الريتانين " متراس الدرزياء "

_ الغُـرزة 32 || العودة

﷽   

روايـة  :  الريتانين   " مِتـْـراسِ الدَّرْزِيُّــاء  "
الڪاتبـه  :  تاليـن    

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪  
"  غيدة  "

صرخت من فوك بصوت فجر حنجرتي من علوه 
_ چـروووان

رفع راسة باوعلي اصيح واريد اذب روحي من فوك والحك علي قبل لا يقتل الرجال ويسلب روحه بلا ذنب
_ عوووفه ممسوي شي عوفة ، لا تقتلوووووو

يباو؏ ليفوك واني اصرخ وڪل الواڪفين بالساحة عيونهم علية
_ عوووفة چروان هذا مو هوووو
مو هو الضربني هذا ما هووو اني نااازلة لا تسويلة اي شي

رڪضت باتجاه الدرج رجلية تتراڪض ڪبالي تسبقني  نزلت عالدرج اريد اطيح من سرعتي وارجع اتوازن من استعجالي طلعت ارڪض بالساحة متوجهة عليهم ارڪض واصيح مطيحة حيلي احس روح الرجال وموته متعلقة بية  واريد الحك علي قبل لا يقتله وينهي حياته واڪسب ذنبه 
_ چـروان عووووفه هالرجال ما سوالي شي
اني الغلطت ويااااه اني الغلطااانة وردت ابوگ فلوسه  اني اني البگت فلوووسة هو ما سوالي شي عووفه غلطت ويااه وضربني

نقل عيونة چروان مني للرجال باوعلة بنظرات وقع الموت ارڪض وازيد بسرعتي من اشوفه متحلفله بالموت ما وصلت يمة الا متت ورديت احتيت ورجلية تڪسرن من الرڪض بالساحة وهي جبيرة واسعة وڪفت ڪبال چروان فاتحة ايدية احامي الرجال بساتر جسمي
_ نزل السلاح عفية نزلة هالرجال بريئ حرااام تقتلة
ما سوالي شي بدون سبب اني ردت ابوگة وضربني يدافع عن فلوسة

أشر بحواجبة اتحنى على صفحة
چـروان  ::-  وخررري هيج
_ ما تقتله چـروان ما تقتله ولا تسويله اي شي
نزل سلاااحك عنة

جرني من ذراعي وخرني من ڪدامة 
چـروان ::- اطلعي من ڪداااااامي
رجعت وڪفت ڪبالة عالسريع
_ شتريددد منة ؟ تعاقبه على غلطي   ؟
ترا اني الغلطت وياه اني النهبت جزدانة يعني الغلطانة مو هو واني الاستاهل العقاب اذا تريد تعاقب احد  عاقبني الي

رعد بصوت صرخة صادعة بعلوها
چـروان ::- ابعدي روحج من ڪباااالي لا توووڪفيين بوجهي

ملامح الغضب البوجهه ترعب ڪمت ما اعرف شتصرف احامي نفسي منة لو احامي الرجال الروحة بذمتي ومسؤوله عن حياته ومسؤوله عن هالموقف الصار وياه بسببي ميلت راسي بتوسل اهمس بهدوء
_ عاقبني الي لا تظلمة الرجال ما الة ذنب
لا تظلمه ومو اي ظلم تريد تقتله خلاص
اذا قتلته يضل موته ذنب برگبتك وبرگبتي
نزل السلاااح حباااب لا تتصرف بعصبية وتنهي حياته وهو بريئ واني الغلطانة