فصليه_لأُناس_لايرحمون
+
للكاتبه/# نور الدليمي
1
بعدني دا افكر فكره توديني وفكره تجيبني شفت سعيدان طبت وصفنت عليه
7
هااا خير عيني مضيعه شي بوجهي
وانت منو يمچ مالت على هالوجه اي والله
درت وجهي وما جاوبتها ... كملنه هوسة الريوگ والمطبخ وبدينه نجهز للغده والوقت يركض والشغل ميخلص ...
2
اووف ربي والله تعبت عمري ما تخيلت نفسي اشتغل كل هذا الشغل واني چنت المدلله .. قاطعتني غدير
1
شبيچ خيه تخبلتي تحچين ويا روحچ
غدير بشرفچ شلون متحمله كل هذا الشغل يعني حتى المطي لو بمكانچ چان تعب
17
تعودت خيه تعودت فتحت عيني على هذا الشغل صار زلاطه عليه
الله يساعدچ اني كم يوم وتعبت يمكم
تعودي حبيبه مثل ما تعودت قبلچ
1
الله كريم
ظلينه نشتغل وما نلحگ لحد وقت الغده بدو الزلم يجون واحنه نجهز نصب الغده ... اجتني غدير
حبيبه امير ميجي اليوم لليل عنده شغل بالديوان ودز خبر بيد ابوي
يا شعجب ميجي واليوم هم طلع من الصبح ومستعجل
6
ما ادري خيه شو شصاير ويا
لعد اني راح اكمل صب وياكم واصعد فوگ الغرفه ما نضفتها الصبح وهدوم امير بالحمام ما غسلتهن واني هم اريد اغسل
3
لا حبيبه روحي لشغلچ اني اصب
لا اكمل واصعد
دصعدي يا سما بيناتنه هاي السوالف
3
بستها وگتلها شكرا .. ابتسمتلي وهزت براسها وگالت اخذي راحتچ للعصر يلا نزلي ماعدنه شي
2
صعدت فوگ نزعت الجبه والحجاب وبديت اكنس بالغرفه وامسح
3
صار عندي فضول اشوف الغرفه زين بديت ادور بالمجرات والكنتور
فتحت الكنتور عاينت ملابسه ... حييل شگد عنده ملابس تقربت شتميتهن ريحتهن تجنن .. صراحه ما شايفه هيچ ولد نضيف ومرتب حتى ذوقه بالملابس حلو
67
فتحت المجر لگيت البومات مالت صور هواي .. طلعتهن گلبت بيهن اشكال الصور شفت ... تعجبت شفتله صور بالجامعه .. هذا المتخلف دارس جامعه !!!
67
رجعت الالبومات وظليت اتفرج بالغرفه ما شفت شي غريب بعد
كملت تنضيف وترتيب ورحت غسلت هدومه سويتهن وجبتين وگلت اطب اغسل لان تعبت وعرگت
رحت لغرفة غدير اخذت منها خاولي وجبت ملابسي من كنتورها طلعت من الشتريتهن ثوب خفيف تعلاگه وللركبه لونه سمائي لان حاره كلش وتعبت من الكلابيات وگلت هو ميجي لليل ومن انزل البس الجبه
22
رجعت لغرفة امير دخلت للحمام علگت الملابس ودخلت اغسل .. اشكال الشامبوات والغسولات عنده تذكرت نفسي چنت ببيت اهلي اموت على هالسوالف اشتري وما الحگ
7
غسلت وكملت نشفت ولبست الثوب ودا الف الخاولي على شعري واني على هالحال انفتحت باب الحمام وطب امير
67
.....
طلعت الصبح من وكت لان جان اكو مشكله بالحمل مالت المحصول ولازم غبشه اني اروح للعمال
رحت ونشغلت بهاي المشكله واثناء الشغل واني مخبوص اجاني اتصال الضهر ب٣ اكو مشكله ورايديني احلهه
2
ضرغام چان يمي گتله ما الحگ اروح للبيت هاي السالفه متخلص للضهر .. ولازم اروح للديوان عندي طلابه انطي خبر لابوي ما ارجع للبيت لليل
ظليت اشرف على العمال وتأخرت الطلبيه عن التسليم ... اضطريت اساعد العمال بالحمل حتى نستعجل ونسلم الطلبيه بالموعد ف گمت ارفع وياهم وما حسيت إلا الساعه وحده ونص
عاينت دشداشتي صايره خريطه والوضع تعبان لازم ارجع للبيت اغسل وابدل واطلع للديوان ما چنت محسب لهل شي حساب
5
رجعت سريع للبيت لان ماعندي وقت ب٣ لازم اني بالديوان طبيت لگيت اهلي يتغدون سلمت وصعدت گبل فوگ
طبيت وحضرت ملابس الي ونزعت الشماغ والساعه والمناضر وذبيت المحابس عالميز ورحت مستعجل فتحت باب الحمام واشوفلك سما بملابس خفيفه وگصيره والخاولي على الراس هي شافتني وفتحت عينهه على وسعهن وشهگت
5
بدون ما احس على روحي درت وجهي وگلتلهه اشتعلت عشيرتچ على هالدگه
154
....
من طب انصدمت وشهگت رأسا دار وجهه وهو يگول اشتعلت عشيرتچ على هالدگه ... حچيت بأرتباك
اسفه والنبي ما ادري بيك تجي غدير گالت ميجي لليل فصعدت نضفت الغرفه وغسلت ملابسك وگلت اغسل وارتاح والعصر انزل .. حچه وهو داير وجهه
رب الحلو راح تظلين تشرحيلي اطلعي بسرعه اريد اغسل ما عندي وقت
52
اي طالعه طالعه
....
ظلت تتأسف وتبرر الموقف واني ماعندي وقت يادوب اغسل واطلع ورايه طلابه سكتتهه وگلتلهه طلعي
2
دتطلع واني واگف بالزاويه درت وجهي حتى اطب واني مدنچ ضربتهه حيل بچتفهه بدون قصد اندفعت ليوره ووگعت
28
الله الله گومي لزمتهه من زندهه وگومتهه ما اعرف شنو حسيت من لزمتهه احساس غريب وبدون ما اتقصد ظليت صافن بوجهه وعيوني بعيونهه سرحت شويه بمشاعر غريبه ما الهه تفسير .. صحيت على نفسي من سمعت صوتهه
63
ماكو شي هي وگعه بسيطه
....
من دا اطلع اندار يطب لان الممر مالت الحمام ضيگ فضربني بچتفي رجعت ليوره ووگعت .. گومني وهو يصيح الله الله ... شو هذا صفن بوجهي وحط عينه بعيني وسكت عاينت لعيونه تلمع اول مره انتبه لجمال عيونه رسمهن رسم عيون العرب بزمن الرسول سبحان الله .. انتبهت لروحي وگتله ما بيه شي هد ايدي وطلعت وهو طب يغسل
51
