မြေနေရာကိစ္စကြောင့် . ဂျောင်ကုတစ်ယောက် အခုတလောအလုပ်ကအပြန်နောက်ကျသည်။ ဒီနေ့လဲ ည ၁၁နာရီကျော်တဲ့အထိပြန်ရောက်မလာသေးတာကြောင့် စာကြည့်နေတဲ့ဆော့ဂျင်မှာ စိတ်မဖြောင့်ပေ။
ဒီအပတ်ထဲ result ထွက်မည်ဟုသိထားသော်လဲ အတွင်းသတင်းအရ ဂျောင်ကုတို့ကုမ္ပဏီရွေးချယ်ခြင်းမခံရဟု ဒီနေ့ . နေ့လည်ကသိရသည်။ ဒီကိစ္စကို ... ရေချိုးခါနီး Shampoo ကုန်နေလို့အောက်ထပ်မှာဆင်းယူရင်း ဂျောင်ကုရဲ့ဖခင်ကပြောပြလို့သိရတာဖြစ်သည်။
ဖုန်းခေါ်ကြည့်ချင်ပေမယ့် အလုပ်လုပ်နေတာကိုအနှောင့်ယှက်ပေးသလိုဖြစ်မှာစိုးသည်။ သူချီတုံချတုံဖြစ်နေတုန်းမှာပဲ ကားသံကြားလိုက်ရရ၍ ပြတင်းပေါက်နားကပ်ကာ လှမ်းကြည့်မိတော့ ကားပေါ်ကနေဒယိမ်းဒယိုင်နဲ့ဆင်းလာတဲ့ ဂျောင်ကု...။
ဆော့ဂျင် အောက်ထပ်သို့ခပ်မြန်မြန်ဆင်းသွားတော့ အိမ်အပေါက်ဝမှာဂျောင်ကုနှင့်တွေ့သည်။ နီရဲနေသောမျက်လုံးတို့ဖြင့် ဂျောင်ကုက သူ့အားကြည့်ပြီး . ပွေ့ဖက်လိုက်တော့ ဂျောင်ကုရဲ့ကျောပြင်လေးကို ပွတ်သပ်ကာနှစ်သိမ့်ပေးမိသည်။
"အဆင်မပြေလဲကိစ္စမရှိဘူးနော် ဂျောင်ကု . နောက်တစ်ကြိမ်အခွင့်အရေးထပ်ရှိလာဦးမှာပါ"
"စကားပြောစရာရှိတယ် . မြန်မြန်ဝင်လာခဲ့!..."
သူ့ရဲ့နောက်ကျောဘက်မှထွက်လာတဲ့ ဂျောင်ကုမိခင်ရဲ့အသံကြောင့် ခန္ဓာကိုယ်ချင်းခွါလိုက်ကြသည်။ ထို့နောက် အလုပ်ခန်းထဲသို့ဦးဆောင်ဝင်သွားတဲ့မိခင်ရဲ့အနောက်ကနေလိုက်ဝင်သွားတဲ့ ဂျောင်ကုရဲ့ကျောပြင်အား.. ဆော့ဂျင် စိတ်မချသလိုလိုက်ကြည့်နေမိ၏။
အပေါ်သို့ပြန်မတက်သေးပဲ ထိုအခန်းရှေ့နားမှာယောင်လည်လည်လုပ်နေမိသည်။ အချိန်အနည်းငယ်ကြာတော့ အခန်းပြင်သို့လျှံထွက်လာတဲ့ အော်ဟစ်ပြောဆိုသံသဲ့သဲ့ကြောင့် ဆော့ဂျင် အံတင်းတင်းကြိတ်ရင်း အပေါ်သို့တက်လာခဲ့မိသည်။
"မင်းကို ဘာ supporting မှမလုပ်ပေးနိုင်တဲ့သူနဲ့ ပေးစားလိုက်မိတာကိုက မှားသွားခဲ့တာ"
