بسم الله الرحمن الرحيم
نبداو على بركة الله
هي انثى عادية مش فائقة الجمال او الجاذبية ولكن عينيها لي بلون القهوة يخلو أي واحد يشوفهم يعشقهم بلا مايحس.بطلتنا ليوم هي ياسمين انسانة حساسة وقوية فنفس الوقت حنينة بزاف ولكن ماتبين ضعفها لأي كان مهم مع الوقت تتعرفو عليها مليح.
كانت فالكوزينة تطيب الغذا وساهية فحالتها لي مالقاتش ليها حل قاعدة فدار لا خدمة لا قراية ملي مجابتش الباك باباها حبسها من القرايا باش تخدمو هو وصحابو لي ديما معمرين دار زعما يديرو اجتماعاتهم فدار صاحبهم. كانت لابسة بيجامة خفيفة ودايرة فولار على شعرها الكحل والطويل كانت كيوت مالقري ماتدير ني ماكياج ني والو .طفات على الغذا وراحت لبيت والديها حبت تسترجع ذكرياتها القليلة مع امها المتوفية من 15 سنة من لي كان فعمرها 8 سنين امها ماتت وهي تولد .فتحت الخزانة وجبدت روب تاع يماها وقعدت تشم فيها .مزالها محتافظة بحوايجها رغم مرور سنوات
بقات مدة وهي هك حتى لاحظت شق فالحيط مايبانش مليح وحداه معلقة لوحة فنية راحت قربت تتفحص فيه .منبعد بعدت بسرعة لأنو سمعت الباب يتحل .وقررت انها تراقب باباها كيفاش حلو باش كي يروح للخدمة تولي تدخل للبيت وتكشف المخبي
أنت تقرأ
حب أو حرب
Mystery / Thrillerفرايكم يقدر الحب يفوز على الحرب فهاد القصة رح تشوفو مزيج منهم الاثنين نتمنى تعجبكم روايتي الأولى
