فصليه_لأُناس_لايرحمون
للكاتبه # نور الدليمي
2
لمن گتله لگيتلك حل شو هذا گمز وطفر علي ولزمني من جتافي
11
شنو الحل دخيلك سولفلي
1
اني لو ادري هيچ تسوي فلا الگالك حل .. اخذلك راشدي فد نوب بعد
21
امير لتلعب بأعصابي واحچي
1
وداعتك الحل لگيته واني جاي للديوان بالسياره ما اعرف شلون نزل عليه الوحي ونطاني الفكره
4
اي دحچي عاد شنو هالحل
دگعد يخوي دگعد اسولفلك عل واگف
گعدنه وحچيت
شوف ضرغام .. تروح لعمك وتگله كالأتي
عمي اني اعتذر عن التصرف البدر من امي صدگني هي حرجتني قبل لا تحرجكم وتصرفت بدون شوري وعلمي بس اني منطي كلمه لفد ناس وما اگدر ارجع عنهه وتدري انت الرجال ينلزم من كلمته
11
واذا گال منو هذوله الناس
گله من العشيره ... بس صارت ضروف اجلت زواجي منهه فتره معينه .. حتى لا يگلك القريب اولى من الغريب ومن هالسوالف
5
وشلون بعدين
هسه انت تفكر ببعدين .. بعدين ربك يحلهه المهم هسه تخلص
1
اني گتله هيچ وهذا گمز عليه شبعني بوس
19
ابوس راسك امير ابوس عينك ابوس خشمك ابوس
55
هوب هوب هوب شتبوس بعد شبيك تخبلت
60
شبيك ردت ابوس ايدك
+
ها عبالي
9
شعبالك بله هههه
17
هههه خايب شو گوم من يمي ضحكتني واني ضايج
لا كلشي ولا ضوجتك حبيب گلبي ... الهي وانت جاهي كون تفرح امير ابن رسميه ولا تشمت بي عدو يارب
44
خوش خلصت لواگه گوم اشطح حبيبي
5
اي رايح رايح ... اروح لعمي افض السالفه ويا
1
ولك شتروح هستوه الفجر طر شبيك تسودنت شيگولون العالم روحلهم الظهر
2
وشسوي كل هالفتره اني شيصبرني
تعال وياي للمعمل عندي شغل التهي ومتشوف الظهر إله صار
1
گول هيچ من اول رايدك حتى اكربك
4
هههه دمشي لك امشي شلونك هسه انت عاد
8
.....
حسيت الفجر على امير گام للصلاه واني هم گمت صليت ... نزلت قبله اسويله ريوگ شفته طب للمطبخ وحچه بنتره لتسويلي ريوگ ما اشتهي وخله وطلع
2
يااااا هذا شبي انجلب فجأه ... اي عمي حقه يريد الفصليه تجي خام بيضه ومحد معاين عليهه وبنفس الوقت عمره ميفكر يعاين عليهه لان فصليه معناهه عدوته وعدوت الخلفو ومو من مقامه يعني بين قوسين لا يرحم ولا يخلي رحمة الله تنزل ... شو دخلي اصعد ارتب الغرفه واغسل الملابس احسنلي
46
صعدت طبيت للغرفه رتبتهه وطبيت للحمام اغسل الملابس
+
اجت ببالي ماما هي چانت تغسل الملابس اول متگعد من النوم وهسه اني اخذت هالطبع منهه
6
ماما حبيبتي شتاقيتلچ ... يا ترى شلونچ هسه نسيتيني وخف حزنچ عليه لو بعدچ تفكرين بيه وتبچين عليه ... اجت ببالي فكره
3
عاينت الساعه بعد وقت غدير هسه نايمه اكيد ... اروح اجيب موبايلهه واني اعرف الرمز تفتحه دائما گدامي واخابر على ماما بلكت تحس على الموبايل وتجاوبني
10
طبيت لغرفة غدير بهدوء .. بس لا تحس
رحت شفت موبايلهه على الميز يم راسهه اخذته وطلعت بسرعه ... الحمد لله ما حست
نزلت رقم ماما دگ ... ويا كله دگه گلبي يصعد وينزل معقوله راح اسمع صوتهه معقوله تفتح الخط وتگولي الووو
ما تمت فرحتي لان خلص الاتصال وما جاوبت اكيد نايمه ... والمشكله ما الگه فرصه غير هالوقت حتى اگدر اتصل عليهه
مسحت الرقم ورحت على كيف فتت لغرفة غدير خليت الموبايل چان حست
2
ها خيه شعندچ يم راسي حلمانه بيه من الصبح
ارتبكت من گعدت
هااا مو شسمه گعدت للصلاة وبعد ما نمت وامير طلع من غبشه ظليت مگابله الحيطان وضايجه گلت اجي اگعدج نشتغل ونسولف
1
گعدت حبيبه گعدت
5
نزلنه اني وغدير نشتغل ونسولف وگعدوا العالم وتريگوا وبلشنه بالغده
چنه اني وغدير وحدنه بالمطبخ
غدير اشوفچ احسن ان شاء الله مو ؟؟
اي حبيبه الحمد لله احسن
تعالي فوگ اسولفلچ الصار البارحه
يلا امشينه
صعدت لغرفة غدير وهي ويايه وسولفتلهه الصار ... شو هاي ابتسمت
ها حبي شبيچ تخبلتي
4
لا خيه بكامل قواي العقليه
1
لعد ليش تبتسمين ... حسبالي راح تنقهرين وتظلين تبچين وتغرگينه دموع لمن تعرفين يحب وحده وميت عليهه وميقبل يتزوج اله هي
1
صح انقهرت ما اجذب عليچ بس فرحتي اكبر من قهري
ليش بلا
اني اگلچ ليش ... لان اني اعرف ولدنه يعني اقصد ولد الشيوخ لو حبو يحبون للموت ومستحيل ياخذون غير اليحبوهه وضرغام مادام حب هاي البت يعني مراح يتزوج غيرهه ومثل متگولين هي متحبه ولا ترغب اله فهذا يعني ضرغام عمره كله ميتزوج ... واني هم لان احبه مثل ميحب هاي البت فعمري كله مراح اتزوج وخلينه هيج لا هو يصير لغيري ولا اني اصير لغيره على الاقل تبرد نار گلبي شويه
50
تحچي هيچ واني صافنه يايابه شگد لعد تحبه الي تقبل تظل مرتبطه بي روحيا من بعيد لبعيد ... الله يساعد گلبچ غدير ... قاطعت افكاري وحچيت
3
يعني هيچ احسن
اي كلش احسن لان ما اتحمل ابد اشوفه لغيري خصوصا لبت من اقاربنه اموت
2
خو الحمد لله من رتاحيتي شويه ... دنحچي طبت سجى وسلمت ... بس لاسمعت شي لا لا ان شاء الله ما سمعت
3
شو هاي سلمت على غدير وعليه وهي تضحك
هلو سماوي شلونچ
3
باستغراب زينه انتي شلونچ
زينه حبيبتي اشكرچ
عاينت على غدير واني عاقچه وجهي وحچيت بهدوء ... هاي بيهه شي
5
يجوز بيهه خيه ويجوز الله هداهه يهدي من يشاء
الله يهديهه
نزلنه ونزلت سجى ويانه طبينه للمطبخ نشتغل شو هاي اجت تشتغل ويانه
غدير اگرصيني
ليش خيه
ولچ عايني الله عليچ سجى دتشتغل ويانه
6
هههه خيه مو گتلج يهدي من يشاء
ما اصدگ هاي الله يهديها
يجوز نهدت حبيبه كلشي يصير
ان شاء الله صدگ الله هداها
ظلينه نشتغل بالمطبخ وسجى على غير عوايدها تشتغل وتضحك ويايه
19
صار وقت الغده وبدينه نصب طب امير
....
اخذت ضرغام ورحت للعمال چان عندي شغل هواي ...
ظلينه نشتغل لحد ما صار الظهر
امير رايح اني لعمي ادعيلي
1
اي مو على اساس رايح للجهاد حتى ادعيلك
9
والله لو رايح للجهاد ارحم على اقل ما اخاف ولا هاي الورطه
1
ههه لهل درجه تحبهه ولك
1
الله لا يوجع گلبك مثل وجع گلبي يخوي
اووف ضرغام خليني ساكت احسن
7
ها ولك بس لا وگعت
1
هو هيچ مبين وگعت بس مو اي وگعه ... وگعة الگشره
3
لا الله عليك اليوم تحچيلي ما هدك والعباس ابو فاضل
23
هههه شو شكلك نسيت عمك وسالفته
اهووو صدگ تذكرت لازم اروح بس الگفك الگفك وساعتهه ما اعوفك اذا ما تحط بحضني السالفه من الالف للياء خليهه ببالك
8
هههه دروح يمعود حچايه ووگعت بحلگك شيخلصنه بعد .... شو هذا گام يهز براسه ويگول
1
اي معيدي وكضله مصاصه
106
دروح گبر لهل خلقه مو صوچك صوچي ساعدتك ورجعت تنكت تراب
8
ههههه رايح رايح مع السلامه
1
الله وياك
1
رحت صليت يم العمال وكملت شغلي الباقي وگلت ارجع للبيت اتغده واخذلي كسره فد ساعه واطلع للديوان
1
رجعت للبيت طبيت لگيتهن كلهن بالمطبخ ديصبن غده وهاي سجى هم موجوده
1
اهوووو شجابهه هاي من يوم السوت هاي عملتهه واني ضايج منهه كلش
2
سلمت وصعدت اغير ملابسي
...
طب امير سلم وهو گالب وجهه وصعد يغير ملابسه ... اعاين على سجى عينهه ورى من طب لحد ما طلع من المطبخ
2
اجيت ارگعهه بقبق الگدر بلكت ابرد نار گلبي بيها
29
شويه وشفته نزل ... تقصدت اطلع من المطبخ واروح يمه حتى تشوفني وتنغث
2
چان ديلعب ابن اخو يشيل ويشمر بي والطفل ميت ضحك
2
اجيت يمه
امير .. شو هذا نتر بوجهي
1
نعم شكو
1
بصوت ناصي گتله ...
هاي شبيك هيچ تحچي ويايه
شلون يعني ترديني احچي وياچ
هسه المهم هذا مو موضوعنه .. اجيت اسألك شسويت ويا ضرغام
وانتي شعليچ
يااا شبيك متگلي من الصبح لحد هسه انت تنتر بوجهي
واني شايف خلقتچ من الصبح لهسه حتى انتر ... فوتي صبيلي الغده جوعان واريد انطمر ورايه طلايب
51
رحت من يمه واني ميته قهر ليش هيچ يتعامل ويايه معقوله حسباله چنت احب واحد وگام يشوفني مو خوش بنيه ورخيصه وگلب عليه هيچ ... ياربي ادري بحظي من يوم يومه مدري بيا طينه نايم
14
ظليت انگل بلأكل طبوا اخوته سامر ووسام صاروا گبالي
سألني وسام وهاي اول مره يحچي ويايه
2
الغده جاهز سما
اي جاهز ودا انگله للصاله
اي والله جوعان كلش خيتي
غسل وروح اكل اخويه
عاشت ايدچ
تتدلل ابو حسين
راح وظليت صافنه ورى ... اليوم شنو السالفه الكل يتصرف بغرابه بس لا لبسهم جني جماعي .. دخيلك ربي
81
طبيت للمطبخ دا اخذ امواعين اوديهن للصالة دگ موبايل غدير جان على الميز يم ايدي ... عزه رقم امي هذا
3
اجت غدير وگالت :
هذا رقم غريب !!!
حاولت اتدارك الموقف وگلتلها
عادي شتريدين منه خلي يدگ ويسكت وحده
لا يمعوده خلي اودي الواحد من اخوتي احسن هسه بس يشوف محد يجاوب يظل يلح بلاتصال لان يعرف بنيه
+
ماگدرت امنعهه لان ماكو طريقه امنعهه بيهه وراحت للصاله ... ياربي شلون ياربي دخيلك
6
مديت راسي شفت امير گاعد اول واحد اكيد راح تنطيهه لان هو اقرب واحد من اخوتهه گاعد بطرف الصاله
فعلا انطته الموبايل مثل ما توقعت .. رحتي بيها سما الله يرحمچ
10
سكت الاتصال الحمد لله
ارتاحيت وهدأ گلبي درت وجهي ارجع للمطبخ سمعته دگ مره ثانيه ... لا ياربي
رجعت مديت راسي اعاين
فتح الخط امير الوووو .....
يتبع✨
