فصليه_لأناس_لايرحمون
للكاتبه #نور الدليمي
5
تلاشى كل شي من گدامي وحسيت روحي تلاشيت ويا ذكرياتي واحلامي الضاعن بسبب اخويه . . محمد ليش سويت هيچ محمد مو چنت بلسم للجرح جان بابا الله يرحمه رافع راسه بيك ويگولك وحيدي افتخر بيك وبتربيتك طول عمري ، ، ، شصار محمد شغيرك يـ ابن امي وابويه . . . . ظلت ماما وحدها بعدك وبعدي شلون گلبك ينطيك سويت عملتك وشردت ما فكرت بينه شراح يصير بعد سوايتك
8
احچي ويا روحي وابچي لحد ما گمت اشهگ
3
فزيت على صوت منه خلسني
1
اسكتي ولج لاتعوين براسي لا وجفوف ابو فاضل العباس انزل ادفنچ بثنين اديه بمكانچ وميرفلي جفن
170
خفت من سمعت كلامه ومسحت دموعي وظليت بس اتشهگ من گد ما بچيت من البارحه لليوم
3
عاينت من الجامه لشوارع بغداد ومحلاتها وتذكرت من جان بابا يطلعنه كل اسبوع
4
كل مكان اشوفه بطريقي ألي ذكره بي
1
طلعنه من حدود ببغداد عاينت ورايه
مدينتي حبيبتي يا رفيقة طفولتي وريحة اهلي مع السلامه وادعيلي بجاه كل جرح بيچ ارجع اشوفچ من جديد
69
الطريق جان طويل ميخلص والهدوء سيد الموقف . . حسيت روحي ختنگت ودخت اريد انزل الجامه اخاف اگوله ويصيح عليه ياربي شلون نفسي گامت تلعب اذا تقيأت راح صدگ يدفني بمكاني مثل ما گال مبين علي ماعنده رحمه ولا انسانيه اخير شي استسلمت لان شفت نفسي بعد ما اتحمل دغيت الراجال الگاعد بالصدر
16
عمو عفيه خلي يوگف راح اتقيئ
عاينلي الرجال وخزرني خزره خفت منها وماعرفت افسرها ودار وجهه على الديسوق
57
امير اوگف وليدي دتلعب روحها لتنگس سيارتك
165
عاينتله صفح ليش اني نگسه حتى انگس سيارته گبر لهل عقول
13
استغفر الله ربي شلون يعني ميخلص هاليوم ع خير تفضلي ست نزلي گلبي معدتچ وخلصينه
24
نزلت سريع وظليت اتقيئ لحد مامعدتي فرغت . . رفعت راسي عاينت بالسيارات مالتهم ورانه ب١١ سياره حسبالك طالعين جنازه وفزيت على صوته وهو يشمر الماي على راسي
44
غسلي هاچ فضينه نفضحنه گدام العالم
53
اخذت البطل الشمره بالگاع وغسلت وصعدت بدون ما احچي حرف ويا
1
وبعد طريق طويل وصلنه لمنطقه كلها اشجار وبساتين وبيوت عاليه
9
طبينه لمكان بي باب جبيره وداخله كل اشجار وزرع عرفت هذا بستان
2
مشينه مسافه لحد موصلنه لنهاية البستان اكو بيت مو بيت نگدر نگول قصر كلش جبير وفخم
93
نزل هذا الغثيث وفتحلي الباب
5
نزلي خاتون طبي لگبرچ
79
من گال هيچ فعلا خفت
1
هذا شديقصد ليش هيچ ديحچي معقول راح يكتلني والله يسويها مو بعيده علي
7
طبيت والزلم الورانه ما اعرف وين راحوا محد طب للبيت بس هو وهذا الرجال الويا وثنين ولد ما اعرفهم متوسطين بالعمر
2
اول ما طبيت مكان مفتوح ومتروس نسوان ظليت اعاين هاي شنو هذوله منو شديصير هنا بهلاثناء حسيته دفعني من ضهري حيل وگعت ع وجهي
56
تحركي خاتون راح تظلين صافنه مثل المطي
62
گمت وخطيت خطوات بطيئه والعبره داخلي شكبرها شمنتظرني يا ترى بعد كل هالشي
1
شفته راح باس راس مره جبيره بالعمر
1
جبتلچ اخته خدامه جوه رجليج
77
لا يمه لا يبن بطني لا اريدها ولا اريد شوفة وجهه ما اتحمل اشوفها گدامي يوميه واخوك ترابه بعد ما يبس ما يرتاح گلبي إلا بدم ابن الحرام الچتل اخوك
132
يمه وداعتچ اجيبه واذبحه مثل الخروف جوه رجلج بس الشغله يحتاجلها صبر تحملي وسلي روحچ بيها بين ما اكضه وساعتها محد يخلصه مني
83
لا يمه ما اريد اشوفها گدامي المكان البي اني ما اريدها بي
13
اني واگفه اتفرج واسمع حچيهم ومنتظره مصيري المجهول ... اعاين النسوان كلها تعاين عليه ويتهامسن بيناتهن
1
دنگت وبچيت وحسيت بالذل الماعرفته بيوم ولا توقعت احس بي
10
اجه لزمني من ايدي
تعالي هيي ويايه سحبني لاخير الممر وفتح الباب وگالي
6
هذا مكانچ وهذا گبرچ متطلعين منه إلا من اصيحچ اني مفهوم
26
هزيت براسي بخوف بمعنى اي
1
دفعني وسد الباب
1
عاينت الغرفه شبه مهجوره مابيها لا بنكه لا ضوه مجرد بالگاع مده وعليها جرجف وكوشه صغيره
15
مشيت وگعدت على المده وبچيت واني افكر بأمي شصاير بحالها هسه
19
...
ظليت گاعد يم امي شويه وراها طلعت للديوان ويا ابويه واخواني اتناقش بموضوع الولد وشلون راح نحصله
14
رجعت بلليل الساعه ب٩ للعشه جانوا محضري وصابين ومنتظرينه غسلت وگعدت تذكرت هاي البنيه صحت على اختي الصغيره
5
خويه غدير
نعم خويه أامر
خويه هاي البنيه تزوهرت شي من اجت لهسه
42
لا يخوي محد راحلها انت مو وصيتنه محد يعتب يم عتب الباب ويحچي وياها
1
چا روحيلها خيتي وديلها لگمه تتزقنبها ما اريدها ميته اريدها حيه هذا هدفي من جيتها لهنا
83
حاضر خويه
...
چنت گاعده ابجي ومحتاره بأمري اختنگت حاره تموز لا بنگه لا ضوه مجرد ضوه خفيف يجي من شباك الغرفه نفتحت الباب اجت بنيه من گصتي تقريبا
5
هاج حبيبه اكلي
37
اگولج عفيه نحصرت واخاف اطلع هذا ميقبل
32
شنو هذا حبيبتي گولي الشيخ ليسمعچ ويدفنچ بمچانچ
55
الله يخليكم انتو ماعدكم غير هالحجايه
لا عدنه تعيشين وتسمعين اشكال والوان
3
هسه محصوره شلون واريد اغسل
ههههه تغلسين حبيبتي ياغسل صدگ تحچين وين حسبالچ گاعده بفندق ٥ نجوم
99
گومي عيني گومي
طلعت وطلعت وراها اشرتلي بصف الغرفه الگاعده بيها بالضبط گالت هذا الحمام
1
حچيت ويا نفسي واخيرا ربي نصفتني بشي عاد الحمام يمي بيها مجال اطلع بدون ميشوفني وقت الانحصر
17
راحت وطبيت للحمام
طلعت ودخلت للغرفه گعدت اكل ميته جوع رغم كل الشفته بس جعت لان معدتي فرغت لذالك اكلت بدون ما افكر
4
ورى شويه اجت واخذت الصينيه
اگولج عفيه والله حاره
1
حبيبتلي شسويلج عندج اعتراض اصيحلچ الشيخ وحاجي
57
لا لا عفيه لا تصيحي ولا شي اتحمل الحر ولا اتحمل اسمع صوته
4
طلعت وسدت الباب
ظليت الليل كله اتگلب من الحر وافكر ياترى شراح يصير باچر
3
ما اعرف شلون غفيت وگعدت على احد يدفرني برجلي
3
فتحت عيني شفته هو گمزت من مكاني
19
...
اجتني غدير وگالتلي خويه تگول حاره
20
ههههه حاره گوليلها بعدچ ما شفتي شي
19
صعدت فوگ بدلت وذبيت روحي من التعب ما حسيت إلا على الاذان الفجر
13
گعدت توضيت وصليت ودعيت الله يعثرني بمحمد حتى ابرد نار گلبي على اخويه
174
رجعت للفراش اتگلب ما اجاني نوم ظليت ساعه هيچ
2
گمت نزلت للمطبخ اشوف منو گاعد حتى اتريگ واطلع شفت مرت اخويه
2
ها ام علي شلونچ خويه
1
هلا خويه بخير تريد ريوگ
تذكرت هاي بالغرفه گتلها لا خيتي ريحي روحچ المن جبت هاي البارحه غير تخدمني وتخدمكم
43
رحت للغرفه طبيت شفتها نايمه ولابسه تراك بصلي كيمونه وشعرها على وجهه
69
گلت ويا نفسي
والله خوش عمي نايمه ولا عبالك صاير شي بت الباشا
35
اجيت يمها دفرتها برجلي هييي گومي شو هاي گمزت فرد گمزه
16
هاها شبيچ سالمين
العفو اخترعت
2
اي عيني حقچ تخترعين خربت نومتج الحلوه
12
يانومه للصبح ما گدرت انام من الحر
28
عساچ ما نمتي گومي سويلي ريوگ
8
شنو اسويلك ريوگ اني شعليه .. لزمني من شعري حييل
42
لج المن جايبج هنا اني حتى تاكلين وتنامين وبس فوتي سويلنه ريوگ وراها تغسلين المواعين وتنضفين البيت من الطول للطول
19
دنگت بلا ما احچي وهزيت براسي يعني اي
1
دا اطلع وجان عاط بيه خلسني
وين نعل وين موليه هيچ
19
غير اسويلك ريوگ شبيك بس تصيح
2
ركض عليه ولزمني مرة ثانيه من شعري وگال
وان شاء الله هيچ تردين تطلعين غيره سزز
30
عاينت لملابسي وگتله شلون اطلع لعد
3
ولج لتخبليني اهلج ما ربوج ماعلموج الحلال والحرام لو بس شاطرين يخلفون ويذبون بالشوارع
46
دفعت ايده وگتله اهلي ربوني احسن تربيه ما اسمحلك تحچي عليهم
6
ضربني ببطني بيده حيل وفرك شفتي
43
اسمعي لج لو راددتيني بعد الله ميخلصج مني
28
ذبي جفن على جسمج وراسچ وطلعي سويلي سم اتزوهر ورايه طلايب
29
طلع وظليت ابجي توجعت ايده قويه
1
ياربي بعدنه بأولها شراح يخلصها ويا هذا الهمجي
12
لبست الجبه والشال الجبتهن ويايه وطلعت
شفت هاي البنيه للبارحه جابتلي العشه بالمطبخ ووحده وياها ..
صباح الخير
محد رد
10
اجيت اعاين ما اعرف شسوي گلت لهاي البنيه حبابه شسمچ شسوي ما اعرف
1
شنو شسمج اسمي غدير
44
اوك شسوي
رادت تحجي نطت هذيج المره
كلشي لتعلميها خليها هي تتعلم هي خدامتنه مو احنه خداديمها
36
شبيج سعاد شعرفها اول مره تطب للمطبخ غير افهمها
3
ولج بابا حياله هذني برابيگ بغداد كلشي يعرفن احسن مني ومنج شيرادلها حتى نعلمها
394
اسمعهن وساكته كلشي ما احجي
دارت وجهه عليه البنيه وگالتلي
حبيبه اخويه يتريگ اول گلاص حليب دافي وبعدين سويله بيضتين عين وگلاص چاي
51
تستمر القصة أدناه
