حب أو حرب

البارت42

خرج من البيرو تاعو عيان يحرك فرقبتو يمين وشمال . لمح صوفيا ومنصف هابطين فدروج ولابسين الحطة . طلع حاجبو باستفهام حتى وصل عندو باباه .حط يدو على كتفو وهدر
_ ليوم رانا معروضين انا وصوفيا لحفلة واحد صاحبي .وغدوة باغي نهدر معاك فسوجي مهم اوك؟
اومأ لو ماثيو ببرود .خلاهم وراح .طلع لبيتو سمع الحس فالدوش .توجه للبالكو جبد قارو يكمي فيه ويستنى طنوبيل باباه تخرج من الجردة تاع الفيلا غي شافهم بعدو توجه جهة الباب .حتى قاطعاتو نهى معنقاه من ضهرو وويديها يداعبو فصدرو  . نترلها يديها دار عندها جا يهدر حتى حطت شفايفها على شفايفو تبوسو ويديها على كتافو .دفعها بالجهد حتى تحلت الفوطة لي لاوية عليها .خلاتها طيح باهمال وبدات تقرب منو وعينيها عامرين شهوة
_ حبيبي توحشتك بزاف
غي لحقت عندو طلع حاجبو فيها وخزر فيها بخزرة تخوف .حل لباب خرج وضربو موراه حتى قفزت فبلاصتها. ابتسمت بخبت وهي تلعب بخصلة من شعرها الأشقر
_ مزال تجيبك ليام حتى لعندي ا ماثيو .حطت يدها على كرشها وكملت هدرتها
_ دوك نشوفو واش دير كي تعرفني حاملة بولدك ههههه
. توجه بهدوء لغرفة باباه دخل وبدا يحوس فكل بلاصة على حاجة تقدر تنفعو .نص ساعة وهو يحوس ويرجع كلش لبلاصتو باش مايحسوش .حتى تنهد بملل وجا خارج .طاحت عينو على لوحة معلقة فالحيط.قرّب ليها وبدا يتمعن فيها بتركيز حتى ابتسم بمكر كي لقاها مايلة من جيهة . حيد لوحة وزادت ابتسامتو كي خرج تفكيرو صح . كانت خزنة سرية مطورة . جا يحط عليها يدو يجرب كلمة السر منبعد جبدها تمتم كي شاف زر احمر تاع الإنذار فيها صورها بتلفونو .رجع لوحة فوقها . حط كاميرات مراقبة فواحد الفاز جاي اونفاص ليها واخر فساعة معلقة فالحيط وخرج

فالحفلة عند منصف وصوفيا .كانو متجمعين رجال الأعمال من اجناس مختلفة واصحاب شركات مختلفة . كل واحد يحاول يلقا صفقات تطور من اعمالو .كلهم يخبيو اعمالهم غير القانونية تحت اسم شركات عادية
كانت صوفيا قاعدة مع ٣ نسا من نفس طبقتها البرجوازية يهدرو على ماركات الملابس والأحذية وكل وحدة تزوخ على الاخرى  بواش دارت فالصيف ووين راحت شويا جا عندهم السارفور مغطي وجهو بكمامة .جات تاخذ مشروب حتى تعكل السارفور وتكب عليها
_ واااع واش نتا ماتشوفش ااااا دوك خسرتلي كسوتي افففف دوك نقولهم يحاوزوك باش تتعلم مرة اخرى تقرب للي خير منك . جيعانين تفوووو
ماردش عليها كامل بدل طريقو للكوزينة وهي راحت للحمام تغسل الروب تاعها لي توسخت . بعد ربع ساعة وهي فدوش تندب وتسب غير وحدها . دخل عليها السارفور لي كب عليها القهوة .غي شافتو جات تصرفقو حتى طلعلها صورة حتى لمستوى عينيها . تصدمت وتحل عينيها على وسعهم مش مصدقة واش تشوف . احساس مخلط بين الصدمة والفرحة فنفس الوقت . جات تجبد عليه لفوطو خباها فجيبو  ورفع عليها السلاح .حط السلاح على فمو واومأ ليها باش تسكت. وهي دموعها بداو يطيحو
_ اذا بغيتي تشوفي ولدك لي قالولك تقتل وماشفتيهش وماعشتيش معاه رح تنفذي واش نطلب منك وبلا مشاكل .سينو رح نقضي عليك بيك بولدك وتتلاقاو فجهنم واش قلتي؟؟
بقات دقايق تبكي وتمسح دموعها بهستيرية وهو مستنيها تهدر ويلعب بسلاحو موجهو نحوها
_ اففف نباتو هنا ؟
_( ردت بهستيرية) موافقة موافقة موافقة .رح ندير لي تطلب مني غير لاقيني بولدي لي تحرمت منو
_ كي نسحقك نعيطلك
جات تخرج حط الفردي على كتفها رجعها عندو
_ نعرفك حكيتي لبنادم  واش صرا هنا ندفنك نتي وياه وعمرك تحلمي تشوفي ولدك . سورتو داك ميخي تاع راجلك
_( هزت راسها بالإيجاب) مانقول لحتى واحد .غير خليني نشوف ولدي . الله يخليك .اني نترجاك
جات تركع عند ركبتو بعد عليها وهدر ببرود
_ طيري من قدامي قبل مانبدل رايي ونفجرلك داك راس عندك
خرجت مزروبة حتى تضربت فمنصف . شافها ترجف ووجها صفر .شدها من كتافها وعيونو تتسارا على ملامحها بخوف
_ صوفيا حبيبتي واش بيك . كشما صرالك
ماردتش عليه جا يدخل لتولات شداتو من يديه وهدرت بتلعتم وعينيها يدورو