بعدما رجعو لبنات من المول طلعو لبيت ايما وقعدو يرتاحو..
_ ياسو اني قلت لخدامة توجدلك بيت .هي صح حاباتك تبقاي معايا فنفس البيت مي قلت بالاك تحبي شويا خصوصية
_ ميرسي بزاف ايما نتوما دخلتوني لداركم حتى بلا ماتعرفوني غي هكدا يكفيني والله.اما على البيت عادي يخي رانا فدار وحدة
_ ايه صح رانا فدار وحدة .وماتزيديش تقولي هاك دوك راكي كيما ختي وانا ارتحتلك من اول ماشفتك عندك واحد القبول سبحان الله😄 هيا دوك نوريلك البيت جاي حد بيت ماث😉
_ 😮💨درتيها بلعاني ياك فففف
_ ههههه 💁♀️ نورمال توالفي امرت خويا( وقعدت تبوس في خدودها)
_ (ضربتها على كتفها بخفة) نوضي عليا واش هدي مرت خوك 😒تاني شكون ترضى بهداك شمبانزي🤮
_ 😧😧😧😧😧😧😧غي لبارح كنتي تشكري وتعاودي دوك ولا شمبانزي .يااااك اوك نروح نقولهاله ونشوفو رايو
_ خلاص ريحي راني غي نقسر
_ ياسو .ياريت كون تولي مرت خويا وتجيبو بيبي صغيور نلعبو معاه
_😮💨😮💨😮💨😮💨😮💨😮💨 تاني ا ايما تاني اني رايحة انا كع
_ وين رايحة حبسي غي نقسر مالك😢
_ نروح نشوف البيت لي وجدتولي وندوش نبدل عليا🫤
عند ماثيو كان قاعد في بيروه حتى سمع الباب يدق استأذن ودخل الكارد لي كلفو يبحت على ياسمين
_ سيدي البنت لي قلتلي نحوس عليها .مالقينا عليها حتى معلومة.ابار انو هي نفسها لي ضربتها بطنوبيل وامرتني نتكلف بحالتها فسبيطار سمانة لي فاتت
_ كيفاش مالقيتو والو علاش مخدمكم عندي انا اه؟؟؟؟
_ سيدي ماعندنا معلومة من غير اسمها فقط لازمنا على الاقل لقبها ولا وين تسكن
_ كي نجيبهملك معنتها نحوس عليها انا علاه نوصيك نتا روحي قودي عليا روح
_ اسف سيدي😣
غي خرج الكارد هز فنجان القهوة ورماه عل الارض حتى صار فتات.باينة مدام هي لي ضربها بطنوبيل كانت متقصدة تخرج فحياتو ودارتها غي سبة.هادشي لي كان يدور فبالو
_ اكيد وراك سر كبير مش انا لي تلعبيها عليا غادي ندمك على نهار لي خممتي تحط راسك فراس ماثيو🤬
لبس الفاست تاعو متوجه للقصر ويتوعد لياسمين بعذاب شديد خاصة وانها استغلت ختو فخطتها
عند البنات كانو قاعدين فصالون كل وحدة وين تخمم .حتى نطقت ياسمين
_ ايما حابة نبدا نخدم .من غدوة ان شاءالله رح نخرج نحوس على خدمة
_ وعلاش كشما خصك معايا .اذا محتاجة دراهم قوليلي
_ ايما فهميني انا منقدرش نبقا معاكم هك ونتوما تصرفو عليا حتى من لبستي تشروهالي انتم .حابة نخدم ونلم دراهم منبعد نكري دار
_ يعني حابة تروحي وتخليني😢😢😢
_ لااا مش هاك ياحبيبتي ولكن انا منحبش نكون عالة على حتى واحد نحب نخدم بدراعي وحتى واحد مايقلي راني نصرف عليك ولا.انا عقليتي هاك الله غالب . وانا مراحش نخليك انا معاك حتى اذا خدمت وكريت دار رح نبقاو ديما نتشاوفو تجي عندي ونجي عندك وقتما حبيتي اوك؟.اونبلوس مجاتش نسكن هنا معاكم انا نبقى غي ضيفة والضيف لازم يجي نهار ويروح. ايما جاتها قاسحة هاد الهدرة وبدات تبكي بالشهقة( اصلا هي حساسة تبكي غي على سبة تافهة)
_ روحي بعدي مني انا درتك ختى وحبيبتي ونتي تخممي كيما هاك😭😭😭😭😭😭😭😭😭😭
وعلى هاد الهدرة دخل ماثيو وشاف ختو تبكي بحسرة وتدفع فياسمين باش تبعد منها وهي قاعدة تسكت فيها.تمتم جات فبالو كشما دارت لختو .راح عندهم بالزربة جبد ياسمين من يدها ودفعها بعيد على ختو ماحست غير بكف قوي دورلها وجها طاحت فلرض والدموع فعينيها وشعرها طايح على وجها جامي واحد تجرأ وحط يدو عليها
اما هو راح يجري لختو يشوف مالها .ايما قعدت تبكي بحرقة وكأنو واحد ماتلها(مفششة بزاف) قعد على ركابيه وشد وجهها بيديه الكبار وهدر بهدوء عكس النار لي شاعلة فيه
_ ايما حبيبة خوها واشبيك همم قوليلي علاش هاد البكا كامل.؟؟.هي مقدرتش تهدر من شظة الشهقات لي حكموها شورت بيدها لياسمين
_ 😭😭😭😭هي هي هئهئ هئ هئ😭😭 ماثيو عينيه حمارو من شدة العصب وراح جهة ياسمين معول ليوم يقتلها ويتهنى منها هزها من دراعها وراح بيها مكركرها فدروج .دخل ماركوس لي كان فجردة يحكي تلفون شاف ايما فهديك الحالة راح يجري ليها عنقها عندو وخشالها وجهها فصدرو ويطبطب على ضهرها باش تسكت اما هي غير مازادت فلبكا خاصة بعدما شافت ماثيو كيفاش رجع وحش وهي مقدرتش تقولو بلي ياسمين مادارت والو .حاولت تحبس البكا وتنطق الكلمات بصعوبة
_ ماثيو راح اهئ يآذي ياسو اهىء اهئ مارك بليز حبسو ماتخليهش يقيسها بليز😭😭😭😭😭😭
غير قالتهم طاحت سخفانة راح يجري عيط للطبيب يجي وطلعها لبيتها حطها فسرير وجاب الما رشو عليها باش تفيق .لحظات حتى بدات تحل عويناتها.تمتم تفكرت ياسمين وواش راح يديرلها خوها.شدت فيد ماركو بقوة وقعدت تترجاه بصوتها المبحوح بالبكا
_ مارك ياسو اعتق ياسو من بين يدين ماثيو بليز هي مادارت والو
_ اوك اوك نتي غير اهدي اني رايح نشوف اهدي اوكي.باسها على جبهتها وراح جهة البيرو تاع ماثيو....
أنت تقرأ
حب أو حرب
Mystery / Thrillerفرايكم يقدر الحب يفوز على الحرب فهاد القصة رح تشوفو مزيج منهم الاثنين نتمنى تعجبكم روايتي الأولى
