فصليه_لأُناس_لايرحمون
للكاتبه # نور الدليمي
2
طلع امير من يمي وغدير اجتني تركض اول ما طلع ...
ها سما خو ما ضربچ سمعته يصيح وگلبي راح خفت لا يأذيچ بدون ميحس
لا ما ضربني .. اگعدي خلي احچيلچ
گعدت غدير وسولفتلهه كل الصار من اتفقت ويايه سجى ولحد ما طلع امير من يمي
صافنه عليه وتسمع وهي مصدومه ...
كملت ... شويه وحچت
ليش سمعتي كلامهه سما .. هاي حيه ورادت توگعچ وبنفس اللحظه تكسر رگبة امير بعملتهه هاي ... ليش انطيتيهه هالفرصه
5
ما ادري بيها هيچ والله .. ما شفتيها صارلها فتره انعم من الدخن ويانه اثاريها تحوك لشي واحنه مندري
6
ظلينه نسولف .. وغدير خايفه من امير .. وخجلانه من ضرغام لان عرف هي تحبه وهو ميحبها ومحتاره بين هذا وهذاك .. سمعنه هوسه صارت جوه عرفانهم اجو
2
نزلنه جوه وچان مخبوصين يسولفون بالعزيمه وفلان هيچ سوه وفلانه هيچ گالت .. وتعرفون بعد القال والقيل مال المناسبات بكل مكان
8
گاعدين كلنه سامر ووسام وابو امير وامه ونسوان اخوته .. سمعنه صوت امير طب وسلم وگال ..
همزين لگيتكم مجموعين عندي حچي مهم وياكم
11
حچه ابو .. خيرك وليدي مو على بعضك والظهر هم عفت الوادم وطلعت صاير وياك شي وماعندي خبر
لا بويه ماصار شي راسي وجعني شويه من الهوسه ورحت للديوان ارتاح هناك
سلامتك ولدي تحچه نسمعك كلنه
رايد اتزوج بويه
105
هو حچه هيچ لو اني حسيت گلبي وگف والنفس بعد ميصعد وينزل بصدري .. مدا استوعب الديصير گدامي
صاحت امه ... بالخير بالخير يبن بطني ساعه المباركه هاي .. واخيرا راح افرح بيك واشوف جهالك والله لسويلك اكبر عرس وخلي السلف كلهه تسولف بي
5
يمه ما اريد عرس .. اخوي مدارت السنه مالته ويني وين العرس
1
عداك العيب بويه حقك بهاي .. زين ما گلتلنه المن رايد
سجى بت عمتي بويه
31
يا زين ما اخترت يبعد ابوك
8
هو گال سجى لو واحد ضربني على راسي .. امير ليش شصار مو اليوم چنت تحچي عليهه وتگولي حيه شغيرك وهسه ردتها .. احچي ويا روحي وبدون ما احس دموعي بللت خدي ...
11
صاحت غدير .. خويه ما لگيت غيرهه .. وبعدين ليش تريد تتزوج مو عندك مره
حچت امه ... وهي هاي هم تحسبينهه على وليدي مره .. هاي اجت لهنا فصليه يعني تخدمه وتگضيله حاجاته مو تصير مرت الشيخ وام جهاله چدام الوادم
3
ما تحملت اكثر وصعدت فوگ لغرفة امير .. طبيت ونمت على الجربايه وگمت اشهگ من البچي
25
....
بعد ما حچيت ويا ضرغام رجعت للبيت وانه مقرر افاتح اهلي بالموضوع حتى اتزوج سجى
2
طبيت وفاتحتهم فعلا بدون ما اعاين على سما ولا اشوف ردت فعلهه .. بس حسيت عليهه نسحبت من الصاله وصعدت فوگ وشويه ولحگتهه غدير
1
....
دا اشهگ من البچي وما اعرف عليش .. على مستقبلي الضاع ... لو على نفسي الأملتها زايد عن اللزوم ... لو احلامي الداستهن الايام وداستني وياهن ... طبت غدير وشافتني اشهگ من البچي
4
اجتي ركضت وحضنتني وهي تگول
لتبچين حبيبه فدوه لگلبچ ... تدرين بالوضع من اول انتي ... تذكرين مره گتيلي لو بيدي اقدم امير على طبق من ذهب السجى وانه الممنونه وهاي صار التردي هسه ....
انتي ما حبيتي اخوي وبعمرچ مراح تحبي .. ديري وجهچ عنه وعيشي حياتچ ... الي الله قاسمه الچ تشوفي وخلي عينچ بعين رب العالمين حشى لله يظلم عبده يجي يوم ويفرجهه عليچ
1
اي غدير اي اني بعمري ما فكرت بأمير ومستحيل افكر بي لا هو الشخص الاحلم بي ولا من مستوايه ... بگد ما شفت عذاب بهذا البيت بگد ما اكرهه .. اني ما بچيت هسه إله على حظي .....
8
احچي هيچ واني اجذب عليها هذا الشي مو نفسه البداخلي غدير .. ما اگدر اگلچ اني احب اخوچ بس هو ميتجرأ يعترف بحبي ويخليني مرته گدام الناس لان جابني لهنا فصليه قاطعت تفكيري وحچيت ...
غدير سمعتي امچ شتگول اني فصليه يعني خدامه.. وهو يدري اني فصليه وحتى يكسرني ويعاقبني زين على فعلتي هاي راح يجيبلي حيه بالبيت .. هي بعيده عني وسوت كل هالعمايل بيه لو تجي وتعيش ويايه وتصير مرته شراح تسوي حاچيني شراح تسوي اكيد تخليني خدامه الهه طول العمر .. گوليلي شوكت اخلص من اخوچ ومن هذا البيت .. شوكت ارجع لمكاني وامسح من حياتي الايام السوده العشتهه ويا ... حچيت هيچ ورجعت اشهگ من البچي وهي تحاول تسكت بيه
3
......
صعدت فوگ حتى ارتاح من تعب اليوم والمشاكل العلى راسي ... سمعت سما تشهگ وغدير تگلها لتبچين وانتي ما حبيتي اخوي وچنتي تگولين لو بيدي اسلمه لسجى وانه الممنونه ومن هذا الحچي ..
الي صدمني فعلا كلام سما عني وهي تشرح كميه الحقد الشايلته علي بگلبهه ومشاعر الكره التحتفظ بيهه اتجاهي
2
انه ادريهه ما حبتني وعمرهه متفكر تحبني لكن الما توقعته هالگد حاقده بگلبهه علي وانه ما حاس بيهه
9
دخلت للغرفه .. گامت غدير وطلعت بسرعه
تمددت على الجربايه وهي على نفس وضعيتهه گاعده ما تحركت وتمسح بدموعهه ...
اااخ يسما ليش حبيتچ .. شسويتيلي وخليتيني انعمي حتى عن اغلاطچ المتخلص وانه الطول عمري ما اقبل بالغلط ولا اسامح علي .. شلون احبچ وانه اعرف انتي تكرهيني وماطايقه العيشه وياي .... فركت راسي بأديه وحچيت
6
سما
نعم شتريد
زواجي من سجى تراني مجبور علي
واني شعليه تتزوج متتزوج تموت تعيش حياتك وانت حر بيهه .. حسبالك هاي دموعي سببهه زواجك لا امير غلطان .. هاي دموعي نزلت على ايامي الذبحتها بيدك .. نزلت على حلمي الضاع من وره عاداتكم وتقاليدكم الرجعيه اما انت فمتهمني لا من قريب ولا من بعيد
17
كافي سما لتكملين وگومي طفي الضوه اريد انطمر
سديت الضوه وتمددت على المندر واني افكر ليش يريد يتزوجها معقوله ديعاقبني بهاي الطريقه والله لو ضاربني ولا مسوي هاي السالفه چان اهون عليه ... ياربي خلصني بجاه كلمن عنده جاه يمك .. اريد ارجع لأهلي وانسى الخوف والألم والقهر العشتهن بهل كم شهر .. كافي الهي كافي تعبت
4
نمت وما حسيت إلا الفجر جريتها فد جره من التعب وهو هم لا گعدني على الصلاة ولا للعشه .. گمت توضيت ووگفت اصلي
...
بعد ما ظلت تشرحلي سبب دموعهه گتلهه طفي الضوه .. ردت بس انام واخلص من التفكير ... ليش ربي حبيتهه وما حبتني .. انه اتمناهه تحس بيه وهي تتمني تخلص مني وتنتظر هذا اليوم بفارغ الصبر
18
حسيت على اذان المغرب گمت صليت شفتهه نايمه وما حست علي من گعدت .. گعدت يم راسهه ومسحت علي وانه اگلهه اوعدچ تخلصين مني مراح اخليچ تتعذبين اكثر .. غطيتهه ورجعت نمت وحسيت عليهه الفجر چانت تصلي
گمت من فراشي ورحت للحمام توضيت واجيت اصلي
شفتهه فتحت الباب وطلعت
كملت صلاه وگعدت اقره قرأن .. بعدين نزلت اشوفهه وين راحت
لگيتهه بالمطبخ تنضف .. يمكن من ضوجتهه تحاول تلهي نفسهه بالتنضيف خايفه من وجود سجى بحياتهه اكيد
سما
نعم شتريد
سويلي ريوگ اريد اروحن لرجل عمتي افاتحه بالموضوع
7
صفنت علي شلون صلافه يحچيها گدامي عينك عينك .. طبعا قابل عنده گلب ويحس بيه لو معتبرني بشر هنا .. شاتوقع منه هو واهله يحترموني قابل واني جايه الهم فصليه ..
1
هاي عود يحبني وهيچ لعد لو ميحبني شلون .. ياحب يمعوده هاي شبيچ انتي ... هذا اكبر جذاب وجبان صاير مثل اللعبه بيد العادات والتقاليد هي تحركه مثل متريد مو هو اليحركها .. الله يخلصني منك يا امير بأقرب وقت يارب
9
سويتله ريوگ وعفته ورحت اشتغل بالبيت ... شويه وحسيت علي طلع
.....
طلعت وطلبت سجى من ابوهه وما صدگو ينطوهه الي .. شرطت عليهم الزواج نهاية هذا الاسبوع وماكو زفه اخذهه ع لساكت لان اخوي ماطالعه السنه مالته .. وما اعترضو بأي شي
9
رحت للمضيف وكملت شغلي ورجعت الضهر للبيت
طبيت الكل گاعدين يتغدون .. حچيت حتى يصير عدهم خبر
نهاية هذا الاسبوع زواجي من سجى
...
مشه هذا اليوم علي مثل الكابوس ..
امه فرحانه بي وتسولف بعرسه .. وسعاد تگفل گفلات مالت اعراس وهاي الرادهه وهاي التمناهه بيت الشيخ لابن الشيخ جبناهه وبس اشر عليهه رحنه جبناهه
19
واني اسمع واغلي بداخلي وغدير تحاول تلهيني بالحچي حتى لا اخلي بالي يمهم
صار الغده وچنه گاعدين .. طب امير وبلغنه بزواجه نهاية الاسبوع
اي حقه مستعجل على الزواج .. واني خالني مزهريه هنا روحي وتعالي وجيبي وودي واشش لتتنفسين وبس
مرت الايام بدون ما اختلط بي وهو هم چان يتجنب الحچي ويايه ... لحد ماصار يوم زواجه
5
ليلتها ما نمت للفجر ودموعي مانشفت من خدي .. ساعه احچي ويا ابويه وساعه ادعي الرب العالمين يخلصني منهم وساعه ادعي على امير وساعه اندب حظي الخلاني احب واحد مثله جبان يخاف يعترف بمشاعره وما يهمه غير الناس وحچيهم والعادات والتقاليد هذني بالنسبه اله اهم حتى من گلبه
13
حس الفجر للصلاة عاينلي گاعده
شو گاعد شعجب
ليش تسأل
شنو ما نمتي
لا نمت وهسه گعدت
راح للحمام توضى واجه يصلي .. وگمت اني هم اصلي عسى ربي يفرجهه عليه
نزلت جوه گاعدين من الفجر ومخبوصين بعرس ابنهم مع انو هو حذرهم ميريد هوسه ويريد يتزوج ع الساكت
حسيت نفسي غريبه بينهم .. اشوفهم فرحانين والدنيا ما واسعتهم ولا كأني اني مرته گدامهم .. حقهم هم اصلا ميشوفوني مرته يشوفوني فصليه
8
مر الوقت بالگوه واجه الليل وامير طول اليوم ممبين
بعد الصلاه .. چنه كلنه ملتمين بالصاله واني گاعده اترقب شراح يصير وحسيت گلبي مات بعد كلشي ما احس ولا كأن اليوم عرس الشخص الوحيد الحبيته بحياتي
يمعود وسام خابر اخوك گله وين صرت نريد نروح نجيب البت من اهلهه الوادم منتظره فشله
5
اي بويه صار هسه اخابره
خابرو امير وشويه واجه ..
....
بس تريگت طلعت وخابرت ضرغام اجاني للديوان وكملت ويا موضوعنه المتفقين علي .. ظليت بالشغل طول اليوم وما حسيت على روحي إلا صار الليل واخوي خابرني ويگلي منتظريك بالبيت نروح نجيب البت من اهلهه
عفت البيدي ورجعت للبيت واول ما طبيت تلگاني ابوي ...
وين صرت وليدي اكو واحد بعرسه مختفي من الصبح لليل
اعذرني بويه جان شغل عرسك صدگ تحچي .. الشغل ميطير يمعود
مصار شي بويه هايني اجيت وبعده الليل بأوله
دطلع بدل ملابسك حتى نروح للوادم
لا ما ابدل هيچ اروح .....
يتبع ✨ نزلت 5 بارتات
