The Scars in Our Hearts

Chapter 19

Annie's POV

Nakailang buntong hininga na ko para lang mapanatiling kalmado ang sarili ko. Sino ba naman kasi ang di mauubusan ng pasensya sa makulit na si Sheen? Kanina niya pa ko sinisiko sa tuwing maglalapit si Adam at yung girlfriend nyang si Jen. "Bakit ba yan pumunta dito? Judge?" Nakangusong sabi niya.

Pinagtitinginan si Jen ng mga tao na nandito sa basketball court. Pansin na pansin kasi yung ganda niya at halata mo pang mayaman. Nakasuot siya ng dilaw na flowy-dress kaya lalo siyang tumingkad sa tag-araw.

Dinalan niya kami ng pagkain. Puro mga sweets na mamahalin na inorder niya pa daw overseas. May cupcakes, blueberry cheesecake, at sandwich. "Papatayin ata tayo nito sa tamis." Bulong ni Sheen habang inuubos yung pangtatlo nang cupcake na kinuwa niya.

Hapon na at katatapos lang ng practice namin. Saktong dumating si Jen na may dala ngang mga pagkain. Tuwang tuwa silang lahat. Habang ako ay ngumingiti nalang.

Kahit pilit kong inaalis sa isipan ko yung kirot na nararamdaman ko, di ko naman magawang pigilan to. Kaya sinasadya kong lumayo ng upuan sa kanila at nagtago sa likod ni Sheen. Kunware nalang na abala ako sa pagkain kahit sa totoo lang ay di naman to tinatanggap ng sikmura ko.

"Gosh, sayang, di ko kayo naabutan na kumakanta. Anyway, bukas babalik nalang ako." Sabi ni Jen sabay tawag niya sa'kin. "Annie, you're so silent there. I'd like to be closer pa naman sayo, come sit beside me. Please?" Aniya nang may malambing na tono.

Tipid akong ngumiti at tumabi nga sa kaniya. Nakaupo naman sa kabila si Adam. Ang awkward lang. Pero bakit ba ko kinakabahan?

"Yey!" Umangkla siya sa braso ko at pinatong pa ang ulo sa balikat ko. Napalingon ako kay Sheen na umuusok na ang ilong.

"You know what? I was really shock when Love said to me na classmate ka niya sa Diamond High, like, gosh parang kailan lang nasa AEU ka pa."

"AEU? Yung mamahaling school?" Pagtataka ni Evan.

"Yah! Aldea Evangelical University. Omg, didn't you know? Dun galing si Annie, schoolmates kami dati dun pati nila Sheen and Adam. And she was quite popular for being the professor's daughter. Mind you, the best psychology professor in Aldea."

"Lah, totoo, Nie?" Namamanghang tanong ni Jasper. Napipilitang tumango ako.

"Eh? Di pa pala nila alam? Sorry, Annie! Akala ko kasi nakuwento mo na. Are you like being pa-mysterious? That's fun ha."

"Jen.." Sabi ni Adam.

"What? I really like her, you know. She's been helping you with stuff. Kaya lang, Annie, I think you've changed a lot since you transferred here. You didn't look like that before eh. I mean, with the makeup and such. And don't you think your skirt's a bit shorter than normal?"

"Hangga't di niya winawagayway yung palda niya sa harap mo, wala kang pake." Nanlaki ang mata ko sa sinabi ni Pres. "Shouldn't you care for your own looks? Wala sa lugar ang get-up mo pero di ka naman namin sinabihan ng far from normal. Tignan mo muna yung sarili mo bago ka mamuna ng ibang tao."

Mukang nagulat din si Jen sa narinig niya at napahawak sa dibdib niya. "H-hey, relax. I have no intention on offending anyone. Why, Annie, did you take it the wrong way?"

Di ko tuloy alam ang isasagot ko dahil parang maluluha na siya.

"Nakaoffend ka man o hindi, mali pa rin yung punahin mo siya sa itsura niya habang kaharap ang maraming tao. Magkakaibigan kami dito, hindi mga husgado."

"Pero that's not what I meant." Pinunasan ni Jen yung luha niya. "Love, I have to go, I think they don't like me being here."

Nagwalk-out sya. Sinundan naman agad siya ni Adam matapos humingi ng sorry sa'min. Pinanood ko lang siya na nagmamadaling sinundan yung girlfriend niya.