حب أو حرب

البارت 16

. بقاو مدة وهوما ساكتين يتسمع غير اصوات انفاسهم.حتى شاف فيهاماثيو ودورلها وجهها بيدو وابهامويحركو على شفايفها بالعقل وهدر بلا مايحس
_ جمالك فتنة❤️
طلعت عينيها وركزتهم مع عينيه وهو قرّب لشفايفها حاب يذوقهم. غي حط شواربو على شواربها وباسها بخفة جبد روحو شوي شاف فيها لقاها مغمضة عينيها زاد قرب وتعمق فالبوسة اكتر بدا يمص فكل شفة وحدها وهي حاطة يدها على صدرو.دخل لسانو ففمها وقعد يستبن فريقها وهو ماواعيش على روحو غي ذاق شفايفها غرق فيهم وكأنو جامي باس طفلة .قعدو مدة وهوما هاك فعالمهم الخاص حتى حس بيها تدفع فيه  باش تتنفس بعد وحط جبهتو على جبهتها وهوما يلهتو يحاولو يسترجعو انفاسهم .حتى جبد عليها فجأة هز سباطو وخرج صافق لباب موراه حتى تفجعت من تغيرو المفاجئ غي دوك كان رومانسي معاها ويبوس فيها حطت يدها على شفايفها تتحسسهم وتتفكر البوسة تاعو .كانت اول بوسة ليها طيرتها لسما.بقات دقايق تخمم حتى غفات
عند ماثيو
كان واقف فالبالكو بعدما خرج من دوش لابس غير سروال تاع سورفات وعريان من لفوق يكمي فقارو ويخمم فمشاعرو المضظربة هاد الفترة مش قادر يتحكم فروحو كي تكون قدامو والبوسة هديك شعلت نار داخلو من جيهة باغيها ومن جيهة اخرى مش حاب يفتح قلبو ويحب لأنو الحب فنظرو نقطة ضعف يقدرو اعدائو يستغلوه بيها.عليها فاتو سنين وهو غالق قلبو داير لبنات غير لتلبية شهواتو عمرو خمم يعشق ويحب ولكن ياسمين مختلفة هي اول وحدة تحداتو ومخافتش منو كيما كع ناس بكلمة منو يهابو وينفذو اوامرو بدون نقاش قعد واقف ويخمم حتى جاه نعاس ودخل لبيتو يرقد ويخليها على الأيام هي تحكم

صبح صباح وفاقت ياسمين بكري دوشت ولبست وهبطت للكوزينة خدات قرعة ما وتوجهت للاصال دو سبور لي كاينة فالقصر .لقات كيس البوكس توجهت ناحيتو وبدات تضرب فيه بكل قوتها تحاول تفرغ كل الطاقة السلبية ديما كانت تلجأ للكاراتي باش تصفي دماغها وتخمم مليح ودوك حاولت تجرب البوكس .10 دقايق فاتت عليها وهي تضرب بدون توقف تتفكر باباها لي كانت دايراتو مثلها الأعلى انسان ناجح فحياتو ومأسس شركتو الصغيرة تاع الأحذية وفلخر تكتشف حقيقتو المخبية سفاح مجرم يعني كان معيشهم بدراهم الحرام .وامها لي كانت ملاكها الحارس الكتف لي كانت تتوسدو كلما ضايقوها فالمدرسة طلعت حتى هي مش ساهلة؟؟؟ حبست وقعدت فلرض تسترجع انفاسها منبعد راحت لبيتها تدوش. اما ماثيو حتى هو راح للجري كيما عادتو ورجع دوش ولبس كوستيم تاعو وهبط لتحت لقا طابلة الفطور واجدة هز قهوة وقعد يرشف منها حتى جاتو الحدامة
_ سيدي كاين واحد بغا يشوفك
_شكون هدا
_قال اسمو هيتم
_صبحنا على الله فففف اوك دخليه.قبل مايكمل هدرتو دخل هيثم شاب فأواخر العشرين طويل وسمر ملامحو حادة ويدير نواضر يخدم بسيكولوغ وعندو اسهم فشركة باباه ولكن محتكر عليها ماثيو لأنو هو كون خدم معاهم رح تفلس الشركة كل دراهم تروح فالنسا والشراب
_ اووو ماثيو! مش عيب عليك خاصني استأذان باش ندخل لدار عمي
_نبغي داري تبقى نظيفة مش يدخللها كل من هب ودب كي لكوري (قصف فالجبهة😅) تعصب منو مي ماحبش يبين لازم يكسبو باش يقدر يحقق واش بغا
_ اهيه واش راك صفا واش راهو عمي منذر خالتي صوفيا وين راهم ماشفتهمش؟
_ لاباس عليهم راهم مسافرين .ونتا علاش جيت؟🤨
_ جيت نطل عليكم ولا ممنوع؟ متخافش نبقا غي يامات ونروح .مي مجاتش تخليني فلوتيل ياك! ملا جبت حوايجي وقلت نبقا هنا معاكم اصلا القصر كبييير مش رح يأثر اذا زاد عليكم فرد
_شحال تهدر يالطيف فففف. بقاو هك يهدرو تشوفهم تقول أعداء ولكن هيثم صديق ماثيو رغم انو ماثيو حاط حواجز بيناتهم ولكن بيناتهم عشرة سنين.ياسمين كانت هابطة من دروج لابسة كسوة كحلة مبينة تفاصيلها ومايكاب ترابي  مناسب للكسوة جات تفتق.شافها هيثم بدا يصفر بإعجاب
_ واااو واش هاذ الزين! صاحبي خسارة عليك علاش ماقلتليش عندكم ببومبة فدار كون جيت هدا شحال .ماثيو رما عليه موس قريب قسملو وجهو كون مابعد وجهو .ماعجبوش الحال وهو يتغزل فيها .لحقت عندهم سلمت وجات تريح جا عندها هيثم مد يدو
_ سلام انا هيثم .صافحتو وابتسامة خفيفة على وجهها جات تجبد يدها هزها لفمو وبوسها (زعما جنتلمان😮‍💨)
_ متشرفين انا ياسمين.وريحت فبلاصتها وعينيها يدور فكل بلاصة ابار ماثيو مقدرتش تشوف فيه بعد بوسة لبارح هبطت ايما حتى هي بأناقتها وابتسامة على وجهها
_ صباح الخير عليكم . باست ياسو فخدها وباست خوها وقعدت بعدما رحبت بهيثم لي عينيه مفيكسين على ياسمين .هدر ماثيو بحدة
_ هييييثم كول😐. هداوين فاق على روحو وهبط راسو ياكل وهو يخمم فالخطوة الجاية .ياسمين هزت راسها وهدرت
_ نقدر ناخذ ليوم عطلة اذا ممكن؟ شاف فيها بتفحص
_ ماكملتيش شهر من لي بديتي بغيتي كونجي ؟؟
_ مش كونجي غير زوج سوايع ونرجع🥺 شافت فيه بنظرة القطة لي تذوبو
_ اوك تطولي اكتر ينقص من راتب تاعك
_ شكرا مرحش نطول . ودارت لإيما توشولها فوذنها
_ وينو ماركوس مهوش يبان تدابزتو؟ هبطت ايما راسها بحزن
_ كملنا قبل حتى مانبداو😔
_ وعلاش؟؟؟؟. قاطعهم ماثيو
_ واش راكم توشوشو بيناتكم؟.اومأت ليها باش يكملو هدرتهم فليل 
_ والو اخويا غي سولتني على حاجة
_امم هيا نوصلك لفاك هيثم راك فدارك
_ مغسي اصاح
خرجو هو وختو وماعبرش كامل ياسمين وكأنو مش موجودة كانت متوقعة تعامل اخر بعد لي صرا لبارح ولكن مالقات غير البرود من جيهتو تأفافت وجات خارجة قاطعها هيثم
_ هيا نوصلك اذا تحبي؟
_ لالا شكرا حابة نتمشى شوي.خرجت وخلاتو يسكاني فيها من لور منبعد راح حتى هو يجيب حوايجو من لوتيل