حب أو حرب

البارت 24

في الصباح الموالي دخل ماركوس القصر هايج باغي غير وقتاش يوصل عند ياسمين ويشوفها لحق لبيتها لقا الباب محلول دخل مباشرة لقا ماثيو واقف شاد فراصو ويهدر فتلفون معصب للخر
_ تجيبوها من السما ولا من اللرض ويا ويلكم تتصرالها حاجة .نقتلكم بيدي ونشرب من دمكم. ورما تلفون على جهدو شخشخو مع الحيط.طار عليه ماركوس شنق عليه وعينيه حمر .مقلق وخايف فنفس الوقت
_ وينها ياسمين اهدر .واش درتلها؟؟؟
_ تخطفت!. طلق منو شاد فرسو ويمشي ويجي فشمبرة
_ كيفاش تخطفت.كيفاش تخطفت! مايمكنش (شد فشعرو بالجهد باغي ينتفو) حتى قلت لقيتها وراحت من جديد أاااااعععععع ( عيطة عيطة زعزعت القصر بلي فيها ) جات ايما تجري كي سمعت صوتو ودموع دايرين طريق فوجهها. طارت عليه عنقاتو قدام خوها وهو زير عليها مدخلها فضلوعو توحشها بزاف ومحتاجها فهاد اللحظة
_ ماركو اهئ اهئ اهئ ياسو تخطفات.رح تلقاوها ياك اهئ اهئ بليز القاوها وجيبوها 😭😭😭
جرها ماثيو من حضن مارك وهدر بصرامة
_ رح نلقاوها متخافيش روحي لبيتك وامسحي عليا هاد دموع .خافت من نظرتو وهربت ديراكت لبيتها اما هو وجه شوفاتو لمارك وهدر بحدة
_ مزال نتفاهمو على تعناق هذا .نلقاو هاد اختك ومنبعد ساهل .وخرج صافع لباب موراه غير خرج من باب القصر شافها قدامو لابسة روبة بيضا مفصلة انحناءاتها وشعرها طويل مطلوق وفيه تجعيدات خفاف كانت تسحر العين برغم من بساطتها الا ان جمالها طاغي يخليك تتأمل فيها بلا ماتحس. رمش عينيه مرات متتالية يحاول يستوعب واش شافت عينيه يعني هي ماتخطفاتش غير توهم هاد الشي فيقو من شرودو ماركو كي ضربو فكتفو وهو متوجه بسرعة عند ياسمين عنقها بقوة مزير عليها وكأنو رح تهرب
_ اه واخيرا لقيتك ياختي واخيرا (طاحت دمعة من عينو وتبعوها دموع حارين مقدرش يحبسهم) ماتتخيليش شحال حوست عليك درت دنيا وانا نحوس على راس خيط يوصلني ليكم انتي وامي
بعدت عليه شويا ومسحت دموعه بهدوء
_ رجال مايبكيوش! وانا مش اختك .وراحت متوجهة للقصر بلا ماتشوف فماثيو فاتت قدامو وكأنو تمثال زينة فالجردة .طلعت لفوق لبيت ايما دخلت لقات حالتها حالة بالبكا عينيها تنفخو وقريب تخنقها الشهقة غير شافتها راحت تجري عندها باش تعنقها حتى تلوات رجلها بلغطا تاع سرير وكانت رح طيح على وجهها كون ماشدتها ياسمين نوضتها وعنقتها بهدوء
_ ششش اهدي حبيبتي علاش البكا هدا كامل شوفي مزال راني حية مامتش.بعدت شويا عليا ايما وحطت ايدها على فمها
_ بعيد الشر يموت عدوء لي مايبغيك .ضحكت ياسو بخفة ورجعت عنقتها عندها بالجنب و تمسح فدموعها
_ بكاية هههه خلاص سكتي طيبتي دوك العوينات دوك يشوفك ماركو وتخلعي سيد مسكين ههههه( ضربتها ايما على كتفها بخفة ولعبتها مشنفة)
_ خلينا من هداك الهامل وارواحي احكيلي واش صرا لك ولا نقولك روحي دوشي وبدلي حوايجك .ولا استني نعيط للخدامة تجيبلك حاجة تاكليها ( هدرت بسرعة بلا ماتتنفس)
_( حطت يدها على خد ايما ) اهدي حبيبتي

للتحت عند ماثيو ومارك كل واحد واقف فبلاصتو مش مستوعب واش صرا  متأكد انو تخطفات لأنو رجالو قالولو تخطفات فالبحر ولكن كيفاش رجعات وكانو ماصرا والو اما مارك حاس بخيبة امل كبيرة وقلبو مكسور حتى فرح و قال لقيت عايلتي صدماتو ببرودها
_ يخي قلت تخطفات كيفاش راهي هنا دوك فهمني!
_ منيش عارف منيش عارف حتى انا مافهمت والو . وقعد شاد فراسو ويخمم تأنيب ضمير يقتل فيه بالشويا ولكن مش باغي يوريها ضعفو ولا يعتذر منها مش ماثيو لي يعتذر .شويا حتى سمعو تكسار لفوق وعيطة زعزعتهم طلعو طايرين يشوفو واش صرا حتى لقاو لبنات طالعين فوق لبونك خايفين يترعدو ومعنقين بعضاهم وايما تهدر وترجف
_ هاهو هاهو كان هنا اقتلوه اقتلوه اهئ اهئ
_ ( هدر ماثيو مخلوع) واش صرا شكون هدا كي..قاطعتو ياسمين تهدر ودموع فعينيها
_ ف فا فار كان هنا وطلع فوق البونك وطار قدامنا ياك ا ايما اهئ اهئ اهئ رح يعضنارح يعض. قبل ماتكمل هدرتها لقاتهم يتمرغو فلرض بالضحك مش مهتمين لبنات لي ميتين بالخلعة ويرجفو
_ فاااار ههههههه غير فار دارلكم هاد الحالة كامل .كمل عليه مارك يقلد فيهم
_ اقتلوه اقتلوه رح يع يعض رح يعض ههههههه
وشافو فيهم لبنات مخنزرين وقالو بصوت واحد
_ بلّعو ! سكت مارك وماثيو ودايرين يديهم على فمهم بمعنى رانا مبلعين وهوما حاكمين ضحكة بالسيف وخاصة كي شافو شكلهم وهوما مشنفين زعما وكل وحدة لابسة بيجامة طفولية وحدة تاع سبونج بوب وتانية تاع توم وجيري . هدر ماثيو بحدة وهو يجبد فيد ايما يحاول ينزلها من فوق السرير
_ اهبطي ايما خليك من لعب الذر راكي كبيرة زعما. نفضت دراعها وشنفت عليه .توجه عند ياسمين غير قاس دراعها هدرت بحدة
_ ماتقيسنيش !
ونقزت من فوق سرير حتى حست بألم تحتهاقوي خلاها تكمش ملامحها وتتألم فصمت جرا عندها بخوف  هدر وعينيه يفحصو فيها
_ ياسمين واشبيك واش يوجع فيك قوليلي؟ تحبي نعيط لطبيب يشوفك . هي ماشافتش فيه نهائيا غير دموعها يسيلو وتتألم .حط يدو على خدها باغيها تشوف فيه حتى دفعتلو يدو وهدرت بعصبية
_ قتلك ماتقيسنيش واش ماتفهمش ماتحطش عليا يديك بعععععد مني 
شدها من فكها مزير عليها حتى برزو شفايفها على شكل بوسة وقال بهدوء يخلع
_ منبعد ونتفاهمو على هدي ترفعي صوتك عليا جا يهزها يحطها فوق البونك حتى شدو مارك من يدو بقوة
_ خلي عليك ختي . قالت ماتقيسهاش يعني ماتقيسهاش ماتخليناش نوصلو لشي مواصل اخرى😠.نتر ماثيو يدو بقوة وشاف فيها لقاها تبكي ومبتسمة باستهزاء
_ ههه قالك ختي ( هدرت بعصبية) منيش ختك انا راك تسمع منيش ختك واقيلا نسيت نهار لي قلت انا جاسوسة وكنتو رح تقتلوني ونتا( وجهت نظرتها لماثيو) مزال رح تدفع ثمن أي حاجة درتهالي مش لقيتني وحدي قلت نحقر عليها مكانش لي يسالني .ولكن ربي كبير وكيفما درتيلي رح يجي نهار ويديروها فخت هزها بين يديه قبل ماتكمل هدرتها معنقها عندو ويهدر بحدة
_ زيديها حتى هي فالحساب . حطها فوق البونك وباس جبهتها بهدوء. جات تجري عندها ايما قعدت حداها وشدت فيديها اما هو راح يعيط لطبيب اما ماركو بقا يتأمل فيها من بعيد يتحسر على حال اختو .عندها الحق فواش قالت هو اول واحد آذاها فهاد القصر ولكن مكانش عارف انها اختو كون عرف كون حماها من الهوا لي تتنفسو قرب جيهتها ومسح على شعرها وهي مدورة وجهها لجيهة ايما
_ كي ترتاحي رح نحكيو .باسها على شعرها وخرج
_ ياسو حبيبتي باش كتحسي واش راه يوجعك بزاف
ياسمين غير تبكي وتنين من قوة الوجع تحس وكأنو تحتها يتحرق بنار  حطت يدها على خد ايما تطمن فيها وابتسمت بهدوء
_ راني مليحة متخافيش عليا يمكن غير ليغاقل وديما تديرلي هك .روحي تقراي وماتخمميش عليا كي تجي تلقايني كي العود. ايما غير تبكي وتشوف فيها
_ مالنا على البكا تاني  خلاص ياك تفاهمنا مانبكوش همم . مسحت ايما دموعنا بكفوف يدها وهدرت مبتسمة
_ خلاص مانبكيش ولكن وعدني تكوني مليحة . ماتخلينيش مشطونة عليك .
_ راني مليحة متخافيش عليا يالبكاية هههههه . رجعت شنفت باستها فخدها وهدرت عبوس طفولس
_ منيش باكية هاني رايحة حاولي ترقدي شوي وترتاحي ودك يجي طبيب يشوفك وتولي مليحة ان شاءالله اوك

غيؤ خرجت ايما طرطقت ياسمين بالبكا عيات ماتحاول تخبي وماقدرتش شي لي راهي تعيشو فوق طاقتها صدمات متتالية ومكاين حتى واحد جنبها . دخل ماثيو وموراه الطبيبة شيرلها على ياسمين باش تفحصها غير قربتلها منعتها ياسمين بيديها
_ اني مليحة غير رجعي منين جيتي .شاف ماثيو فطبيبة واومأ لها باش تخرج تستناه برا خرجت وغلقت الباب وهو قرب منها قعد على جنب السرير شدلها يدها جات تجبدها شدها مزير عليها وعينيه مفيكسين فعينيها
_ نظن لازم تبراي وتولي صحيحة باش تنتاقمي مني لا ؟ بهاد الحالة متقدري ديري والو . قرب منها اكتر وهي جامدة فبلاصتها وهمس قدام شفايفها
_ ياسمين لي نعرفها ماتستسلمش حتى تاخذ حقها باسها بخفة على شفايفها وبعد خرج .دخلت طبيبة وفحصتها عادي شكلو كلامو أثر فيها
خرجت لقاتو يستناها فلباب
_ واشبيها ؟
_ صرالها التهاب لأنها ماعالجتش روحها بعد اول علاقة جنسية يلزمها تعقم انوثتها ودير بومادات  باش ماتلتاهبش وزيد عندها نقص فالتغذية لازمها تتهلى فروحها وتبعد من ستراس هاك شريلها هاد دوا ولازم كل ليلة دير هاد لبومادة حتى تبرا تماما
شد من عندها لاردونونص وعطاها لرجالو يجيبولها دوا .هبط لكوزينة تفاجأو الخدامات لأنو مش.موالف يدخل للكوزينة طلب منهم يوجدولها بلاطو فيه ماكلة صحية طلعولها ودخل لقاها متكية وساهية بعيد قعد حداها
_ لازم تاكلي مليح وتتهلاي فروحك باش ترجعي صحتك
_ تقتل الميت وتمشي فجنازتو😒
مادارش على هدرتها هز مغرف ودخللها شوربة ففمها حتى تأوهت
_ اححح سخونة حرقتني. وحطت يدها على فمها .جبدلها يدها وقرب عندها باسها بوسة حنينة خلاها تذوب فحوايجها منبعد فوت لسانو على شفايفها وبعد شويا عليها عينيه فعينيها
_ صفا دوكا؟
_ ماثيو؟
هز راسو فيها يستناها تكمل
_ خلينا نتزوجو....