حب أو حرب

البارت7

صبح الصباح فاقت ايما تتكسل وتحك فعينيها شافت حداها مالقاتش ياسمين  تخلعت وتمتم عمرو عينيها بدموع هبطت هاك حفيانة لتحت تجري مش مصدقة انها ولات وحيدة مرة اخرى .كان داخل وفيدو ساشيات فيهم حلويات واغراض لفطور تكوانسا كي شافها هابطة بهداك المنظر . شورت قصير مبين كامل فخادها وبيستي مزير طالع قريب صدرها يبان لانو كانت راقدة وهبطت هكاك وشعر طالع فسما ورجليها حفيانين.بلع ريقو بصعوبة وزير على يديه يتحكم فروحو بصعوبة مبغاش يغلط ويخلف بكلمتو لماثيو . هي غي شافتو جات تجري جيهتو حتى قريب طاحت فلرض كون مايدو شدتها من لور وقربها منو .هزت عينيها نعسانين فيه.كانو قراب بزاف لدرجة اذا هدر يقيس شفايفها بقاو هك ثواني يتأملو فبعض حتى قاطعهم دخول ماثيو
ماثيو: احم احم واش راه صاري هنا .طلق منها ماركو وجبد روحو بزربة وهي سقمت روحها وتخبات مور ماركو شادة فتريكوه كي دراري صغار كي يغلطو ويتخباو
ماثيو : ايما رواحي لعندي
ايما: خويا😩😩😩😩😩😩. انا مادرت والو والله
ماثيو : مانعاودش هدرتي
ماركو: (دورها قدامو ) روحي عندو مايديرلك والو اني معاك
ايما:راحت عند خوها ودموع فعينيها .ماث ياسمين راحت😩😩😩 ياك قلتلي رح تبقا معايا علاش راحت😭😭😭
ماثيو: (ساط بالجهد منيتها تبكي على وحدة عرفتها نهار برك) ماراحتش راهي فبيتي لفوق اطلعي وتأكدي اذا حبيتي
_ يعني ماراحتش😃
_ لا ماراحتش . همسلها فوذنها(ايا طيري بدلي هاد شراوط واخر مرة تلبسي هاك متنسايش راكي كبيرة دوك وكاين لي كارد فكل بلاصة وماركوس تاني مانحب حتى واحد يشوف فيك بطريقة مش مليحة ) ومنبعد باسها فخدها وطلع يدوش لأنو كان يجري . فات من حدا مارك وقحرلو بمعنى منبعد نهدرو
عند ياسمين
فاقت تتململ فبلاصتها وتلم فشعرها لي رجع كيرلي لانو مانشفاتوش لبارح .غير وعات مع روحها تصدمت كي شافت روحها لابسة شوميز تاع رجال وملابسة والو تحت . كامل سيناريوهات جاوها فهديك لحظة .شكون بدلها حوايجا واش ممكن تكون فوتت ليلة مع واحد. ولا اغتصبها وهي مفاقتش.....
بقات حالة عينيها بلا ماترمش وهي تحاول تتفكر واش صرا لبارح .حتى هجمت عليها ايما وراحت عنقتها بالجهد قريب خنقتها
_ ماتتخيليش شحال تخلعت كي مالقيتكش فبيتي حسبتك رحتي وخليتيني. وهي غير ساكتة مش قادرة تتستوعب واش راهو يصرا معاها
_ ياسو ياسو( هزتها فكتفها حتى فاقت من سهوتها) اه صباح الخير حبيبتي
_ ماتقوليليش سبقتو الدخلة من درك يعني قريب رح نولي عمة اه😅😅😅😅.ضربتها بالمخدة عل الوجه
دخل ماثيو وسمع واش قالت اختو وتبسم بخفة محاها تمتم ورجع سيريو
_ ايما طيري لبيتك
_ ولكن اخويا انا
_ايماااااا. خرجت بزربة خايفة لا يتعصب خوها ويتقلب عليها .غلق الباب بهدوء وتقدم ناحيتها وهي وقفت وقربتلو بزربة وبدات تهدر بعصبية
_ نقدر نعرف واش راني ندير فبيتك وكيفاش لابسة حوايجك شكون بدللي وواش صرالي بليز فهمني ماراني فاهمة والو. قعد يشوف فيها وساكت باينة عليها مش من داك نوع تاع لبنات لي يرميو عليهم روحو ولكن بغا يرجعلها ضربة تاع البارح كي عيطت عليه قدام ناس كامل فسبيطار.
_ فوتنا ليلة شابة بزاف كنتي هايلة لبارح وغمزها وراح متوجه لدوش
_ كييفاااااش😭😭😭😭😭 لا لااااااا مستحيل مستحيل وراحت جيهتو تضربو على ضهرو بيديها وهي مهدودة
_ علاش درت هاك علاش فواش غلطت معاك انا علاش ضيعتلي مستقبلي هئ هئ هئ😭😭😭😭😭😭
_ شوفي بلا ماتلعبيها عليا شريفة عفيفة اصلا ملقيتكش فيارج  جيتي برجليك لعندي دوك تروحي لبيتك ومانزيدش نشوفك قريبة مرة اخرى اوك ايا طيري وراح يدوش مخليها تغلي ودموعها ويدان خرجت من بيتو لعند ايما دخلت عندها بلا ماتهدر ودات حوايجها لي جات بيهم البارح وغسلتهم ديجا دخلت دوشت ولبستهم وخرجت عند ايما وجهها شاحب وعينيها منفوخين وحمر بالبكا
قعدت على طرف السرير. ايما عنقتها بجنب حاسة بيها لأنو حتى هي عاشت نفس الاحساس .
_ واش صرا حبيبتي فهميني. واش خويا تت عدى عليك؟؟؟؟؟. سكتت ياسو تخمم بعيد حاولت تتفكر واش صرا ولكن بدون جدوى حتى لمحت الفاصما فيدها مبدلة  وبدات تسترجع لحظات من الامس كيفاش دوشلها وبدللها حوايجها ولكن مش متذكرة انو دارو حاحة اخرى . عقلها تشوش
_ ايما نروح لتولات دقيقة ونرجع اوك
_ اوك خودي راحتك .ياخي راكي مليحة؟؟؟؟ ماتخلعينيش عليك
_راني مليحة دوك نرجع اوك.وراحت لدوش غلقت لباب وغسلت وجهها بالما البارد تأكدت من روحها عرفت انو ماقاسهاش دارها غير خطة باش يهدها .شافت فالمرايا بصقة وهي متحلفة تندمو على الحالة لي وصلتها بسبابو بالرغم انو هو تهلا فيها حتى هبطتلها سخانة ولكن هدرتو جرحتها بزاف.خرجت عند ايما بابتسامة على وجهها
_ مانفطروش اني جيعانة؟ ايما فرحت كي شافتها  ولات لابتسامتها
_ هيا نهبطو😃 شدو فيد بعض وهبطو وياسمين تتوعد لماثيو بانتقام شديد