فصليه_لأُناس_لايرحمون
للكاتبه # نور الدليمي
2
چنت گاعد بالصاله انتظر الاكل يجهز حتى انام ما اهيس براسي بعد من الوجع .. اجتني غدير
1
خويه هذا رقم غريب اتصل عليه
1
انطيني خويه انطيني
1
ردت اجاوب فصل الخط
هاچ ما لحگت اجاوب اذا يرجع يدگ جيبي الي
اخذت غدير الموبايل ورادت تروح للمطبخ .. رجع الرقم دگ
1
اخذته وجاوبت .. الوووو
الوو منو حضرتك .. صوت حرمه
چا هي شنهي القضيه انه الداگ لو انتو
2
ها اسفه عيوني الضاهر اشتبهت بالرقم اني اعتذر
7
ماصار شي بويه لا تتعذرين
3
فصلت الخط وحچيت ويا غدير
1
مشتبهين .. خويه بسرعه الغدا تراني ميت من جوعي ووجع راسي ... اريد اكلي لگمه حتى انام
4
من عيوني خويه
.....
ظليت يم باب المطبخ واني اسمعه يحچي ويا ماما ولازمه گلبي بأيدي ... من خلال معرفتي بأمير بهاي الفتره البسيطه عرفت بي ذكي وممكن يشك بلأتصال هذا ... لا سما شبيچ شيشيك رقم واتصل ما صايره يعني
1
شفت غدير اجت للمطبخ
ها سما ليش واگفه بلباب رجلچ ميت جوع يريد يتغده وينام يهيس براسه يوجعه
3
اي غدير كملنه صب بس اخذي هذني المواعين واني جايه وراچ
1
راحت غدير وطلعت وديت الخضره والخبز
1
گعدت يمه بدون مايحچي اي كلمه
مدنگ ياكل واني صافنه الخواشيگ بعيده بنص السفره ما الوحهن
1
تقربت منه ... امير
نعم شرايده
خاشوگه
اخذ خاشوگه وشمرها على ماعوني بدون ميعاين عليه
22
اووف يربي .. حتى انت گلبت عليه امير وين انطي وجهي الهي شوكت يخلص هذا العذاب شوكت ترحمني
8
كملوا اكل وگمنه ننگل بالمواعين ... شفت امير ديغسل على المغسله
1
اجه للصاله وچانو الجهال يلعبون واصواتهم عاليه ومسوين هوسه بالبيت
عاط امير بصوت عالي كلش ...
كضن جهالچن راسي يوجعني واريد انطمر.. صاعد انام واذا اسمع نفس بالبيت والكفل زينب انزل اسوي عزه على روسكم
16
صفت علي ... يااا هذا شبي اليوم يتعارك ويا ذبان وجهه
14
حچت سعاد .. ضحى طببي جهالي وجهالچ للغرفه يمعوده واستري علينه لان اليوم امير صاير اعصاب .. احنه نغسل الماعين ومن اكمل اجي اخذ جهالي
1
صعد ينام ... واخذت ضحى الجهال للغرفه واحنه وگفنه نغسل المواعين ونرتب المطبخ
2
خلصنه بعد ما نكسر ضهرنه ... يربي والله هذا مو حچي الشغل هذا لو انطي العشر زلم خشنه هم يتعبون منه
12
صعدنه اني وغدير فوگ .. هي راحت لغرفتهه تنام واني طبيت لغرفة امير
1
شفته نايم على وجهه وما حس عليه من طبيت
تمددت على المندر واني افكر بماما .. ياترى اگدر احچي وياها
3
لازم احچي وياها مابيها مچال احس گلبي راح يطگ عليها وعلى اخواني
1
ساعدني ياربي بس الوو منها تكفي انو ترجع النفس الصدري
غفيت وما حسيت إلا على موبايل امير يدگ منبه
رفعت راسي شفته نايم .. حس على الموبايل بدون ميرفع راسه انطا ايقاف ونام
2
يا ليش ما گعد ... اوووي اني شعليه يطبه طوب اكيد موقته اكثر من مره
رحت لغرفة غدير چانت نايمه .. طلعت ملابسي من الكنتور ورجعت لغرفة امير حتى اغسل
طبيت غسلت وطلعت لگيته بعده نايم عساك لا گعدت .. وگفت على المرايا ردت امشط شفته رفع راسه يعاين للساعه چانت بالاربعه
7
گمز من مكانه ... وهو يصيح
ليش ما گعدتيني خاتون
4
واني شمدريني ما گلت گعديني ..
يعني إلا اگلچ يالله تگعديني ما چنتي بالغرفه وسمعتي الجهاز دگ
1
اي سمعت بس انت حسيت طفيته ورجعت نمت
راح للحمام وهو يصيح عليه ويسب بأهلي هيچ منچ وهيچ من اهلج وهيچ من الساعه السوده الشفت وجهچ الفگر بيهه
69
....
مشطت ودمعتي بطرف عيني ونزلت للمطبخ گعدت على الميز ودموعي بدت تنزل وحدهن والخنگه بصدري .. الى متى اظل اتحمل كل هذا الذل الى متى اسمع اليسوه والمايسوه يغلط على اهلي واني ما اگدر اتنفس بحرف الى متى ربي الى متي
6
شفته نزل يركض طب للمطبخ وبدون ميعاين عليه فتح الباب وراح .. حچيت بگلبي
1
روح ان شاء الله روحه بلا رجعه
21
نزلت غدير واجت ضحى وسعيدان
وبلشنه الشغل الي ما اعتقد المفروض يتسمى شغل .. المفروض يسموو كرب .. غضب ... انتقام .. بس شغل لا
6
رجعنه نكنس ونضف بيتهم جبير ٦٠٠ متر والجهال كومه سامر عنده ٥ ووسام عنده ٤ وغير جهال ولد عمهم ٢٤ ساعه يمنه والبيت يتنضف منه ينگلب على وجهه منا
16
كملنه شغل وصار وقت العشه ... اجو الولد وابوهم وبدينه نصب حچيت غدير
اليوم امير يجي للعشه
هااا ليش
+
ما ادري اكيد عنده شغل هو واصلا مو دائما يجي هيچ وكت تعرفين انتي
صبينه العشه وتعشينه ورجعنه للشغل كالعاده خلصنه بالتسعه
1
غدير ضوجه كلش
اي والله ضوجه وبعد وكت مو مال نوم هسه
تعالي لعد نصعد لغرفتچ نعاين شي بالنت حتى يمشي الوقت
1
ماشي داداه بس اني اريد اغسل اول
1
تمام ماكو مشكله
صعدنه لغرفة غدير وهي راحت تحضر ملابس حچت ..
سماوي حبيبه هاچ الموبايل عايني براحتچ بين ما انزل اغسل وارجعلچ
شكرا حبي
نزلت غدير تغسل والموبايل بيدي ... فكرت هاي فرصتي الوحيده والوقت تمام .. امير ميجي هسه وغدير يحتاجلها اقل شي ربع ساعه يلا تطلع من الحمام والجوه ملتهين بالسوالف
10
فتحت الموبايل نزلت رقم ماما وايدي ترجف ... شبيچ سما تحملي شويه وتسمعين صوتها ان شاء الله وترتاحين
رن اول رنه ثاني رنه ثالث رنه انفتح الخط الووو .. هذا صوت امي اي والله صوت امي گمت ابجي ما گدرت احچي
1
ماما سماوي هاي انتي حبيبتي والله عرفت انتي كلما يتصل بيه رقم غريب اركض للموبايل على امل اسمع صوتچ واليوم من جاوب الرجال وحچه جلفي حس گلبي هاي انتي ظليت يم الموبايل واني متأكده حترجعين تتصلين مره ثانيه ... سماوي احچي ماما ليش تبچين سمعيني صوتچ
6
ماما تحچي واسمعها واني اشهگ من البچي .. گوه جمعت الحروف وحچيت :
1
ماما حبيبتي شتاقيتلچ ... وگمت اشهگ واسمع ماما تبچي بصوت عالي
1
حبيبتي بنيتي وجمار گلبي واني هم شتاقيتلچ اموت باليوم الف موته واني افكر بيچ شدتسوين ومنو ديأذيچ وشلون متحمله الغربه هناك
4
ماما لتخافين عليه اني بخير وكلشي ما بيه والناس هنا حبابين مو مثل ممتصورتهم من اجيتهم لحد الان محد سمعني كلمه محلوه
26
حچيت هيچ حتى ابرد گلبها ادري بگلبها صاير جمر على فراگي .. داخلي اگول ياريتچ تجين وتشوفين الذل العشته بعيد عنكم .. ياريتچ تسمعين شلون يسبون بيه .. ياريتچ تشوفيهم لمن عذبوني بلا رحمه ولا انسانيه ... قاطعت كلامي ماما وهي تگول
3
ماما ريحتي گلبي چنت خايفه من شفت هذا الرجال هددني من اخذچ گلت هذوله الناس وحوش ميرحموچ اكيد
لا ماما حبيبتي والله خوش ناس وحبابين وهذا الهددچ هو امير التزوجني شيخ عشيرتهم هنا ومن حچه چان گلبه محروگ على اخو هسه تغير ويعاملني زين ... واني اگول بگلبي صدگ ماما وحوش مثل محسيتي بس ما اگدر اشكيلچ البيچ مكفيچ ما اريد الوع گلبچ اكثر بعد
2
ماما ديري بالچ لحد يحس عليچ وانتي تخابرينه
لتخافين ماما هسه محد اكو يمي .. ماما ازل يمچ
اي ماما ازل يمي ومحمد يمي ناقصني بس شوفة عيونچ حتى روحي تردلي حبيبتي سماوي
1
فدوه لروحچ ماما .. انطيني ازل ومحمد احچي وياهم
5
هاچ ماما هاي ازل
الووو سماوي حبيبة گلبي شلونچ شتاقيتلج ... وهي تبچي
1
گمت اشهگ واحچي گوه ... ازوله شتاقيتلچ والله يوميه قبل لا انام اتذكر گعداتنه ومشاكلنه المتخلص وطلعاتنه سوه
2
حبيبتي واني يوميه ادعيلچ ترجعين النه .. يوميه اتذكرچ وابچي بالي يمچ
ان شاء الله رب العالمين يستجاب الدعائچ وارجعلكم بأقرب وقت قادر على كل شيئ
اي حبيبتي اريد من اجيب انتي يمي اتقوى بيچ
حامل ازوله ؟؟
اي يروح ازوله ... حتصيرين خاله
احلى خبر والله فرحتيني وان شاء الله اشوفچ وانتي تجيبين واضحك عليچ
ههه عابتلچ متبطلين سوالفچ
ازوله وين محمد خليني احچي ويا
تمام عمري
...
الووو حياتي سماوي شلونچ
سمعت صوته انتهيت بعد ما اگدر احچي من البچي
يمعوده احچي ريحيني كله مني اني السبب الله لو ماخذني قبل هذاك اليوم ولا صار الي صار ... والله رحت لرجلچ وتوسلت بي وخليت المسدس براسي وگتله اكتلني بس ردته يعوفچ ما قبل
13
يحچي واني مصدومه ما گلي بهذا الشي ولا جاب سيرة هالموضوع
حبيبي حمودي اني بخير لتخاف واطمأن ودير بالك على ماما وازل بأمانتك ما اوصيك بعد
3
شتاقيتلچ والقرأن ..
3
هووگال هيچ واني گمت اشهگ حيل
حبيبي واني شتاقيتلك .. شتاقيت الحضنك الاتذكر بي حضن بابا
26
شتاقيت لمشاكلنه ولسوالفك الحلوه
شتاقيتلك لمن تگلي قزومتي واني اتخبل منك
ادعيلي الله يفرجهه عليه وارجع لحضنك وحضن ماما ... احبك .. كلش احبك ... الله عليك لتضوج الصار صار بس الله موجود ان شاء الله رب العالمين يخلصني من هاي المشكله وارجع الك بأقرب وقت
36
سمعت الباب نفتحت .. اخترعت اكيد اجت غدير
18
درت وجهي وشهگت ...
امير !!!!!
يتبع✨ حبايبي نزلت بعد بارتينن روحو شوفوهن
