حب أو حرب

البارت 10

ماثيو دخل للبيرو تاعو ودفع ياسمين بقوة مطيحها فلرض حتى تجرحت فيدها وبدات تنزف غلق لباب بالمفتاح ودار عندها وعينيه معمرين حقد.
_ كيفاااااااش تتجرأي وتبكي ختي ااااااه .شكون نتي باش ديري هاااااك اهدري🤬🤬🤬🤬🤬ولا كي دخلتك لداري حابة تديري فيها مولات الشي ق$#& كيفك تجي تبكيلي ختي ليوم رح نحيلك الجرأة هدي لي فيك ليوم.ياسمين كانت تبكي بهدوء مش قادرة تستوعب واش صرا كلش صرا فجأة هي هدرت عادي مع ايما علاش بكات شغل دارتلها حاجة كبيرة. حاولت ترفع روحها من الارض حتى عيطت من الألم بعدما عفسلها بسباطو على يدها لي تجرحت. بقات هكا وجها مقابل الارض وشعرها كامل طايح عليها عارفة انو كون تحاول تنوض رح يزيد يضربها . بقا مدة وهو يسب ويضرب فالحيط مش قادر يضربها لانها مرا ( هو اصلا راه ضربها😒الحقير) وماركو داير حالة مور الباب
_ ماثيو حل الباب .مااااث اهدى وماديرش حاجة تندم عليها حل الباب يا$#&# .قعد يضرب فالباب وماثيو ماحبش يحل تخمامو كامل فالعقاب لي رح يعاقبها بيه .فلحظة حتى كسر ماركوس الباب ودخل لقاها طايحة فلرض ويدها كلها معمرة دم وتبكي بلا صوت راح جيهتها بزربة عاونها توقف وخرجها من تم .ولكن مع وصل للباب حبسو ماثيو بهدرتو
_ اخر مرة تتدخل بيناتنا ونتي مزال ماكملتش معاك .شافت فيه من الفوق للتحت وتبسمت باستهزاء وخرجت بمساعدة ماركو اما هو زاد صعر كي شافها تتبسم معنتها راها ديرها زكارة تستغل فختو كيما تحب وهو يشوف وساكت.....

دخلها لبيتها وحطها فوق البونك جابلها الما تشرب وبومادة ديرها لي طراس تاع الكف فوجهها وراح يجيب طبيب يعالج لها يدها.
راح عند ايما لقاها راقدة وطبيب على راسها يتأمل فيها .جا عندو شنقو
_ واش راك دير نتا هنا اه؟؟؟ مش طلبت طبيبة واش جاب %$##$ هنا
_ مسيو ماركوس اهدا .جيت لأنو طبيبة عندها مناوبة دوك
_ واش حالتها دوك ؟؟؟
_ صرالها انهيار عصبي وطاحتلها لطونسيو وعكيتها مهدأ رح تنوض بعد ساعتين ولكن من الأفضل تبعدوها على المشاكل والضغط ونفضل تدوها عند بسيكولوغ
_ فففف شحال تكتر الهدرة .هايا معايا كاين مريضة اخرى😒.
راحو لعند ياسمين باش يداويلها الجرحة تخلع كي مالقاهاش فبلاصتها حوس فالبيت مكانش دق فباب الدوش .شافها متسندة على لافابو غسلت الجرحة وعقمتها وراهي تدور عليها الفاصما ومكاين حتى تعبير على وجهها حتى دموعها حبسو
_ راكي مليحة ؟؟؟ اني جبت طبيب خليه يشوف الجرح تاعك
_ ههه😏 بلا ماتلعبها خايف عليا اصلا نتوما الاغنياء قلوبكم حجر معلابالكمش بالناس تعفسو عليهم وكأنهم حشرات وتستغلوهم لمصلحتكم غي تخلاص حاجتكم بيهم ترموهم كيما الزبل
_ هايييي خلاص بلعي علينا مش سقسيت عليك عمبالك خفت عليك غير ايما وصاتني عليك اما انا وتموتي قدامي منيش سامع بيك يخي ق#&%#.وخرج صافق الباب موراه.اما هي غمضت عينيها بقوة هديك الكلمة قاستها بزاف قبيل قالها ماثيو ودوك ماركوس حاسبينها طامعة فدراهمهم معلابالهمش بلي عندها ثروة ضعف ثروتهم( مع الوقت تعرفو)
راحت تسيي ترقد شويا وتخمم وين حتروح غدوة لازم تخرج من هاد الدار .حتى ايما لي حسبتها ختها فدقيقة دارت عليها....
صبح الصباح .فاقت ايما بكري وراحت تحوس على ياسمين تعتاذر منها لأنو البارح ضربها ماثيو بسبابها هي والفشوش الزايد لي فيها غي قالتلها نروح منا دارت مندبة على والو. دخلت لبيت ياسمين مالقاتهاش فدوش مكايناش هبطت لتحت والو برا الجردة مكاينة فحتى بلاصة . تمتم بداو دموعها يطيحو( قلتلكم بكاية😒)
_ يعني خلاص راحت!😢😢😢 لا مستحيل مستحيل تروح وتخليني منحبش نبقا وحدي لا لا لااااااا قعدت تدور فبلاصتها وتعيط وترجف غي وحدها .ماثيو كان خارج لجردة شافها جا يجري عندها عنقها بالجهد وقعد يهدي فيها
_ ايما شششش اهداي اهدي حبيبتي .جبد شوي عليها وهو يشوف فحالتها لي تغيض .
_ احكيلي واشبيك شكون بكالي اميرتي اه؟
_ ماا😭😭😭ماثيو ياسمين اهئ اهئ اهئ اهئ. غي سمع سميتها تعصب وحب يقتلها ويعطيها الكلاب ياكلوها هو مزال ماعاقبها على البارح زادت ليوم .طلق من ختو متوجه للقصر عند ياسمين حالف ليوم نهايتها على يدو . ماحس غير بإيما معنقاتو من لور
_ خويا ياسو راحت وخلاتني😭😭😭😭 لبارح هي مادارتلي والو بليز ماتضربهاش بليييز😭😭😭 هي معندها حتى ذنب انا لي بديت نبكي ونتي ماحاولتش تفهم واش صرا .
دورها عندو ومسحلها دموعها
_ اششش اهدي وحكيلي واش صرا بتفصيل. كي حكاتلو على قرار ياسمين ندم بزاف كي ضربها هي مادارت والو غير ختو لي مقلشة بزاف و تبكي بلا سبة .مسح وجهو بيديه منرفز مش عارف واش يدير هو بالرغم من انو انسان قاسي ومايرحمش ولكن مايحبش الظلم وامو كانت توصيه مايظلم حتى واحد وعمرو يحط يدو على ولية
_ خويا رجعلي ياسو انا حبيتها بزاف بليز ماتخليهاش تروح بليز
_ خلاص دوك ترجع غير اسكتي شوفي كع عمرتيلي حوايجي بخناينك .امشي تغسلي وجهك ونتي وليتي كي زومبي😄😄. ضربتو على كتفو وشنفت كيما صغار
_ 🫤🫤🫤اني رايحة ...

بعد ساعتين ..
كان فطنوبيل مع ماركو يستنا فلي كارد يجيبولو خبرعليها وعلى بلاصتها ووالو تقول لرض انشقت وبلعتها
_ اففف وين راحت هدي ايما راح دير جنازة كون مانرجعهاش لدار ليوم
_ ايوا نتا درتها بيديك فكها بسنيك🤷
_ روح قود من قدامي بلاصة ماتعاوني قاعد تستفز ف#$$%$
_ هاني رايح المهم متنساش ليوم ماترجعش بلا ياسمين😄😄😄.وراح هارب لا تجي فيه كاش ضربة

عند ياسمين لي كانت تتمشى فالغابة لي حدا القصر هي صح خرجت منو ولكن مش عارفة وين تروح .من لي فاقت صباح بكري خرجت من الباب الخلفي تاع الغابة باش مايحسوش بيها لي كارد وهي مزالها تتمشى فالغابة عييات وحكمها الجوع والعطش ويدها توجع فيها ولكن مش حاب ترجع للقصر لي تهانت فيه مهما كان
_