الساعه ١٢ بالليل تقريبا دخلت نجد الغرفه وهي ترتب السرير لمن دخل عناد وهو حامل وطن بيدينه ونزلها على السرير لمن ابتسمت نجد وهي تغطيها وتتنهد براحه وتنطق :مرتاحهه اليوم والرواق عالي
ضحك عناد وهو يسحبها له وحط يده من فوق كتفها وينطق :ايه توني استوعب انش تحبين وطن أكثر مني ايام وانا راز وجهي قدامش ما عبريني و وطن الله ربي
ضحكت نجد بقوة وهي تمسك يده الي فوق كتفها وتنطق وهي تمشي معه :لا تسوي الحين حركات المتزوجين وتبدأ تغار
عناد ابتسم :شنسوي مب بيدي؟
جلسوا وهم يضحكون ويسولفون ومرتاحين وهم يناظرون بنتهم الي نايمه قدامهم لمن نطق عناد :نجد
نجد:لبيه
عناد :لبى عيونش يا عيوني بقولش شي
نجد :اسمعك
عناد :بكره راجعين للجنوب بإذن الله ابي نبدأ حياة جديده وبدايه جديده هناك يا نجد بعيده عن الكل
ابتسمت نجد له لمن كمل كلامه :بس اذا ما تبين
قاطعته وهي تنطق :وش مابي انا ابي اروح هناك وابي اعيش هناك مع خالتي وعمي ومعك ومع غصن وبنتنا
عناد ابتسم براحه وهو ينطق :صدق يعني نتمم السفره ؟
نجد ضحكت وهي تنطق :تمم
عناد :أجل وش رايك تخاويني الليله؟
نجد: لوين؟
عناد :مافي شي محدد نلف الشوارع ونودع الأماكن
نجد غمزت له وهي تنطق :تم
قامو وهم يجهزون وحطو وطن عند غصن وطلعوا مع بعض
عناد كان ماسك الدركسون بيد والثانية مدكي فيها على جنب الباب وصوته بدأ يدندن بصوت خفيف:
بيني وبينك حب عمر مو يوم يوميـن
نجد التفتت عليه بنص ابتسامة ونطقت: صوتك هذا يصلح للتسجيلات القديمة وكأنك تغني بمقهوة شعبية
عناد ضحك وهو ينطق ويناظرها:بس قولي الصوت رهيب ولا لا؟ ترى لو بتسوين حفلة أنا جاهز أكون الفرقة الموسيقية
نجد كتمت ضحكتها وهي تطالع الشباك ورجعت تطالعه ونطقت:طيب غنّ خلني أشوف هالصوت الرهيب اللي تتفاخر فيه
عناد ما صدق على الله رفع صوته شوي وهو يغني:بيني وبينك حب عمر... مو يوم يومين
نجد حاولت تكون جادة بس ما قدرت تمسك نفسها وبدأت تدندن معه بصوت خفيف:مكتوب ومقسوم ما هو بيدينـا...
عناد قطع الغنية وهو ينطق :هاه؟ وش ذا الصوت؟ والله نقدر نصير دويتو ونكسر السوق
نجد ضربته على كتفه بخفة وهي تنطق :إيه لا تتحمس دويتو عاد! هذي آخر مرة أغني معك
عناد بضحك :ما ألومش صوتي طاغي وأخذ الجو
نجد سكتت شوي وهي تحاول تخفي ابتسامتها وبعدها بدت تدندن لحالها بصوت خفيف:بيني وبينك حب عمر
عناد شافها بطرف عينه ونطق :يا بنت ترى ما ألومش لو عشقتني كل الناس تطرب لصوتي
نجد ما قدرت تمسك نفسها وانفجرت ضحك ونطقت :عناد ترى غرورك أكبر من الطريق اللي نمشي فيه
