دخل باباها لدار وهو يعيط عليها باش تحطلو الغذا
راحت بالزربة حطتلو ياكل وستناتو حتى كمل ماكلتو وخرج راجع لخدمتو . ورجعت طلعت لبيتها لبست طلابة وفولار وخرجت .متوجهة للاصال وين تتدرب عل الكاراتي .أكيد بالتخبية على الأب تاعها لأنو مستحيل يخليها دير حاجة برا البيت .تحت غطاء انو يحمي فيها
دخلت لاصال ولقات الكوتش يدرب فالغاشي .سلمت وراحت بدلت حوايجها لملابس رياضية مستورة طبعا .لأنو لاطاي تاعها تفتق وتجيبلها بزاف مضايقات عليها قررت تخبي لي تقدر عليه. شافها الكوتش سامي وبقا يتأمل فيها زينها غريب سموريتها وحروفها العربية وخزرتها الجدية بالرغم انها انسانة مرحة وطفولية ولكن تبقى شوفتها سيريو مع الناس لي ماتعرفهمش. باش مايتجاوزوش حدودهم معاها.
قعدت 3 سوايع فالاصال ولبست عليها وخرجت مهبطة راسها فلرض تخمم واش تدير باش تقنع باباها يخليها تقرا شي حاجة تنفعها.
دخلت لدار وبدلت عليها طيبت العشا وقعدت تستنا باباها يدخل
بعدما تعشاو طلع ديراكت لبيتو وهي تبعاتو بلا مايحس بيها وقعدت تراقبو من تقبة تاع الباب لحظات حتى توجه للحيط هداك . حيد الرسمة منبعد حيد ورق الحائط واذا بيه يضهر باب كان مخفي فشنبرة فتحو ودخل وبلع الباب موراه
رجعت ياسمين لبيتها وهي تخمم كيفاش محستش بالباب وهي ديما تدخل للبيت تاع والديها واش يكون مخبي عليها متلا.باين سر كبير مابغاهاش تعرفو .واكن واشمن سر يكون عند واحد يخدم فشركة احذية؟؟
أنت تقرأ
حب أو حرب
Misterio / Suspensoفرايكم يقدر الحب يفوز على الحرب فهاد القصة رح تشوفو مزيج منهم الاثنين نتمنى تعجبكم روايتي الأولى
