فصليه_لأُناس_لايرحمون
+
للكاتبه # نور الدليمي
2
من گال سما حظري روحچ اوديچ لأهلچ ما صدگت السمعته .. نصدمت وتفاجأت بس الاهم من كل هذا فرحت ..
2
اي فرحت واخيرا حرجع لحضن ماما .. واخيرا حخلص منهم وارتاح من هذا العذاب
6
شكرا ياربي شكرا لان استجابيت لدعائي وعوضت صبري خير
1
سمعت ابو گام يحچي ..شلون ترجعها وبكيفك تتصرف
3
صاح بيهم وگلهم وهو صاير اعصاب
اي بكيفي .. انه الشيخ وانه الجبتهه وانه الراح ارجعهه لهنا وكافي طلع دم ابنكم وزايد والباقي يروح فدوه لجزاء غلطه وطيشه
2
عفتهم ورحت اركض لغرفة غدير واني فرحانه
2
فتحت الكنتور وبديت اطلع الملابس وگلبي يدگ سريع وما مصدگه كل الصار
3
نفتحت الباب وطبت غدير
رفعت راسي واني اضحك واعاينلها .. شفتها الدموع بعينها وواگفه بالباب
3
فجأه صحيت على روحي واختفت ابتسامتي
7
رغم كل الألم العشته بهذا البيت بس اكو شي بي يربطني بي .. اكو شي يخصني
2
اكو غدير اختي الماجابتها امي .. الوگفت ويايه وساندتني وما تخلت عني حتى بأصعب الضروف
7
اكو امير الحبيته وچان اول رجال يدخل الگلبي ويستوطن مشاعري بدون اذن مني .. بس للأسف ما كان گد هذا الحب ولا گدر يتمسك بيه
24
نزلت دموعي فجأه .. ونسيت الفرح الچنت احس بي قبل لحظات
1
فتحت ايدي الاثنين الغدير .. واجت تركض بسرعه وحضنتني وهي تشهگ من البچي
2
ولچ سما صدگ راح تعوفيني ...ولچ شعندي غيرچ بهذا البيت
4
سما انتي اختي الوحيده الطلعت منهه من هاي الدنيه تالي هنت عليچ وراح تعوفيني
1
الله عليچ لتروحين واوعدچ بعد ما اخلي احد يأذيچ واتوسل بأمير يحميچ منهم
9
گمت ابچي لكلامها واني حاضنتها حيل
غدير انتي اختي الما جابتها امي .. اوعدچ ما انساچ طول عمري وادعيلچ يوميه بصلاتي الله يريح گلبچ ويسعد بختچ
1
مجبوره اروح غدير سامحيني ... ولتخافين انتي مو وحدچ
1
امير اخوچ وياچ يحبچ ويخاف عليچ حتى من الهوى .. وخرتها من حضني ورفعت راسها بيدي وعاينت لعيونها مليانه دموع
1
ضرغام وياچ غدير .. سمعتي شلون يحبچ من الطفوله مثل ما انتي تحبي
ان شاء الله بعد فتره بسيطه تتزوجون وتحققين حلمچ الچنتي طول عمرچ تحلمين بي
1
گامت تشهگ وتگول .. سما ردتچ موجوده وياي بهذا اليوم شلون اتحمل البيت بغيابچ والله صعبه سما صعبه ... ورجعت حضنتي وگامت تبچي
4
رفعت راسي واني حاضنتها وابچي .. شفت امير واگف بالباب ويعاين علينه بنضرات غريبه
11
....
گلت لسما تحظر روحهه حتى ارجعهه لاهلهه
لهنا وكافي البت تعذبت وياي ويا اهلي هواي .. والأهم من كل هذا ما طايقه وجودي وتنتظر اليوم التخلص مني بفارغ الصبر
3
من گلتلهه ارجعچ الاهلچ شفت الفرحه بعيونهه الغابت عنهه من اجت لهذا البيت
3
صعدت وصعدت غدير وراهه .. وظليت اتجادل ويا ابوي على هاي السالفه
حچي اسمعني العندي گلته وهاي البت اليوم تبات ببيت اهلهه وفضت السالفه
والوادم شنگللهم يا امير
5
سامر الوادم من يحچون يحچون علي انه مو عليكم .. عوفولي هاي السالفه انه احلهه ..
1
سمعت وسام حچه
هذاهو خويه براحتك سوي اليعجبك واني برأيي هذا الصح البت تعذبت هواي وهي مالهه ذنب .. الذنب الاساس ذنب اخوي الله يرحمه
4
عفتهم وصعدت وانه حامل حمل بصدري بس الله يعلم بي
18
وصلت لغرفة غدير وشفتهه شلون حاضنه سما وتتوسل بيهه حتى متعوفهه وتروح
وسما تحاول تقنع بيهه
الموقف بهذيچ اللحظه صعب كلش اشرحه بكلمات بسيطه .. ياربي صبرني وانت صاحب الصبر
2
شفت سما انتبهتلي واگف
عافت غدير واجتي باتجاهي
امير شكرا الك .. شكرا من كل گلبي على هذا الموقف .. محنسى طول حياتي صدگني
2
تشكرني وانه بداخلي اگلهه ياريتچ تحسين بالنار الواجه بيه على فراگج
7
جاوبتهه ماكو داعي تشكريني هذا الشي چان لازم يصير من زمان ..
خلصي وانه ناطرچ بالصاله لا تتأخرين .. ونزلت وعفتهم
1
.....
انطتني غدير جنطه صغيره خليت بيها ملابسي ما عندي هواي ملابس اصلا
3
خليت گلابياتي بكنتور غدير وما اخذتهن .. درت وجهي على غدير وشفتها بعدها تبچي
1
لتبچين حبي الله عليج شوفي هاي گلابياتي خليتهن بكنتورچ كلما تفتحي وتشوفينهن تذكريني
4
گامت تبجي وركضت حضنتني وهي تكول
لا تنسيني سما والله انه مراح انساچ واظل للموت احبنچ
12
بستها ومسحت دموعها واني اگولها ...
اكو حده تنسى اختها شدتحچين غدير
راحت جابت ورقه وقلم وكتبت رقمها الي
هاچ هذا رقمي وصفحتي بالفيس تعرفيها انتي .. الله عليچ بس يصير عندچ رقم وتفتحين الفيس مالچ خابريني انتظرچ دقيقه دقيقه مو تنسين
3
تتدللين حياتي ما انسى اوعدچ
+
لبست الجبه وفوگاها العبايه وما اعرف ليش لبست العبايه مع اني راجعه لبغداد ولازم انسى كلشي هنا
4
درت وجهي على غدير وشفتها تعاينلي وتبچي ركضت حضنتها
4
غدوره ديري بالچ على نفسچ وبس يصير شي وياچ حاچيني نظل نتواصل متفرقنه المسافات ولا تنهي خوتنه
3
نزلت ونزلت غدير ويايه وهي متسكت من البچي
عاينت الامير انتبه علينه من نزلنه وظل يعاينلي
10
...
1
نزلت وظليت انتظرهم بالصاله واني گلبي مثل النار .. اتمنى هاي الدقايق متمشي .. اتمنى الزمن يوگف بهاي اللحظه
2
ربي شلون راح احمل غيابهه ... الهي مثل ما زرعت حبهه بي شيله من گلبي وريحني
3
نزلت وشفتهه لابسه الجبه وفوگاهه العبايه ما توقعت منهه هاي الحركه نصدمت كلش
1
شفتهه راحت باتجاه امي وگعدت يم رجلهه وگالتلهه
1
خاله سامحيني اذا بدر مني شي غلط بس والله اني مالي ذنب بكلشي صار ومع ذالك اعتذر من گلبچ الملچوم نيابه عن اخويه
19
باست راسهه امي وگالتلهه وانتي هم سامحينه يمه محروسه بعلي
51
گامت وعاينت الاهلي واحد واحد حتى نسوان اخوتي وگالتلهم مع السلامه سامحوني اذا اذيت واحد بيوم منكم وبدون قصد واني من يمي مسامحتكم
5
رد عليهه وسام اخوي
بالسلامه خيتي واستري ما شفتي منه
5
يا الله شگد هاي البنيه صافيه ونقيه .. رغم كل السوينا بيهه جاي تعتذر منهم
10
اخذتهه وطلعت وغدير طلعت ويانه للسياره
غدير كافي رجعي خلي نتحرك
لحظه امير الله عليك بس احچي وياهه شويه
يله فضينه
دارت وجهه على سما وگامت تبچي
سماوي حبيبه صدگ صارت وراح ترحين منو الي من بعدچ
لتبجين حياتي بداعتي هذا امير موجود وامچ وابوچ واخوتچ موجودين واني ما انساچ صدگيني
1
يلا مسحي دموعچ ودخلي للبيت وكافي بچي
سمعت كلام سما وراحت للبيت وكل شويه تتلفت عليهه
1
صعدت سما بالسياره وصعدت اني وشغلتهه وحركت
1
...
نزلت وسلمت على ام امير واعتذرت منها لاني اقدر حرگت گلبها على ابنها .. چان ردها الي باعتذار متبادل
رفعت راسي واعتذرت من الكل مع اني ما غلطت بحق احد بس مع ذالك صار بيني وبينهم زاد وملح والعشره متهون إلا على ابن الحرام
30
كملت منهم وطلعنه من باب المطبخ ... عاينت للمطبخ واتي صافنه على كل تفاصليه
شگد الي ذكريات بيك شگد اشتغلت هنا وبچيت هنا وترزلت هنا ونهانيت هنا وحضرت الامير ريوگ هنا وتريگت اني ويا لأول مره هنا ...
6
قاطعت صفنتي وطلعت وطلعت غدير ويانه ومتقبل تعوفني گوه قنعتها تروح ولحد ما حرك امير السياره هي تعاين ورانه .. احبچ غدير ومراح انساچ
31
......
طول الطريق انه ساكت وسما هم ساكته ... الهدوء عام المكان والحزن مخيم علينه ثنينه وواضح هالشي
شغلت الراديو بلكت يصير صوت ونلتهي حظي طلع اغنية شو گدرتي على فراگي شو گدرتي لهيثم يوسف
80
ما غيرتهه اخاف تنتبه علي .. بس الاغنيه خنگتني فوگ خنگتي وحسيت الهوه ما يطب الصدري بعد
6
...
امير چان ساكت طول الطريق واني هم سكتت وحاولت ما التفت علي حتى اقوي گلبي واخلص من هذا الحب ..
فجأه شغل الراديو وطلعت اغنية لهيثم يوسف
شو گدرتي على فراگي شو گدرتي
وابد ماتعبتي نفسچ ما سألتي
شرخص الي چان غالي احچيلي
بلكي اغمض ساعه انام بليلي
...
ياما گلتي ابقى وياك العمر
تريد ترحل وابقي اتاني وانتظر
وين اروح ومن حچي اللاموني
شغيرچ هسه ونستي عيوني
....
ياما گلتي عمري ما انسى هواك
گلبي مو گلبي اذا لحضه نساك
گولي شلي صار بس فهميني
من عذابي كافي بس ريحيني
24
.......
للحظه حسيت امير يعرف بمشاعري تجاها وديهديلي هاي الاغنيه كعتاب منه على روحتي
بلا شعور بچيت بخنگه ... بعدين انتهبت الروحي ومسحت دموعي وحاولت ما اخلي ينتبه عليه
2
درت وجهي علي شفت عروگه وواضحه بوجهه ويسوق بأيد ولازم راسه بلأيد الثانيه
2
امير بيك شي راسك ديأذيك لو شنو
لا سما لا ما بيه شي
دخلنه لبغداد وردت روحي الي بهواها ...
واخيرا رجعتلچ مدينتي الحبيبه واخيرا دا اشوفچ گدام عيني
مر شريط الذكريات گدامي من طلعت منها قبل كم شهر واني ما اعرف ارجعلها بعد لولا
1
فجأه نزلني امير بمكان ما اعرف شنو .. فتح الباب وگلي نزلي
3
نزلت واني متردده وصافنه بوجهه !!
ليش نزلتني هنا امير شنو صار ؟؟ ....
يتبع✨
