فصليه_لأُناس_لايرحمون
للكاتبه # نور الدليمي
1
واني گاعد بالديوان والافكار توديني وتجيبني شفت ضرغام طب .. سلم وگعد
5
ها ابن عمي شبيك سلامات
مابيه شي ضرغام ... شويه صعد ضغطي الفجر وهسه گاعد احس براسي يوجعني راح ينفجر
3
سلامتك ابن عمي ليش طلعت ما ظليت بالبيت اذا وضعك هيچ
2
لا وين اظل بالبيت اذا ظليت بالبيت حالتي تسوء اكثر بعد
1
تعال گوم وياي اوديك للدكتور
لا ضرغام ما اريد بلعت حبايه وهسه اتحسن
براحتك امير .. اني راجع للعمال عفتهم وحدهم لان ظل بالي يمك اجيت اشوفك شلونك وارجع الهم
1
الله وياك ابن عمي تعبتك ظل الشغل على راسك اليوم
1
لا يمعود بالخدمه چم امير عدنه احنه
2
رحم الله والديك ..
طلع ضرغام واني حسيت بروحي تعبت حيل .. شلون ياربي شفته تأذيت اكثر .. لابيه اسكت ولا اگدر احچي شسوي يا الهي
6
ظليت بالديوان وكل شويه واحد طاب وواحد طالع وطلايب العالم متخلص
صار الضهر رجعت للبيت انام بلكت اخلص من وجع راسي شويه
طبيت للبيت من باب المطبخ وچانت سما بالمطبخ وياهه ضحى
....
نزلت من غدير لشغل المطبخ وبالي كله يمهه وكل شويه سعيدان جايه تشمر حچي عليه واني مو يمها ولا بحاله تسمح اجاوبها
2
صار الضهر والشغل ميخلص گلت بس نتغده اصعد اوديلها غده واظل يمها
گعدنه اني وضحى نصب بالغده وسعيدان شايله ايدها من المطبخ اليوم .. بهاي الاثناء دخل امير من باب المطبخ بس وجهه ميتفسر ومبين علي التعب نقهرت على وضعه كلش سلم وجاوبته
1
الله يساعدك .. شلون صرت
ويساعدچ .. الحمد لله
روح غسل وبدل بين مننگل الصب حتى تجي تتغده
لا ما اشتهي اكلو انتو بالعافيه
1
شفته گال ما اشتهي وخله وصعد ... نقهرت حيل هذا شبي لا تريگ ولا يقبل يتغده والصبح ضغطه صعد .. ياربي احير بغدير لو بي لو بضيمي شلون بيه
4
افكر بالديصير واصب من دون ما انتبه شلت غطه المرگه بلا وصله نچوت ايدي وشاغت روحي
9
ااخ ايدي راحت
حچت ضحى ... شبيچ خيه غير تنتبيهن
ما ادري بي هيچ حار
روحي غسلي ايدچ اني اصب المرگه
غسلت وصبت ضحى المرگه وودينه المواعين للصاله والكل گعدوا ياكلون
6
رجعت للمطبخ صبيت صينيه الغدير وصعدت لگيتها منتهيه من البچي ووجها مينشاف متت قهر عليها
5
غدير شلون تالي وياچ كافي بچي راح تموتين روحچ
1
ياريت اموت صدگ سما ... ياريت
15
خليت الصينه على الميز ورحت يمها
شو رفعي راسچ عاينيلي ...
رفعتلي راسها وعيونها مليانه دموع
انتي ليش هيج ضعيفه غدير ... صيري قويه تعلمي مني اشكال شفت بحياتي وبعدني واگفه على رجلي واقاوم الضروف
4
گامت تشهگ بچي وتگول ...
انتي توجعتي بگلبچ سما توجعتي جاوبيني
2
توجعت غدير توجعت ... مو بس توجعت گلبي هسه لو تشوفي تنصدمين من گد ما بي جروح ولوعات
2
اسولفلچ وانتي حكمي ...
گعدت اسولفلها على موت بابا وصدمتي ولوعتي على فراگه .. سولفتلها على الليله الصعبه الگضيتها بين امي واختي واني اودعهم لان باچر اروح فصليه لناس يتمنون ذلتي وموتي وموت اخويه ... سولفتلها على الاحساس الاحس بي لمن اجيت يمهم واني اسمعهم رايحين جاين يغلطون علي اشكال شي بت الشوارع شي بت الحرام .... سولفتلها على الخنگه البداخلي لمن اغمض عيوني واني اتمنى اگعد الگه روحي بحضن ماما واشتم ريحتها ... كملت وعاينتلها تبچي
7
ها غدير منو التحمل اكثر اني لو انتي ... منو اللازم هيچ يصير وضعه ويحبس نفسه ويموت روحه من البچي جاوبيني
حچت وهي تشهگ ... انتي
3
لعد كافي .. مسحي دموعچ وقوي گلبچ محد يفيدچ .. ادعي الله يحفظلج امچ وابوچ واخوچ ويخليهم خيمه على راسچ هي هاي كلش كافي صدگيني ماكو شي يستاهل تزعلين علي غير فقدانچ للأمان التحسين بي وسط اهلچ
12
شفتها سكتت وهدأت شويه جبرتها تاكل وجريت البرده وغطيتها وگلتلها نامي شويه ارتاحي العصر اجيچ اني
7
طلعت واني گلبي ممرود عليها صح حاولت اجبر بخاطرها واهديها بس والله حقها وجع الحب مينحمل ... فجأه تذكرت امير ما متريگ ولا متغدي
4
نزلت لگيتهم متغدين ومنضفين المطبخ وكلمن بغرفته
غسلت الصينيه مالت غدير وصبيت الامير غده وصعدت
فتحت الباب لگيته متمدد على الجربايه وايده على وجهه
1
امير نايم
لا
ليش ما نامت
ما گدرت
ليش بعده راسك يأذيك
اي
گوم اكل جبتلك غده
شكرا ما اشتهي
الله عليك كوم اكل بداعتي ... صفنت على نفسي شنو بداعتي غبيه انتي غبيه منو انتي بالنسبه اله حتى تگوليله بداعتي ... شگد فشله هسه شيگول عليه
38
....
صعدت اول ما وصلت لغرفتي بدلت وحاولت انام ما گدرت منا وجع راسي ومنا التفكير موتني ظليت نايم وافكر بالي ديصير
5
حسيت على سما فتحت الباب وسألتني نايم بعدين گالتلي گوم اكل ولمن گلتلها ما اشتهي گالتلي بداعتي ... انتبهت على كلمتهه واستغربت منهه ولان گالتلي بداعتي ما گدرت اقاوم وگمت
33
گعدت اكل .. حچيت
تغدت غدير
اي وديتلها اكل الغرفتها وغديتها وهسه نامت
شلون صارت
لتشيل هم يومين وتنسى وترجع تقوي روحها ... حچيت هيج بس حتى يطمأن وميظل يفكر بيها وإلا هي مستحيل تنسى حب حياتها بيومين ... صحيت علي وهو يگول وانتي
الحمد لله زينه
مگاعد اسألچ شلونچ .. قصدي تغديتي
88
هاا .. لا ما تغديت التهيت ويا غدير
اگعدي تغدي
گعدت يمه اتغده قدملي خاشوگته .. عاينتله باستغراب
شبيچ تلعب نفسچ
49
صفنت من گال تلعب نفسچ لان اني ما احس تلعب نفسي منه ما اعرف ليش ... بس اني نفس الشي خطر على بالي من قدم خاشوگته انو شلون يقدملي خاشوگته متلعب نفسه .. قاطعت تفكيري وگتله . . .
7
لا متلعب نفسي بس ما احب التمن هواي .. لذالك راح اكل خبز ومرگه واكل انت التمن
14
براحتچ
كملنه اكل ونزلت الصينيه وصعدت لگيته متمدد على الجربايه ومغمض
نزعت الجبه والحجاب وتمددت على المندر واني افكر بي وبغدير ومقهوره كلش عليهم
حچيت
9
امير نمت
لا ليش تسألين
ليش مدا تنام .. حاول تنام عفيه حتى راسك يصير احسن
6
مگاعد اگدر انام سما وجع راسي راح يموتني
تفكر بالي صار لو من الضغط
ما اعرف شگلچ ... اچذب عليچ لو اگلج ما افكر بالي صار .. وصعب اگلچ اي افكر
احچيلي شتحس واحسب روحك تحچي ويا نفسك بالمرايه والتحچي يندفن هنا بالغرفه بيناتنه
26
من حچت هيچ حبيت احچي البداخلي الهه بلكت ارتاح لان احس روحي محتاج احجي لأحد .. حچيت
التفكير موتني سما
بشنو تفكر
بكلشي ... بغدير وبضرغام وباخويه وباخوچ وبيچ هاي غير مشاكل العالم العلى راسي
2
صفنت على كلامه وبنفس الوقت نقهرت علي شگد متحمل .. حچيت
2
شحتسوي على موضوع غدير
1
ما بيدي اسوي شي
حاچي ضرغام
4
انتي من كل عقلچ شحاچي متگليلي اروح اگله لتتزوج بت عمي وتعال انطيك اختي .. جبيره بحقي وحقهه لمن اشمر اختي لواحد ما رايدهه
6
صفنت كلامه صح ...
كافي امير لتفكر وتعب نفسك ربك يحلها حاول تنام شويه
1
...
حاولت انام بعد ما حچيتلهه البگلبي ما گدرت
ظليت اتگلب والوجع ماكلني ومخي راح يطگ ... حسيت على سما گعدت على الجربايه يمي ورفعت راسي بيدها
30
....
شفته ماگدر ينام وظل يحوص ... حسيت بي وعرفت شلون متوجع ومتحمل ولان هو رجال صعبه علي يبچي حتى يرتاح مثل ما اسوي اني من انقهر او اضوج
تذكرت من بجيت وحضني بدون ميتردد وهدأني .. گلت لازم اتجرأ واروحله بلكت يهدأ شويه وينام ويخلص من هالوجع .. گمت وگعدت يمه على الجربايه
11
رفعت راسه وگتله
تريد تنام
ياريت سما ياريت
تمددت يمه وخليت راسي على صدره واني بين الخجلانه وبين المتردده وبين المستغربه من الديصير
101
حسيته فتح ايدي وحضني حيل لعد شگد تعبان ... ظليت نايمه وراسي بين حضنه واسمع دگات گلبه وگلبي ينبض سريع ... حسيت براحه مو طبيعيه وگلبي ما اعرف شصار بي شويه ونمت ما اعرف شلون
52
....
من اجت يمي وتمددت وخلت راسهه على صدري نصدمت وما صدگت هيج سوت ... ترددت اشبگهه بس فعلا چنت محتاچ لهذا الشي فتحت ايدي وشبگتهه قوي وخليت راسي على شعرهه ... افييش شگد احب هذا العطر من يوم الشبگتچ ولليوم يفتر بريتي ... بس لا حبيتهه ياربي مو صح هالشي مو صح .. ظليت شابگهه وحسيت براحه مو طبيبعيه وغمضت عيني ونمت ........
يتبع✨
كافي رحموني🤣 احبكم بليل انزل بارت 14 15 16
