٠ نجد :أخذها
عناد :خليها يانجد
ام عناد ابتسمت :سبحان الله الي حاطط فيها القبول هاذي البنت
عناد ابتسم وهو يبوس راس وطن الي نايمه بحضنه ونطق :هذي الوطن كانت وطنا بالغربه
غصن ضحكت :الله عليك يا عناد نسيت نجدك
عناد ناظر نجد وابتسم بخفه ونطق :نجدي العذيه بالقلب ساكنه
كتمت ابتسامتها نجد بخجل وهي تشوف ابو عناد الي نطق :طيب يا ولدي خلك الحين من وطنك ونجدك وقولنا وش صار معاك
تنهد عناد وهو ينطق :مادري ماذكر الا لمن دخلت خط الديره ماقدرت اتحكم بالسياره وكان في ناس قدامي وخفت يصير لهم شي بسببي ولفيت للوادي
وبعدها ما اذكر شي الا كل ما اصحى في احد يعطيني ابره وافقد الوعي وعلى هالحال ويوم صحيت لقيت نفسي مربط بحبال ومتعب كان معي وهو مخطط لكل ذا
غمضت عيونها نجد بقهر لمن عرفت مين السبب وابو عناد الي نطق :متعب نفسه؟
هز راسه عناد وهو ينطق :بس امس قدرت اهرب ولمن شافوني في واحد صاوب علي بس اني ابتعدت عنهم وطحت مادري وين وصحيت الحين
نجد :انا اوريه الحمار
غصن تحمست وهي تنطق :حي عينها بنت سياف وانا معاش
نجد رفعت كم عبايتها وهي تنطق :تجين
غصن فزت :اكيد
عناد :هي هي هدو حبيباتي لوين؟
نجد :لوين اكيد نوري الكلب ذا وش نقدر نسوي
ابو عناد كتم ضحكته ونطق :اقول انثبري انتي وهي
غصن :والله ما اسكت له وانا اخت العناد أجل يسوي كذا بأخوي مايدري ان وراه عزوة
ام عناد :وانا بجي معاكم بوريه مين ام عناد بلعن خيره كيف يقدر يسبب كل ذا له
طارت عيون عناد وابوه وهم يناظرونهم وقفو ومحتزمات وشكلهم صادقين يبون يروحون لمتعب لمن نطق عناد :لا تقولون صادقين لاني بقوم العن خيرك انتي وهي
كان يأشر على غصن ونجد
نجد :مو من جدك تبيني انطم وهو مسوي كذا بزوج بنت سياف
عناد :يا حبيبتي يا نجد في شرطه هم بيعاقبونه
نجد :عناد بالله ذا الحركات وانت متوقع انه بيتظرك حتى تقوم وتبلغ عنه
عناد ابتسم ونطق :بس تم القبض عليه
غصن :تستهبل مو توك قايل لنا
مجد طرق الباب وعدلت نجد غطوتها ودخل وهو ينطق :افا ناسين مجد
ابو عناد :صادق ياولدي
مجد تقدم يسلم على عناد وبعدها نطق :الحمدلله على السلامه
وبعدها تقدم جلس جنب ابو عناد ونطق :عناد كلمني اول ما صحي ودلني على المكان بس الي كنا متوقعينه وان متعب يهرب فعلا صار ووصلنا مالقينا له أثر بس هم الاغبياء راحو للمستشفى عشان متعب الي أثرت فيه ضرب عناد واطرو يسعفونه
غصن ونجد فزو مع بعض وهم يصفقون ونطقو مع بعض :حي عينه ولد عبدالله
ضحك عناد ونجد استوعبت ان مجد فيه وجلست بفشله ومجد الي ابتسم ورجع يكمل :وهناك كان في عسكر وضباط ومنهم الي كانو بنفس السجن الي هرب منه ولمن عرفوه قبضو عليه ويوم قدمت بلاغ عنه اكتشفو انه هو نفسه السجين المهروب ونفسه الخاطف والي تسبب بالحادث وتم القبض على واحد معه
عناد :هو الي صاوب علي
غصن :والله لأ لعن خيره الحيوان ذا والله لوحد الدعاء عليه
ام عناد :الله يبتليه بنفسه الي سوا بوليدي كذا
نجد وغصن رفعوا يدينهم وهم يقولون :امينننن
ابو عناد ضحك وهو ينطق :الحين اكتملت لا ام صاحيه ولا بنت صاحيه ولا كنه صاحيه
عناد ابتسم :كله مو خوفهم علي
