حب أو حرب

البارت 28

دخل ماركو على ياسمين لقاها تخدم على لبيسي ومركزة عليه وكأنو ماصرا والو .قعد حداها وعينيه يتفحصو فيها .حتى رفعت راسها وشافتو
_ واشبيك تشوف فيا هك .مابيا والو غير كف مرحش يقتلني
_ متأكدة ماعطاوك والو كي خطفوك ؟؟شفتي تبدلتي كليا
_ كيفاش تبدلت
_ كنتي كيوت وضريفة دوك تباني قاسحة ومش حنينة خلاص
_ ( ضحكت باستهزاء) الظروف تخليك قاسي وماترحمش .مي انا مانتبدلش غير تفوت هاد الفترة ونحقق انتقامي نرجع ياسمين القديمة مي دوك لازم نكون قوية باش نربح هاد الحرب. مهم لازم نفهمك حاجة
راح تروح تجيب تحاليل DNA  خليلي اسم المختبر رح نبدلهم يرجعو نيقاتيف وبلا ماتسقسيني منبعد نفهمك كي تجيبهم عيطلي انا وماثيو وحتى هداك البسيكولوغ لازم يكون حاضر اوك . ومن ليوم رح نتواصلو بالتلفون برك وقدامهم رح نتصرفو عادي مش على اساس خوت فاهم
_ بصح علاش هاد شي كامل
_ ففف قتلك ماتسقسينيش راهم دايرين كاميرات فكل بلاصة وجواسيس منقدروش ناخذو راحتنا.عطيني تلفونك!. مدلها تلفون خربشت فيه شوي ورجعاتوله
_ دوك راه محمي مايقدر حتى واحد يتجسس عليك .اي حاجة تصرا ابعت برك ميساج اوك وانا تاني هك وقدامهم رح نكونو ماركو وياسمين مش قمر ومجد
_ اوك اوك مالقري منيش فاهم واش رح ديري مي نتبعوك ونشوفو
_ تيق فيا اني عارفة مليح واش راني ندير فالأخير انا ختك صغيرة مرحش نخمم نآذيك . اه وحاجة اخرى كي تقرا تحاليل رح تبدا تعيط وتكسر وووو مهم تتصدم كي متلقانيش اختك مهم دير حالة باش يامنوك الصح اوك!
_ اوك فرات اني رايح .قبل مايخرج شداتو مت يدو وعنقاتو حاطة راسها على صدرو
_ صدقني كلش رح يخلاص ونرجعو عائلة وحدة كيما كنا هدا وعد مني
_ (بحزن ) كيفاش نرجعو وامي راحت وبابا معلاباليش وينو
بعدت عليه وشافت فيه مبتسمة حطت يدها على خدو بحنان
_ كلش رح يتصلح .ماتخممش بزاف .لازم تكون قوي باش نوصلو لوين بغينا اوك .باسها فجبهتها وخرج
هي راحت تجري للبيسي محات تسجيل الكاميرا لي حاطينها فباب بيتها باش مايعرفوهش دخل عندها .دخلت دوشت ستيكات روحها مليح وخرجت هابطة لتحت .تلاقات ايما هابطة فدروج شدتها من يدها تهمسلها فوذنيها
_ ياك ا ايما غي تعرفتي على سنفور مفكر نسيتينا
_ شكون سنفور مفكر هدا !!؟
_ هداك بو نواظر
_ هههههه اه هيثم .ارواحي نحكيلك وقفو فاخر الدرج يحكو بهمس
_ تامني واش قالي؟ قال انو معجب بيا وحاب نكونو مع بعض
_ ممم بهاد سرعة ! ونتي صدقتيه ؟
_ قلتلو نفكر ونقولك .ففف بصح عجبتني شخصيتو هو حنين بزاف ويفهمني بلا مانحكي
_ وماركو نسيتيه ؟؟؟؟ ياك كنتي تموتي عليه
_( نطقت بحزن مهبطة راسها) هو لي تخلا عليا . وانا حبيت نجرب من جديد باش نقدر ننساه
_ ماتكونيش نية باش ماتتحشالكش والحاجة لي تديريها خممي الف مرة قبل ماتبداي فيها اوك
_ (بخوف وتشكيك) واش تقصدي خلعتيني
_ هههه راني ننصح فيك برك . ماتزربيش خلي لوقت يبينلك اذا ناس ملاح ويستاهل تعطيه قلبك ولا خداع كيفو كيف كامل رجال
_ ايه عندك الحق رح نمشي خطوة بخطوة ومانتحمسش
_ ( عنقتها بالجنب) ايه هكا نبغيك .هيا نهبطو نتعشاو
لحقو لطاولة العشا لقاو هيثم قاعد يخربش فتلفونو ونهى قاعدة مقابلتو فلبلاصة لي حدا ماثيو وين موالفة تقعد ياسمين. راحت عندها ونطقت
_ اوو ما شيغي سمحيلي قبيل حرقتلك سو* ماعرفتش واش صرالي .طمنيني راهي مليحة .نهى تعصبت وكانت رح توقف ليها حتى ضغطت ياسو على كتفها باش ترجع لبلاصتها وهمستلها فوذنها
_ ماتتقلقيش قريب رح نحرقلك التقابي لي بقاو وراحت قعدت فالجهة الأخرى وهديك قريب تموت بالفقسة شويا لحقها ميساج( ماديريش حاجة ندمو عليها انا دوك نتكلف بيها ماتخافيش😉) قراتو وتبسمت منبعد خبات تلفون فصدرها
هبط ماثيو لابس سروال سيرفات وتيشورت مزير عليه باين فيه التعب .ياسمين سهات فيه وسامتو تجذب أي انثى خزراتو الحادين وفمو المرسوم انفو الحاد عندو هيبة تخليك تخاف منو حتى بلا مايهدر. غي شافت شوفاتو لي حرقوها هبطت عينيها .شافتو نهى وقفت تعلقت فرقبتو تبوس فخدو وهو عينيه مفيكسين على ياسو. هيثم لاحظ هاد الشي وابتسم بخبث . دفع نهى بشويا وقعد وشيرلها تقعد حتى هي
كلشي ياكل وساكت.يتسمع غير صوت المغارف والفراشط هيثم مرة مرة يهمس لإيما وهي تتبسم .ماثيو مركز مع ماكلتو ولكن ماغافل على حتى واحد خاصة ياسمين لي كانت تلعب بالماكلة .هدر بعدما حبس الماكلة
_ (شد فيد نهى وعينيه على ياسو يستنى رد فعلها ) انا ونهى رح نتزوجو
كامل رفعو راسهم يشوفو فيه الا هي مقدرتش تشوف فيه مابغاتش يشوف دموعها. الانسان لي عشقاتو رح يتزوج بوحدة اخرى  .الشخص لي خدالها شرفها رح يكون ملك غيرها نورمالمو تفرح لأنها رح تتخلص منو ولكن علاش قلبها راهو يتقطع بالرغم من كامل واش دار فيها مزالها تحبو وكل يوم تزيد تغرق فيه اكتر واكتر
باركوله ايما وهيثم رغم انو ايما مش عاجبتها نهى الا انها معندها مادير . كان يستناها تهدر .باغي يشوفها مكسورة قدامو باغي يثبتلها انو كلامها غالط هو مايحبهاش ومراحش يحبها .
ياسمين قوات روحها ورفعت راسها بابتسامة 
_ مبروك ا نهى نتمنى لكم حيات كلها فرح وسرور ربي يهنيكم ناضت عنقتها وهمستلها فوذنها
_ زربتي على عمرك ا حبي😉
بعدت عليها وراحت جيهة ماثيو حطت يدها على صدرو وشافت فعينيه. قربت باستو فخدو .حست بيه تبورش من لمساتها ابتسمت وهدرت
_ مبروك حبيبي لعقوبة بذرية صالحة
بعدت منو وطلعت لبيتها غير سكرت الباب بدات تبكي بحرقة مش قادرة تستحمل .هاد الحب عذبها بزاف باغية تنساه وتتجاوزو ولكن كلما تشوفو تزيد تحبو اكتر
قعدت مدة وهي تبكي منبعد مسحت دموعها وابتسمت تقوي روحها بروحها
_ تؤ تؤ ملازمش تبكي اياسمين لازم تكوني قوية لازم تندميه على اي حاجة دارها معاك .ماتخليهش يستمتع فحياتو .شافت فلمرايا ريقلت روحها وخرجت