فصليه_لأُناس_لايرحمون
+
للكاتبه # نور الدليمي
3
خلصت غده وغسلت وصعدت ردت انام شويه حتى اطلع اكمل شغلي
1
صعدت لگيت غدير منضفه الغرفه ونازله وسما گاعده على التلفزيون .. طبيت وقفلت الباب ورحت مددت على السرير بدون ما اباوع عليهه
1
شويه واندگت الباب جابت غدير الاكل اخذته وخليته گدام سما ورجعت انام
1
غمضت وهستوني بديت اغفي سمعت سما تسألني بستغراب ليش هيچ سويت وياهه وليش هسه گاعد اتصرف هيچ
1
گعدت على حيلي واني حاير شحچيلهه وشلون ابدي بالموضوع .. قويت نفسي وگلت لازم انهي هاي السالفه هنا لان تعبت منهه حيل
1
سما اسمعيني .. السويتي چبير كلش تعرفين لولا
3
اعرف اني فصليه امير واعرف ميحقلي احچي ويا اهلي ولا يحقلي حتى احلم بيهم .. بس اني اظل انسانه من دم ولحم احن واشتاق لأهلي بكل لحضه
2
اخويه غلط اعرف والجرح البگلبك چبير وما تجبر خاطرك الكلمات .. بس اني شنو ذنبي جاوبني
1
حرمتني من اهلي وحرمت اهلي مني .. جبتني هنا للذل والمهانه والضرب البلا رحمه .. اشتغل من الصبح لليل بلا ما اتنفس .. اشتاق لاهلي ومو من حقي اگول شتاقيتلهم وابين هذا الشي .. گاعده بيناتكم وادري بروحي غريبه ومنبوذه ومحد يحبني ولا احد يطيق وجودي
1
ومن اجيت ابرد گلبي شويه بصوت امي واخوتي جان ردك علي بالحزام والغلط والاهانه .. ولو ما لزموك عني چان موتتني بمكاني وما حاس على روحك
1
تحچي واني اكل بروحي واحس بمعاناتهه .. الغلط مو بس غلط اخوچ سما الغلط غلط اخوي هم ... والمفروض مثل ما انتي تحملتي غلط اخوچ اني هم اتحمل غلط اخوي حتى يصير عدل للطرفين ... قاطعت تفكري وحچيت :
2
اني ما سويت بيچ هيچ لان حچيتي ويا اهلچ .. صح السويتي غلط وانتي تعرفين بجيتچ هنا شنو الغايه منهه وشنو المفروض عليچ ... بس مع ذالك مستحيل توصل بيه اسوي بيچ هيچ بس لان سمعتچ تحچين ويا هلچ ..
2
من حچه هيچ صفني ... لعد والضرب هذا كله والغلط والمسبه لويش چانت علمود شنو
4
حچيت بأستغراب :
شلون يعني ما سويت كل هذا علمود سمعتني احچي ويا اهلي ... علمود شنو لعد لو مو هيچ
اني من اجيت بهذاك اليوم وسمعتچ تبچين بغرفة غدير كل ظني غدير رجعت للبچي .. ولمن قربت اذني من الباب نصدمت من سمعتچ تحچين ويا واحد وتگوليله مشتاقه لحظنك وان شاء الله ارجعلك واحبك ومن هذا الحچي .. ما چنت اعرف تحچين ويا اخوچ ظنيتچ تحچين ويا ....
2
قاطعتني وگامت وهي تصيح
شتحچي امير ... صدگ حسبالك دا احچي ويا واحد واني ببيتك وعلى ذمتك ... لا امير لا .. لو ظاله معتقده سويت بيه هيچ علمود حچيت ويا اخويه ولا اسمع منك هذا الحچي
من گال اتصورت تحچين ويا واحد ... صرت اعصاب وما صدگت الدا اسمعه وتذكرت شلون من چان يضربني يفشر عليه بفشار مينلبس علي ثوب اثاري هذا السبب ... تمنيت ميته ولا اسمعه هيچ يحچي عليه .. قاطعته واني مصدومه واحچي بحرگه وگتله ياريتك ما حچيتلي هالحچي
2
اسمعني امير ... ححچي اخير كلام الي وياك وبعدها ميجمعني وياك اي كلام ثاني
1
انت جبتني هنا ومتعرف عني اي شي ... لا تعرف اني شنو ولا تعرف اهلي شنو .. حتى اخويه الكتل اخوك وهسه انت حاقد علي هم متعرفه شنو
1
احنه نشأنه ببيت اساسه مبني على الحلال والحرام ومخافة الله اولآ ... واحترام الناس والخجل منهم ثانيآ
6
بابا الله يرحمه ربانه على هالشي وكبرنه واحنه ماشين على تربيته .. عمري كله ما سويت شي يسخط رب العالمين مني وينزل راس ابويه بي
امير انت اخذتني واني عمري ١٧ سنه تعرف شنو ١٧ .. ششايفني بت شوارع والعب على ستين حبل حتى الحگ احب وطلع واطب وانام بحضنه هم
3
عمري كله ما حبيت امير اطمأن وحتلو فرضا نگول حبيت والحب لا حرام ولا عيب اذا قصده شريف ... فأني مستحيل اجي اخابره واني على ذمتك واتمعشق ويا بكل صلافه ... متربايه اني امير وبت عالم وناس واعرف حد الله واعرف حدودي ... دامني على ذمتك ثق بالله ما اسوي اي شي ينزل راسك ويلطخ اسمك مو علمودك لا بس لان اني متربايه وغاليه وما ارخص نفسي مهما قهرتني الضروف
34
عفته ورحت طبيت بالحمام ابچي من كل گلبي ... بابا تعال شوف تاليها ... انت الي الناس كلها چانت تشكرك وتحمد بتربيتك النه وعمرنه ما طلعت كلمه محلوه علينه وكسرت بيك .. تالي متالي من بعد عينك اخويه صار قاتل واني صرت بت شوارع ورخيصه وما اسوه .. ظليت ابچي بحرگه .. تعلمت على البچي هو الشي الوحيد اليريح گلبي ماعندي غيره من اجيت لهنا لحد هاي اللحظه هو صار صديقي الوحيد
21
....
شفتهه صارت عصبيه من عرفت اني مفتهم السالفه غلط وگامت تحچي بحرگه وتشرحيلي شنو هي وشلون ربوهه اهلهه وبعدين وعدتني تحافظ على كرامتي واسمي مادامهه تحمله لان هيچ ربوهه اهلهه
2
راحت للحمام واسمعهه تبچي ومنهاره وقفلت الباب على روحهه ... كرهت نفسي وكرهت هذاك اليوم الاغبر النكتل بي اخوي
3
اخذت شماغي وطلعت من الغرفه ونزلت واني روحي طالعه من كلشي
4
رحت للديوان گعدت افكر بالي صار وشلون وصلت لهاي المرحله ... يعني لو اخوي مظلوم صدگ وچاتله اخوهه بلا ذنب چان يمكن ما گدرت احبهه ولا انطيهه مجال تدخل الگلبي وتستوطن مشاعري بهاي الطريق .. چان حسبتهه خدامه بالبيت مكانهه المطبخ وهاي هيه
9
دا افكر وطب علي ضرغام واخو فلاح
حچه ضرغام
ها ابن عمي شو رجعت بسرعه مبين ما نمت
3
لا ما نمت ما گدرت انام
ليش بعدك تهيس بوجع
8
حچيت بعصبيه :
اي راسي راح ينفجر ضرغام .... راح ينفجر راسي
شفته دز اخو فلاح ما اعرف وين ورجعلي
امير احچيلي البيك يخوي ريح گلبك ليش مصر تظل معلعل هيچ .. مو انه من يوم يومي اخوك وحامل همك وحاوي سرك .. احچيلي البيك يمكن ترتاح ويهيد وجعك
1
گمت افرك براسي بديه الثنين واصيح ...
ااااخ ولك ضرغام اخ .. شحچيلك والبيه لا ينحچه ولا ينگال
15
عرفت وراك سالفه چبيره امير ... سولف يخوي سولف وارتاح
1
گعدت اسولفله القصه من اولهه لحد اليوم شصار وشلون وصلت لهاي النقطه .. شفته صفن
1
ها صفنت ضرغام ...
امير شلون حبيتهه ... عفت البنيات مال السلف كلهن وما لگيت وحده تعشگهه غير البغداديه وفوگاهه جايبهه فصليه ..
218
مو بيدي ضرغام مو بيدي ... من عرفت غيث شسوه وعفيت عن اخوهه بدت مشاعري تتحرك اتجاهه .. لا تلومني وساعدني الگه حل
خويه هي صح حرمتك وانت حر بيهه ... بس عشگك هذا راح يدمرك صدگني ...
32
امير افهمني تراك بنضرهه عدو موش حبيب يخوي يعني بعد كل الي صار وجيتهه لهنا وحرمانهه من اهلهه وذلهه ببيتكم منك ومن اهلك واخير شي شكك بيهه وغلطك عليهه گدام كل اهلك ... تتصور راح تحس بيك لو تقدر حبك .. لا يخوي مراح تحصل منهه شي
19
صافن على ضرغام شلون يحچي واني ادري بكلامه صح .. ادريهه مراح تحبني ومو بس متحبني حتى تكرهني هم بس مو بيدي احبهه يا ناس وانه حتى ما متگرب صوبهه مجرد نضره منهه وگعتني وشلت حالي
27
حچيت بتنهيده
اااووووف ضرغام ... گلبي واج نار يخوي
2
حالي مو احسن من حالك يبن عمي ثنيناتنه بالهوه سوه اني هم احب وحده ماتحبني ولا تفكر بيه
49
....
بعد ما شبعت بچي بالحمام حسيت نفسي رتاحيت شويه .. طلعت ولگيته طالع .. فتحت الباب شفتها مفتوحه ما قافلها
2
نزلت لگيت البنات بالمطبخ ... حچت سعاد
2
ها يالساقطه نزلتي ... صاحت بيها غدير
6
سعاد احترمي نفسچ لا تخليني ابتلش وياچ بهالساعه
اني شعليه حبيبه اخوچ هو يگول عليهه ساقطه موش انه
4
اخويه رجلهه تعرفين شنو يعني رجلهه
1
لا ماعرف عرفيني
يعني رجال ومره يتعاركون اليوم يتصالحون باچر .. هو من يصير عصبي ميحس على نفسه من يحچي ... بس اذا سمعچ هيچ تحچين عليهه مراح يرحمچ وحذرتچ اني قبل وما سمعتي مني ووشفتي الصار بعدين
1
اسمعهن يحچن واني مخنوگه بعبرتي .. عادي شنو المشكله شبيچ ضايجه سما تعلمتي من يوم الاجيتي لهذا البيت ولليوم يوميه الجاهل يغلط عليچ قبل الچبير .. حاجتني غدير
3
ليش نزلتي خيه ما ظليتي فوگ
لا غدير ضجت واختنگت اشتغل وياكم التهي احسن
براحتچ حبيبه بس الله عليچ لا تكدرين خاطرچ بحچي سعاد تعرفيهه لسانهه موش الهه
4
عادي حبي تعودت
گمت اشتغل ويا غدير واني فكري كله بالكلام الگاله امير الضهر ... معقوله هيچ يشوفني رخيصه معقوله صدگ عندي علاقه واحب بحيث اول ما سمعني احچي ركب الموضوع براسه مثل ما چان يعتقد ويتصور ... اصحي سما اصحي وشوفي نفسچ بعين امير شنو
12
انتي بالنسبه اله وحده متسوه .. انتي فصليه وتظلين فصليه لا تحلمين بأكثر من هالشي ويا واحد مثل امير .. الله كاتب عليچ تعيشين عمرچ كله بهذا البيت فصليه وخدامه وبس
6
شتغلنه كالعاده وصار الليل وبلشنه بالعشه وغدير تحچي وتحاول تضحكني واني بالي مو يمها .. احس الصار هد حيلي وما طايقه كل الناس الگدامي حتى غدير . . مو بيدي والله ... الضرب الاكلته من امير چان اهون من الحچي السمعته اليوم ....
2
شويه وشفت امير طب من باب المطبخ ....
يتبع🌬😚
