حب أو حرب

البارت17

تتمشى فطريق وتسب فيه
غي لبارح يبوس ويعاود وليوم .اا واش ديري بالكونجي ماعندكش شهر ملي خدمتي وحبيتي كونجي نننن كي داير تقول حطوله مادرية فبلاصة قلبه افففف.منبعد حمارو عينيها كي تفكرت حقيقة عائلتها متأكدة ليوم رح تسمع حقائق صادمة شدت طاكسي متوجهة لشركة منذر الساعدي لبارح بعتتلهم ايميل على اساس انها شركة ملابس نسائية وحابين يديرو صفقة معاهم كانت عارفة انو لو راحت غي هاك مرحش يخلوها تشوفو فدارت هاد الحركة .لحقت لشركة ودخلت بكل ثقة وقاتلها لفضول مش قادرة تصبر حتى تعرف واش يجمع هاد منذر مع امهاااا!!!
دخلت للإستقبال وقالت انها من الشركة لي بعتتلهم لبارح خلاوها تدخل تنهدت وخدات نفس عميق ودخلت لقات رجل فالخمسينات من عمرو ولكن مزال شاد فروحو قاعد يتفحص فلملفات قاللها تفضلي بلا مايرفع عينيه فيها .اما هي بقات واقفة تتفكر وين شافتو وجهو مش غريب عليها.كي ماشافهاش قعدت رفع راسو وتصدم كي شافها تحلو عينيه صفاحي وحكم قلبو يتوجع يحاول ياخذ نفسو هي غي شافتو هاك تخلعت وراحت تجري تعيط على لي يعاونها عيطت عليهم باش يجيبو الاسعاف وقربت عندو مترددة
_ سيدي واشبيك ؟ راك مليح ؟ارواح تريح .حلتلو الكرافات وجابتلو كاس تاع ما جات تشربو شدلها يدها وبقا يشوف فيها وكأنو يتأكد اذا هي ولا نو حتى نطق بصعوبة
_ قمر؟ مزالك حية ؟؟.مجات تستوعب واش قال حتى دخلت سكريتيرتو ومعاها طبيب الشركة دفعها بعيد وراح يفحصو بقات هك فلرض عينيها محلولين على وسعهم.شكون قمر ؟ واش هي اسمها هاك ولا تشابهتلو مع شي وحدة بقات مدة وهي هاك حتى سمعاتو هدر معاها بعدما ارتاح شوي
_ قربي عندي . راحت عندو وقعدت حداه فالفوتاي حط يدو على شعرها وغمض عينيه مش مصدق انها قدامو بعد 15 سنة مزالو حافظها لدرجة غي شافها عرفها نظرتها ماتبدلتش وملامحها بقاو كيما كانو غير كبرت وولات مراة تنهد ومشا بالو بعيد للنهار المشؤوم لي عمرو ينساه
_ انا جيت عندك لأنو عندي بزاف اسئلة وحابة نعرف الأجوبة عليهم
_ رح نحكيلك كلش غي خليني نشبع من شوفتك اه يا سمرا رواحي تشوفي بنتك كي ولات ( سمرا ام ياسمين) تشبهلك فكلش 😢وبداو يطيحو دموعو بلا مايحس
_ سيدي انا معنديش وقت بزاف بليز احكيلي واش تعرف على امي وكيفاش حكاية عقد زواج تاعك معاها
_ قبل 28 سنة كنت انا وسليمان صحاب قراب حتى حاجة ماتفرقنا ناكلو مع بعض نسهرو مع بعض كلش نديروه كيفكيف بحكم كنا ساكنين فالإقامة الجامعية فشنبرة وحدة كان يتضرب بينا المثل فالصداقة .حتى جا نهار وتلاقيت بسمرا كانت آية في الجمال متلك تماما كانت جاية جديدة ومتعرف حتى واحد فلبلاد وانا لقيتها فرصة نتقرب منها تعرفنا على بعض وبحكم كنا نقراو مع بعض كنا كل يوم نتشاوفو حتى وليت نحبها بجنون وكنت ديما نحكي لسليمان عليها حتى ولا يحبها بلا مانحس بيه.ونهار قلتلو رح نطلب يدها تقلق وكان يدير اي سبة باش يلهيني عليها ولكن بقيت مصر على قراري طلبتها لزواج ووافقت وانا مخبرتوش لأنو حسيت بيه باغيها واذا عرف يزعف مني ونخسر صداقتنا اقنعتها نتزوجو بالسر اصلا هيا كانت هاربة من دارهم لأنهم مخلاوهاش تقرا وبغاو يزوجوها بالسيف لواحد كبير عليها فوافقت بسهولة وتزوجنا مي ماخبرنا حتى واحد بقينا هاك عام وحنا نخبيو فعلاقتنا حتى جا نهار وشافنا منصف هدا كان صاحب سليمان ولكن انا مكنتش نرتاحلو لأنو غي تاع شراب ونسا وخرجات . راح خبرو بلي رانا مع بعض هنا سليمان جن جنونو وتقلق وقرر ينتاقم ويخطط يفرقنا بقا يتعامل معايا عادي وكأنو معلابالو بوالو حتى لنهار لي خرجت فيه سمرا تقضي وانا كنت فدار كي دخلت لقاتني .(هبط راسو حشم يقولها)
_ كمل . لقاتني نخونها على فراشها ومع صاحبتها لي كانت تعرفت عليها مؤخرا .صدقيني انا ماخدعتهاش معرفتش كيفاش صرالي حتى رقدت كي فقت لقيتها حدايا (عصر على يديه بغضب وكمل) اكيد سليمان دارلي حاجة فالعصير لأنو عيطلي وتلاقينا فالقهوة لي حدا دار منبعد كي وليت ماحسيت بوالو
كي شافتنا سمرا قررت تتطلق مني رغم كل محاولاتي باش نصلح علاقتنا ولكن بلا فايدة والمشكل الكبير انو يومها كانت جاية تقوللي انها حاملة بثمرة حبنا وانا خذلتها😔. حاولت نقنعها تبقا معايا حتى تولد وندبرلها مسكن وهدا لي صرا نهار لي ولدت قررت تروح حتى انو مخلاتنيش نشوف ولدي راحت عند سليمان وبقات فدارو وانا قلبت عليها دنيا ومالقيتهاش لأنو كان يتعامل معايا وكأنو معلابالوش بزواجنا كنت ايام وليالي نبكي على كتفو متوحشها وهو خلاني هك نتعذب بفراقها فاتت 4 شهر حتى وين عرضت عليه نسهرو ليلتها شرب بزاف وبدا يهترف باسمها هداوين عرفت انو هو عارف مكانها بقيت ايام ونا نتبع فيه حتى عرفت بلاصتها خليتو حتى خرج من دار ورحتلها الحقير كان حابسها فدار هي وولدي ومهددها كون تهرب يأخذ منها ولدنا مجد ويقتلني وهي خافت منو وبقات محبوسة .تلاقينا من جديد وفرحت بزاف كي شافتني لأنو عرفت انو سليمان هو مور حكاية الخيانة واني بريء وعدتها انو نرجع ونديها من تم وهذا لي صار بعد سمانة من تخطيط قدرت نهربها هي وولدي ورحنا لبلاد اخرى سكننا فيها وبعد 4 سنين حملت بيك كانت فرحتنا لا توصف ولكن مدامتش بزاف لأنو كي درتي 4 ومجد كان عندو 8 سنين لقانا سليمان وقتها انا كنت فالخدمة كي جيت لدار لقيتو شاد مجد وحاط فردي على راسو ونتي متكمشة مور امك ومنصف موجه ليكم سلاح .تربطت ومالقيت حتى حل خيرني مابين تعيشو معاه ولا يقتلكم 😔 وانا اخترت حياتكم ولو تكونو بعاد عليا . قاطعهم صوت تلفونها يصوني شافت المتصل ماثيو قطعت عليه وطفات تلفون
_ ايه كمل واش صرا منبعد نتا وين رحت بعدها؟
بعدها انا بعدت عليكم باش مايقتلكمش وكل مرة كنت نحاول نقرب ليكم كان يآذي واحد فيكم لدرجة واحد المرة جيت نشوفكم رماك فلابيسين قريب غرقتي وانا مالقيتش كيفاش ننقذكم منو كنت وحدي معندي دراهم معندي قوة باش نغلبو فالمقابل هو كان واقف معاه منصف لي دعمو فكل خطوة كان يديرها باش يحطمني.بعدها بعام كنت لقيت خدمة وقررت نجي نديكم وتعيشو معايا ولكن صرا العكس هو كان دايرلي فخ وتضربت برصاص ودخلت كومة لمدة 9 أشهر وسمرا في بالها بلي تخليت عليكم . كي رجعتلها لقيتها حاملة منو كنت متأكد انو اغتصبها لأنو مستحيل تخونني ولكن هي أكدتلي العكس قالتلي انها ولات تحبو وهو متهلي فيها وفولادها وترجاتني نبعد عليهم ونخليهم يعيشو مهنيين ولي زادت جرحتني أكتر قالتلي انكم مش من صلبي وانتو ولادو هو وكانت تخوني معاه طول فترة زواجنا .وقتها تعصبت ضربت كسرت درت كلش مي مابردتش الغصة لي فقلبي حتى لنهار لي رحت لدارهم لقيتها ولدت طفل .قاطعاتو بعصبية
_ يعني انت لي قتلتهم؟😟😠😠
_خليني نكمل يا بنتي
_ اشش منيش بنتك كون جينا عزاز عليك كون ماخليتناش لهداك المريض وكون ماقتلتش المرا لي حباتك وصبرت عليك وهداك البيبي واش دارلك علاش تقتلو اه😠😠
_ بنتي انا...
_ خلاص اسكت منيش حابة نزيد نسمعك مزال .هزت صاكها وخرجت معصبة راحت لبحر وبقات تبكي حتى طاح عليها ليل تماك ماحستش كامل بلوقت قعدت تتفكر هدرتو وأنبها ضميرها لأنها ضلمت امها وهي لي تعذبت عليهم بزاف.....