جهازي جنت تلعب بالصور الي بالجهاز
6
جاوبني اي بالضبط فتحت البصمه وانت نايم وشفت كلشي
1
هو يحچي واني مصدوم اخويه هيج يسوي وهاي يا اخت منهم اكيد الجبيره
11
كمل محمد الحجي وگال
گتله مالك مره يمي مو اني ازوج لاختي لواحد صايع وابن شارع مثلك
1
جان يطلع موبايله ويفتح الصور ويراويني صور امي وخواتي كلهن بجهازه
7
هو گال هيج واني وسعت عيوني ومدا اصدگ هذا اخويه هذا تربات الشيوخ والعشائر صار حاله حال ولد الشوارع ..
11
اي وبعدين
ساومني اخوك گال يا تزوجني اختك يا انشر عرضكم بكل مواقع التواصل واكتب عليهن بنات لليل واسويكم فرجه للعالم وعلج بحلوگهم
8
شدتحچي انت .. ويا اخت جان يقصدها منهن يريد يتزوجها
5
الاخذتها فصليه
گال هيچ لو ضربني على راسي بس هاي صغيره شلون تدنه نفسه عليها
25
اي وشسويت
حاولت اخذ منه الجهاز امسح الصور بهاي الاثناء طلع سجينه ما اعرف منين ما اشوف إلا السجينه بيده
1
هددني بيها .. گتله العن الشيطان وامسح صور عرضي وخليني اروح ما قبل وحلف ينشرهن لو ازوجه اختي
3
بهاي الاثناء حسيت ماعندي طريقه غير اخذ السجينه واضربه بيها حتى ابرد نار گلبي
8
تلاويت ويا واخذت السجينه واني اغلط علي واسب واهدده وما حسيت نفسي إلا واني اضربه مجان قصدي اقتله بس ما اعرف شلون صار هالشي بعدين اخذت جهازه لان الصور بي وشردت لان العالم التمت
13
دنگت واني ما اعرف شأكول معقول هذا اخويه معقول كل هذا يصير واني نايم ما ادري شنگول للعالم شنحچي
1
گلت الضرغام ياخذ ارقام الولد اصدقاء غيث من محمد ويخابرهم يجوني وفعلا اجو واكدوا كلام محمد
3
طلعوا الولد ودرت وجهي على محمد
روح لحال سبيلك محمد وامن محد يتعرضلك بعد
3
شلون اروح شيخ واختي
4
گتلك مالك اخت يمي
39
لا شيخ اكتلني بس عوف اختي اني اجيت هنا وخاطرت بحياتي علمودها
اقل شي اگدر اسوي حتى اعوض دم اخويه هو تظل اختك فصليه عندي
9
شيخ اخوك غلط وانتوا العشائر اكثر ناس ما تقبل بالغلط
1
اي غلط بس مو تچتله بمكانه .. جان اجيتني وسولفتلي الصار واخلي يركع جدامك ويطلب تسامحه مو تتصرف بكيفك وتهدر دمه
14
ساعة عصبيه شيخنه مجنت قاصد
وتتحمل نتائج هاي الساعه اذا
1
فجأه شفته جر سلاحي وخلا براسه وگال
اكتلني هنا بس عوف اختي
22
جاوبته بعصبيه
هي بكل الحالات اختك تظل يمي .. يا اجتلك وتظلي فصليه .. ياتروح بحال سبيلك وهم تظل فصليه
7
ظل يتوسل ويترجاني واني ظليت مصر على موقفي .. اخير شي گتله
2
روح محمد ارجع لامك واگعد على راسها وخليها تفرح بيك وانسى عندك اخت
10
طلع محمد وگتله لضرغام وصله لبغداد حتى لحد يتعرض اله
خابرت ابويه وگتله جيب اخواني وعمامي للمضيف وتعال
ساعه واجوا عمامي وشرحتلهم الصار
منهم ايد قراري ومنهم العارضني
اخير شي گتلهم
الچلمه چلمتي واخويه غلط وهذا جزاء غلطه ومقابل دم اخويه اخته موجوده فصليه يمي طول عمرها .. لحد يتعرضله من هسه اكولكم لان اليتعرضله يتعرضلي معناها .. اني نطيت الامان للرجال وكلمتي متصير ثنين
21
عم الهدوء المكان .. وحچيت
گدام الناس وگدام العائله اخويه نچتل بالغلط ومجان الرجال قاصد جتلته وصارت بعد ومقابل دم اخويه بتهم فصليه .. هذا الحجي كل الديره لازم تعرفه منريد نصير علج بحلوك العالم .. وخليت وطلعت
6
ركبت سيارتي ورجعت للبيت طبيت لگيت غدير وسما يشتغلن بالمطبخ
3
......
سويتله ريوگ الصبح وصعدت للغرفه الملمها كملت شغل بالغرفه ولبست جبتي وشالي ونزلت لگيته طالع وغدير بالمطبخ تشرب حليب
1
صباح الخير
هلا خيه صباح الانوار .. شلونها ليلتچ البارحه
2
يا ليله غدير شبيج
علينه مو شفتچ نازله من غرفة اخويه الشيخ
اي نمت هناك بس بالگاع لان حاره جوه المطي ميتحمل الحر وهو گلي نامي هنا بين ميسويلي بنكه للغرفه
1
هااا يلا بلكت يوسيلج بنكه هههه
16
وجع شبيج تتمضحكين
سوينه ريوگ وگعدوا العالم يتريگون وخلصنه لملمنه المواعين وبلشنه بالطبخ والتنضيف ... هناك وطبت عمته وبتها الحوبه سجى
9
اهووو هم اجت لا هلا ولا مرحبا شنو يوميه خو مو يوميه
2
ههه حبيبه شبيج غير تجي تنعش ريتها بهوى الحبيب
1
يا حبيب هذا
2
رجلج غير
عود ترديني اغار .. ترى ما اغار لو بيدي انطي الها واني. الممنونه
4
نشوف بعدين خيه واذكرج
23
ظلينه نشتغل ونسولف طبت سجى
1
ها غدوره شلونج
2
هلا حبيبه سجى الحمد لله انتي شلونج
2
الحمد لله ... اكولج خرا سويلي ريوك ممتريكه
34
درت وجهي عليها وخزرتها .. ترى اني وياج نفس الوزن والقافيه يعني انتي هم خرا
47
احترمي روحج لج
ما احترم روحي ويا الناس المامحترمه
1
اجت تريد تحجي وكفت كدامها غدير
حبيبه سجى بسج مشاكل وروحي كعدي يم امي وعمتي والريوك يجي لحد رجليلج بعد شتردين تامرين امر
8
طلعت وكلت الغدير
هاي شبيها عوذه لو بيدي انتف شعرها هذا سيم المواعين شعره شعره
7
اشتغلي ومعليج بيها گلبها محروگ متعرف شتتصرف
1
ظلينه نشتغل واجت سعيدان بنت المعدان تساعدنه وتشمر بالحجي لحد ما ضهرنه نكسر من الشغل
20
صار وقت الغده ودنشتغل بالمطبخ طب المتخلف وگال
7
السلام عليكم
1
هلا خويه وعليكم السلام .. تفضل شويه ويصير الاكل
لا خويه ما اشتهي صاعد لغرفتي تغدوا وصيحوني اريد احجي وياكم
3
صعد ودارت غدير وجهه عليه وگالت
يااا اول تالي اخويه يگول ما اشتهي شنو المگدر خاطره الله اليستر
6
صبينه وتغدوا ما تغديت وياهم ظليت يالمطبخ سويت لفه واكلت
1
خلصوا شلنه المواعين غدير وكفت تغسل المواعين واني الملم بالمطبخ واسوي جاي
صبيت جاي ووديتلهم .. حجت غدير
حبيبه اني ايدي بالمواعين صبي لرجلج جاي ووديله وكوليله خلصنه حتى ينزل
3
حجت سجى اني اوديله
1
عيب سجى شنو تصعدين الغرفة الرجال انتي بعدين مو هاي مرته موجوده وهي توديله
2
سمعتها هيج حجت صبيت وجاي ورحت اوديلها عناد بيها اريد اغثها مثل متغثني
11
دكيت الباب وصاح
تفضل
1
طبيت لكيته مشغل اخبار يعاين .. شافني كالي وين غدير لعد
5
ها مو دتغسل مواعين وما فارغه وكالتلي اوديلك الجاي واكولك خلصوا اذا تريد تنزل
خلي الجاي هنا وروحي
5
خليته على الميز اليمه وطلعت واني اكول
كبر شايف نفسه حسبالك ميته على شوفته واجيته ... وين غدير لعد واعوح بحلكي عود اعيب علي .. اصلا لو بيدي اتقيئ عليك من گد ما اكرهك .. نزلت
35
ها حبيبه گتيله
اي گتله
وشگالج
كلشي ما گال ليش هو اخوچ يحچي
كملنه المطبخ وشفته نزل من الدرج شويه وصاح سما غدير تعالوا
1
رحنه لگينا مجمعهم بالصاله
جانوا كلهم ملتمين حتى خواته المتزوجات ونسوان اخوته وعمته وبتها سجى وابو واخوانه
2
حجه وكال اليوم تحريت عن موتت اخويه وعرفت شغلات هواي
1
فتحت عيني واني اتسمعله شيحجي وشعرف يا ترى
كمل الكلام وگال
موتت غيث صارت بالغلط والولد مجان قاصد ديتشاقون وصار الي صار
10
كلهم صفنوا علي وينتظروا شراح يگول
وعليه محمد منا وجاي بأمان ومحد يتعرضله
1
صار صوت دوي بالصاله وواحد يحجي ويا الثاني بيناتهم
فرحت كلش واخيرا راح ارجع لبغداد .. قاطع افكاري كلامه من كال
6
بس الدم يبقى دم .. وعمر الدم ما رخص ..ثمن دم اخويه اخته فصليه طول العمر
19
نزلت دمعتي بدون ما احس من گال هيچ
4
فرحت من جهه محمد رجع لحضن امي من دون محد يأذي
وبنفس الوقت بجيت على روحي نحرمت من حضن امي كل العمر
4
ظلوا يحجون ويتناقشون سحبت روحي منهم ورحت للمطبخ بجيت لحد ما نتهيت
2
بابا حبيبي مو گلت اذا طلعت الحقيقه ترتاحين وين الراحه واني راح انسجن هنا طول عمري .. بابا ما دام اخويه رجع لامي وفرحت بي .. ادعي لربك وانت جنت خوش انسان واكيد الك منزله يم رب العالمين .. ادعي الله ياخذ عمري واجي يمك حتى صدگ ارتاح .. بابا تعبت گلبي ماعاد يحمل كل هذا الضيم .. وعيت على صوت غدير
10
حبيبه سما ليش تبجين
ما سمعتي الصار
اي سمعت المفروض هسه تفرحين اخوج رجع لامج بخير وسلامه
3
شنو الفايده واني مراح ارجعلها طول العمر
ميخالف خيه هذا قدرج ومتعرفين شضامتلج الايام گولي يا الله وانتي ترتاحين
4
گمت منها ورحت للصاله شفتهم گاعدين يسولفون گلت داخلي
عساكم لا رتاحيتوا ولا شفتوا الراحه مثل ما داتأذوني وتذلوني
19
رجلي ودتني للغرفه الجنت گاعده بيها طبيت وسديت الباب .. گعدت بالگاع وخليت راسي بي رجلي وگمت انحب بصوت مسموع
9
بابا تعالي خلصني .. گلبي راح يوگف من القهر حبيبي ليش رحت وعفتني انذل بعدك شوكت اشبگك واشمك حتى اريح النار البصدري شوكت اسمع منك كلمة اميرتي حتى احس نفسي صدگ اميره مو خدامه لليسوه ولما يسوه
20
بعدني ابجي بحرگه واحچي ويا ابويه بداخلي بهاي الاثناء حسيت الباب نفتحت .....
يتبع💋
