الريتانين " متراس الدرزياء "

_ الغُـرزة 41 || ارواح مُتخاصمة

﷽ 

روايـة  :  الريتانين   " مِتـْـراسِ الدَّرْزِيُّــاء  "
الڪاتبـه  :  تاليـن     

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪  
"   إيثـار   "

مِتْراسِ واڪف بين هوسة الممرضين والدڪتور عليها يباوعلها وعيونه بهتانات ومالينهن الخوف ساڪت  حُريـة من شافت امها منتهية وحالتها تعبانة ڪامت تبچي وتلطم منهارة وبعد ما تتحمل ضغط تراڪم المصايب الوڪعت عليهم دفعة وحدة الغرفة انخبصت
بچي وعياط والدڪاترة يحاولون وياها وهي حالتها متأزمة ڪُلش

عدل راسها الدڪتور لبسها قنا؏ الاوڪسجين وضخلها نسبة اعلى ضربوها ابرة وبقوا يحاولون بالمساج لگلبها ما توقفوا الى ان صار شوية شوية يفك تشنج گلبها و بدت تتنفس لڪن بشڪل حيل صعيف بقت مختنڪة من شحة الهوى القليل اليدخل ريئتها و خلولها مغذي  

من رجعت اتنفست وگلبها تحسن فقدت بعد ما توعي نامت بالسرير فاقدة وصدرها يترتفع ويهبط بعلو تسحب النفس بعمق رئاتها متلهفة للنفس

بنص الهوسة الصارت عليها شفت القنفات بالغرفة رحت حطيت دانة عليهن وخليت عالطارف ڪوشة حتى لا توڪع من القنفة من تتحرك
ڪعدت يمها حيلي بايد وارجف بلا سيطرة على اعصابي هاليوم شڪد صعب وما ديخلص مصيبة ورا مصيبة وواحد ورا اللخ ديتأذون

ناهـد فحصها الدڪتور ودقق على نسبة الاوڪسجين وطلع هو والممرضين بقت هي فاقدة عالسرير تقرب سامر عدل نومتها وعدل المخدة جوة راسها وهي وجهها مسحوب منه الدم وشاحب من خنڪتها
عدلها وغطاها بالبطانية وبقت عالمغذي وجهاز الاوڪسجين 

حُريـة تهسترت من تراڪم المواقف عليها والمصايب الصارت بيوم واحد ودفعة وحدة صارت تبچي بهستيريا وما تسڪت ولازمتها رجفة باطرافها حتى رواگد ماڪدرت تتخطاها وتعوفها بهاي حالتها التوجع الگلب راحت لعدها سحبتها ڪعدتها عالقنفة تشربها مي وتحاجيها تحاول تهديها
رواگـد   ::-  ما بيها شي حُرية اهدي  الحمد لله
ازمة وعدتها

شربت مي ورجعت راسها ليورا مغطيته بايديها الترجف ڪعد يمها سامر حضنها ورواگـد ڪبل ڪامت
من يمهم طلعت من الغرفة ما ادري وين راحت 
مِتْراسِ جان ڪاعد عالقنفات ومدنك يفرك وجهه تحت ڪيانه المتجبر  خافي قهره ومغلف حزنه وتضايقه بالقسوة

نزلت علي مصايب ويلاده نزلة وحدة حنت ظهره بس رافض ينڪسر ولا ينطي ضعف لذاته باقي على تجبره وقوته    ،  ورا وقت طويل مر اجه روهان للغرفة صاحلهم
روهان   ::-  محمد صحى