فصليه_لأُناس_لايرحمون
+
للكاتبه # نور الدليمي
3
لمن گلت لأبوي ما ابدل هيچ اروح .. ظل ينق براسي وعيب من العالم وشيگولون جابريك عليهه وسواهه عليه سالفه من سالفه
صعدت حتى اتچفه شره ولبست دشداشه سوده ونزلت ..
من نزلت تلگاني ابوي
شني هاي امير عودن صدگ تحچي انته
5
شنو يابه شصار بيه شي .. عاينت لروحي ملابسي بيهن شي
شنو لابس اسود يبعد ابوك رايح عرس لو عزه
1
يابه گلت بدل ملابس وبدلت .. هالدوره تنق على اللون والله هسه اصعد الغرفتي وابطل اتزوج روح جيبهه وحدك
13
لا يمعود يله امشينه لاتتسودن علينه بهل لليل انت الراح تصير علچ بحلوگ العالم موش انه ...
طلعنه وعمامي مسويهه هوسه بالباب والكل مجتمعين .. عرفت هذا تدبير ابوي شگد نبهت عليهم ما اريد هوسه ما فاد
وصلت البيت سجى وحتى ما عاينت عليهه اني ومدنچ طبيت وگعدت
چانن عماتي ملتمات هناك وبناتهن وامي ونسوان اخوتي وحتى خواتي الطردتهن عمتي عازمتهن .. بس غدير ماقبلت تجي ظلت يم سما ... ظلن بالنص يدبچن وفرحانات وما يدرن بالضيم الجاي .. شويه وگتلهن كافي بسچن خلي نطلع
7
ابو سجى وگفلي بالباب وگعد يوصيني عليهه ..
ما اوصيك على بنيتي سجى شيخنا شيلهه بعيونك وداريهه وخاف الله بيهه هاي مريتك وراح تصير عن قريب ام جهالك
31
ضحكت بداخلي وانه اگله لا تستعجل راح اداريهه خوش مداراة .. صحيت وجاوبته
26
اذا تستاهل عمي بعيوني ان شاء الله اخليهه .. واخذتهه وطلعت
سجى ما عدهه اخوان عدهه بس ثنين خوات وحده اسمهه ضحى مرت اخوي والثانيه جبيره عمرهه ٣٨ متزوجه ابن عمهه
اخذتهه وطلعت وانه بس اريدن اوصل للبيت
نبهت عليهم ما اريد لا هورنات ولا هوسه وحذرتهم اذا كسرو چلمتي تصير الليله مو خوش
وصلت للبيت وطبيت لگيت سما گاعده ويا غدير بالصاله وعيونهه مورمه مبين چانت تبچي
24
.....
لمن اجه امير وما قبل يبدل ظل ابو يلح علي لحد ما طلع يبدل شويه ونزل لابس اسود
مبين من تصرفاته مجبور بس شنو الشي الجابره اكو رجال ينجبر يتزوج بهذا الزمن معقول غالط وياها وديداري الفضيحه .. لا سما شبيچ هذا امير كل هاي المده وانتي يمه ما عرفتي وعرفتي اخلاقه
15
طلعو وغدير ماقبلت تروح وياهم وتعذرت منه وگلتله ما اگدر اعوف سما وحدها ولااني قابله بزواجك من سجى لذالك خليني هنا احسن
طلع بدون ميرد عليها
من طلعوا اختنگت كلش ورجعت احس بالوجع .. فجأه الله ذب عليه البچي
شبيج سما ليش تبچين .. ترى السالفه مو خوفچ من سجى وحيلهه ولا تبچين على حظچ مثل متگولين
حزنچ وحرگت گلبچ شرحتيهن الي بدموعچ
1
اني ضايگه لوعت الحب واعرفهه شلون تصير .. انتي تحبين اخوي مستحيل تقنعيني متحبي وانتي بهاي الحاله
من گالت تحبين اخوي .. گمت اشهگ من البچي وحظنتها حيل
اي غدير احبه ولچ والله احبه .. ولچ مره حظني من چنت ابچي متعرفين شصار بيه ..
21
غدير بحضنه شميت ريحت ابويه يعني ريحة الحب يعني الامان الفقدته من فقدت ابويه
6
ابچي بشهگه وحاضنتها واسولفلها عن حبي الامير
ليش سما ليش ما حچيتي لعد ليش ما منعتي قبل لايطلع وگلتيله احبك
ما اگدر غدير ما اگدر ... اني فصليه وهو شيخ تعرفين شنو .. لا العادات ولا التقاليد ولا الناس راح تسمحله يفكر بيه
شنو فايده حبي اله اذا هالحب وحده ميكفي .. امير عمره ميفكر بيه مره اله يكمل وياها باقي حياته ويجيب منهه جهال يسندو من يكبر ويتباها بيهم وبيها گدام الناس
4
اني اجيت لهنا فصليه واظل فصليه حب امير وحده ميكفي حتى يجردني من هذا اللقب ... تصوري هو يحبني بس يخاف يعترف بهالشي لان يدري حبه وهم ميگدر يواجه بي الحقيقه ويدري هو مو گد هذا الحب ولا يرضي يتقبله
5
سما يعني امير ابد ما تقربلچ كل هاي الفتره .. ما اخذچ يعني
لا غدير ما يشوفني مره اله شبيچ متستوعبين الحچي
رجعت ابچي وغدير حاضنتني وتهدأ بيه وتگولي كلشي يمر ماكو شي يظل بمكانه
ظليت على هذا الوضع لحد ما سمعنه الهوسه اجت
شفناهم طبو للصاله واول ما طبو صارت عيني بعيون امير ... مسحت دموعي وعاينت لسجى فرحانه وتضحك ولابسه البدله البيضه والمكياج الصارخ .. اي يسجى اخذتي حلمي الحتى ما لحگت احلم بي
25
بدو نسوان اخوته يدبچون وهو يحاول يسكتهم وما يسمعنه .. وحده فرحانه لان اختها العروس والثانيه الله جابها الها حتى تأذيني وتتشمت بيه شگد متگدر خاف قصرت طول هاي الفتره الفاتت
بعدهم واگفين ويطشون عليهم الچكليت والهلاهل شفت امير عافهم وتقرب مني
3
دنگ وحچه
سما نامي اليوم يم غدير
73
عاينت علي وخزرته على گد الألم الحسيت بي بوقتها ... چان يعجبني اصيح بوجهه بعلو صوتي واصيح واصيح واصيح بلكت يبرد گلبي
غدير چانت بصفي وسمعت شحچه
حسيت عليها ضاجت وگالتلي گدامه
يله خيه نصعد فوگ واشيلچ فوگ راسي مو بس انيمچ بغرفتي
35
راح من يمنه واخذ سجى وصعد
اعاينلها شابكته من ايده وديصعدون سوه .. بجيت لحد ما عيوني غوشت من الدموع واني اشوف حلمي نهار گدامي وراح الغيري بكل سهوله
اخ يأمير ياريتها تستاهلك وتقدرك بس والله ما تستاهلك
4
ويا ما طب وسد الباب حسيت حيلي نهار ورجعت ليوره ماگدرت اسيطر على روحي بعد خلص كلشي انتهى ويا سدت هاي الباب
4
لزمتني غدير وحضنتني وگالتلي صعدي خيه صعدي والله يعينچ ويعيني على هاي الليله
صعدت بخطوات ثقيله جدا وطبينه لغرفة غدير وسدت الباب
اول ما طبيت ذبيت روحي على الچربايه ودفنت راسي بالمخده حتى لينسمع صوتي وگمت ابجي واصيح بعلو صوتي ااااااخ گلبي مايحمل الوجع اكثر بعد ربييييي
23
اجتني غدير وگومتني وظلت تحضن بيه وتواسيني ..
كافي خيه كافي ميستاهل دموعچ ما دامه ما شاريچ والله ميستاهلچ
2
مو بيدي غدير مو بيدي تذكرين دموعچ على ضرغام وهو ميستاهلچ
سكتت ما عرفت شتجاوب لان تعرف الگلب من يعاند حتى العقل ميگدر يسيطر علي ندري بالغلط ومع ذالك نسوي لان گلبنه رايده .. ظليت ابچي وهي ساعه تهديني وساعه تبچي ويايه
7
.....
من وصلت وشفت سما گاعده بالصاله ودموعهه بعينهه نقهرت بداخلي على الخوف الحسته بسببي اني ادريهه متحبني ودموعهه هاي مو لاجلي جرت ... دموعهه هاي تجري لان حست بالذل بعد كل الي صار ..
15
رحت يمهه وطلبت منهه تنام يم غدير
ماحضرت غرفه لسجى لانهه اصلا ما ظاله يمي ومرجعهه لاهلهه
6
شفتهه خزرتني وعيونهه مليانه حقد وشر .. كلما تعاينلي بهيچ نضرات تذبحني وهي ما حاسه على روحهه
3
اخذت سجى وطلعت لغرفتي وانه ناوي اليوم عليهه
صعدت وطبيت للغرفه وسديت الباب
شفتهه تعاينلي وتضحك كل ظنهه انتصرت وحققت مرادهه
6
گتلهه رايح للحمام وراجعلچ... طبيت للحمام وشويه وطلعت
گعدت يمهه وحچيت
شوفي سجى انتي بت عمتي ومن اليوم صرتي مرتي وشلتي اسمي اضن مو صح تخفين عني شغلات اجهلهه من اول يوم
3
شفتهه تلعثمت وخافت
شنو الضامته عنك انه امير
هواي امور اولهه سالفة غدير واخرهه سالفة سما
هاا وشبيهه غدير وسما
انتي احچيلي .. من دزچ ضرغام تحاچين غدير ليش گلتيله البت ماتريدك
هي اختك گلتلي امير
صحت بصوت ... لتجذبيننننن
احذرچ سجى ما اريد جذب من اولهه .. امشي وياي عدل حتى امشي وياچ عدل
امير اعذرني والله چنت جاهله بوكتهه وتعرف غيرت البنات من جان ضرغام يسولفلي عن حبه لغدير چنت اغار واگولن ليش ماكو واحد يحبني هيچ شناقصتي انه وشتفرق هي عني
2
ومن طلب مني اروح واصارحهه واگلهه يريد يتزوجهه عمتني الغيره وجذبت علي
زين خلصنه من هاي السالفه
ليش قنعتي سما تحچي ويا ضرغام بهل موضوع وانتي تعرفي غلط وما ينحچه بي .. وليش دفعتيني عليهه بعدين وگلتيلي مرتك تلعب ويا ابن عمك
گامت تبچي وتگول .. والله من الغيره انه احبنك من الصغر واحلم باليوم اليجمعني بيك واجت هي على الحاضر اخذتك مني
7
لا سجى لا .. انتي عمرچ ما حبيتيني .. انتي تحبين نفسچ وبس ممكن تگلين حبيت فلوسك وعزوتك وجاهك بس لا تگولين حبيتك
والله امير حبيتك
عطت بيهه بصوت جفلهه
وضرغام هم حبيتي وياي مو .. الضاهر تحبين بالجمله ست سجى
86
شفتهه جفلت وگامت على حيلهه وهي تگول
جذاب والله جذاب ما فد مره گتله احبنك انه
ومنو گلج هو گلي
منو غيره لعد
وين مبايلچ سجى
گامت ترجف وتحچي
ليش امير شتسوي بي ...
يتبع✨
