على طاولة القران كان ماثيو متوتر كل مرة يوسع فالكرافات تاعو مش عاجبو هاد زواج نهائيا قلبو ملك لياسمين كيفاش رح يعيش مع وحدة ثانية . سمع المأذون يسقسيه على قرارو. بقا ساكت مدة طويلة حتى بداو ناس يوشوشو مابينهم ونهى بدات تخاف .
شويا حتى سمعو موافقتو الكل ابتسم باريحية الا هو غير وقع على ورقة زواج خرج من البلاصة زربان .تخنق فهاديك الأجواء كيفاش لا وحبيبتو مفقودة مش عارفها حية ولا ميتة ركب طنوبيلتو وحط راسو على الفولون قلبو يوجعو بزاف باغي غير يشوفها ويرتاح حاس بحجرة تقيلة على صدرو تخنقو قلع لوجه غير معروفة باغي غير يبعد مش مهتم لنهى لي خلاها وحدها ولا لهدرة المعروضين .مافاق حتى لقا روحو قدام البحر بقا واقف يتأمل فالنجوم ولمعة الحزن باينة فعينيه مدة وهو ساهي حتى فيقاتو ضربة على كتفو مانتبهش للشخص لي ضربو واعتذر منو وراح بعيد . كان باغي يرجع لطنوبيلتو حتى لمح ورقة مرمية فالأرض هزها شاف موراه باينة لهداك الشخص لي ضربو ضار موراه يعيطلو لقاه بعد لابس سورفات واسعة وكاسكيطة على راسو. حل الورقة وحل عينيه بتساؤل مافهمش المحتوى تاعها
<ماتحوسش بعيد الحقيقة راهي قريبة منك > شاف فهداك الشخص جا يتبعو لقاه اختفى ضرب جبهتو بعصب . قلع متوجه للقصر يمكن يلقا جواب لإستفساراتو.رجع لقا القصر هادئ الناس كامل راحو بقاو غير عائلتو ونهى لي خسرت كامل ماكياجها بالبكا .ماخسر عليها حتى شوفة طلع لبيتو دوش وخرج لاوي عليه فوطة توجه للبالكو يكمي وعينيه مافيهم حتى تعبير .تعصب كي حس بيها معنقاه من ضهرو دفعها بالجهد حتى طاحت فلرض.دار عندها طلعها من شعرها قريب يقلعو من بلاصتو وهدر معصب
_ اخر مرة تقيسيني ولا دخلي لبيتي برااااا
شافت فيه بعيون مدمعين
_ ولكن انا مرتك وهدي ليلتنا
ناضت رح تحط يدها على صدرو .شدها بخفة لوا على ضهرو حتى غمضت عينيها بالم
_ تزيدي دقيقة هنا مزال مانعقلش عليك
طلق منها وراح للبالكون وهي هربت لبيتها مخلوعة من العنف لي فيه
هزت تلفونها عيطت شويا حتى جاها الرد
_ اقتلوها عذبوها حرقوها المهم نبغيها تختفي من هاد دنيا
_ خليناها تروح
حلت عينيها بصدمة وعيطت
_كي كيفاش تخلوها تروح كيفاااااااش.
_ اخر مرة ترفعي عليا صوتك . راني كلفت لي يراقبها
مش نتي لي توريني شغلي .كملي غير المهمة تاعك بزاف عليك
هدرت بتوتر
_ ولكن رح ترجع للقصر وتخسرلي كلش
_ متقدرش ترجع منصف رح يكشف لعبتها
_ وواش نديرو مع ايما ؟؟
_ هههههه مدللة الدون .مزالها وقتها هديك .دوك انا نتكلف بيها نتي تلهاي بماثيو برك. كوبا عليها ورح يكمل ليلتو مع بنات الليل
على طاولة العمليات كانت الجينيكولوغ تخدم بتركيز تحاول ماتتوترش باش ماتخسرش المريضة شويا حتى سمعو جهاز القلب يدير صوت دلالة على توقف قلب المريضة تخلعت وحبست العملية جابو جهاز الصدمات الكهربائية بداو يديرولها ووالو لا استجابة شويا حتى سكت قلبها ...
شافهم هيثم طولو لداخل دخل بلا مايستأذن لقاهم غطاوها بغطا ابيض .حل عينيه صفاحي مش مستوعب واش صرا بقا متصنم فبلاصتو مايرمشش ماحسش حتى بتلفونو لي يصوني .حتى وقفت عليه طبيبة ونظراتهم كلهم اسف
_ اسمحلي ا سيدي فقدنا المريضة .صراو مضاعفات فالعملية وسكت قلبها
شنق عليها وعينيه خارجين
_ كيفااااش ماااااتتت كيفاااااش دوك تعتقيها دبري راسك .
_ سيبون ماتت اسيدي معندنا مانديرو الله يبدل محبتها بالصبر.طلق منها بقوة وتوجه عند ياسمين نحا عليها الغطا شاف وجها كلو صفر ومافيهش لون .تحسس النبض تاعها لقاه متوقف .غمض عينيه معصب .هز تلفونو رد بلا مايشوف شكون المتصل
_ واشبي### ماتردش
قاطعو بصوت باين فيه الحزن
_ ياسمين ماتت😔 وكوبا عليه
معامن حكات نهى فتلفون
واش تتوقعو راح يصرا منبعد موت ياسمين
فرايكم ياسمين صح ماتت ؟؟ولا غير لعبة جديدة منها
أنت تقرأ
حب أو حرب
Misteri / Thrillerفرايكم يقدر الحب يفوز على الحرب فهاد القصة رح تشوفو مزيج منهم الاثنين نتمنى تعجبكم روايتي الأولى
