فصليه_لأُناس_لايرحمون
للكاتبه # نور الدليمي
2
الطريق صار طويل وراسي من التوتر بده يوجعني كلش
1
احاول الهي نفسي عنهه شگد ما اگدر حتى لا تشوفني بضعفي وينفضح حبي الهه
1
قررت قبل لا اوديهه لأهلهه اطلق سراحهه مني للأبد مثل ما تريد
5
رحت لمكتب سيد حتى اطلگهه واخليهه تروح الحال سبيلهه كافي الظلم العاشته وياي
9
نزلي سما
1
ليش نزلتني هنا امير شنو صار
نزلي سما وانتي تعرفين
نزلت واني محتاره شنو يجول بباله ووين يريد يوديني
2
فجأه وداني لمكتب سيد وبده يحچي ويا هذا البلباب
عرفت ناوي يطلگني .. حسيت بخنگه داخلي بس ما استغربت من يوم يومه وهو ميتجرأ يعترف بحبي بسبب عاداته وتقاليده شي متوقع هاي النهايه تكون
8
دخلنه على السيد ومن عرف جاين نتطلگ بده ينصحنه وان ابغض الحلال عند الله الطلاق ومن هذا الكلام
1
رده امير وگال ...
سيدنه احنه متفقين على كلشي ومقررين قرار نهائي ياريت تستعجل لان وراي طريق طويل
3
وفعلا تم الطلاگ وانتهى كلشي بهاي اللحظه
31
رجعنه للسياره وكمل امير طريقه ..
وصلنه للفرع مالتنه رفعت راسي واني ممصدگه
1
معقوله لو دا احلم .. هذا شارعنا وهذا بيت رفل صديقة عمري وبعد خطوات قليله واوصل لبابنا واشوف امي وينتهي الكابوس الچنت عايشه بي
1
وصلنه للباب .. درت وجهي على امير
تنزل ؟
لا اخذي راحتچ انتظرچ تطبين واروح
عاينتله وابتسمت .. اشوفك بخير امير وشكرا على كلشي
1
تظلين بخير سما ديري بالچ على روحچ
18
نزلت واني ممصدگه راح ادگ الباب ومدا اتخيل منو راح يفتحلي الباب وشلون راح يتحمل گلبي هالموقف
1
دگيت الباب مرتين .. نفتحت الباب
محمد فتحلي الباب .. ياربي مدا اصدگ اخويه گدامي
2
حضنته واني ابچي بحرگه وبلا ما احچي
خيتي سماوي هاي انتي مدا اصدگ عيوني .. بحلم اني لو بحقيقه فهميني شصار
3
شفته رفع راسه وعاين على امير وشفت امير هز براسه ليجوه وابتسم بمعنى سلم وشغل السياره وراح
3
نسيت كل اللهفه من شفت امير راح .. هذا هو يعني هاي اخير مره اشوفك امير .. ما اتصور بحياتي اگدر احب انسان غيرك لان ماكو رجال بعدك يملي عيني برجولته وشهامته وطيبة گلب
ظليت اعاين ورى لحد ما اختفت السياره من الفرع
3
طبيت لگيت ماما دتقره قرأن لان جانت الصلاه هستوها صايره
1
ابتسمت واني اشوفهه گدامي وممصدگه واخير راح انام بحضنهه وانسى القهر العشته بعيد عنها
1
رفعت راسها وهي تسأل
ماما محمد منو على الباب چان ...
شافتني وشهگت متعجبه وركضت وعثرت بالجادر
30
ركضت عليها وحضنتها حييييل
4
ماما حبيبتي هاي انتي سماوي لو عيوني تتخيلچ گدامي
4
ظليت ابچي والموقف سيطر على كل الحروف بداخلي
3
اكتفيت بالبچي كجاوب على كل سؤال سألوا الي
1
ظلت ماما حاضنتني ساعتين ومحمد يبوس بيه وحتى ما تذكروا شي اسمه غده واخيرا رجعت احس بلامان بعد ما فقدته من بعدت عنهم وتغربت ..
1
ابتسمت وحچيت
ماما جوعانه شلون يعني ماكو غده اگوم ارجع للعماره
53
لا يمه لا شترجعين بعد مكانچ بحضني ما اعوفچ .. هسه اصبلچ احلى غده بس خلي ابشر اختچ خطيه گلبها نار عليچ ودقايق ويكون الغده يمچ
1
خابرت ماما ازل واني صعدت ليفوگ فتحت غرفتي وشتميت ريحتها واخيرا ياربي
3
الله شگد مشتاقه لكل تفاصيلي بيچ ما اصدگ رجعت وراح ارجع انام بيچ وانسى كل همي وحزني الفات
5
كلشي بمكانه ومثل ماعفته ما تغير شي ..
2
فتحت كنتوري ملابسي مثل ماهن اشم بيهن واضحك واتذكر من چنه نتعارك اني وازل لان چانت تحب تلبس من ملابسي واني عكسها ما احب احد يلبس من ملابسي
12
بدلت وغسلت ونزلت لگيت ماما صابه الغده
گعدت اتغده واضحك واسولف ويا ماما ومحمد واني ممصدگه گاعدين گدامي واني بيناتهم
1
هستوني كملت غده ندگت الباب
ماما حمودي افتح الباب هاي ازل
نفتحت الباب واشوفها اجتني ركض تحضن وتشبگ بيه وهي تبچي وتصيح شتاقيتلچ يروحي شتاقيت لكلشي بيچ واخيرا انتي واگفه گدامي وكحلت عيوني بشوفتچ مدا اصدگ عيوني والله
2
ظليت احضن بيها وابوس واني گلبي طاير فرح بشوفتها .. عاينت الها صايره چنهه بطه من الحمل
3
هاي شنو ازوله شصايره تخبلين يولي لايگلچ الحمل
صدگ لايگلي .. فرحتيني والله
2
ياااعزه نسيت رجلي بالباب .. وراحت تركض
74
خربنه ضحك اني وماما عليها من يومها فطيره وسوالفها حلوه مثلها
4
لبسنه حجاب اني وماما ورحنه سلمنه على احمد رجل ازل شويه واجو عمامي ... احمد گايللهم على رجعتي
3
سألوني شصار وسولفتلهم كلشي لحد ما امير طلگني ووصلني يمهم .. بس ما گتلهم على العذاب الشفته يمهم ظليت مصره على كلامي هم خوش ناس وما شفت منهم إلا الخير
7
صراحه تذكرت كلام وسام من دا اطلع وگالي استري ما شفتي منه .. عشت وياهم واكلت من ماعونهم مينطيني گلبي احچي عليهم بعد كل الصار
60
حچه عمي ابو احمد .. والله هذا امير خوش رجال طلع ... هم تنازل عن محمد بعد ما نلزم من الشرطه من رجع لبيتكم وهم رجعچ لاهلچ بلا مقابل
3
من گال تنازل عن محمد نصدمت .. معقوله امير هيچ مسوي .. زين ليش ما گالي عن اي شي لا گلي من اجا محمد ولا گالي من تنازل عنه
1
سولف محمد الي شلون من راحله للديوان وشصار بوقتها ..
وظلينه طول اليوم نحچي بهذا الموضوع لحد ما صار الليل
تذكرت غدير وشتاقيتلها كلش وتذكرت لازم اتصل بيها
حبيبي حمودي اريد خط
صار حبيبتي سماوي بس خطچ موجود افتحه الچ اذا تردين
1
اي ياريت بعد احسن الارقام كلها بي
نمت بهذاك اليوم واني حاضنه ماما وازل وما مصدگه روحي نايمه ببيتي وبين اهلي
6
....
وصلت سما لبيتها وانتظرتها حتى طب واروح
فتح الباب اخوهه محمد وشفته شلون شبگهه وهو يبوس بيها
نار وشبت بيه ولا عبالك اخوهه شابگهه شلون بيك يأمير لو عرفت باچر تزوجت غيرك شتسوي بحالك ساعتهه
28
مجرد فكرت بهالشي حسيت روحي تسودنت وما تحملت الفكره
باوعلي اخوهه وهو مبتسم رجعت ابتسمت وسلمت علي براسي وشغلت السياره ورحت
اشوفهه بالمرايه ظلت تباوع ورايه لحد ما ختفيت من الفرع .. مع السلامه يمرتي الما لحگت اتهنه بيهه
165
سقت سريع وانه بس اردن اوصل لان تعبت كلش وماعاد بيه حيل لكلشي
1
وصلت ما اعرف شلون .. وشلون خلص الطريق هم ما اعرف لان بالي مو يم الشارع
1
طبيت للديوان وانه النار شبه بيه واول ما وصلت طريت السبحه بالگاع
گعدت بالگاع وانه ما اهيس بشي غير بس الوجع
8
شويه وطب ضرغام .. ها امير شوكت رجعت
1
هاي رجعتي هساعه
شلونك خو ما تعبان
شتشوف انت
الله يساعدك يبن عمي بس صدگيني هيچ احسن
البت تأذت يمكم هواي وما حبتك ولا راضيه بوجودهه يمك تجبرهه قابل خلهه تروح بحال سبيلهه وترتاح وانت الك الله يصبرك ان شاء الله
8
ما بيدي غير هالحل يضرغام ان رضيت او ما رضيت بي فأنه مجبور علي ...
2
ابن عمي ولو مو وكتهه بس لازم احاچيك بعد ما اتحمل
احچي اسمعك ولو اعرف شتريد تگول
لعد مراح اگول وافق العباس عليك تراني تعلعلت بما فيه الكفايه
26
هههه الله يساعد گلبك وگلبي موافق يخوي بس زواج ماكو لحد متطلع السنه مالت اخوي لان اريد افرح بيك وبيهه واسويلكم عرس مصاير
3
ابوس راسك الحلو شيخنا ... وگام يبوس براسي
عمي قابل انتظرت كل هالسنين بقت على هالكم شهر يگضن والله كريم
ماشي اسأل البت ولو اعرف شنو ردهه واحچي ويا اهلي وان شاء الله نعقدلكم خلال هلاسبوع
فدوه رحت لگلبك حبيبي وحزام ظهري .. روح الله يريح بالك وگلبك وينطيك على گد نيتك الطيبه
7
شفته فرح وما صدگ ..
هههه خطيه شگد متلهف الهاي اللحظه انه اكثر واحد يحس بي
1
تنهدت ... اااااخ يگلبي شوكت تحس بطعم الفرح ولو يوم واحد
6
رجعت للبيت وصحت غدير لغرفتي
طبيت وطبت وراي
گعدي يبعد اخوچ اردن اخذ رأيچ بموضوع
تفضل يخوي اسمعنك
ضرغام تقدملچ شتگولين
هو اني حچيت هيچ .. شو هاي وجهه صار احمر وخلت وطلعت تركض
70
هههه وصلي جوابچ يختي .. الله يفرحچ ويتممهه عليج على خير تستاهلين ضرغام وهو بعد يستاهلچ
5
گمت غيرت ملابسي وتمددت وانه الهم ماكلني اكل .. البيت وحشه بلياهه بس وجودهه چان كافي يحسسني بالراحه
2
ضعفت حيل وماعاد الي طاقه اتحمل حسيت روحي بيومهه مثل البالع سلايه وما يگدر يحچي ... للحظه حسيت خدي تبلل
26
مسحته بيدي ونصدمت .. امير تبچي ؟؟
171
امير انت دمعتك غاليه وما تنزل إلا عالشي الغالي .. معقوله الهل درجه سما غاليه عندك ونزلت دمعتك لاجلهه
21
استغفرت ربي وحاولت اشتت فكري بلكت انام وما اعرف شلون نمت
....
گعدت ثاني يوم ومن فتحت عيوني ما صدگت اني ببيت اهلي وحسيت نفسي بحلم وخايفه على ساعه اگعد منه
2
نزلت والكل چانوا گاعدين بس اني متأخره بالنوم
صبحت عليهم واشوفهم شلون فرحانين مثل فرحي واكثر وممصدگين خلصو من هالكابوس ورجعتلهم من جديد
1
گعدت اتريگ وياهم
خويه محمد سويتلي الخط
اي خيتي من الليل خابرت الشركه وهسه فاتحي اكيد وموبايلچ خليته على الشحن بغرفتچ
2
گمت اركض وصعدت
ماما سما وين
ماما هسه اجي عندي مكالمه ضروريه
صعدت وطلعت رقم غدير وكتبته بجهازي
خابرت واني مشتاقتلها حيل وكأني صارلي سنه مفارگتها مو يوم
دگيت ما جاوبت .. تذكرت مترد على رقم غريب
3
فصلت الخط ودزيت رساله اني سما
بعدني ما دازتها اتصلت غدير
غدوره حياتي شلونچ
بعد گلبي سماوي شتاقيتلچ وچ موت
واني شتاقيتلچ شفتي ما نسيتچ اول ما وصلت خابرتچ
انه ادري بيچ تخابرين ومن دگ الرقم وشفته رقم غريب عرفت انتي بس انتظرت منچ رساله للاحتياط
2
زين تسوين .. سولفيلي شلونچ شخبارچ
البيت مو حلو بلياچ والله
حبيبتي البيت حلو بوجودچ
سما لو تدرين شصار
شصار سولفي
ولچ ضرغام خطبني
من سمعتها گالت ضرغام خطبني ما صدگت ومن الفرحه گمت اگمز ويا روحي
6
شوكت وشلون ولچ سولفيلي بسرعه گلبي راح يوگف
3
البارحه رجع امير بلليل وفاتحني بالموضوع
من گالت امير وسمعت اسمه ما اعرف شصار بيه تلاشت الضحكه من وجهي ونقبض گلبي وحسيت بخنگه بصدري .. ياربي فرحتي مدا تكمل ليش ما اعرف معقوله لهل الدرجه حبه مسيطر عليه
5
كملت حچي ويا غدير ورجعت نزلت لاهلي ..
شويه واجت رفل صديقة طفولتي وچان اللقاء وياها ما يختلف عن اللقاء ويا اختي ازل
1
عرفت من امي تريد تخطبها لمحمد وطرت فرح لاني احبها مثل حبي لاختي
8
.....
مر ٣ اشهر على غياب سما واني يوم عن يوم اذبل اكثر واكثر
5
حسيت نفسي عايش جسد بلا روح ومجبور امشي حياتي بالشغل لان هو الشي الوحيد اليطلعني من الانه بي وبس يجي الليل ترجع المواجع تهيچ علي وتسيطر الافكار السلبيه على راسي
8
كل الي بالبيت حسو عليه شلون متغير لا صرت اگعد وياهم ولا اختلط بيهم وما يشوفوني بس بالصدف لان اجي نايمين واطلع نايمين
1
سما ماعرفت عنهه اي شي بعد هذاك اليوم .. اخاف اسأل غدير عليهه وانه اعرف بيهه تتواصل وياهه
اخاف تگلي شي ما يعجبني واوج من القهر
ضرغام وغدير نخطبو بعد اسبوع من غياب سما وزواجهم متوقف على مرور السنه مالت اخوي ...
3
وبعد ٣ اشهر ضبط ... چنت گاعد بالديوان وشفت ضرغام اجاني يركض
ها خيرك ابن عمي شمالك مستعجل هيچي
ولك امير لو تدري شصار
شصار احچيلي
ولك سما تحبك امير ... تحبك وانت مالك خبر
118
نصدمت كلش من گال هيچ وما صدگت السمعته منه
1
ياهو گالك ضرغام
ولك غدير گالتلي قبل شويه
4
شگالت احچي بسرعه
خابرتني وهي تگلي اخوي وضعه مو تمام من عافته سما ولليوم وانه استحي احچي ويا بهالموضوع ... ما تعرف شبي انت
2
صراحه ما گدرت اضم عليهه واني اشوفك يوميه تموت گدامي من قهرك وما اگدر اسويلك شي گلت اگللها بلكن توصللهه خبر وتحن عليك
2
اي وگلتلهه
اي گلتلهه
وشگالت
گالتلي لعد اذا يحبهه ليش خلاهه تروح ..
من ردهه حسيت بيهه تعرف بحبك السما لان ما تفاجأت من گلتللهه امير يحبهه
2
اييي كمل
گلتلهه هو بالعمدن خلاهه تروح لان تكرهه وما تحبه وحبه الهه من طرف واحد
گالتلي شلون متحبه وهي اعترفتلي بلسانهه بيوم زواجه من سجى
5
سألتهه شگالتلچ ... گالتلي گامت تبچي وتگول احبه وادري بي يحبني بس ماعنده شجاعه يواجه الناس والعادات والتقاليد بحبه الي
5
سمعت ضرغام واني بودي اطم روحي ... معقوله سما تشوفني جبان وما اگدر اواجه العالم بحبهه .. وشلون عرفت بحبي ومن شوكت عرفت
19
گمت اركض وگتله الضرغام رايح لغدير انه مع السلامه
17
طبيت للبيت وچانت غدير بالمطبخ
تعالي خويه اريدچ بسرعه
صعدت واجت ورايه
غدير انطيني رقم سما بسرعه
ليش خويه شصاير ياستار
5
مو وكت اسألتچ بعدين تعرفين
طلعت الرقم وانطتنيا
دگيت الرقم بجهازي وانطيته اتصال وانه الوب بس اريدن اسمع صوتهه وابرد نار گلبي بي ....
يتبع✨
حبايبي اليوم انهي القصه
