الريتانين " متراس الدرزياء "

_ الغُـرزة 42 || محڪمة الحياة

﷽ 

روايـة  :  الريتانين   " مِتـْـراسِ الدَّرْزِيُّــاء  "
الڪاتبـه  :  تاليـن     

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪  
"   إيثـار    "

شال ايده ضربها راشدي من قوته رادت تنطب على وجهها بالڪا؏ هي وڪاعدة يم رجليه الا استندت على ايديها ضلت لازمة خدها وعيونها للڪا؏ وڪاعدة متفاجئة ومصدومة من تصرفه الصدمنا ڪُلنا نهض من مڪانه طلع من الصالة يصيح بغضب فاقد اعصابه 
مِتْراسِ   ::-  انعل ابوها لهالعيشة لا ويلاد ولا نسوان يرحمون بية شما اسوي وياهم اطلع ما خوش ادمي    جزعتوووني حياتي

طلع من البيت معصب وناهـد ڪامت طلعت لغرفتها مصدومة ودموعها تنزل سڪتة من غير صوت
دينا سادة حلڪها بجفهامصدومة من تصرف ابوها واني ورواگـد وحدة تباو؏ بوجه الثانية

ڪامت دينا تشوف امها فوك وية  طلعتها طب سامر للبيت فات للصالة شافني بس اني ورواگـد ڪاعدات وتعابير وجهنا تثير القلق
سامر   ::-  وين امي  ؟  شبيڪم   ؟

رواگـد ما تحاجيه واني من صدمتي بالگوة حجيت
_  ابوك ضربها وطلعت لغرفتها
فك عيونه
سامر   ::-  ضرب منو  ؟  ابوية ضرب امي  ؟!!
 
ديسأل ونزلت امه من فوك مبدلة ملابسها ومخلية الشال على راسها  ودينا تلحڪها
دينا     ::-  ماما وين تروحين   ؟ 
سامر   ::-  شڪو شبيج شبي ابوووية وياج  ؟
ناهـد   ::-  عوفيني دينا لا تضليين مجلبة بية

نترت ايدهامن دينا الترڪض وراها وتجلب بيها
دينا     ::-  وين ترووحين وتخلينا
ناهـد    ::-  وين ما تمشي رجلية اروح  شيلي ايدج عني

على صوت الصياح نزلت حُريـة وهي اغلب الوقت معتڪفة بغرفتها هالظروف اثرت عليها وعلى نفسيتها
حُريـة   ::-  شبيڪم  ؟ ماما مبدلة وين دتروحين   ؟ 

باوعت لـ سامر وحُريـة وحجت
ناهـد    ::- انتو الاربعة ربيتڪم وتعبت عليڪم وما عندي غيرڪم بهالدنيا استند علي بوقت الانظام
وانهظم اليوم اريد اشوف مجازاة تعبي وتربيتي وتڪونون وياية اطلعوني منا ما اضل بهالبيت دقيقة 
بعد

حُريـة   ::-  شڪو شصار   ؟؟
سامر   ::-  شبي ابوية شسموي وياج   ؟

ناهـد   ::-  شنو ما جان مسوية وياية هذا مو حجينا
اني الاريدة هسة توڪفون يمي وتحسسوني عندي ولد استند عليهم ويطلعوني من هالبيت

حُريـة   ::-  اني وياج شما تريدين اسويلج بس ڪلوليلي وين تريدين تروحين   ؟
ناهـد   ::-  ارض الله واسعة لو تڪعدوني بالشار؏ راضية بس ما ابقى هنا بعد خلصت عيشتي بهالبيت