حب أو حرب

البارت38

واقفة فالحمام تحاول ترد النفس متسندة بيديها على لافابو باش ماتطيحش دوخة لاعبة بيها . اي حاجة تاكلها تردها .جا موراها لم شعرها بيدو وبدا يغسل فوجهها هز فوطة مسحلها وجها وخرجها متسندة عليه حطها فوق البونك وخرج .
هدا حالها من شهرين حابسينها فبيت مافيه والو من غير سرير وتوالات ودوش فجنبو  . صح ماعذبوهاش ولكن حابسينها ماتخرج ماتدخل يجيبولها الماكلة ويغلقو الباب غير هو مرة مرة يجي يزورها ويجيبلها شي حاجة تلبسها ولا اذا تشهات شي حاجة يجيبهالها. تكات على ضهرها والابتسامة على وجهها . عارفة انهم يستحقوها سينو كانو قتلوها هدا شحال
شويا ودخل بكوستيم تاعو يعكز برجلو لي مضروبة ولاوي عليها فاصمة
شافتو ضحكت من قلبها من بعد جمعت ضحكتها وسقمت قعدتها مربعة رجليها قدامها وتلعب بخصلات شعرها وهدرت باستهزاء
_ شفتك وليت تقدر تتمشى ههههه
كتم غضبو هدر ببرود وملل
_ مزال مابغيتيش تعترفي ؟
شافت فيه من الفوق للتحت بنظرة تقزز
_ لي عندي قلتو
_ ممم اوك .طوال زمان ولا قصار رح تقولي وينها . اصلا اني نخمم كي تولدي ندي داك الولد ونبيعو رح يجيبلي دراهم كحلة ووقتها نشوفو اذا تبقاي مقسحة داك راس
تخلعت كي جبدلها ولدها هو الحاجة الوحيدة لي عايشة على جالها . ولكن مستحيل تخليه يشوف خوفها لأنو اذا عرف نقطة ضعفها رح يستغلها ضدها. هدرت بابتسامة ساخرة
_دير فيا مزيا اصلا جا غير غلطة معندي ماندير بيه .مممم وعندي فكرة افضل .علاش ماتحطش انونس  بلي هذا ولد ماثيو###. رح يبيع لي قدامو ولي وراه باش يدي ولدو ونتا تترفح شكون كيفك( غمزاتو)
ابتسم وعينيه لمعو .فكرتها رح تخليه يدخل دراهم كبيرة
_ على الفكرة الزينة لي عطيتيني حتى انا جيت نخبرك خبر زين
عقدت حواجبها باستغراب
_ ليوم عرس ماثيو .وورالها فيديو تاع ماثيو ونهى قدام طاولة عقد القران . ابتسمت بدون مبالاة .وشداتومن الكول تاعو مقرباه عندها
_ واش دخلني انا جايبلي خبار تافهة يتزوج ولا يدبر راسو واش ضاعلي فيه تفووو
تصدم من ردة فعلها كان متوقعها تبكي وتعيط ويشوفها مكسورة لكن بينتلو انها امراة لا تقهر
خرج منارفي ماعاجبو حال مابغاتش تعترف بمكان سمرا فلول كان مقرر يعذبها كي لقاها حاملة مقدرش يقيسها فالأخير الدم عمرو يولي ما وهدا حفيدو لي فكرشها مايقدرش يآذيه
لقا هيتم مكسل فوق الفوتاي طالق لاطاي ويبخشش فتلفونو عيط لو
_ هييي نتا روح اديها عند الطبيب منبعد خليها تروح
_😯 نخليها تروح منيتك
_ رح نراقبوها من بعيد يمكن نلقاو كاش دليل تخليه موراها....

غي خرج منذر دخلت لدوش وبدات تبكي بحرقة  غاضتها عمرها يعني ماهتمش لغيابها تمتم قرر يبدا حياتو مع وحدة اخرى ومع شكون مع الي كانت سبب فكل لي صاريلها .غي سمعت لباب تحل مسحت دموعها بالخف غسلت وجهها وخرجت بابتسامتها المعهودة . ديما تبتسم ماتخلي حتى واحد  يهدها .يمكن تكون اكتر انسانة ضعيفة فالكون ولكن تبين قناع القوة   . شاف فيها وبادلها الابتسامة قرب عندها باسها على شعرها وشد فيدها مخرجها سولاتو باستغراب
_ وين رايحين ؟؟؟؟
جاوب بلا مايدور عندها
_ نطمنو على البيبي
توترت وبدا جبينها يعرق . نهار جابوها ولقاتو معاهم حاولت تقنعو انو هي حامل بولدو بسبب هديك ليلة لي رقدت معاه وهو صدق بعدما جابو طبيبة فحصتها وأكدتلهم هدرتها ولكن هي قنعت طبيبة تقولهم عندها شهر فقط يعني نقصت 15 يوم باش مايشكش فيها ودوك اذا راحت لطبيبة رح تتفضح وكلش يتضرب فزيرو
ركبها فطنوبيل وراح جيهة شيفور .وهي دور فعينيها تحاول تحفظ المكان ووين جاي .فاق بيها ورد بهدوء
_ مرحش نرجعو لهاد لبلاصة
غمضت عينيها بقوة تحاول تتحكم فغضبها شهرين وهوما حابسينها هنا وماقدرت دير والو ودوك رح يبدلو لها البلاصة تأففت بضجر
_ فففف هيثم ( شافت فيه بعيون القطة)
رد عليها وعينيه على الطريق
_واشنو؟
_ باغية نبول .شاف فيها وقلب عينيه عارف انها ذكية وتقدر تهربلو ولكن هوما اصلا رح يخلوها تروح ملا مرحش يلقا مشكل مع البوص . حبس حدا قهوة وخلاها تخرج
راحت بلا ما تتلفت لو جات تدخل للقهوة لي كانت الواجهة تاعها زجاجبة شافت خيالو فزاج يهدر فتلفون ويراقبها . ابتسمت بمكر عارفة انهم رح يطلقوها ويعسوها من بعيد بالاك تغلط وتخلي موراها دليل يوصلهم لسمرا . دخلت لتوالات طولت لداخل بلعاني باش يشك فيها .منبعد خرجت  لعندو وركبت بسكات .وهو شير بيدو لواحد كان مزراه باش يروح يعرف واش كانت دير لداخل .
وصلو لسبيطار حطها عند الجينيكولوغ وخرج 
قعدت فالكرسي المقابل لطبيبة تشوف فيها من راسها لرجليها حتى توسوست طبيبة منها  . حتى تغاشات وطاحت فلرض .غي شافتها طبيبة تخلعت وراحت تضرب فوجهها باش تفيق مي هي لارد خرجت عند الفراملة يجيبولها ابرة تفيقها( خاطيني طب نخلط برك😄) غير خرجت هي دات تلفونها وبدات تخربش فيه حطاتو كي سمعت الحس قرب وكملت دوخة تاعها😆😆 دخلت طبيبة راحت عندها بدات تفيق فيها بضربات خفاف على خدها حتى بدات تفيق وتحل عينيها بالعقل خرجت الفرملية وخلاتهم وحدهم
_ كيفاش راكي تحسي دوكا؟
_(تكسلت فالكرسي حاطة رجل فوق رجل وتشوف فيها بثقة وهدرت ببرود يخلع)اني مليحة .واش راهو ايمن
_( استغربت من سؤالها ) شكون ايمن
_ ولدك😏
تعصبت وهدرت بحدة
_ مدام هدي بلاصة الخدمة
قاطعتها بصوت حاد وعينيها يطلقو نار
_ يا ديري واش نقولك يا ليوم تحضري جنازتو
تؤ تؤ مزالز صغير مسكين مي الله غالب جا فطريقي
_( شافت فيها بعيون مدمعين ) واش تسحقي مني
_( ابتسمت) دوك بدينا نتفاهمو .مممم رح تقولي له الحمل تاعي خارج الرحم ولازم نديرو اجهاض سينو نموت انا والبيبي
_ ولكن نتي
_ افففف تديريها ولا ايمن باي باي 😡
_ اوك اوك رح ندير واش تقوليلي ولكن ماتقيسيش ولدي الله يخليك🥺
ضربت على طابلة بقوة حتى تزعزعت طبيبة من بلاصتها
_ بالاك تغلطي ولا تبداي دخلي وتخرجي فلهدرة يشك غي شويا لا نتي لا ولدك رح تبقاو فهاد دنيا مفهوم
جات تهدر حتى شافو هيثم داخل .شافت فيه بحزن وقفت عنقاتو وبدات دمع عليه ( غير تمثيل بيانسور)
_ هيثو 😭😭😭😭😭😭😭😭😭)هك تعيطلو دعما تدلعو 🤣)
تخلع كي شافها هك شاف فطبيبة بمعنى واش كاين
اومأتلو بيدها باش يقعد . قعد فالكرسي وهي قعدت فحضنو  خاشية راسها فصدرو وتبكي(لا حيا لا حشما😒)
_ مسيو المدام تاعك لازمها دير اجهاض لأنو الحمل تاعها خارج الرحم واذا طولنا أكتر منقدروش نطيحوه .
_ واذا ماطيحناهش ؟
_ رح تكون فخطر اصلا اذا لحقت ل 4 شهر رح تموت هي والبيبي عليها لازم نستعجلو بالإجهاض
شاف فياسمين بحزن حاب يبكي . كان فرحان بزاف انو رح يولي اب رغم انو مايحبهاش ولكن كان معاها لأنو حاملة بولدو( مش ولدك غي تهنى😒) شاف فياسمين لي مخشية فيه وتبكي بالشهقة  هز راسها بيدو مسحلهت دموعها وهدر بحزن
_ خلاص ماتبكيش .معندناش حل اخر
_( ردت بصوت باكي يحرق القلب) ولكن هدا ولدنا ومزالو صغير مانسخاش نقتلو
_ مي حياتك راهي فخطر اذا خليتيه
هزت كتافها باهمال
_ عادي المهم نجيبلك ولد .اذا مت بعدها مايهمش
_ رفع راسو لسقف يحبس فدموعو تنهد تنهيدة طويلة وشاف فطبيبة وهدر بجدية
_ خلاص رح تدير الإجهاض وجدو كلش. اومأتلو بإيجاب وخرجت. وهو دفع ياسمين نوضها من فوقو وهدر وهو خارج
_ ارتاحي شويا بينما جا وقت العملية .
غير غلق الباب ابتسمت براحة مسحت دموعها وراحت جبدت الشال تاع طبيبة لي غطات بيه كاميرة المراقبة. قعدت فلرض تبكي تكمل فتمثيلها