فصليه_لأُناس_لايرحمون
للكاتبه # نور الدليمي
2
من رجعت يم اهلي اول ايام چنت فرحانه ومتلهفه الهم وماعندي تفكير غير اشبع عيوني شوف بيهم من بعد عذاب طويل على فراگهم
1
مرت الأيام وبدت لهفتي تنطفي وحسيت روحي گمت احن حيل الأيامي يم امير رغم كل العذاب الشفته هناك
12
وبعد شهر بالضبط تحول هذا الاحساس لـ ألم قوي يعصر گلبي خصوصا بلليل
2
شوقي لأمير كل يوم عن يوم يزيد اكثر .. صرت ما انام الليل اذا ما ابلل المخده بدموعي على غيابه واني الچنت اتصور من ارجع لأهلي واعوفه انسى كل وجع بيه .. وعيني ما تنزل منها الدمعه
3
من احچي ويا غدير بحجة اسألها على اخبار اهلها واحد واحد اسألها على امير هم حتى اسمع اخباره واتطمن عليه .. غدير چانت تگلي متغير وصايرين منشوفه بالبيت ما اعرف ليش من رحتي لليوم .. چنت اصفن واگول يمكن شغله هواي بهاي الفتره
7
ازل ولدت بسلامه بعد شهرين من رجوعي لأهلي وجابت بنوته تجنن مثلها وسموها عسل لان هي صدگ عسل
6
ظلت بهاي الفتره يمنه لان هستوها جايبه وتحتاج عنايه .. وحسيتها بدت تحس بيه لحد ما سألتني
1
سما شنو المضوجچ حياتي احچيلي لا حسبالچ ما حاسه بيچ لا حاسه من زمان من بعد ما رجعتي بفتره من بيت امير وانتي تغيرت احوالچ بس چنت منتظرتچ انتي تجين وتفرغيلي گلبچ
2
احچيلي لتضمين عليه منو عندچ غيري اسمعچ حبيبتي
3
هي گالت هيچ واني بديت ابچي بلا وعي .. حسيت روحي چنت محتاجه احد يسمعني ومن حچت ازل وحست بيه لا اراديآ دموعي شرحتلها حالتي قبل لساني
شبيچ سما .. بس لا البالي صح
2
اكيد عرفت .. اصلا حب امير فاضحني گدام اهلي لدرجة صرت اگعد وياهم ويحچون ويايه مره ومرتين وما اجاوبهم لان بالي مو يمهم .. وصلت بيه مرحله الضحكه ما تطلع مني والحزن خيم على عيوني ومن يسألوني اتحجج بأي شي حتى اتهرب منهم
3
چنت واعده نفسي انسى واعيش حياتي مثل ما هو ناسيني وما سأل عني ولا مره لا من قريب ولا من بعيد .. بس مو بيدي امير سيطر على كل جوارحي مو بس گلبي
1
صرت يوميه اتذكر كل تفاصيلي ويا حتى ابسطها
3
اتذكره حتى من يگعد يتريگ او من يصير عصبي ويگوم يصيح والكل يخاف منه .. اتذكر ملامحه من يضوج ومن يضحك
1
بچيت وگلتلها الأزل ..
اي اازل اي احبه
والله عرفت اصلا مبين عليچ وچ مخبله انتي ما لگيتي غيره تحبي .. شگد ظليتي يمه وما عبرچ ولا فكر يسويچ مرته گدام الناس
6
هذا حبچ عبث سما اصحي على روحچ ولتسوين بنفسچ هيچ
16
گمت من يمها ورحت لغرفتي وشبعت بچي .. كلامها صح وادري بي مستحيل يفكر بيه بس شسوي گلبي الغبي ميقبل يقتنع
3
ومرت ٣ اشهر على رجعتي لأهلي وماكو شي جديد غير شوقي لأمير اليزيد يوم بعد يوم
1
ومره گعدت الصبح متأخره ب١١ لاني صرت ما انام الليل من گد ما افكر بأمير وابچي
8
فتحت عيني واني مخنوگه وبس واحد يحچي ويايه ابچي لهل درجه نفسيتي تعبانه
4
حسيت روحي مشتاقتله صارلي ٣ اشهر لا سامعه صوته ولا شايفه شكله
فكرت ممكن اگدر اشوفه عن طريق الفيس اكيد موجود بأصدقاء غدير هو
2
فتحت موبايلي ورحت على اصدقاء غدير لگيت صفحته بأسمه موجوده
فتحت الصوره واني گلبي يدگ حسبالك حشوفه صدگ .. طلعت اله صوره حديثه مغيرها قبل اسبوع لابس بيها اسود ولابس مناضر ولحيته وشواربه عاليات وحتى ضعفان
16
صفنت هاي شصاير بي .. مبين علي التعب
من جهه فرحت شفته ومن جهه نقهرت علي
گمت اگلب بصفحته واشوف صوره ومنشوراته ماكو شي مهم واصلا ميتواجد بالفيس هواي
1
سديت الموبايل وگمت اغسل وانزل اتريگ .. سمعت الموبايل دگ
3
اجيت رقم غريب .. فتحت وما حچيت ردت اشوف منو اول
7
خليته على اذني ماكو صوت .. شويه وسمعت
الوووو
5
اني سمعت الووو وفتحت عيوني وخليت ايدي على گلبي
2
هذا امير اي والله امير
ما عرفت شسوي غير اسد الخط بوجهه .. وگمت اروح واجي بالغرفه مثل المخبله
8
يا سما ليش سديتي بوجهه هسه شيگول ..
5
لعد شسوي شنو احچي ويا
2
زين هو ليش تصل بيه !!
وبعدني اروح واجي واني مرتبكه وافكر .. رجع اتصل بيه مره ثانيه
8
.....
من خابرتهه فتحت الخط وما حچت ..
صحت الووو ... شو هاي سدت الخط بوجهي
صفنت على الجهاز شبيهه هاي شنو ارتبكت لو تتعزز عليه لو شنو بالضبط
8
رجعت خابرتهه قريب ميفصل الخط جاوبتني بدون متحچي
1
الوووو
سما الووو تسمعيني انه امير
2
الووو هلو امير شلونك
هله بيچ .. ليش سديتي الخط بوجهي
اسفه ما عرفت صوتك
12
متأكده ؟
من گال متأكده ارتبكت وكأنه ديقره افكاري ياربي شسوي ... استجمعت قوتي وجاوبت
1
شتقصد
يعني اذا اذنچ ما ميزت صوتي معقوله گلبچ تاه عنه
46
هو گال هيچ واني گمت ارجف .. يا الله شديصير شنو معقوله عرف احبه وهيچ ديحچي
1
الووو ليش سكتي
وياك
تراني مو جبان مثل ما تتصورين سما
7
سمعته هيچ گال وحسيت روحي جمرت والنار گامت تطلع من اذني .. عرف والله عرف لان اني دائما چنت اگول عليه جبان
1
راح تگضيهه ساكته لو شلون
بتردد ... شنو تريدني احچي امير
1
احچي البگلبچ .. احچي الشي الخفتي تحچي طول الفتره الراحت
گمت ارجف وما اعرف شأجاوبه وبنفس الوقت محتاجه احچي ويا .. محتاجه اطلع اله كل البگلبي حتى ارتاح
فجأه دموعي گامت تنزل وراها بين البچي بصوتي
4
...
سمعتهه تبچي وگلبي راح عليهه
لتبچين سما بداعتي لتبچين
2
وچ انه مو جبان مثل متتصورين .. انه احبنچ اكثر من روحي بس مچنت اعترف الچ بهالشي مو خوفآ من الوادم والعادات والتقاليد مثل متگولين او تتصورين انتي
34
انه سكتت كل هالفتره لان ظنيتچ تكرهيني وما تطيقين وجودي وياچ وما حبيت افرض نفسي عليچ
رجعتچ لاهلچ حتى اخلصچ من هذا العذاب بس ربچ وحده يعلم شصار بيه من رجعتي لليوم
13
...
سمعته گال احبچ وبده يشرح مشاعره وليش چان ساكت وميحچيلي عنها .. حسيت گلبي صارت عنده جناحات وعافني وطار اله بنفس اللحظه
9
ظليت اسمعله وهو يحچي وفجأه گال
1
سما
1
نعم امير
انطي خبر لاخوچ وعمامچ باچر انه يمكم
48
من گال هيچ نصدمت وظليت صافنه بيش يفكر وشعنده جاي ..
9
ليش شتسوي تجي امير
والله عيب عليچ اكو واحد يگول للخطار شعندك جاي
19
ههه لا موقصدي والله
فدوه لهل ضحكه
3
من گال هيچ خجلت كلش وبدت العصافير تطير فوگ راسي
37
سما لازم اسد الخط عندي شغل ولا تنسين باچر گبل الظهر انه يمكم انطي خبر لأخوچ وخلي يخبر عمامچ
13
ماشي امير الله وياك
....
سديت الخط منهه وانه ناوي اثبتلهه لا انه جبان مثل ما تصورت ولا اكو شي اقوه من حبي الهه
7
رحت للمضيف وخابرت ابوي وعمامي وولدهم وطلبت منهم اجتمع بيهم على السريع
2
اجوني بعد ساعه وفتحت الموضوع وياهم
انه ناوي اتزوج ياجماعة الخير
حچه ابوي اي بالخير وليدي منو هاي سعيدة الحظ
سما بويه مرتي السابقه
من گلت سما الكل تفاجأ واكو منهم بلش يعترض ويشمر بالحچي
11
سمعوني كلكم .. هذا اخير كلام عندي وانه باچر رايح اخطبهه اليجي منكم ويايه اهلا وسهلا والما يريد يجي براحته وما ازعل منه .. بس لحد يحچي وياي بهالموضوع لان بالنسبه الي حسمته ونتهه امره
12
طلعو كلهم مني وظل ضرغام منتظر يفرغ الديوان ويستفرد بيه
1
ها ولك امير سويتهه
ههههه سويتهه يبعد اخوك واخيرا
22
شبگني وگام يصيح
1
بالخير يخوي بالخير وريت عرسك گبل عرسي
6
اي لعد ان شاء الله تريد تعرس گبلي
9
هاي شنو منك امير ولك جدي استلگ صارلي ٣ اشهر منتظر وگدامي شهرين بعد تالي تجي على الحاضر وتعرس گبلي
16
والله يخوي اذا انت صارلك ٣ اشهر اني ٧ اشهر وهي ببيتي وبغرفتي وصابر عنهه فلا تناقشني وعرسي گبل عرسك وانتهت السالفه
25
ههههه والله كلما اشوف تالي اخذ اختك واشرد واخلص منك
8
هههه تسويهه ناقص
4
.....
من سديت الخط من امير حسيت روحي رجعتلي
1
شگد حلوه بحلگه كلمة الاحبنچ واني چنت احلم اسمعها منه ولو مره وحده ...ما صدگت اعترفلي بحبه واخيرا
17
بس شيسوي يجي باچر ما اعرف شنو براسه
34
نزلت وچانو اهلي كلهم مجتمعين
ماما .. محمد ... عندي موضوع وياكم
احچي سما شنو هالموضوع
امير ماخذ رقمي من اخته وخابرني قبل شويه وباچر يريد يجي يحچي ويا محمد وويا عمامي قبل الضهر
2
نط محمد من مكانه ...
1
ليش سما هم رجع انفتح موضوع غيث مره ثانيه
30
لا محمد ما اتصور هذا الموضوع .. بس ما اعرف ليش يريد يجي بالضبط
2
زين بس هو لو احد ويا
+
لا حسب ما فتهمت بس هو
2
مشه اليوم واني احسب دقيقه دقيقه شوكت يجي باچر واشوفه
1
صار الصبح فزيت واني فرحانه واخيرا حرجع اشوفه بعد ٣ اشهر
3
گمت نضفت البيت من الطول للطول وبس اريد الوقت يوصل
2
دا اشتغل واجه محمد يركض
ولچ سما سما الحگي ..
