٠ نجد ابتسمت وهي تاخذ نفس وتنطق :يا عناد، أنت اللي خذيت مكان القلب وصرت الأمان اللي ألقاه بين احضانك
عناد ابتسم وهو ينطق :إذا كنت أنا أمانش، فأنتي سعادتي وراحتي، وجودش هو اللي يكملني، وكل لحظة معش تخليني أشعر إني بخير
نجد شابكت يدها بيده وشدتها وهي تنطق :اوعدني انك تبقى لي وتبقى مصدر اماني اوعدني انك ما تبعد عني واوعدني اني ابقى نجدك ودلوعتك
ابتسم عناد وهو ياخذ يدها ويبوسها وينطق :افا يا نجد تبين وعد من عناد
نجد :اي
عناد حط يده من فوق كتوفها وهو يشدها له وينطق :طيب كم وعد قلتي
نجد :اولا توعدني انك تبقى ليي
عناد :أوعدش إنّي ما أتركش، مهما صار، أنتِ قلبي وروحي. ما في شيء بالعالم يبعدني عنش، وقلبي ملك لش، دام الروح تنبض فيني
نجد ابتسمت ونطقت :والحين اوعدني انك تبقى مصدر اماني
عناد رجع يبتسم وينطق :أوعدش إنّي أكون دائما مصدر أمانش، وما تخافين من شيء دامني جنبش. قلبي لش، وحضني مكانش وذراعي درع من الدنيا
نجد :والحين اوعدني انك ما تبعد عني
عناد ضحك وهو ينطق :عجبش الوعود
نجد ضحكت :انت اوعدني وبس
عناد أشر على عيونه ونطق:من عيوني يا حبيبة عناد
نجد ابتسمت تنتظره يكمل لمن نطق:أوعدش ما أبعد عنش، حتى لو صار كل شيء في الدنيا ضدي. أنتِ نجدي وحبيبتي ، ولا أقدر أعيش بدونش. مكانش دايمًا جنبي، وما عاشت الأسباب الي بـ تخليني أبتعد عنش
نجد ضحكت :اخر وعد
عناد ضحك معاها وهو ينطق :وشهو؟
نجد:اني ابقى نجدك ودلوعتك وحبيبتك
عناد باس خدها ورجع عدل جلسته ونطق:أوعدش إنش تبقين نجدي، دلوعتي وحبيبتي. مهما صار، مكانش في قلبي ثابت
نجد ناظرته وهي تنطق :افففف عناد وربي احبك ليه ما يطلع معي كلام زيك
عناد شد خشمها بيده وهو ينطق :انا يكفيني انش تقولين احبك بس والله ان هاذي دوا روحي
نجد ناظرته وبابتسامه نطقت :عناد
عناد :عيون عناد جعله فداش
نجد :احـ . صب لي قهوة
عناد ناظرها بابتسامته وهو كان منتظر انها تقول احبك ونطق :من عيوني اصب لش بس قولي احـ. وش اعرابهم الحين كمليهم
نجد :وش فيهم؟
عناد :حطي معاهم بك
نجد :فاضيه اجمع الحروف
عناد :اي الحين رجعت نجد العنيده
نجد :انا الحين عنيدهههه وانت وش تسمي نفسك
عناد :اسمي نفسي حبيب بنت سياف
نجد :يعني الحين انت حبيب بنت سياف وانا عينده لالا نبي تعادل
عناد: شلون
نجد :كيف وشلون انت اختار لي اسم
عناد :حبيبة قلب العناد
نجد :حبيته
عناد ابتسم وهو يغطي وطن الي نايمه بحضنه وبعدها ناظر نجد ونطق :تبين شعر
نجد :تعرف؟
عناد :كتبت اشعار من شهور وكنت انتظر اللحظه الي اقولهم وانا اناظر عيونش
نجد ابتسمت :أجل اتحفني
عناد ناظر عيونها بهيام ونطق :
يا حبيبة قلب العناد
يا حبيبة قلب العناد، فيكِ سحرُ الأزمان
تتراقص الأماني في عينيكِ، كالأزهار في الربيع
