طاح الليل وعم الهدوء فارجاء القصر ياسمين رجعت مع الشوفور ودخلت لبيتها تاخذ قسط من الراحة اما الباقي كل واحد وين راهو .كانت متكية فبلاصتها حتى ناضت طافجة طاحت فبالها فكرة .بعتت ميساج لخوها منبعد راحت لدريسينغ تبدل عليها لبست شوميز دو نوي وخرجت لقات نهى لتحت فالصالون تصبغ ضفارها وايما حداها شادة كتاب تقراه جات تسلم حتى شافت هيثم داخل راحت تجري عندو شدت فدراعو وباستو على خدو وهدرت بابتسامة
_ عسلامة حبي
دفعها عليه وحكا بصرامة
_ واش راكي ديري يخي تفاهمنا حتى واحد مايعرف بلي رانا مع بعض
شافت فيه بعبوس ودلات شنايفها
_ ديزولي ماتحكمتش فروحي كي شفتك .واش ندير نتا شباب بزاف . ضحك عليها وطلع لبيتو اما هي توجهت عند البنات ونطقت باستفزاز موجهة كلامها لنعى
_ وين تعرفتي على ماثيو. باينة فشي كباري ياك .شافك ترقصي وداك معاه لشي شومبر تبرديه ونتي لصقتي فيه
تعصبت نهى وحبت تنوض تنتفها حتى كملت ياسمين
_ اوبس تعصبتي .تؤتؤ مايليقش العروسة تتنارفا قبل العرس رح يطلعولك تجاعيد وشوفي وقتها شكون يقبل بيك. كملت هدرتها وجات طالعة لبيتها بابتسامة انتصار اما نهى رح تطرطق بالأعصاب هدرت بمكر
_ ممم على الأقل انا رح يتزوج بيا مش كيما نتي دايرك غير ق* كي يمل منك يرميك هههههه . دورت وجهها وشافت فيها بابتسامة . اما ايما غير تشوف مالقات ماتقول
بدات تقرب ليها بهدوء يخلع حتى لحقت عندها ونهى وقفت تشوف فيها بتحدي طلعت يدها رح تصرفقها حتى شدها واحد من الخلف .دورت وجهها ببطئ لقات ماثيو معصب وعينيه حمر ويهدر مزير على يدها قريب يكسرها
_ آخر مرة تقربي لمرتي ولا تحاولي تآذيها ولو بكلمة فهمتي
_( ابتسمت باستهزاء) مرتك ههه صاي ولات مرتك . كون متأكد انو مرحش نخلي هاد زواج يكمل ولو على موتي. نترت يدها وطلعت سمعاتو يهدر من خلفها
_ رح يكمل غير هني روحك
شافت هيثم الفوق يتفرج فيهم شكلو سمع كلشي .بدات تدمع وتضرب فوجهها باش تبان كانت تبكي غي شافتو دخل لبيتو راحت تبعاتو دخلت بلا مادق الباب لقاتو واقف يكمي فالبالكون تلاحت عليه عنقاتو من ضهرو وتبكي وتتقلش عليه
_ هيثم اهئ اهى اهى شفت واش راهم يديرولي .شفت كيفاش يتعاملو معايا 😭😭😭😭😭 وكأني حشرة مش انسان .انا عييت ا هيثم عييت .دوراتو عندها وكملت هدرتها
_( شدت وجهو بيديها صغار) غير نتا لي حنين معايا فهاد.دار.وجامي آذيتني .حطت راسها على صدرو .وهو مالقا مايقول مزال ماستوعب هاد الأحداث كلها .
بعدها شويا عليه طلع يدو ينحيلها شعرات لي طايحين على وجهها كانو عينيها حمر ومنفوخين( منعرف كي دارتلهم مهم تبان كانت تبكي صح) وفمها منفوخ ووردي شهاتو يبوسها ولكن تحكم فروحو هدر بهدوء وانفاسو تحرق فيها
_ ششش خلاص ماتبكيش ا زينة تاعي حتى حاجة ماتستاهل دموعك( حلاب برو ماكس😒)
حطت جبهتها على جبهتو وحكات بهمس ويديها يتحركو على صدرو
_ نقدر نبات عندك هاد ليلة؟ مش حابة نبقا وحدي بلييز
وشافت فيه بعيون القطة مقدرش يرفض
_ أكيد ارواحي عندي. ابتسمتلو وباستو فخدو وتوجهت للباب
_ نروح نجيب شي حاجة ونرجع اوك بالاك ترقد وتخليني
_ اوكي ماطوليش
راحت ياسمين للكوزينة جبدت شيبس ومكسرات وسقايط وجو جات تخرج حتى تقابلت مع ماركو شدها من دراعها وقالها بهمس
_ واش هبلتي نتي ولا مالك باغية تسلميلو نفسك بهاد سهولة . صح مكبرناش مع بعض مي نتي ختي وعرضي. منقدرش نسمح بهاد شي مستحيل نخليك تروحي عندو
_ متخافش عليا عارفة واش راني ندير دوك خليني نروح.ونتا دير واش قتلك
جا يهدر قاطعو دخول ماثيو .شافهم طلع حاجبو باستغراب
_ واش كاين هنا؟
ردت عليه ياسمين
_ مكان والو. وطلعو هاربة منهم .دخلت لبيتها دارت كريمات للحمها وشويا مكياج خفيف وراحت عند هيثم دخلت لقاتو مكسل فبلاصتو لابس غير شورط ويخربش فتلفونو .شافها ناض جيهتها وعينيه على لحمها لي كلو باين وتبان مغرية جبدها من حسرها حتى تضربت فصدرو .
_ ممم هاد زين كامل ليا انا؟( وفوت لسانو على شفايفو بشهوة)
_ ( شنفت بدلع) اوبس هيثم طيحتلي الشيبس
بقا ساهي فيها باغي غير وقتاش يذوقها بعدت منو راحت جيهة سرير وهزت بيسي من فوق الكوافوز وضربت بيديها على سرير باش يجي حداها وهادشي لي دار دارو فيلم رومانسي وبقاو يتفرجو معانقين بعض وهو يلعب بيديه فعنقها وفوق صدرها
صبح صباح ماثيو كان هو وماركو ماشيين فالممر جيهة البيرو تاع ماثيو حتى هدر ماركو
_ نتا سبقني .نروح نفيق هيثم مستحقو فحاجة ونرجع. اومأ لو ماثيو بالإيجاب وراح جيهة بيروه .قبل مايلحق سمع صوت ماركو يعيط .تبع مصدر الصوت حتى يتفاجأ بمنظر جامي تخيلو
ياسمين راقدة على صدر هيثم وعريانين ....
توقعاتكم للبارت الجاي..
أنت تقرأ
حب أو حرب
Misterio / Suspensoفرايكم يقدر الحب يفوز على الحرب فهاد القصة رح تشوفو مزيج منهم الاثنين نتمنى تعجبكم روايتي الأولى
