﷽
روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن
• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi
▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" رواگـد "
اخذني روهان لشقته وڪفنا بالباب طلع المفاتيح فتحه وسوالي مجال ادخل فتت عيوني توز؏ نظراتها
باستڪشاف فات عالشقة فات هو وفوت جنطتي سد الباب شقته صغيرة ومرتبة غرفتين بصف بعض ومقابيلهم صالة
ڪعدت عالقنفة البصالة فات للمطبخ يحجي
روهان :- تشربين شي ؟
_ مي
جابلي ڪلاص مي انطانياه وڪعد ... شُڪراً
فرد ظهرة عالقنفة باسترخاء :- صحة وهنا
خله ايده على خده يباوعلي بأستياء وحيرة تنهد وحجة
:- يستاهلون هالخطوة المشيناها بحياتنا ؟
سندت ظهري عالقنفة ڪلاص المي بيدي
_ هما ما يستاهلون
الما يقدرنا وما يريدنا بحياته ما يستاهلنا
بس الحقارة السووها ويانه تستاهل نمشي هالخطوة ووتستاهل نتعب لخاطر نبجي عيونهم
:- اول خطوة انجزناها شنو الجاي ؟
_ يمك بعد ڪلت نتزوج وانت تعرف شلون نلعب على نقاط ضعفهم
:- ابالي خطوة اذا حالفنا الحظ وخطيناها اعتبري
الحاطينهم براسنا خطتنا ماشية عليهم
_ شنو هالخطوة ؟
:- هالخطة تحتاج ندوس عالڪرامة شوية
باوعتله ممفتهمة ... ندوس عالڪرامة ؟!!
:- نوعا ما مجبورين
حجيت رافضة بقطع
_ ما عندي اي استعداد ادوس على ڪرامتي وعزة نفسي ماڪو سبب يستاهل
:- مو ڪلتي يستاهلون ؟؟؟
خليت ڪلاص المي عالطاولة ارڪز وياه
_ شالربط روهان !
تفڪر وتحجي بالالغاز واني مجاي اربط اي شي على ڪلامك ولا دافهم شكو براسك
:- سبق وڪتلج نلعب وياهم عن قُرب
هزيت راسي بـ أي منتظرته يسترسل ڪلامه
:- اللعب عن قرب مو بدون سبب ڪتلج عنه
هسه اني وانتي ڪاعدين هنا نعرف شديصير هناك ؟ وشنو من حجي يدور بينهم ؟
وشنو من سوء فهم يحدث بينهم ونڪدر نستغله لناحيتنا ؟
هزيت راسي بـ لا رفع ايده بأثبات
:- شوووفي فنحن وبمڪانة ما عدنا اي شي نستغلة ونلعب بي فالخطة تتطلب نڪون وياهم قريبين منهم نڪون بوسطهم نسمع شديحجون شديصير بينهم شنو مشاڪلهم ونڪون على علم بڪُلشي ديصير وياهم وعدنا علم باحداث حياتهم التفيدنا باللعب فلذلك لازم نعيش بوسطهم
باوعتله ممستوعبة ... نعيش وسطهم ؟!! نعيش بوسط بيت عيلة الـ مِتْراسِ !
هز راسه بتأڪيد باوعتله بتفاجئ
_ وين يصير هالشي على يا صلة قرابة يفوتونا لبيتهم ونشوف ظروف عيلتهم !!!
أنت تقرأ
الريتانين " متراس الدرزياء "
Lãng mạnشتـان بينهما كل الأختــلاف يتبين عـدم العدل والأنصاف هنالك من يعيش بتَـرف وثَــراء وهنالك من ولـدَ من رحـم العنـاء ... ! شتا على طبق من ذهب يُـقدم ما يتمنـاه وشتا سعى للرخــاء ولـم يلقـاه نصف يُلحق بسمـاء رحبــة كطيـرً حُــر ونصف اخر تضيق ب...
