فصليه_لأُناس_لايرحمون
للكاتبه # نور الدليمي
8
شفتها ما جاوبتني اخذت من السرير مخده وتمددت بالگاع وشغلت التلفزيون على الاخبار ونصيته حتى تنام ترتاح وظليت اتفرج على الاخبار .. ما حسيت إلا غدير فتحت الباب وگالت اجن خواتي ينتظرنك
1
گمت من مكاني دا اطلع من الغرفه درت وجهي لگيتها گاعده ... رجعتلها
1
سما تنامين هسه لو لا
1
لا ليش تسأل
1
حتى اوديچ تنامين هناك على القنفه واصيح غدير تنضف الجربايه والگاع كلها دم
3
عاينت على الجربايه صدگ مليانه دم والريحه قويه بس من الألم ما انتبهت لكلشي .. سألته بتعجب
1
شجاب الدم هنا !!!
1
ابتسم وگال
2
غرگتي البيت بالدم مالتچ بحيث صعدلي للغرفه وطوف فوگ السرير ...
26
حچه هيچ وطلع .. تعجبت شصعد الدم هنا معقول صعدني فوگ قبل لا يوديني للمستشفى ... اكيد صعدني ماكو غير تفسير بس ليش ؟؟ بعدني افكر نفتحت الباب شفت غدير دتطب
5
اخويه دزني انضف الغرفه والجراجف تعالي اگومچ على القنفه حتى انضف
1
سندتني ومشتني للقنفه .. بهلأثناء سألتها :
غدير شجاب الدم هناا ؟؟
والله حبيبه ما ادري سألي رجلج
4
ما حچيت شي گعدتني على القنفه وراحت تنضف
1
....
نزلت وطبيت للمطبخ شفت غدير تشتغل طلبت منها تصعد تگعد سما على القنفه وتنضف غرفتي من الدم وتغسل الجراجف
5
صعدت غدير ورحت للصاله لگيت امي وخواتي مجتمعات ومحد يمهن .. سلمت
2
ردو السلام
گعدت واني نار شابه بضلوعي شگد صعبه من المنك وبيك يطعنك وينزل راسك .... رفعت راسي وحچت
10
احچي حجيه شصار ...
2
شحچي يمه هو شنو الصار
2
تعرفين شصار بس اريد اسمع منچ
ما اعرف شي يمه انتي تحجه
8
ليش سويتوا هيچ بسما
نطت حنان خويه كلشي مسوينالها اكبر جذابه تتبله علينه
12
گمت من مكاني واني افرك أيد بأيد
بله ست حنان ممكن تگليلي شلون تتبله عليكم .. مثلا تلزم السجينه وتجوي نفسها حتى تتبله عليكم لو تضرب جسمها بالحزام وتسوي خطوط خطوط وتتهمكم بهالشي لو تلزم الحديده تنيمها براسها وتتحمل خياط من الطول للطول بس حتى تطلعكم مو خوش
15
محد رد
زمخت بيهم شو ساكتين اريد احد يجاوبني لا احرگكم بمكانكم
5
حجت جنان ...
خويه تستاهل هي فصليه شتريد نغلس رجلهه بالماي ونغسللهه ايدهه وره متاكل
21
والفصليه بشر لو حيوان ... يا عرب تظل بشر بشر والله حتلو حيوان جوه ايدكم جان رحمتوا
45
حجت الحجيه
يمه تستاهل اكثر من هالشي شنو بسرعه نسيت اخوك چنت متأمله تزفلي خبر موت اخوها وتفرحني من اشوف دمه جدامي وتالي هسه واگف چدامي تدافع عن بنت الشوارع
30
اولا يمه ما اسمحلچ تگولين عليهه بت شوارع هاي مرتي مهما كان .. ثانيا چتلت اخويه صارت بالغلط ومقابل هاي اخذنه بتهم فصليه وحرمناهه منهم ونحرموا منهه وخليناهه خدامه للصغير قبل الجبير ومتحمله المسبه والمهانه والمذله وساكته هذا كله وما نشفه گلبچ تردين بعد اكثر .. حرگت گلبچ على ابنچ مو اقل من حرگت گلب امهه عليها على الاقل انتي تعرفين ابنج نايم جوه التراب وتحد ايد ارحم الراحمين .. إله هي المسكينه نحرمت من بتها وهي تشتم الهوى طول عمرها وتعرف بيهه بيد ناس ميحبوهه وكل دقيقه يتشفون بيهه حتى يبردون نار گلبهم .. شتردين اكثر من هذا بعد ....... ثالثا انتي حچيه وحاجه بيت الله وتعرفين بالقرأن يگول ربچ ولا تزروا وازرة وزر اخرى وينچ عن كلام رب العالمين يمه ... شغيرچ ما چنتي هيچ طول عمرچ تخافين ربچ حتى باليكرهچ بس اني اعرف هاي مو سوالفچ هاي سوالف خواتي هن يعلمنچ من شوكت حبنچ وگامن يريدن مصلحتچ الله وكيلچ كله حقد وغيض مو حبا بيج هيچ سون
60
حجت حنان
وسفه خويه طلعتنه هيچ مو خوش من تالي عمرنه
7
بسچ حنان حسچ ما اسمعه على عملتكم هاي لو اذبحكم على قبلة الكفار ميشفه گلبي .. لو ميته البنيه شگل للناس جاوبني ... لو ميته شگل لربي قبل الناس ... على هاي عملتكم شلتو عگالي من راسي ودستو برجلكم
26
لا يمه حشاك وحشه عگالك يظل مرفوع طول العمر فوگ راسك وما عاش الينزله ويدوسه
17
اسمعني حنان جنان اسماء امال ... ما طولني عايش واشم الهوى هذا البيت مالچن مكان بي تگومن هسه تطلعن ومن هاي اللحظه اني ماعندي خوات غير غدير ... سمعت حنان الحجي وگفت على حيلهه
25
شنو الجديد خويه من يوم يومك تفرق بينه وبين غدير
10
اني ما افرق وكلچن خواتي واحبچن بس غدير ترباتي عمرها ما غلطت بشي خصوصا بحقي ... عمرها ما تجاوزت على شي يخصني مثل ما سويتن انتن ... انتهى النقاش لبسن عبيجن وطلعن من الباب ولا تفوتنله بعد دامني عايش
23
طلعن خواتي وگعدت يم امي احچي وياها وانصحهه بالتي هي احسن حتى لاتاخذ على خاطرهه وبنفس الوقت لا ترتكب ذنوب تلوث طيبتهه ومعدنهه الاصيل
50
.....
ظلت غدير تنضف بالغرفه واني صافنه واتذكر الصار ومخنوگه احس غصه واگفه بزردومي ... حچيت
1
غدير انتي شعجب متشبهين خواتچ
2
هههه شلون يعني ما اشبهن
1
يعني لا شكل لا اطباع ... انتي احلى منهم وحبابه اكثر منهن .. اصلا ماكو بالبيت شخص حباب غيرچ
2
لا حبيبه هواي اكو خوش ناس هنا .. مثلا اخواني وسام وسامر حبابين وعمرهم ما اذو احد عايشين بحالهم وچافين خيرهم شرهم ... اخويه امير ماكو بطيبته وبزينيته ... وغيث الله يرحمه جان طيب بس مصگوع وغارته الدنيه ... اما خواتي صح من يوم يومهم يكرهني اني وامي واخواني امير وغيث وميحبن النه الخير
20
صفنت على حجيها وجاوبت ..
ليش هن غير خواتچ
لا حبي خواتي بس مو من امي .. خواتي من مرت ابويه الاولى ماتت الله يرحمهه وتزوج امي خلافهه
17
هاا ومنو اخوانج من امج وابوج
اني وامير وغيث
2
هااا اگول خواتچ ما بوجهن رحمة الله
2
اي حبيبه واني متأكده هن وره السالفه الصارت وياج .. اكيد حشن امي عليج وستغلن قهرهه على اخويه حتى يذبن سمهن وحقدهن مثل ما يتمنن .. بس ولا يمهج اخويه هسه ياخذلج حقج
1
يمعوده خلي ياخذلي حقي من نفسه اول بعدين ياخذه منهن
8
والله اخويه طيب والايام تثبتلج
13
سكتت ما حچيت شي ..
نضفت وكملت تنضيف وفرشت فرشت الجربايه وسندتني رجعتني على الجربايه وگالت
1
حبيبه تردين شي انزل على شغل البيت اساعد ضحى وسعيدان على گولتچ لا تصير سعلوه عليه
7
ضحكت من حچت هيچ ..
لاحبي نزلي ما اريد شي
ماشي وصدگ بلليل اصعد ادهنلچ من هاي العصاره شفت كاتبين عليهه مرتين باليوم حتى لايظل اثر بجسمج
2
اوك حبي شكرا
تتدللين حبيبه
نزلت غدير وشويه ونفتح الباب ودخل امير
1
شلون صرتي
1
ما جاوبته
10
رجع تمدد بالگاع يتابع اخبار .. غفيت اني
حسيت علي ديصلي عرفت صار الليل
عاينت علي يطول بصلاته ومدنگ راسه
2
حجيت بگلبي
ليشوفك يگول شيخ جامع مو شيخ طلايب
111
دار وجهه ها گعدتي
8
ما جاوبت
22
ندگت الباب غدير طبت
خويه اجيت ادهن السما الدهن وانزل اعاونهم بالعشه .. انزل انت بين ما ادهنلهه يصبون العشه حتى تتعشه
1
نازل خويه نازل
2
نزل هو وظلت غدير يمي تدهنلي اني اصيح من الألم وهي تشهگ
1
عزه عزه ولج شمسويات بيچ الله ينتقم منهن
3
امين حبي امين .. اخ على كيفچ حيل دا اتأذه
27
اسفه حبيبه اسفه
كملت غدير دهن الي واني الوج من الالم ..
حبيبه راح انزل اساعدهم بالعشه ومن اخلص صب اجي اجيبلج عشاچ هنا
3
شكرا عمري تعبتچ
تعبچ راحه بعد گلبي
11
نزلت واني ظليت الوچ ما اعرف انام على ياصفحه من الألم
1
ضجت وختنگت ... شتاقيت لأمي شتاقيت لأزل اشتاقيت لمحمد والاهم شتاقيت الابويه
4
غرگت بدموعي بدون ما احس .. ياربي شسويت بحياتي واتحمل كل هذا ياربي على ياذنب دتعاقبني .. ندگت الباب وطبت غدير
1
هاج حبيبه العشه
6
تسلمين حبي
تامرين عيوني
دتطلع گلتلها غدير انتي عندچ موبايل
اي عندي ليش
ها لا هيچ بس اسأل
هااا ماشي رايده شي انزل اتعشه
لاحبي روحي بالعافيه
يعافي بدنچ
نزلت غدير وگعدت اكل بس گوه ما اشتهي فكره توديني وفكره تجيبني اريد اهلي شتاقيتلهم اريد ارجع احس بلأمان الچنت احس بي واني ببينهم هنا اخاف حتى من اغمض عيوني ... ياربي ساعدني يارب عيني
6
كملت عشه وشلت الصينيه خليتها على الميز .. درت للتلفزيون گلت خلي اگعد اعاين بلكت التهي شويه .. شغلته وبديت اگلب بالقنوات
4
جانت طالعه مسلسله تركيه گعدت اعاين فجأه ابو البطله مات شبعت بچي وتذكرت موت ابويه .. خرب حظي اجيت الهي نفسي تالي زاد الطين بله عليه
36
شويه وطب امير بدون ميحچي جر بطانيه من الكنتور وشال المخده من الگاع خلاها على القنفه وتمدد .. خله ايده على وجهه حچيت ...
1
تعال نام على الجربايه واني انزل بالگاع
نامي بويه نامي وينچ وين الگاع
15
گلت بداخلي يطبك مرض فوگ مرض .. لفيت راسي ونمت
94
عدى اسبوعين على نفس النمط تجي غدير تنضف الغرفه وتنطيني علاجي بعد متجيبلي الاكل وتروح واني اظل بملل مرات اتابع تلفزيون ومرات انام وطول هاي الفتره ماشفت اي احد غير غدير وامير ومحد ضوجني ... وامير ما اشوفه بس بلليل يجي ينام واگعد الصبح الگا طالع
1
.....
عدت الايام حالهه حال غيرها گمت ما اطب لغرفتي غير وكت النوم حتى لا تضوج وابعدها عن التوتر والصبح اگعد اصلي وابدل وانزل اتريگ واطلع للديوان قبل لا تگعد
9
.
گعدت اليوم كالعاده ماهو امير ضجت وحدي وضجت من التلفزيون .. تحسنت ورجعت امشي طبيعي والاثار بدن يختفن بس عضامي بعدها تصل عليه .. گلت انزل شويه خصوصا عرفت من غدير امير طارد البنات وماكو احد غير غدير وضحى وسعيدان
4
لبست حجابي والجبه ونزلت طبيت للمطبخ شفت بس غدير گلت ...
1
صباح الخير حبي
هلاهلا حبيبه صباح الانوار نور المطبخ
2
ههه منور بوجودچ حبيبه
ههه حلوه هاي حبيبه طلعت حلوه بلسانچ
ضحكت ورحت اسوي ريوك
لا سما شدتسوين اني اسوي
1
شبيج غدير والله صرت زينه قابل معوقه وهيج تعاملني
4
اوامر الشيخ هاي كلشي متسوين واكلج يوصل لسريرج
5
اي حبي هذا الحجي من جنت تعبانه هسه صحيت واحسن الحمد لله .. ماقصرتي صارلچ اسبوعين تخلين وتشيلين من گدامي خلف الله عليج
1
بالخدمه عيوني انتي
الله يجزيچ كل خير
رحم الله والديچ
3
سويت جاي وگعدت اتريك وغدير تشتغل
1
اجت سعيدان بنت المعدان
7
ها خاتون شرفتي
1
اي شرفت رايده شي
گومي اشتغلي كافي دلال
3
هسه اكمل ريوگ واشتغل بدون متكوليلي
اي عاد شلونچ نادره ماكو منج بت الشوارع
7
ليش متحترمين نفسج وتضبين لسانچ حتى احترمچ وما اغرد الج تغريد ميعجبچ
10
غردي غردي خيه چا انلام من اگول بت الشوارع مدري بت الحرام الله يعلم امچ منين جايبتچ
1
دا احچي قاطعتني غدير
سعاد احترمي نفسج ولتتجاوزين عليها يجي الشيخ واگله ومراح يعجبج رده ساعته
6
ظلي دافعيله انتي نصبوج محاميه الهه وما ادري شحال لو ما اخوهه جتل اخوج
انتي گلتي اخوهه جتل اخويه مو هي جتلته فكافي عاد جوزي منهه وخليج بحالج
22
ضاجت سعيدان وطلعت رجعت اكمل ريوگي ندگ باب المطبخ
فتحت غدير الباب جان ولد اسمر طويل مملوح سمعتها گالتله هلا ابن عمي
1
هلا بغدوره هذا مسواگ دزه الشيخ الكم
7
عاشت ايدك وايده
ديطلع عاينلي ..
شلونچ خيتي شلون صرتي
تعجبت وجاوبته
الحمد لله اشكرك
سلم وطلع غدير ظلت تعاين ورى
4
انتظرتها ماكو اخذتلها صفنه ورى بالخمس دقايق
35
هييي غدير وين صفنتي
ها لا خيه ما صفنت
ولج ياما صفنت صارلج ٥ دقايق صافنه سلامات شبيج
2
مابيه شي شبيه يعني
هاااا افتهمت افتهمت يمكن هذا الحب
6
اني گلت هيچ گمزت سدت حلگي
ولچ اششش ليسمعچ احد يا حب هذا هي مال حب
احچيلي حبي احچيلي وسرچ ببير لتخلي بگلبچ بعدين يورم ومتلحگين علي
1
شبيج انتي لخاطر ربچ ماكو هيچ شي تتوهمين
والله وروح ابويه ما اتوهم واگص ايدي منا اذا ما طلع هذا الحب وتخافين تحجين
2
اششش ولج اششش هم گالت حب شو سكتي لحد يسمع
احجي حتى اسكت
راح احچي عمي راح احچي بس توعديني تسكتين بعدهه
اوعدچ
هذا ضرغام ابن عمي
هلا هلا اسمه ضرغام فارس الاحلام والله اسم هههه
32
اذا تظلين تستهزئين فلا احچيلج بعد
لا سكتت كملي
احبه سما اموت على التراب اليمشي علي بس هو ولا يمه ابد ما فديوم عاينلي بنضره حلوه .. لمحلي مثلا .. صخم لطم اي شي بس يحسسني هو عنده مشاعر تجاهي
56
هاا يعني حب من طرف واحد
12
اي خرب حظي المصخم
يجوز يحبچ
اني گلت هيچ شو هاي شرگت حلگها من الطول للطول وگالت ..
9
صدگ شلون بله
13
يعني حسب ما عاشرتكم بهاي الفتره البسيطه عرفتكم اهل عادات وتقاليد صارمه والغلط عدكم مينغفر
1
اي صح
اي يعني بالمقابل يجوز يحبچ بس ميگدر يگولچ لان انتي بنت عمه وعرضه
2
ولج مو بس هاي هو صديق امير من الطفوله وبير اسراره
4
هاي بعد اضرب يعني صديق امير وتردي يلمحلچ الله يهديچ
13
واذا لمحلي وانطاني امل شكو بيها
ولج مخبله اذا لمحلج راح يحس بالذنب تجاه امير يگوم يحس مثل الديخونه ويطعنه بشرفه
3
وتالي شلون اعرف عفيه .. والله شگد يخطبوني وارفض اتحجج بعدني صغيره وامير ميحب يضغط عليه ويجبرني بس الى متى
1
اصبري حبي اذا قسمتج يصير واذا لا بعد الله كاتبلج الاحسن
يمه شنو الله كاتبلي الاحسن لو ضرغام لو اموت وما اتزوج ولا اخلي احد يطخني غيره
15
دنحچي وطبت ضحى
صباح الخير
صباح النور
الحمد لله على السلامه عيني
الله يسلمچ حبيبتي
همست لغدير اگولج هاي حبابه لو اني يتهيألي شو هي بصوب واختها بصوب
4
اي ولج هاي متشبه اختهه فطيره وبحالهه سنيين يمنه منسمعلهه صوت تشتغل وتاكل وتنام
13
هم انعم الله خليها هيج ولا مثل اختها وسعيدان .. دنحجي وطبت سعيدان
شو بعدج گاعده خاتون گومي شتغلي صار الضهر
حاضر سعيدان گايمه
شنو سعيدان ولج العب وياج توكي
17
ولا يهمچ حاضر خاله
41
وخلخاله التخلل عضامج شنو هازه كاروكج
4
استغفر الله ربي لاهاي تقبلين ولا هاي تقبلين حتاريت وياچ شگلج
كلشي لا تگولين اشتغلي وانتي ساكته
گمنه انضف ونسوي غده ومر الوقت بسرعه
صارت بالوحده دا انضف الكاونتر طب امير
....
كالعاده گعدت من الصبح ورحت للمضيف كملت اشغالي ووصيت على مسواگ جابوا انطيته لضرغام يوصله للبيت .. صار الضهر رجعت اتغده وارتاح لان عندي طلابه العصر لازم احلهه
9
طبيت من باب المطبخ لگيت غدير تحضر بالماعين وسما تنضف الكاونتر تفاجأت
بدون ما اسم گلت :
هاي شنزلچ وليش دتشتغلين
8
شلون يعني اظل محبوسه فوگ مليت .. بعدين صرت زينه گلت انزل اعاون غدير خطيه صارلها فتره تعبانه ويايه
خو ميوجعچ شي
3
لا الحمد لله بس عضامي شويه تصل عليه
اي طبيعي جان عندچ رضوض قويه شويه شويه يخف الالم
عفتهم بالمطبخ وصعدت فوگ ابدل .. صارلي هواي مصاعد فوگ بس بلليل انام واطلع
لگيتها نضيفه ومعطره
15
بدلت ونزلت .. رحت للصاله امي وابويه واخواني كلهم گاعدين
سلمت وگعدت وبدوا يصبون بالغده وينگلو ... كملو صب والكل گعد
شفت سما دارت وجهه دتروح .. صحتلها
تعالي وين اگعدي تغدي ..
اجت تگعد امي صاحت ،،
اذا هاي الفرخه تگعد على السفره اني اگوم من مچاني وگامت دتروح ......
يتبع✨
