نجد لبست عبايتها وهي تنطق :غصن تكفينن انتبهي لها في برد إذا رجعتي البيت لبسيها شي ثقيل
غصن ابتسمت :يا عروسه خلص خلي وطن علي بس انتي عجلي عريسش ينتظر
نجد ضحكت وهي تنطق :ابد ما نخلي اخوك ينتظر الحين طالعه
ودعت غصن و ودعت بنتها الي كانت نايمه وهي تطلع مع ام عناد الي وصلتها عند عناد الي استقبلها وهو يودع امه وبعدها فتح الباب لنجد لمن ركبت ورجع يركب جنبها ويتنهد براحه لمن نطق وهو يشابك يده بيدها ويرفع يدها ويبوسها نطق :أخيرا يا بنت نجد العذيه أخيرا يا بنت السياف أخيرا صرتي حرمتي علما وعلناً
نجد ضحكت وهي تنطق :طيب انا حرمتك من قبل حتى
عناد :ايه بس مب مثل اليوم اليوم مافيه كذب ومافيه عتاب
نجد ارخت راسها على كتفه ويدينهم مشابكه ونطقت :عناد
عناد :عيون عناد يا حبيبته سمي وش بغيتي
نجد ابتسمت بخفه وهي تنطق :ابيك دوم قربي
عناد ابتسم وهو يميل راسه لها ويبوس راسها وينطق :قربي؟ نجد انتي أقرب من انفاسي وشلون أكون بعيد وأنا عيوني ما تشوف إلا أنتي وجودش بحياتي مو مجرد قرب هو كل الحياة ابيش تدرين كل لحظة تمر وأنا أشوفش أحسني أملك الدنيا وما فيها
صوته صار أعمق وهو يشد يدها بقوة ويكمل :نجد لو أقدر أضمش لقلبي طول العمر ما كان تركت مجال حتى للهوى يفصلنا انتي حبي انتي حياتي وانتي اللي ما أتخيلني بدونه لا اليوم ولا العمر كله
ناظرها بعينه وكأنه يهمس لعالمها ناطق : وإذا قربش هو اللي تطلبينه... فأنتِ ما طلبتِ إلا قدري اللي أعيشه بكل شوقي وحبي
نجد ابتسمت ماقدرت تخفي ابتسامتها تحب كلامه وتحب اسلوبه وكيف يرد عليها بالطريقه الي ترضيها وترضي حبها وعشقها له : أجل قرب أكثر لا تخلي بيننا ولا حتى نسمة هوا
بعده بدت تضحك بخفة وتنطق :بس ترى إذا كل مرة بتقول كلام زي كذا بخاف ينتهي مخزونك الشعري
عناد ابتسم بثقة نطق: مخزوني؟ ياحبيبة عناد معش ما ينتهي الكلام ولا تنتهي المشاعر
نجد بنظرة دافيه نطقت :الله الله لازم اخذ دروس عشان اعرف ارد عليك
عناد :انا يكفيني كلمة احبك منش
ابتسمت وهي تشوفه ينزل الشبابيك ونور القمر إضاء لهم مع الهوى البارد لمن تنحنح وهو ينطق :
يا بنت السياف يا نجد العذيه
قلبش أمانه صار ملك يديني
بليلة العمر يا أجمل هدية
صرتي حرمتي وشوقش يحتويني
يا غيمة الورد عطرش يسري
ويا نجمة الليل في عيونش ضي
بش تكتمل دنياي وكل أمسي
وفي قربش، العمر ورد ومي
يا بنت نجد، يا قلب عناد
حبك سكن وسط الضلوع حلالي
كل الحكايات في وصلش ميلاد
وكل الغرام بدا معش، لا تبالي
