حب أو حرب

البارت 13

بعدما كملو ماكلتهم توجه ماثيو للمكتب تاعو اما ياسمين راحت تجمع الطابلة تعاون فالخدامات اما ايما وماركو خرجو لجردة
كان واقف قدام الواجهة الزجاجية فبيروه لي طل على لبحر يد فجيبو ويد شاد بيها القارو كان منظرو مثير بكتافو العراض وجسمو المنحوت وعضلاتو لي قريب يطرطقو.كل هاد شي لاحظاتو. ياسمين كي دخلت بلا حس ولكن هو فاق بيها كي دخلت من ريحتها لي ولا حافظها.دار عندها وعينيه مركزين فعينيها وهدر بجدية
_ معلموكش والديك دقي لباب قبل ماتدخلي. طرطقت فيه عينيها اكتر حاجة تكرها انو واحد ينقص من تربيتها ممكن باباها مكانش اب مليح ولكن امها رباتها على الاداب والأخلاق وجدتها تاني كانت ديما تعلمها كيما تتعامل مع الناس رفعت صبعها جيهتو وقالت بعصبية
_ اخر مرة تهدر على تربيتي الحمدالله تربيت احسن تربية ومش نتا لي تعلمني واش ندير اما لباب فالقيتو محلول ملا علاش ندق .قرب ليها وبلمح اللبصر لوا لها صبع لي كانت رافعاه عليه وزير عليه حتى حساتو رح يقلعو من بلاصتو. تمتم بداو دموعها يتشكلو فعينيها من شدة الألم.
_ هاد لمرة رح نفوتهالك .ولكن تزيدي تخممي ترفعي عليا هاد صبع مرة اخرى كوني متأكدة اني رح نهنيك منو للأبد . وطلق منها نفض يديه وراح قعد فالكرسي تاعو وشيرلها باش تقعد. كانت فري معصبة من لي صرا ولكن لازم تصبر باش تحقق انتقامها وهي عارفة انو راه يستافزها بلعاني عليها ملازمش تخليلو المجال.
_ بون قلتيلي راكي حابة تخدمي .وحنا خاصنا سكرتيرة فالشركة تقدري تجي غدوة واذا تفاهمنا تبداي تخدمي معانا. هي فرحت انو رح تخدم واخيرا ولكن فنفس الوقت توسوست منو كيفاش اقترح عليها الخدمة فشركة تاعو
_ ممم ايه مدابيا ولكن معنديش خبرة
_ مش حاجة لي تحتاج خبرة رح تعلمك السكرتيرة القديمة واش ديري ومع الوقت توالفي
_ اوك غدوة ان شاءالله اني نجي لشركة . وجات خارجة منبعد دارت عندو وشكراتو وقاللها انو رح تروح معاه غدوة باش يوريها الخدمة

عند ماركو وايما كانو قاعدين فقعدة كاينة فجردة ساكتين حتى تكلم ماركو
_ ايما حاب نعترفلك بحاجة (شد فيدها وكمل هدرتو) انا ملي جيت هنا وشفتك اول مرة عجبتيني بزاف ودخلتي لقلبي مالقري كبرنا مع بعض كيما الخاوة ولكن جامي درتك اختي . ديما كنت نشوفك البنت لي حاب نكون معاها نعيش معاها الحب ونكمل معاها حياتي.جات تهدر قاطعها
_ ماتقولي والو خممي فغرضك وجاوبيني .ايه نسيت عارف انك مزال صغيرة وحابة تكملي قرايتك وانا موافق نستناك قدما تحبي لمهم تكوني ليا فالأخير
توترت ومعرفتش واش تقول هبطت راسها وبدات تحك فيديها مع بعض
_ ماركو انا منقدرش نكون معاك ديزولي 😔
_ وعلاش نقدر نعرف السبب . ولا عندك واحد تحبيه😑
_ مالقات ماتقول هي تحبو وتموت عليه ولكن متقدرش تكون معاه وهي كل يوم عايشة كوابيس ومزال مانساتش واش عاشت
_ ايه كاين واحد نحبو عليها منقدرش نكون معاك اسمحلي .وجات واقفة شدها من دراعها وهدر
_ باش هو خير مني اه .علاش تحبيه هو وماتحبينيش انا ولا حيت يتيم ومش من مستواكم معلوم انتو تحبو واحد يكون كيفكم عندو دراهم ونفوذ ماتحبوش لي خدام على روحو ويتقاتل على زمان( رغم انو تربا معاهم الا انو والد ماثيو رفض يديرو فرض من عائلتو وهو تقبل هاد الشي وماحب يدي حتى دورو من املاكهم بالعكس راح خدم على روحو ودوك راهو كاري دار صغيرة وبشويا بشويا رح يولي حتى هو بشركتو واسمو فسوق رجال الأعمال) انا كنت داير فبالي رح تقوليلي نصبر معاك حتى توصل وين باغي ولكن نتي بنت كبرتي عل الفشوش واكيد مراحش تقبلي بواحد بادي من زيرو معندو والو .شافت فيه بصدمة متوقعتش يقول عليها هاك هي حابة انو تبقى معاه ولو على الخبز والما ولكن متخطاتش حكاية الإغتصاب والخطف وأكيد اذا ولات معاه رح يتعذب معاها بزاف . جبدت يدها وراحت بلا ماترد عليه وخلاتو مهموم مع راسو