فصليه_لأُناس_لايرحمون
+
للكاتبه # نور الدليمي
2
بعد ما حضني واعتذر .. طلع وسمعته قفل الباب ورى
1
تخبلت شنو هذا حسباله الشغله تخلص بلأعتذار .. ظليت اضرب بالباب حيل واني اصيح ..
1
اميييير افتح الباب ... بسرعه افتح هذا الباب لتخبلني
ماكو جواب يمكن راح
اليوم ما اعوفك ترتاح اريد اخليك تتخبل عليه بلكت تموتني وارتاح من هالعيشه
ظليت افتر بالغرفه حايره شسوي
اول ما خطر ببالي صوره .. اي والله جبتيها سما طلعي صوره وسويهن وصل وصل وخلي يتخبل وتصعد عنده الحراره بلكت يدفنچ هالمره صدگ وترتاحين من خلقته
6
طلعت الصور وشگگتهن كلهن صوره صوره وطشرتهن على كبر الگاع
66
مابرد گلبي ... بعد فكري سما شتسوين
عاينت للكنتور ورحت فتحته
اليوم إلا اخليك تتندم حبستني هنا ورحت .. بسيطه امير
لزمت ملابسه وطشرتهن على كبر الگاع ... گلبي نار مديبرد عاجبني اصيح بعلو صوتي ... صيحت بصوت عالي
7
اااااااااه ولك امير اليوم اخليك تشتعل من القهر .. اني الك امير اني الك
عاينت على المجر البيهن ساعاته ومناضره رحت فتحته
گمت اشمر بيهن على الحايط واصيح
37
هاك هاي ساعه وهاي بعد ساعه وهاي هم ... هاي مناضرك اخذهن هاك ... شمرتهن كلهن بكل قوتي لحد ما تفلشن
5
تعبت وگعدت على صفحه ... اخ امير شما اسوي بحقك قليل مدتبرد نار گلبي ولك شلون ابردها شسوي بعد شسوي ااااااه
14
نفتحت الباب وطبت غدير ... وگالت :
ليش تصيحيـ...... عزه عزه عزه وچ سما هاي شسويتي
11
عاينتلها بطرف عيني وحچيت
شسويت يعني شتشوفين
وچ شمسويه بالغرفه ؟؟ ... شمسويه بهدوم امير وغراضه ؟ .. هاي شنو المشگگتهن
دنگت عليهن تشوفهن ... شهگت وصاحت :
عزززززه صوره ... يمعزايه تسودنتي اليوم صدگ يدفنچ
اي هو اني سويت هيچ حتى يدفني هذا الاريده اني ... گمت اريد اطلع شفتها ركضت وسدت الباب ... صحت وراها
اااااااه حتي انتي غدير ... ولچ فتحي الباب فتحي
راحت اني اعلمها
عاينت للغرفه ... يلا كافي لحد هنا اليوم .. خلي اگعد اتفرج تلفزيون وانتظره الظهر يجي واستمتع بصدمته من يشوف شسويت بغراضه وغرفته
52
شغلت التلفزيون وگعدت اعاين ... مر الوقت بدون ما احس .. سمعت الاذان يأذن
گمت توضيت واجيت اصلي ماكو مكان من الهوسه
رحت يم الباب سويتلي مكان على گد الصلاة وصليت ... كملت ورجعت اتابع التلفزيون ومنتظره جيته
چنت اعاين مسلسله تركيه هستوها باديه ... خلصت المسلسله طب امير
31
.....
طلعت الصبح وخابرت ضرغام لان ما اتحمل وجع راسي بعد وگتله يجيني للديوان حتى نروح للدكتور
رحت مشي للديوان لأن الوجع مسيطر عليه وما اگدر اسوق ولا اركز ... امشي والوادم تسلم عليه وگوه اگدر ارد السلام عليهم
4
وصلت للديوان طبيت وطلبت من الولد چاي .. جابلي چاي وگعدت اشرب وافكر شلون احل هالسالفه ويا سما
شويه وطب ضرغام
ها شيخنا سلامات
هلا ابن عمي يسلم گلبك
شبيك خيرك
ما ادري ضرغام بس راسي هلأيام مديهود اهيس روحي تريد تطلع من جسمي بسبب الألم القوي
13
الله يساعدك مو گتلك قبل فتره خلني اوديك للدكتور عاندت الله يسلمك
مصار شي ابن عمي هسه نروح .. شوفلي دكتور گاعد هسه رحمه لجدك تراني مابي اصبر للعصر ابد
