فصليه_لأُناس_لايرحمون
للكاتبه # نور الدليمي
2
عود رجعت اتغده واخذلي كسره بلكت يهيد راسي لان ورايه شغل يابو شغل
1
فزيت ولگيت الوقت طاير والخاتون غاسله وتمشط بشعرهه
1
تعصبت من الوضع وضجت منهه بالحيل وماخليت غلط ما غلطته عليهه ...
5
رحت بدلت وطلع واني روحي طالعه من الوضعيه كلهه
وصلت للديوان وچانت طلابه چبير ما نحلت وتأجلت السالفه .. كملت وطلعت للعمال اشوف الشغل شلون ماشي .. لگيت ضرغام هناك
1
ها ضرغام شسويت
والله ابن عمي فدوه رحت لحلگك نقذتني الله ينقذك من بلاوي الدنيه ومصايبهه
4
خوش الحمد لله فضت يعني
فضت شيخنا فضت .. حچيت لعمي مثل مگتلي والرجال تفهم وگال بتي موجوده اذا مصارتلك هذيچ البت ... تشكرت منه ومشيت .. الحمد لله هم ونزاح من صدري
1
الحمد لله والشكر
ظلينه اني وضرغام نشتغل ويا العمال ... خلصنه من وكت .. حچه ضرغام
1
امير بعد وكت تعال للديوان نشرب چاي وتسولفلي سالفتك الماعرفتهه
1
لا يخوي تعبان حيل ومااهيس براسي ارجع انام بلكت ارتاح شويه
1
يمعود يانوم الساعه بعدهه مصايره التسعه
هاي شبيك اگله راسي يموتني يسويلي الساعه وماعه ومدري شنو
1
ادري بيك تريد تشرد ولگيتهه حجه
روح مني ضرغام لا اراويك الحجه على اصولهه حتى تحس بيه
2
هههه سلامتك يمعود اتشاقه وياك .. بس نتواجه ما انسى السالفه ايس
1
الله كريم
رجعت للبيت طبيت كلهم بالصاله يسولفون وصايره هوسه واني راسي يريد ينفجر ما اتحمل كل هلاصوات
1
سلمت وصعدت اريد اروح لغرفتي .. وصلت يم باب غرفة غدير سمعت صوت بچي قوي وشهيگ
4
معقوله غدير گاعده تبچي .. خليت راسي على الباب واسمع صوت سما تگول واني هم مشتاقتلك ومشتاقه لحضنك
26
معقوله يربي لالا مستحيل گاعد تحچي ويا ولد وتگله مشتاقه لحضنك وادعيلي اخلص وارجعلك
7
يا الله شديصير هنا ... يعني مو بس چانت تحب لا ونايمه بحضنه بعد
35
دخنت من العصبيه وگمت ما احس براسي
فتحت الباب وطبيت واني منتهي وممصدگ السمعته
دارت وجهه وشهگت حيل وصاحت امير
....
درت وجهي شفت امير بالباب عيونه حمر وجهه ميتفسر لازم يدت الباب ويعاينلي بغضب وحقد اول مره اشوفه بهاي الحاله .. خفت وجفلت وما اعرف بعد شأسوي .. حسيت روحي انتهيت خلص هاي نهايتچ سما
6
اجه علي واخذ الموبايل مني ورگعه بالحايط
جرني من ايدي حيل واني اصيح
3
امير فدوه اسمعني .. الله يخليك بس اسمع شريد اگول بس اسمعيني امير ... واني اصلا ماعندي حچي احچي شريد احچي مثلا وهو من اخذني من اهلي گلي انسي عندچ اهل بعد .. اكيد ميتافهم ويايه لمن سمعني احچي ويا اهلي وخصوصا ويا محمد عدوه الاكبر
15
دخلني لغرفته وشفته قفل الباب ... ياربي شحيسوي .. ساعدني الهي فدوه ساعدني مالي غيرك يارب
3
دار وجهه وشمر عگاله على الجربايه ... خفت وظليت ارجع ليوره لحد ما نطخيت بالجربايه
2
راح للكنتور وطلع حزام واجه وعيونه مليانه حقد .. بده يضرب بيه بلا رحمه وويا كل ضربه روحي تطلع من جسمي وترجع تنتضر الضربه الثانيه حتى ترجع تطلع ... يضرب وهو يصيح واني اعيط بكل صوتي حتى بلعومي حسيته تجرح
36
ساقطه هاي تاليهه ... ملفيچ ببيتي وحاويچ تالي تطعنيني بظهري .. تلبسيني گرون ولچ .. يضرب حيل ويصيح اليوم ادفنچ واغسل عارچ بيدي ... اليوم موتچ على ايدي يا نگسه يا ... يا ...
33
گام يفشر فشار ما ينلبس علي ثوب ويضربني بالحزام من كل گلبه واني اعيط اريد احد يخلصني
ندگت الباب وسمعت ابو واخوته يصيحون بالباب
امير افتح امير .. امير هاي شگاعد تسوي لتموت بيدك البت
1
ولا كأنه يسمعهم بعده مستمر يضرب بالحزام ويكفج بيه بيده .. اخير شي سطرني بوجهي بجف ايده سطره حسيت وجهي نمل والحراره گامت تطلع من اذني وخشمي طگ جبود دم ... حچيت
11
امير كافي ارحمني ابوس ايدك ... اني گتله هيچ لو هو تخبل ورجع يضرب بالحزام ويدفر بيه برجله بكل قوته ..
8
ارحمچ مو ساقطه بت الشوارع اليوم ادفنچ هنا وما ارتاح .. اليوم موتچ على ايدي والخلقچ ... اليوم جدچ السابع عشر انبشه من گبره اني اعلمچ سما راح تشوفين مني الما تتخيلي
15
بهاي الاثناء وهو ديضرب ويسب ويدفر ويهدد ويتوعد نكسرت الباب وطبو اخوته يدفعون بي وطبت غدير حضنتني وتغطي بيه
1
اني بحاله يرثى لها هدومي مشگگه عليه وايدي ورجلي طالعات والدم تارس وجهي وجسمي يون من الألم ..
3
وهو يدفع بأخوته يريد يجيني وهم يدفعون بي يردون يطلعو من الغرفه ويحچون ويا
يمعود صلي على محمد كافي شبيك شصار تسودنت اخير الليل
ما شفته إلا فلت منهم واجه يركض عليه
نمت بحضن غدير واني اصيح ... بابا الحگلي فدوه ...
17
رجع رفسني بضهري وجر شعري واني اصيح اااخ كافي بعد ما اتحمل والله .. كافي حباب
اجو اخوته يجرون بي ويصيحون كافي امير اطلع عاد البت انتهت بأيدك
صاح هدوني ...
سمعت وسام گله والحسين ماهدك ارحمهه خطيه شسوت وهيچ جنزتهه
1
هدني وسام ما اضربهه بس هدني شو دهدني
اسمعهم يحچون واني خايفه اخاف يهدو ويرجع يضربني .. حسيت جسمي انتهى بعد لو يطخني طخه وحده يغمى عليه
شفتهم هدو ... تحرك ومشه باتجاهي
غطيت وجهي واصيح حباب كافي ابوس ايدك كافي لتضربني
جرني من شعري وسحلني ونزلني من الدرج على هالوضعيه بحيث حسيت شعري راح ينشلع بيده واني ابچي واصيح الله يخليك كافي
5
نزلني سحل واني كلشي ما اشوف گدامي .. واخوته وابو يركضون ورى وغدير لازمه بيده وتتوسل بي حتى يعوفني
2
خويه حلفتك بالحسين تهدهه .. بتراب غيث اخوك هدهه .. دفعهه وهو يصيح لحد يتدخل لا احرگ اجدادكم
8
شفته وداني للغرفه القديمه الچنت بيهه وگفني وشمرني حيل بالگاع وگال
1
موتي هنا هذا گبرچ مثل ما گتلچ اول مره
21
سد الباب وسمعته قفلهه
نهاريت بالبچي .. ما اعرف ابچي من جسمي لو ابچي من وجع گلبي لو ابچي على حظي الشمرني هيچ شمره
4
عاينت ايدي مليانه دم وخشمي يجري والدم كله بحلگي صار
گمت اتفل الدم وامسح خشمي بثوبي وميقبل ينگطع ... شويه وحسيت بروحي بديت ادوخ والدنيا تفتر بيه .. وگعت بالگاع وما حسيت بشي بعد
14
....
بعد ما سمعتهه هيچ تحچي ويا وتطلب منه يدعيلهه حتى ترجعله نهاريت وقررت اكتلهه بيدي بلكت تبرد نار گلبي
24
اخذتهه للغرفه وجنزتهه من الكتل ومافاد بيه لا صياحهه ولا دموعهه ولا توسلهه ولا اخوتي ولا اي شي اخير شي سحلتهه من شعرهه من فوگ ليجوه وشمرتهه بالغرفه الجوه حتى تموت هناك وينطم عارهه بمچانهه
52
قفلت الباب وطلعت .. عطت بيهم بصوت عالي .. اليفتح الهاي الساقطه الباب ادفنه وياهه بنفس المچان
خليت وردت اطلع لغرفتي ... لزمت راسي ودخت
اجتني امي تركض .. اسم الله يمه اسم الله القرأن ... خليهه تنگلع يمه لا تسوي بروحك هيچ ... شعندي غيرك ليصيبك مكروه واموت ساعتهه
5
ركضت غدير جابتلي حباية الضغط وانطتني وگعدوني بالصاله
حچه سامر ...
شصار يخوي ليش هيچ جنزتهه شعملت وياك من فصل
سامر الله يخليك لحد يحچي ويايه ولا كلمه واليحچي بيكم ويتنفس لو يتجرأ ويفتح الهاي الباب راح يشوف مني شي ما يعجبه حيل
صعدت للغرفه وتمددت على الجربايه واني الوب
تالي عمري اسلم لحيتي الوحده مثل هاي .. ولا فوگاهه گلبي الطايح حظه عاف الدنيه كلهه وحبهه ... اني الچ سما موتچ على ايدي اصبري وراح تشوفين
31
ظليت اتگلب ساعات تالي ما اعرف شلون نمت ... گعدت الصبح صليت ورحت لغرفة غدير چانت نايمه
غدير .. غدير هييي گعدي
فزت مخروعه
ها خويه صار شي شنو شبيك
لا مصار .. اسمعي غدير اني راح اطلع بس ثقي بالله ومعزتچ بگلبي اذا رجعت وسمعتچ رايحه لسما للغرفه لو موديتلهه اكل ساعتهه ما ارحمچ والكلام يوصلني وتعرفين شلون
2
هزت براسهه بمعنى اي
عفتهه وطلعت للشغل لهيت نفسي وما رجعت لليل
....
بعد ما فقدت الوعي حسيت وجان الضوه طالع يعني صار النهار
ماگدرت اگوم گوه سندت نفسي واني ارجف من التعب مالت جسمي
گعدت بالزاويه وبچيت بچي لحد ما وصلت مرحله صعب حتى اجر النفس
3
بابا تعالي كافي لشوكت اظل اصيح وما تسمعني ... ياالهي مدتشوف الظلم هذا وانت العادل شلون تقبل بي
1
ظليت ابچي واسمع الهوسه بره .. الله يخلصني منكم حتلو بالموت بس اريد اخلص منكم مو مهم شلون المهم اخلص
بده الوقت يمشي وحسيت نفسي بديت ارجف من الجوع والعطش
3
صار الليل وظلمت الدنيا واني على نفس وضعي لا اكل لا شرب هالنوب نحصرت اريد الحمام ... ياربي شنو هالذله الاني بيها اخذ عمري وخلصني ... ياربي ارحمني يارحمن يارحيم
4
انتظرت عسى ولعل من بعد يوم كامل يجي واحد ويحن گلبه عليه ويفتحلي الباب على الاقل بس اروح للحمام
10
انتظرت والعطش والجوع والحر كله على راسي ومحتاجه الحمام بس انتظرت بدون فائده ... صار البيت هدوء عرفت راحوا ينامون وماكو امل احد يجي وينقذني
ما تحملت بعد ونگعت نفسي ... عاينت على روحي وبچيت حيل ... وين وصلتي سما شديصير بيچ من بعد الدلال والعز .. هاي تاليتچ مثل الطفل تسويهه على روحچ ولا اكل ولا شرب ولا هوى ... ربي محد هنا رحمني ليش مترحمني انت .. اخذ امانتك ربي وريحني
141
گعدت اشهگ من البچي على الوضع الوصلت اله
شويه وحسيت الباب نفتحت
رفعت راسي غدير ... شفتها ورجعت اشهگ من البچي ... ركضت عليه وحضنتي وهي تگول
2
سوده عليه خيتي .. سامحيني والله امير گلي ما ارحمچ اذا فتحتيلهه الباب .. طول اليوم واني الوب عليچ بس سعاد تراقبني واني متأكده تنتظرني اجيچ حتت تگول لامير
1
اسمعهه واني ابچي شفتهه دنگت على الگاع وشهگت .. يعني عرفت بالي صار
3
حضنتني حيل وگامت تبچي .. اسفه سما والله اسفه حقچ عليه خيتي قصرت وياچ بس مو بيدي وروح اخوي مو بيدي
2
شويه وهدأنه ثنينه من البچي ... عاينتلي وحچت
سما ... شصار .. امير ليش هيچ سوه بيچ
اريد احچي ما اگدر من گد ما بچيت .. هستونياريد احچيلهه
+
رفعت راسي صار امير گدامي .....
يتبع✨
