حب أو حرب

البارت 14

فجهة اخرى بعيدة تماما على ابطالنا . واقف فالبالكو لاوي عليه فوطة وفوطو اخرى يمسح بيها شعرو ويهدر فتلفون
_ واش درتو بديتو فالخطة ولا مزال
_ ليوم رح نبداو . رح نروح للقصر ونسيي نكسب ثقتهم مامبا شهر ويكون كلش عندك
_ ممم دوك نشوفو .اذا كان اي جديد خبرني . ها ومنحتاج حتى غلطة ماثيو شخص ذكي بزاف واي ثغرة يقدر يفضحنا ونروحو فيها
_ متخافش مخطط مليح هاد المرة وحاسب حساب لكع الاحتمالات. قطع الاتصال وسرح بعيد يخمم فانتقامو لي عامي عينيه على الحقيقة حتى حس بيها معنقاتو من لور لابسة شوميز تاعو بعدما قضاو ليلة حمرا دار عندها ودور يديه على خصرها
_ حبيبي ليوم رح نبداو ياك؟
_ ايه. نتي.رح تروحي لشركة وتتقربي  من ماثيو لازم تسكني فلقصر باش نقدرو نخدمو الاز .وانا رح نتكلف بختو 🤤
_ اوك فرات هيا انا نلبس ونروح عندو باي .باستو فشفايفو بخفة وراحت تتمايل وتعرض عليه منحناياتها

صبح صباح وياسمين فاقت ناشطة اول مرة رح تخدم وتكسب راتب بعرق جبينها حاسة روحها ولات حرة باباها كان ديما حابسها من كلش حتى من هواياتها مخلاهاش تديرهم .لبست غوب كحلة بالكمام سامبل جاتها على لاطاي راسمة منحنياتها وشعرها دارتو كود شوفال دارت شويا ماكياج وهبطت تفطر كانت زلة رغم بساطتها وسموريتها زادتها زين على زين . هو كان خارج من بيتو يركب فساعتو حتى تلاقاو فبداية دروج طلعو عينو شاف فيها انبهر بجمالها تمنى كون يقدر يخبيها وحتى واحد مايشوفها من غيرو . غير شاف الغوج لي فشفايفها تعصب ماعجبوش الحال الرجال كامل يشوفو فيها  ويسخنو عليها كيما راهو شاعل دوك .
_ نظن رانا رايحين لخدمة مش عرس مكاله هاد الحالة كامل😒 ولا رايحة تتمعشقيلي تم
_ صباح الخير😊 ليوم راني فرحانة وحتى حاجة ماتقدر تقلقني. اونبلوس اني سامبل مادرت والو  غي حبيت نبان انيقة ونلبس حاجة تليق بخدمة سكرتيرة. قدملها ومسح الغوج بصبعو بقوة حتى دفعاتو
_ واش راك دير اففف خسرتلي.كامل المايكاب وهبطت لتحت تفطر.اما هو مسح على وجهو وزير.على يدو يحاول يتحكم فتصرفاتو معاها كون يبقا.هك رح يفضح روحو قدامها.
راحو لشركة ووراتها السكرتيرة القديمة خدمتها وتعلمت بالخف .كانت قاعدة فلبيرو تاعها الي اونفاس لبيروه وبينهم غي زاج يعني يشوفها وتشوفو. شويا حتى سمعت وحدة دخلت عندو وبقات تعنق فيه وتبوس فشفايفو وهو مدار حتى رد فعل
_نهى واش راكي ديري هنا .افف بعدي مني هادي بلاصة الخدمة مش بلاصة تقحبين تاعك
_ ديزولي حبيبي مي توحشتك بزاف ومقدرتش نتحمل غيابك قلت نجي نشوفك
_ اممم ريحي .وعيط لياسو تجيبلهم قهوة.دقت لباب ودخلت لقات طفلة طويلة ورقيقة عندها جسم عارضات لابسة روبة قصيرة معرية من كل جهة عينيها زرق وشعرها صفر .قاعدة فالكرسي قدام ماثيو حاطة رجل على رجل متعمدة توريه واش راه مخبي😆حطت القهوة متقززة من البنت لي قدامها قريب معرية كامل ومصدومة فماثيو كان يحسابلها عاقل ورزين وهو يتبع فمتل هاد الأشكال
راحت لبيروها وتفكرت حاجة كانت ناسياها تماما .تفكرت نهار اكتشفت حقيقة باباها لقات ظرف مكتوب عليه اسم منصف عثماني وكانو فيه تصاور تاع رجل مع مرتو وولدو معرفتش شكون هداك وواش علاقتو بأبوها ولكن المراة لي كانت معاه تشبه لأمها بزاف.حكمت البيسي وبدات تبحت عليه فلول مالقات والو حتى دخلت لدارك ويب ( من الحوايج لي تعرفهم التهكير كان علمها واحد قرا معاها فليسي منبعد كي قعدت فدار زادت تعلمت اكتر) وشافت حوايج خلوها تتصدم كلما تطلعلها معلومة تزيد تتصدم كتر حتى تسنمت فبلاصتها كي شافت عقد الزواج...