فصليه_لأُناس_لايرحمون
للكاتبه # نور الدليمي
حسيت الباب نفتحت رفعت راسي من بين رجليه حتى اشوف منو توقعتها غدير ... عيوني مغوشه من الدموع ما اشوف غير بس سواد گدامي ويقترب مني
فركت عيني توضحت الرؤيه الي وشفت الحجيه امهم وخواته الاربعه وبيدهن اشكال والوان شي عصا شي سجينه حاميه بدايتها احمر جمر شي حبل شي حزام شي حديده شي وصله
ما عرفت افسر الموقف شعدهن هذني .. ليش اجن للغرفه وشنو هاي البيدهن !!!
خواته طول فترة تواجدي بالبيت ما اختلطت بيهن ولا اختلطن بيه بس تعرفت عليهن من بعيد عن طريق غدير ٤ الجبيره حنان والثانيه جنان واسماء وامال الاخيره
ظلن ٥ دقايق يخزرن بيه هن والحجيه ما تكلمن بحرف .. حچيت اني
صاير شي
الحجيه گالت للجبيره
حنان ربطي حلگها زين
صار حجي
شفت حنان تقدمت عليه استوعبت الموقف تقريبا .. ردت اعيط ركضت خلت ايدها على حلگي اجن ثنين من خواته جتفني وحنان ربطت حلكي حيل بحيث شفتي گامت توجعني
تقدمت عليه الحجيه وبيدها السجينه خلتها على صدري
شاغت روحي حسيت گلبي گام يضرب بعقلي
وگالت اني دم ابني يروح هدر من غير ما اخذ حقه لا والله ما اطلع اليوم منچ إلا واني مريحه گلبي للأخير
تحچي واني گوه اسمعها من الم جوية السجينه
وخرت الحجيه اجت حنان وبيدها حزام ظلت تضرب على كل مكان بجسمي روحي شاغت وبعد ما اگدر اتنفس من الوجع ضربتني يمكن ٤٠ ضربه لحد ما وصلت مرحله ما احس بالضرب بس اخير ضربه على وجهي حسيت وجهي صار جمر وايدي نملت دم من خشمي
صاحت جنان كافي خيتي خليها الي بعد
رفعت راسي گوه دا اعاين شمنتظرني بعد .. شفت جنان وبيدها حديده
تقدمت عليه وظلت تضرب بيه شامي عامي وتصيح موتي يالعار موتي الله ياخذچ واخير ضربه جانت حسيت بيها على راسي وسال الدم من بين عيوني وبعدها فقدت كلشي ما حسيت
صحيت واني اصيح ااخ راسي راح ينفجر ... سمعت صوت
شدتحسين
فتحت عيني گوه شفت امير گبالي
.....
جمعت اهلي كلهم امي وابويه واخواني وخواتي وحتى عمتي جانت موجوده بعد الغده وجانت الساعه حدود ال٢ الظهر ووضحتلهم السالفه وفهمت محد لازم يتعرض المحمد والسالفه جانت ممقصوده
ظليت گاعد ويا ابويه واخواني ساعتين وراها صارت الاربعه العصر طلعت للديوان والشغلي .. واني كل فكري بالي سمعته اليوم .. مصدوم ممصدگ غيث اخويه يطلع منه كل هالشي .. وممصدگ گدرت اعفي عن محمد متفاجأ بالي سويته بس حسيت غيث غلط ويستاهل الصار ولو جان عايش جان جتلته بيدي بعد ما عرفت كل هالسوالف عنه .. بس بنفس الوقت يظل اخوي ونهدر دمه غدر اقل شي اگدر ابرد گلبي بي واسكت حلوگ العالم تظل اخته فصليه يمي هيج راح العالم تسكت واني انسى الي صار وما اظل افكر بموت اخوي
مر اليوم هيج وظليت گاعد بالديوان لحد ما صارت الساعه ١١ بلليل حسيت على ضرغام طب للديوان
2
ها شيخ شو گاعد لحد الان بالديوان شفت الباب مفتوح والضوه معلوگ ظل بالي يمك
2
اي والله يبن عمي اليوم جان صعب بالنسبه الي حتى اصعب من يوم چتل غيث .. مو هين علي السمعته ولا عقلي راضي يتقبله
2
شيخنه انسى الصار وكلمن ياخذ نصيبه بالدنيا .. زين ما عملت من تركت محمد يروح وخليت اخته فصليه يمك هيج لا نظلمت ولا ظلمت
21
ما ادري شگولك يخوي .. المهم وصلت محمد لبغداد
1
اي خويه ذبيته بباب بيته وشفته دخل يلا مشيت رادني اطب ما قبلت
1
زين سويت
اترخص شيخ تعبت من روحتي لبغداد ورجعتي اروح انام
1
الله وياك يبن عمي ما قصرت
1
تامر شيخ .. مع السلامه
1
طلع ضرغام عاينت للساعه ١١ ونص گمت وسديت الديوان وركبت سيارتي للبيت
6
طبيت هدوء والكل نايمين
1
صعدت فوگ فتحت الباب ماهي البنيه گلت ويا روحي يطبها مرض عاجبتها نومة الحر الضاهر
6
بدلت وتمددت على الجربايه واني افكر بالي صار .. فكري اخذني الها ليش ما صعدت خاف تستحي تريد اني اصيحها
1
خلي انزل الها حجاية التنگال اجت اجت ما اجت هي حره المهم اريح ضميري الحر مينام بي
4
نزلت وصلت للغرفه الهي بيها فتحت الباب وچان الضوه مالت الحديقه ضارب على الغرفه شفتها متمدده على وجهه گلت داخلي هاي شبيها هيج نايمه وما حست علي من فتحت الباب
4
موبايلي بيدي شغلت الضوه وضربته عليها حركتها سما كومي .. شو هاي متتحرك
3
درتها على وجهه وجان انصدم بالي شفته ..
وجهه مينشاف من الدم والزراك للحظه حسيت نفسي بابو غريب ودا اشوف گدامي شخص معذبي
44
شلتها واني اكل بروحي هاي شصاير بيها ركضت صعدتها لغرفتي ونومتها على الجربايه والدم مالتها ميوگف لحضات نترست الجربايه دم .. ما اعرف الدم من راسها من وجهه من جسمها كلشي ميبين
12
ظليت افتر على روحي ياربي شسوي ياربي ساعدني .. شلت موبايلي خابرت الدكتور مالتنه
2
الوو دكتور شلونك
هلا بالشيخ
اسف على الازعاج بهيج وقت بس اكو وحده تخصني معذبيها والدم تارس وجهه وجسمها وما اعرف شصاير بيها
3
شيخ شدتحجي منو هاي ومنو معذبها
سالفه طويله دكتور فهمني شسوي بسرعه تكدر تجي
لالا ميفيد اجي هاي احتمال يحتاجلها خياط واحتمال نزفت دم هواي وتحتاج دم جيبها الي للمستشفى
شتحجي دكتور وبالمستشفى شگول الهم لو سألوا شبيها وهي ببيتي وهيج صار بيها
4
معليك شيخ اني ادبرلك تقرير واطلعك من السالفه بس جيب البنيه خلي انقذها منتظرك بالطوارئ اني
3
سديت التلفون ولبست دشداشتي وعگالي سريع واني اعاين الها متحرك لا ايد ولا رجل والمكان نترس دم
8
ياربي كون ميصير بيها شي يارب هاي بركبتي اذا صارلها شي اني اتحمل ذنبها
13
اخذت السويج والموبايل وشلتها وركضت للسياره كوه صعدتها .. صعدت وشغلت السياره وتحركت .. خابرت ضرغام
1
ها شيخ خير
ها ضرغام ولو ضوجتك وتعبتك اليوم بس محتاجك ضروري
1
خير يا ستار شصاير ابن عمي
تعالي للطوارئ بسرعه
1
شصاير امير احجي
هاي البنيه الفصليه تنزف ومضروبه ومدري شصاير بحالها
يا صدك تحجي جايك جايك
29
الطريق گوه خلص حسيته شطوله
قريب ما اوصل خابرت الدكتور
الوو دكتور راح اوصل طلعولي سديه بلا زحمه بسرعه
صار شيخ صار
وصلت لگيتهم منتظريني بالباب
شلتها صعدتها على السديه ماخليت احد يلزمها ونزعت عكالي ذبيته ع راسها
22
اخذوها يركضون واني اركض وراهم .. صار الدكتور گبالي
2
دكتور فدوه انقذها ليصيرلها شي الله يخليك
1
اتطمن ابني راح اسوي الاگدر علي والباقي على رب العالمين .. بس مو هاي نفسها البنيه النتلت بالماطور قبل جم يوم
9
اي دكتور هي
طب الدكتور واني ظليت الوج يم الباب اروح واجي .. اروح واجي .... حسيت على ضرغام لزم جتفي
1
ها شيخنا شصار
ما ادري ضرغام ما ادري فتحت الباب لكيتها جثه بالكاع متحرك لا ايد ولا رجل ومتعرف الدم منين يطلع من جسمها
4
ابن عمي منو سوى بيها هيج
1
ما اعرف والله ما اعرف .. شفت ضرغام صفن ،، حجيت
شبيك ضرغام ليش صافن شنو ببالك
ابن عمي والله اريد احجي بس خايف
احجي شبيك من شنو تخاف
لتصير عصبي مجرد احتمال .. اخاف احد معتدي على البنيه ومغتصبها وهيج مسوي بيها
85
شوف هذا شيحجي يالله تسكت لا اهفك بعجل ما صاير ... منو يتجرأ يدخل لنص بيتي مخبل انت
24
لعد الصار بالبنيه هذا شنو تفسره يا شيخنا
اله تفسير اكيد اله تفسير بس خلي تگوم بسلامه ويصير خير ... بهاي الاثناء طلع الدكتور وركضت علي
ها دكتور فدوه بشر .. خو مابيها شي
والله شكلك شيخ البنيه متعرضه لتعنيف قوي وضرب براسها من الطول للطول .. خيطت راسها وحاليا صحت الطبيبه النسائه تكشف على جسمها ونحتاج بطل دم زمرته Aموجب روح للمصرف مالت الدم يحضرولك دم يوالمها
7
ضرغام روح للمصرف وهاك هاي ورقة الدم دبرلها دم منهم وخليهم يدفوا حتى ندورلهيا بسرعه ليصير بيها شي
1
راح ضرغام وظليت اني الوب اروح واجي وايدي على راسي .. راح اتخبل ياربي منو سوالها هيج .. شصار بغيابي .. معقول حجي ضرغام صح .... لالالا مستحيل منو يتجرأ يسويها وبنص بيتي
5
طلعت الدكتوره رحتلها ..
ها دكتوره فدوه بشري
شبشر خويه البنيه جسمها صاير خريطه مطبع خطوط خطوط مال ضرب بلا رحمه وبصدرها حرگ قوي .. منو سوا بيها شي لازم نرفع تقرير هذا اعتداء وحشي مينسكت علي
12
ما عرفت شحجي بهاي الاثناء اجه الدكتور والله جابه
صحت الدكتور وشاورته.. گالي ولا يهمك يمي ... صاح الدكتوره گلها تعالي احجي وياج بالغرفه شويه
5
اجه ضرغام انطاني الدم سلمته للمرضه الي بالباب وظلينه ننتظر
1
عدت ساعات بس الله يعلم بيها قلق على خوف على توتر على عصبيه ما اعرف افسر الي بيه بهذاك الوقت
10
اجه الدكتور وبشرنه الحمد لله عدت على خير بس راح تبات بالمسشتفى باجر الصبح لو الضهر يله نگدر نطلعها .. طلبت من الدكتور علاج قوي وكريم مال حرك حتى ليظل اثر بيها
2
صار الصبح وكلت الضرغام روح ارتاح بالبيت اني اكمل الاجرائات وجم ساعه ونطلع .. سلم وراح
1
رحت للدكتور گتله اگدر اشوفها
تگدر شيخنا اساسا هسه راح تصحى
دخلت ويا الدكتور قاس ضغطها والنبض وفحص الخياط مالتها وطلع ظليت يمها وره ثلث ساعه شفتها بدت تصحى اول كلمه كالتها ااخ راسي راح ينفجر
1
شدتحسين
فتحت عيونها وغمضتهن ٣ مرات
وين اني
1
بالمستشفى
شصار .. .
انتي لازم تگوليلي شصار مو اني
صفنت تذكرت الصار گمت ارجف من تذكرت العذاب الشفته وصيحت بكل صوتي اصيح وادفر وهو لازمني
11
....
شو هاي صحت ومن سألتها شصار گامت تصيح وتدفر گمزت لزمتها واني اصيح لأي احد يجي يساعدني
1
اجه الدكتور ضربها گبل ابره مهدأ وگال هاي اعصابها تعبانه يحتاجلها راحه فتره بعيد عن الضغوط النفسيه
+
صارت بالوحده الظهر واني بالمسشتفى ..دگ جهازي
الوو ها يابه
ها وليدي وين انت مختفي
4
بعدين اسولفلك يابه من اجي
اكولك ابني هاي البنيه الفصليه مختفيه من الصبح لهسه يمكن شردت
11
لا يابه ما شردت موجوده يمي
شنو يمك شتسوي
1
گتلك بعدين يابه هسه مشغول مع السلامه
سديت الخط ورحت حاچيت الدكتور اگدر اطلعها
1
تگدر شيخ بس مثل مگتلك لازم تبعدها عن الضغوط النفسيه شگد متگدر وإلا راح تظل مدمنه على المهدأت
10
صار دكتور
كملت الاجرائات مالت الخروج واجيتلها لگيتها فاتحه عينها والدموع تسيل منهن
1
ها سما لازم نطلع هسه
.....
حسيت على روحي واني بعدني بنفس المكان .. نعاد شريط الذكريات گله گدامي وشلون عذبوني وشتحملت من الم .. بابا عاجبك اليصير بيه مو گتلك ادعيلي اجي يمك من صار كل هذا بيه ليش عالجوني ليش ما متت احجي ويا روحي وابچي حسيت علي اجه يمي ما اعرف وين جان وگال ها سما لازم نطلع هسه
3
درت وجهي علي ..
عفيه لترجعني لهذاك البيت
1
لتخافين راح اصعدلج الغرفتي وما اخلي احد يتقربلج ... تحچيلي كلشي بس نوصل للبيت
5
حجيت ويا نفسي ... ما اخاف مو ؟؟ على اساس انت شلونك شحال لو ما ردت تموتني قبل يومين كلكم وحوش وماعدكم ذرة رحمه
7
ها شو سكتي
شحچي
كلشي لتحجين بس گومي لازم نطلع
1
گمت گوه ما اگدر اشيل جسمي عضامي كلها تون عليه
1
هاي شصاير بيه عضامي توجعني كلها
اي الدكتور گالي عندج رضوض قويه .. تگدرين تمشين لولا
2
ما جاوبته خليت رجلي بالگاع ردت اوگف ما گدرت
شفتها متگدر توگف صحت الممرضه جابت عربانه وگعدتها بيها ..
31
طلعنه من المستشفى .. شلتها صعدتها بالسياره وصعدت حركت السياره ومشينه
اعاين عليها عيونها مليانه دموع وجهه مينشاف من التشوهات .. حچيت
1
تگدرين تحچين سما
3
شتريد
گوليلي شصار
امك وخواتك
شبيهن امي وخواتي
24
هن سون بيه هيج
شخطت بريك بكل قوتي بحيث نشمرت ليگدام وصاحت اااخ
15
شتحچين انتي شوكت هالحچي
البارحه بعد ما جمعتنه وحجيت ويانه بربع ساعه رحت للغرفه ابجي واندب حظي الجابني وخلاني بينكم .. شفتهن طبن عليه امك وخواتك الاربعه ماعدا غدير ... طبن وبيدهن اشكال حديده وحبل ووصله وحزام وسجينه حامين نصها وبدن يعذبن بيه جوني وضربني بالحزام ضرب مال اجرام لحد ما خشمي طگ دم وبالحديده على جسمي واخير ضربه على راسي وما حسيت بشي
13
صافن عليها ومااستوعب الكلام الدتحجي
5
سما هذا الحجي وره ربع ساعه من جمعتي بيكم
اي
يعني اني جنت بالبيت
1
اي
لعد ليش ما صيحتي ما سمعت اي صوت منچ
2
اول ما طبن شدن حلگي حيل بالوصله
ضربت سترين السياره وگلت مع الأسف على عگلنه صارت بيد النسوان من تالي وكت
65
شغلت السياره ومشيت كل قوتي لما وصلت للبيت
1
نزلت وگتلها انتظريني بالسياره لتتحركين
طبيت للبيت من الباب
غدير وينج
ها خويه ها اامر ... ياااا امير شنو هاي دشداشتك كلها دم بيك شي خويه شصاير گلبي وگف
1
مابي خيتي مابي ... بس تعالي ويايه للكراج
شفته اجه هو وغدير بتجاه السياره فتح الباب چان غدير تعيط
عزه بعيني عزه عزه .. ولج شصاير بيج سما هاي شنو منو هيچ سوا بيج خيه
غديررررر مو وكت الحچي عينيني خلي نسندها ونصعدها بالغرفه مالتي
سندوني ومشوني بالگوه .. اول ما طبيت صارت امه بوجهي بس هي بالصالة
ما گدرت اعاين الها بس شفتها جسمي گام يرجف ودرت وجهي
4
صعدوني فوگ هم وسانديني فتح امير باب الغرفه ودخلوني على كيف
1
غدير خويه ساعديني اصعدها على السرير
5
صار خويه
صعدوني على الجربايه ... وشفته اشر الغدير وطلعوا
2
....
اشرت الغدير حتى تطلع وافتهمتني
طلعت وطلعت غدير ويايه .. گلتلها
خويه غدير اخاف اطلع اني محد يوصل لغرفتي ولا يطب بيها مفهوم
1
صار خويه بس فدوه گلي شصاير .. اليوم البيت نگلب وامي وخواتي وسعاد يصيحن شردت الفصليه شردت وراح تخلي عگلنه بالطين بعملتها وانت طول اليوم مختفي وممبين .. وتالي تجي وهي وياك وحالتها حاله شصار خويه احجيلي
5
خويه مو هي الراح تخلي عگلنه بالطين .. امج وخواتج راح يخلون عگولنه بالطين
ليش خويه شعليهم
هم سوو بيها هيج .. معذبيها للبينه بابشع العذاب خياطات براسها وجسمها مزورگ وصدرها جاوي بالسجينه بعد اكثر من كل هالشي
1
ياااااا عزه عزه عزه ... خويه الله عليك گول غيرها
7
والله خويه هذا الصار ... هسه مثل ما گتلج محد يعتب عتبة باب غرفتي بغيابي والباقي حله يمي
صار خويه تامر
3
طبي شوفيها اخاف محتاجه شي واني نازل ليجوه
1
بعيوني
خليت غدير يمها ونزلت صارت بوجهي امي كعدت على الديوان گبالها وگتلها
1
گواج الله حجيه
هلا يمه هلا الله يگويك
5
يگويني يمه يگويني حتى اگدر اتحملكم واتحمل مشاكلهم
6
ليش يمه شسوينالك احنه حتى تتحملنه
6
خابريلي خواتي اربعتهن يمه اريدهن هنا يمي خلال ساعه
1
يا يمه شخابرهن غير هن اليوم الصبح راحن منانه شيجيبهن بعد
3
يمه مثل ما سمعتي صاعد ارتاح شويه ... ساعه واريد غدير تصيحني تگولي خواتك اجن
2
عفت امي وصعدت ليفوگ .. فتحت باب غرفتي لگيت غدير كامشه ايد سما وتمسد على شعرها على كيف .. صفنت شگد طيبه بذرة هاي البنيه احسها من دون كل اخواني بيها شبه مني اكثر وحده بالبيت تفتهمني ومن اريد شي ماكو على لسانها غير كلمة الصار
60
طبيت للغرفه وحجيت
غدير خويه نزلي جوه ومن يجن خواتچ صعدي صيحيني
1
تامر بعد گلبي
يسلم گلبچ خيتي
راحت وسدت الباب .. اجيت يم سما
1
ها يوجعج شي
2
ما جاوبته ... يگول يوجعچ شي .. دگول اكو شي ميوجعج هيچ السؤال يصير عدل
9
شفته اخذ مخده من الجربايه وراح تمدد بالگاع وخلاها جوه راسه وشغل التلفزيون ونصه صوته وگعد يعاين اخبار
1
غفيت من التعب وحسيت على فتحت الباب .. جانت غدير
1
خويه خواتي اجن جوه بالصاله ينتظرنك ......
يتبع🫂
