فصليه_لأُناس_لايرحمون
+
للكاتبه # نور الدليمي
2
بعد ما حچيت الضرغام هدأت شويه وحاولت الهي نفسي بالشغل
1
مشه الوكت بسرعه واذن المغرب صليت بالديوان وخلصت ... حچه ضرغام
1
امير روح للبيت ارتاح اليوم مدامك فارغ ماعندك شغل مهم ... حاول تنام من وكت ترتاح ولا تظل تفكر يخوي ربك يحلهه على ساعه
1
ياريتني اگدر انام ضرغام الحچي سهل ... عموما رايح انه وباچر ان شاء الله اتحسن لاتشغل بالك بيه ..
1
رجعت للبيت وشفت سما بالمطبخ
1
بدون ما اسلم ... ليش نزلتي سما انه شگتلچ
1
جاوبت بنتر ..
1
شتريدني لعد احبس روحي بالغرفه
2
مو گتلچ ظلي فوگ ارتاحي
1
راحتي مو فوگ راحتي هنا
من گالت راحتي مو فوگ راحتي هنا عرفتهه شتقصد .. يعني مكاني مو بغرفتك مكاني بالمطبخ لان اني فصليه
34
استغفرت ربي وفتت من يمهه واني ما اعرف شلون تنحل هالسالفه حتى اخذ نفس وارتاح
1
صعدت فوگ وبدلت وشغلت الاخبار اعاين .. شويه وصعدت غدير
2
تعال خويه العشه جاهز
1
جاي يبعد اخوچ نازل
نزلت ولگيتهم ناگلين الاكل للصاله وكلهم گاعدين بس سما ماهي
2
طبيت للمطبخ لگيتهه گاعده وحدهه على الميز وحاطه ايدهه على راسهه ومدنجه
1
سما شبيچ ... رفعت راسهه وهي مخنزره علي
وهو شنو المابيه حتى تگولي شبيچ
21
تنهدت وحچيت ... گومي تعشي
ما اريد ما اشتهي
جريت الكرسي وگعدت يمهه
1
اسمعيني سما .. خلينه نتفق حتى ثنينه نرتاح لان رغم كلشي صار هذا مكانچ وهذا مكاني ومنگدر نغير شي من الواقع
1
صفنت علي شيريد يگول وشلون يعني نتفق ... حچيت
وشنو هذا الاتفاق بلا
تگومين هسه تاكلين وتكملين تصعدين فوگ وهناك نحچي
3
ما اريد اكل ولا اريد اصعد فوگ وگتلك ما بيني وبينك اي كلام بعد
6
سما لتزهگيني گومي خلينه نتزقنب ونصعد حتى تسمعين مني شرد اگولن وترتاحين
1
گمت ورحت ويا تعشيت واحس كل الگاعدين يعاينون عليه .. حقهم قبل يومين حال الظيم حالي گدامهم ضرب وغلط وسب واهانه ... واليوم گاعده يمه وبنصهم
3
كملنه عشه وگال فوتي صعدي هم ينضفون المطبخ
1
صعدت ويا واني الفضول كاتلني شيريد يحچي يا ترى
2
اشر على الچربايه وگال كعدي هنا
3
گعدت واجه گعد بصفي وحچه :
سمعي يبت الناس الصار صار وما نگدر نغير شي من امس بس بيدنه نغير باچر للأحسن وبيدنه نسوي اتعس من اليوم
3
اخذله تنهيده چبيره ورجع كمل كلامه ..
انه اوعدچ وعد رجال ما گرب صوبچ ولا اطخچ بورده حتى ... بس بالمقابل لا تسوين شي يأذيني ولا تكسريلي كلمه .. مكانچ هنا بهاي الغرفه وما تشوفيني منا وجاي بس بلليل ... تنزلين تسوين الشغل العليچ وتصعدين واذا احد مسچ بحچايه لا تجاوبي وتعالي گليلي وحقچ اخذه منه من بين عيونه وگدامچ
13
هزيت براسي بمعنى موافقه ... شسوي لعد ما بيدي شي غير اوافق على كلامه لان مثل ما گال هذا الواقع واحنه مجبورين بي ... خليني اقبل بالي ديحچي بي احسن ما اصير مكفخه اله ولاهله
1
مرت الايام ... وعدت ٦ اشهر على هذا الحال ... هو ما اشوفه بس بلليل وقت النوم يجي يعاين اخبار ساعه وينام بدون ميحچي ويايه على گد الضروره واني بس اشوفه يطب اروح انام حتى لا اتصادم ويا بالكلام
18
واني مخلصه وقتي بين الشغل والتنضيف ومرات اروح ويا غدير الغرفتها نتابع مسلسله لو نتعلم مكياج وهيج عدت الايام
1
بهاي الفتره سجى تغيرت وصارت غير وحده مو هي سجى العرفتها اول مره ... اعتذرتلي بالبدايه وشرحتلي موقفها وگالت كلشي صار بالماضي واحنه علينه باليوم .. وصلت بيه مرحله صدگت بيها واعتبرتها صديقه الي وقربتها مني ومن غدير بنفس الوقت
66
مرت الايام بملل وشوقي لأهلي دمرني ويوميه انام وبصدري غصه عليهم واتمنى شوفتهم حتلو بالحلم
بهاي الايام امير ما اذاني ولا حتى بحرف ... ورجع گلبي الاغبر يحن اله ونزاح الكره من عيني وبديت يوم عن يوم اتعلق بي من بعيد اكثر واكثر رغم هالفتره حتى كلام ما بيناتنه ... نسيت كل الصار ونسيت قساوته ويايه ونسيت كلشي سوى بيه ظل گدامي امير وبس ...
54
فد مره چان گاعد يتابع اخبار واني متمدده ومسويه روحي نايمه رفعت راسي شفته غافي على نفسه ... رحت اخذت الريمونت منه وغطيته وتقربت اشم شعره ..
15
افيش شگد تعلقت بيك رغم كل قساوتك ويايه ليش ما ادري ... ليش حبيتك وانت متشوفني گدامك اصلا .. ليش حبيتك واني اعرف مستحيل يجي يوم وتحبني ومستحيل بيوم اصير الك واني مرفوعة الراس مو فصليه ... صحيت من صفنتي ورحت للمندر تمددت ودعيت
21
ياربي الحب بيدك وحدك .. انت التخلي القلوب تتألف ليش خليت گلبي يدگ اله رغم گلبه مو الي ولا يحس بيه
9
دمعت عيني وظليت استغفر ربي عسى ان يفرجها عليه ويهديني لسبيل الخلاص من هالمأزق الاني بي ... لحد ما غفيت
ثاني يوم كالعاده مر الوقت بين الشغل والطبخ والتنضيف وصار الليل .. امير تأخر لل١٢ ... ما گدرت انام من القلق مو عوايده ظليت اروح واجي بالغرفه واني خايفه ليكون صابه مكروه الله لا يقدر
شويه وسمعت صوت خطوات بالممر عرفته اجه ... ركضت وسويت روحي نايمه
+
طب وگعد يم راسي واني متفاجأه من الدا احس بي
9
....
بعد ما تفقت ويا سما وقبلت بلاتفاق مرت ٦ اشهر واحنه عايشين بمرحلة سلم تقريبا ... ما صارت مشاكل بهاي الفتره وهي هم لا تجي تحچي وياي ولا فديوم شكتلي من احد من هلي نحچي ونتصرف على گد ما قايمه بواجبي وبس
1
مره چنت گاعد بلليل الساعه بالتسعه بالمضيف وحدي والدنيا ضايگه بعيني .... شوگي الهه بده يذبحني شلون لهل درجه قريبه مني وشلون بنفس الوقت ما اگدر احچي وياهه والمسهه واني اباوع بوجهه واگلهه احبچ .. شفت ضرغام طب
1
ها ابن عمي شفت الضوه شاعل عرفتك هنا شعندك گاعد وحدك ما رحت للبيت
2
ضايج ضرغام البيت صاير يخنگني يخوي
هااا بعدك انت وياهه اخوان ماعرستو
97
حچه هيچ واني شمرت السبحه علي ..
ضرغام جوز مني وبطل هاي سوالفك من تشوفني هيچ ضايچ لتتشاقه وياي شقه سخيف
گعد يمي وگال :
اعتذر شيخنا السموحه طال عمرك
لك بابا لتتشاقه مو وكتك
چا شگلك بعد اگلك ما عرستو ما تقبل اگلك اعتذر شيخنا هم ما تقبل ... دعيفنه من الشقه وسولف شبيك شني الخانگك احچيلي
يخوي ليش حبيتهه فهمني .. البت مو يمي اصلا ولا تباوع بوجهي وانه ميت عليهه .. تصور حتى حچي متحچي وياي وبس ارجع واطب للغرفه تلف راسهه وتنام ما تنطيني فرصه احچي وياهه واشرحلهه مشاعري عسى ولعل تحن علي ما تريدني هي گوه ما تريدني ... الضاهر حلتلهه سالفة الاتفاق حتى تخلص مني ومن شري
31
ابن عمي عوفهه شبيك ميت عليهه من باچر ازوجك تاج راسهه بس اشر
106
يازواج انت شبيك متگلي ... اني وين احچي وانت وين
لازم تتزوج امير قابل تظل هيچ
8
اي اتزوج ان شاء الله بس مو قبل ما ازوجك
لا يمعود يا زواج انه ما اتزوج طول عمري وانت تدري السبب
لعد اذا مابيك حظ لتفتح هيچ مواضيع وياي مو فالح بس تتشطر علي شوف نفسك بلاول
11
ظليت احچي ويا ضرغام وما حسينه بالوقت
رجعت ب١٢ للبيت .. طبيت للغرفه شفتهه نايمه .. صفنت على وجهه مثل الطفله من تنام ملامحهه تصير صافيه وخاليه من اي مشاعر
3
تقربت منهه وخليت ايدي على راسهه امسح علي وحچيت :
ااااخ يسما لو تدرين بگلبي شگد يحبچ ومتلوع عليچ ... اخ بس لو تحسين بمشاعري وتشوفين نار حبچ شعامله بيه .. دنگت وبستهه من خدهه على كيف واني اگلهه ادريچ تكرهيني وما طايقه وجودي بحياتچ بس احبچ مو بيدي
85
گمت رحت للحمام غسلت واجيت بدلت ونمت من التعب بسرعه
....
بعد ما گعد يم راسي وبده يحچيلي ويشرحلي حبه ... گلبي حسيته خلص راح يوگف والصدمه سيطرت على عقلي
23
مدا استوعب الاسمعه .. بهاي اللحضه ما اعرف شأسوي ابچي لو اضحك ... اطمأن لو اخاف .. افرح لو احزن ... موجه من المشاعر اجتاحت صدري وخلت اوضاعي كلهه تضطرب
11
حسيت روحي اريد ابچي وما اعرف شنو سبب هاي الدموع .. هل سببها الفرح لو دموع الحزن هاي .. سيطرت على روحي وظليت مغمضه لحد ما حسيت علي نام
5
غطيت راسي ودموعي فاضت من وحدها
بگد ما چنت محتاجه هاي الكلمه منه وبگد ما تمنيت اسمعها ولو لمره وحده .. بگد ما اني هسه خايفه من المجهول وما اعرف شلون لازم اتصرف وشنو اسوي
نمت واني الافكار توديني وتجيبني وگلبي يدگ سريع مثل صوت الطبول ...
يتبع🌬😚
