حب أو حرب

البارت 43

ماثيو كان فالبيرو تاعو يستنى فالمساعد تاعو ويدو اليمنى . شويا سمع الدق فالباب ودخل موراها شاب ف 34 من عمرو طويل وكتافو عراض ووسامتو طاغية صديق ماثيو وماركو من لي كانو صغار
_ عادل جبتلي واش طلبت منك؟
_ جبت واحد يقولو عليه سبايدر ان شاءالله يقدرلها
_ اوك دخلو
دخل شاب لابس سورفات وهاز كرطاب على ضهرو .وداير نواضر تاع شوف وكاسكيطة .اومأ لو ماثيو باش يقعد
_ بون جبتك باش تفتحلي واحد الخزنة
وراه الفوطو تاع لخزنة لي خذاها من بيت باباه
قعد الشخص يشوف فالفوطو بتمعن ونطق وعينيه عليها
_ هدي خزانة مطورة بزاف أي خطأ فالشيفرة رح تتغلق نهائيا وجامي تتحل
نطق عادل لي واقف على راسو
_ واذا سيينا نفجروها بلا مانخسرو السندات لي فيها؟
جاوبو الهاكر
_ فيها نظام امني داخلي اذا غلطنا فالشيفرة ولا كسرناها يتحرقو الملفات تلقائيا  منبعد تتفجر حتى هي
مسح ماثيو على وجهو بعصبية. زاد تأكد من شكوكو .يعني اكيد كاين سر خطير مخبيه باباه.وجه نظراتو للهاكر لي متوتر ويلعب بصباع يديه
_ تقدر تحلها؟
_ (جاوبو مخلوع) ما.. ما .. مانقدرش اسيدي
ضربو عادل على رقبتو من لور بقوة حتى عيط بألم
_ وانا علاش قلبت عليك دنيا ملا من لول قول ماتقدرش تفوو#### . اوما له ماثيو باش يهدا وهدر مع الهاكر
_ تعرف شي واحد يقدر يحلها؟
_ لازمنا الشيفرة الصحيحة اونبلوس البصمة تاع مولاها وبصمة العين
هدر عادل بتفاجىء
_ اووو لهاد درجة تقول مخبي فيها الجنون خايفهم يهربو 
_ ولا مخبي سر كبير قادر يخسرو كلشي...
_ نعرف واحد يقدر يعاونكم باش تحلوها عطيني شويا وقت رح نسيي نتواصل معاه اذا قدرت .لأنو مش بالساهل تحكي معاه ولا تتلاقاه
اوما لو ماثيو وخلاه يخدم على البيسي وهو كمل خدمتو

بعد 3 ساعات
_ اوفف واخيرا
_ واشنو هدرت معاه؟؟
_ لا مزال غير بعتلو ميساج ان شاءالله يرد عليا
ضرب ماثيو المكتب بيديه بقوة
_ واش رانا نلعبو هنا هدي 3 سوايع ونتا تخربش فداك لبيسي ومادرت والو
_ سي..س.. سيدي هو هاكر مطور بزاف ومش اي واحد يقدر يوصلو . اونبلوس هو متخفي يعني حتى واحد مايعرفو ولا شافو
_ هاه وكيفاش رح يقبل يخدم معانا
_ نستناو ونشوفو ممكن يوافق على طلبي . يقولو عليه مايرفض حتى واحد.اذا كان المبلغ كبير
_ ممم هاحنا نستناو دوك نشوفو وين رح توصلنا. شويا سمعو صوت نوتيفاكسيو . تبسم الهاكر باريحية
_ رد عليا .يعني وافق🙂
_ مممم مليح ملا عطيه عنوان الشركة
بعد نصف ساعة . كان وصل الهاكر لشركة لابس حوايج واسعين وكاسكيطة على وجهو وكمامة مخبية ملامحو( بلا شك عرفتوه ياك؟)
دق لباب ودخل غير شاف ماثيو حكماتو تبوريشة ولحمو تشوك . مي حاول مايبين والو بقا واقف حتى سمع صوتو  يأذنلو باش يقرب
شرحوله الموضوع . وهو ماهدر ماتكلم بقا يشوف فالخزنة لمدة ربع ساعة منبهد حنحن وهدر
_ لازمني نشوفها عن قرب
_ اذا تقدر تحلها رح تروح معايا وتشوفها .اذا غير تشوفها منبعد ديرلي كيما هدا لي حداك غير مكاله
هدر الهاكر الأول
_ الخزنة مطورة وأي غلط فالشيفرة يقدر يحرق اي حاجة فيها لداخل
_ عارف
سكت مدة منبعد هدر شحال رح نتخلص اذا حليتها ؟
شاف فيه ماثيو بانزعاج
_ طلب شحال حبيت المهم تتحل
اومأ لو الهاكر بإيجاب
فجهة اخرى
منذر كان قاعد فالجردة ومقابلو هيثم كلو ضرابي ووجهو مايتفسرش.هدر وعينيه يخرجو نار
_ نتمنى تكون تعلمت هاد المرة وماتزيدش تلعب مور ضهري
_ سامحني بابا .درت فيها ثقة ماتوقعتهاش تخدعني
_ هاد النية لي فيك هي لي رح تخرج عليك . اخر مرة دير حاجة بلا ماتخبرني ولا المرة الجاية رح نتصرف بطريقتي
_ نقدر نطلع لبيتي نرتاح؟
اومأ لو وراح .وهو تنهد تنهيدة كبيرة وعينيه على رجلو لي ولات شبه مشلولة مايقدرش يتمشى عليها . تفكر نهار لي كان خاطف ياسمين .استفزاتو بهدرتها حتى ماحسش بروحو وطلع فوقها كان رح يغتصبها .وهي غفلاتو وجبدت سلاح من ضهرو وتيرات فرجلو . من يومها زاد كرهو ليها وحلف يندمها .رغم انو مام هو غالط ولكن ماباغيش يعترف بغلطو ...

عند ماثيو كان خدام فالملفات لي قدامو والهاكر قاعد فالفوتاي لي فالبيرو طلع عينيه شاف فيه بتمعن . كلش مخبي حتى ملامح وجهو مش باينين شي مخبي بالكاسكيطة وشي بالكمامة . بان جزء صغير من رقبتو . ماثيو تحلو عينيه بصدمة كي شاف الخانة لي فرقبتو.حنحن وهدر
_ علاش مخبي وجهك ؟
توتر الهاكر وبدا يزير على حوايجو بيديه .تسارعو نبضات قلبو .حنحن وهدر ببحة
_ مش مهم تشوفني
وقف من بلاصتو متوجه ناحيتو . غي سمع خطواتو يقربو زير على سورفات لي لابس وطلع لكمامة على نيفو لحق عندو هبط لمستواه وهدر حدا وذنيه بهمس
_ياسمين!
....